Новости за 06.03.2016

რესპუბლიკელებსა და პრემიერს შორის გამართული შეხვედრის შესახებ დღეს შესაძლოა კოალიცია ქართული ოცნების პოლიტსაბჭოს სხდომაზე იმსჯელონ, რომელიც ოცნების ცენტრალურ ოფისში გაიმართება.

რესპუბლიკელებსა და პრემიერ-მინისტრს შორის შეხვედრაზე ორპარტიული შეთანხმების შესახებ დოკუმენტის გაფორმებაზე საუბარი არ ყოფილა.

სავარაუდოდ დღეს გახდება ცნობილი დაარეგისტრირებს თუ არა სამეწარმეო რეესტრი ლევან გაჩეჩილაძეს სტუდია მაესტროს გენერალურ დირექტორად.

ინციდენტი ბათუმში-მსუბუქი ავტომობილი გზის სავალი ნაწილიდან გადავიდა და გაზის მილს შეეჯახა. შემთხვევა მელიქიშვილისა და გორგასლის ქუჩების კვეთაზე მოხდა. შეჯახების შედეგად დაზიანდა ავტომობილი და გაზის მილიც, რის გამოც ბათუმის ნაწილს ბუნებრივი აირის მიწოდება შეუწყდა.

ძლიერი და მებრძოლი ქალები, რომლებიც მამაკაცებისთვისაც მაგალითები არიან. ადამიანები, რომლებსაც ცხოვრება მუდმივი შრომის ფონზე უწევთ. პოსტკრიპტუმი იმ ქალბატონების ყოველდღიურობით დაინტერესდა, რომლებიც მუშაობენ, ოჯახს უვლიან და შვილებს ზრდიან. პოსტკრიპტუმის ერთ-ერთი გმირი 10 შვილის დედაა და სოფელ შუაფხოს საჯარო სკოლის დირექტორია. ირმა ცქიფარაშვილი ამბობს, რომ არ უნდა შრომაში მეუღლეს ჩამორჩეს. 

მიუხედავად იმისა, რომ რობერტ გურგენიძე პარალიზებულ ცოლს და 9 წლის შვილს  მარტო უვლის და მის ოჯახს ელემენტარული საარსებო პირობები არ აქვს, ჯანდაცვის სამინისტრომ ოჯახისთვის სოციალური დახმარება მოუხსნა. რობერტ გურგენიძე ამბობს, რომ შვილს სათანადო კვებასაც ვერ უზრუნველყოფს. ხშირად მათი ერთადერთი საჭმელი სახლში გამომცხვარი პური და წვნიანია.

სამართალდამცავთა რეფორმირების ცენტრის ხელმძღვანელს ზვიად კუპრავას პროკურატურიდან არავინ აცნობა, დააკმაყოფილეს თუ არა  მისი მოთხოვნა და დაიწყება თუ არა იმ საქმეების ხელმეორედ გამოძიება, რომლებშიც პოლიტპატიმრის სტატუსის მქონე პირები ფიგურირებენ და რომლებშიც სამართალდამცავთა მიერ ჩადენილი სისხლის სამართლის კონკრეტული დანაშაულის ნიშნები იკვეთება.  

შეერთებულ შტატებში ნენსი რეიგანი გარდაიცვალა. უკანასკნელი ათწლეულების ყველაზე წარმატებული ამერიკელი პრეზიდენტის, რონალდ რეიგანის 94 წლის მეუღლე. ნენსი რეიგანი თავადაც მსახიობი იყო, მაგრამ ჯერ კიდევ ახალგაზრდამ დატოვა პროფესია და თავი მთლიანად მეუღლის კარიერას მიუძღვნა. ნენსის იცნობდნენ, როგორც თანამედროვე მოდის დიდ დამფასებელსა და ნარკოდამოკიდებულების წინააღმდეგ კამპანიის აქტიურ მონაწილეს, ასევე საბჭოთა კავშირთან ახალი ურთიერთობის ჩამოყალიბების მომხრეს. 80-იანი წლების ამერიკაში ყველამ იცოდა, რამდენად... Читать дальше...

ადიგენის რაიონის სოფელ ადიგენში მუსლიმანებსა და ქრისტიანებს შორის ფიზიკური დაპირისპირება მას შემდეგ მოხდა, რაც  ცნობილი გახდა რელიგიის საბჭოს გადაწყვეტილება, რომლის მიხედვითაც  მუსლიმებს მიეცათ უფლება, სოფელში ადგილობრივ მუნიციპალიტეტთან შეთანხმებით მოქმედი სასაფლაოსგან განცალკევებით ახალი მუსლიმური სასაფლაო გაეკეთებინათ.

აქამდე მოსამართლეობის მსურველთა გამოცდების ობიექტურობა ეჭვქვეშ არ დამდგარა. ყველას ახსოვს კადრები, როგორ იბეჭდებოდა საგამოცდო დოკუმენტაცია საზღვარგარეთ და ყველაფერი მკაცრად კონფიდენციალური იყო, თუმცა ახლა გამოცდები ელექტრონულად ტარდება და საგამოცდო საკითხებიც საქართველოში მზადდება. კითხვები მას შემდეგ გაჩნდა, რაც საქალაქო სასამართლოს ყოფილმა თავმჯდომარემ საგამოცდო დოკუმენტი გამოაქვეყნა.

მმართველ კოალიციაში შემავალი რესპუბლიკური პარტიის კანდიდატი, თავდაცვის მინისტრი საარჩევნო დარღვევების ინიცირებაშია ბრალდებული. ამ ბრალდებების ავტორი კოალიციაში შემავალი მრეწველთა პარტიის ლიდერია.

ოფიციალური მონაცემებით,  სამინისტროების  რემონტი ბიუჯეტს 7 მილიონიანი 368 ათასი ლარი უჯდება.  მთავრობის კანცელარიაში რემონტი უკვე მესამე წელია მიმდინარეობს და ამ ეტაპისთვის მხოლოდ 9 სართულის დასრულება მოხერხდა. ბიუჯეტიდან მხოლოდ დიზაინში 108 ათასი ლარი  გადაიხადა ინფრასტრუქტურის სამინისტრომ.

თბილისში, დღეს  რუსეთის ყოფილი საელჩოდან მთავრობის ადმინისტრაციამდე გაბმულმა ცოცხალმა ჯაჭვმა პროტესტი გამოუცხადა მთავრობის მცდელობას ქვეყანაში გაზპრომის შემოყვანასთნ დაკავშირებით. აზერბაიჯანთან დადებული ახალი ხელშეკრულებით საფრთხე გადავადებულია, მაგრამ აქციის ორგანიზატორები სხვაგვარად ფიქრობენ.  

ამ წუთებში სანზონაში მდებარე რესტორან "ელიტ-დარბაზში" 6 სახანძრო ბრიგადა მუშაობს. როგორც რუსთავი 2-ს სახანძრო-სამაშველო სამსახურში განუცხადეს, დაიწვა  რესტორნის დარბაზის ნაწილი, ასევე ცეცხლი მოედო რესტორნის  საწყობს. შემთხვევის შედეგად არავინ დაშავებულა.  ხანძრის გამომწვევი მიზეზი ჯერჯერობით უცნობია. 

აზარტული თამაშების რეგულირების მოთხოვნით შეიკრიბნენ დღეს მოქალაქეები პუშკინის სკვერში. შეკრების ინიციატორი ახალგაზრდა ფინანსისტთა და ბიზნესმენთა ასოციაციაა. მათი თქმით, აუცილებელია კამპანია მასობრივი გახდეს, რადგან პრობლემა საზოგადოების დიდი ნაწილს აწუხებს.

ირანში ერთ-ერთ უმდიდრეს ადამიანს სიკვდილით დასჯა მიუსაჯეს. ქვეყნის სასამართლომ ბაბაკ ზან-ჯანს სასჯელის უმაღლესი ზომა კორუფციის ბრალდების გამო შეუფარდა. ქვეყნის უმდიდრეს ბიზნესმენს გამოძიება მილიონობით ბარელი ნავთობის უკანონოდ გაყიდვას და სახელმწიფო სახსრების მიტაცებას ედავება. ბაბაკ ზან-ჯანი სანქციების გვერდის ავლით ნავთობით ვაჭრობისთვის შეერთებული შტატების და ევროკავშირის შავ სიაშიც შედიოდა. ირანელი, რომლის ქონებაც 13 მილიარდ დოლარს აჭარბებს, კორუფციის ბრალდებით სამი წლის წინ დააკავეს.

იუსტიციის მინისტრის წინააღმდეგ საკონსტიტუციო სასამართლოს თავმჯდომარის ბრალდებებზე გამოძიების დაწყებას ითხოვენ ნაციონალური მოძრაობის წევრები. ამავე აზრს იზიარებს სამოქალაქო სექტორის ნაწილიც. განსხვავებული დამოკიდებულება აქვს მომხდართან დაკავშირებით მმართველ კოალიციას.

60-მდე ადამიანი დაიღუპა ერაყში აფეთქების შედეგად. ტერაქტი ქალაქ ჰილაში მოხდა, რომელიც ბაღდადიდან 100 კილომეტრში მდებარეობს. დანაღმული ცისტერნა პოლიციის საგუშაგოზე აფეთქდა. დაღუპულთა შორის უმეტესობა მშვიდობიანი მოქალაქეა. აფეთქების შედეგად 70-მდე ადამიანი დაშავდა. ტერაქტზე პასუხისმგებლობა დაჯგუფება ისლამურმა სახელმწიფომ აიღო.

კიევში რუსეთის საელჩო დაარბიეს. ნადეჟდა სავჩენკოს გათავისუფლების მოთხოვნით ათობით აქტივისტმა გვიან ღამით დიპლომატიურ წარმომადგენლობას პიროტექნიკა ესროლა და შენობასთან გაჩერებული მანქანები დააზიანა. ვიდეომასალა ინეტრენტში გავრცელდა. მომხდარის გამო მოსკოვმა კიევს პროტესტის ნოტა გაუგავნა. უკრაინის პოლიციის ინფორმაციით, ინციდენტში ათამდე ადამიანი მონაწილეობდა, მათი ვინაობა ამ დროისთვის უცნობია. საქმე ხულიგნობის მუხლით აღიძრა.

ცოცხალი ჯაჭვი მთავრობის კანცელარიიდან რუსეთის საელჩომდე – ამ ფორმით თბილისში დღეს გაზპრომს კიდევ ერთხელ უთხრეს უარი. ცოცხალ ჯაჭვში ჩაბმული იყვნენ პოლიტიკოსები, სამოქალაქო სექტორის წარმომადგენლები და რიგითი მოქალაქეები. შეკრებილები გაზპრომთან მოლაპარაკებების შეწყვეტას და ტრანზიტის ძველი პირობებით გაგრძელებას ითხოვენ.

"ღია კარის მტვრევად" შეაფასეს გაზპრომის წინააღგმდეგ დღეს ჩატარებული საპროტესტო აქცია ხელისუფლების წარმომადგენლებმა. მათივე თქმით, ქალაქის ცენტრში შეკრებილების მოთხოვნა შექმნილი რეალობიდან გამომდინარე აბსურდულია.

დღეს ქუთაისში თავდაცვის მინისტრი სახმელეთო ჯარების დასავლეთ სარდლობის მესამე ქვეით ბრიგადას ესტუმრა. ხიდაშელმა საქართველოს მუსლიმი მოსახლეობის წინამძღვართან მუფტ ბეგლარ ქამაშიძესთან ერთად,  ბრიგადაში მომსახურე მუსლიმი სამხედროებისთვის ბაზის ტერიტორიაზე სამლოცველო გახსნა. გახსნას დაესწრნენ სამხედრო მუსლიმი აღმსარებლობის წარმომადგენლები.

ფარული ჩანაწერების გამოყენებას მიუღებლად მიიჩნევენ საპარლამენტო უმრავლესობაში და აცხადებენ, რომ სავარაუდოდ, გიორგი პაპუაშვილს ამის შესახებ ზუსტი ინფორმაცია არ აქვს. პარლამენტის ფრაქცია ქართული ოცნების თავმჯდომარის გიორგი ვოლსკის თქმით, რაც უფრო მოხალოვდება არჩვენები, მსგავსი განცხადებების რიცხვი მით უფრო მოიმატებს.

ქალაქის ცენტრში გაზპრომის წინააღმდეგ გამართული აქციაზე იმყოფებიან საზოგადოებისთვის ცნობილი სახეები. მათი თქმით, გაზპრომის შემოსვლით რუსეთი საქართველოში პოლიტიკურ სიტუაციებს გააკონტროლებს.  

გაზპრომის წინააღმდეგ მიმდინარე საპროტესტო აქციაზე პოლიტიკოსებთან ერთად საზოგადოებისთვის ცნობილი სახეები იმყოფებიან. არასამთავრობო ორგანიზაცია საქართველოს რეფორმების ასოციაციის დამფუძნებლის ელენე ხოშტარიას თქმით, საზოგადოების მხრიდან ძალიან მტკიცე პოზიციის შედეგად ხელისუფლებამ ამ ეტაპზე ეს პროცესი დაასრულა.