Новости за 19.02.2026

Татарстан Үзәк сайлау комиссиясе Дәүләт Думасына депутатлар сайлау алдыннан әзерлек эшен активлаштыра. Республика Үзәк сайлау комиссиясе рәисе Андрей Кондратьев комиссиянең 118нче утырышын ачканда шулай дип белдерде. Бу хакта Татарстан Үзәк сайлау комиссиясе матбугат хезмәте дип хәбәр итә.

Студенческие отряды Республики Татарстан провели уборку снега в Казани после обильных снегопадов и очистили около 10 тонн снега на участке по улице Фучика. Об этом сообщила пресс-служба Министерства по делам молодежи РТ.

Татарстан Республикасы студент отрядлары бураннан соң Казан урамнарын кардан чистартты. Бу хакта ТР Яшьләр эшләре министрлыгының матбугат хезмәте хәбәр итте.

Казанда автомобилен җәмәгать транспорты өчен билгеләнгән юлда калдырып киткән машина йөртүчегә җәза бирделәр.

Бүген «Казан» Гаилә үзәгендә 20 яшь татарстанлыга тантаналы шартларда паспорт тапшырдылар. Ватанны саклаучылар көне алдыннан оештырылган чараны Россия һәм Татарстан гимннары ачты.

Республикага якынлашып килгән буран сәбәпле, Татарстан Дәүләт автоинспекциясендә машина йөртүчеләрне торак пунктлардан читкә чыкмаска чакырдылар.

20 февральдә Казан федераль университетының Филология һәм мәдәниятара багланышлар институтында унынчы тапкыр «Телләргә өйрәтү методикасын камилләштерү: алдынгы тәҗрибә белән уртаклашу мәйданчыгы» дип аталган Халыкара фәнни-методик онлайн-семинар узачак. Бу хакта Филология һәм мәдәниятара багланышлар институтының матбугат хезмәте хәбәр итә.

Зәйдә бер предприятиенең 59 яшьлек хезмәткәренә карата кузгатылган җинаять эшен судка тапшырдылар. Йөк төягеч машинаның йөртүчесе булып эшләгән хатын-кыз куркынычсызлык кагыйдәләрен бозуда гаепләнә, дип хәбәр итә Россия Тикшерү комитеты ТР буенча идарәсе җитәкчесенең өлкән ярдәмчесе Андрей Шептицкий.

Мәскәүнең Муса Җәлил исемендәге 1186нчы мәктәбендә «Батырлык гасырларда калачак» дип исемләнгән төбәкара сәнгатьле укучылар конкурсы лауреатларын бүләкләү тантанасы булды. Финалга чыгучыларга дипломнарны Татарстан вице-премьеры, республиканың Мәскәүдәге тулы вәкаләтле вәкиле Равил Әхмәтшин тапшырды, ул бәйгенең оештыру комитетын җитәкли, дип хәбәр иттеләр Тулы вәкаләтле вәкиллек Телеграм-каналында.

19-20 февральдә Татарстан Фәннәр академиясендә күренекле татар язучысы Фатих Әмирханның тууына 140 ел тулуга багышланган «XX гасыр иҗтимагый-мәдәни контекстында Фатих Әмирхан» дип исемләнгән халыкара фәнни конференция уза.

Бүген Республика клиник хастаханәсенең медицина җәмәгатьчелеге 2025 елгы эшчәнлегенә йомгак ясады һәм 2026 елга яңа бурычлар билгеләде. Утырышта Татарстанның сәламәтлек саклау министры Альмир Абашев катнашты. Махсус шушы чара өчен әзерләнгән күргәзмәдә аңа клиника табиблары башкара торган уникаль операцияләр турында сөйләделәр.

Иртәгә, 20 февральдә, чираттагы атмосфера фронты Татарстанда һава торышы шартлары тагын да ныграк начараюга китерәчәк. Бу хакта ТР Гидрометеорология үзәге хәбәр итә.

Алабугада Sollers SF1 автомобиленең җиде урынлы пассажир версиясен җитештерүне бпшлап җибәрделәр. Бу хакта компания сайтында хәбәр ителә.

Татарстанда Яшел Үзән районы башлыгының элеккеге урынбасары Николай Бызинны ришвәт буларак җир участоклары алган өчен хөкем итәчәкләр.

Россия Президенты Владимир Путин «Россия тимер юллары» компаниясенең Ульяновск филиалы хезмәткәре Дамир Низамтдиновка II нче дәрәҗә «Ватан алдындагы казанышлары өчен» ордены медален тапшыру турында указ имзалаган. Милләттәшебез дәүләт бүләгенә эшендә ирешкән уңышлары һәм күпьеллык намуслы хезмәте өчен лаек булган. Бу хакта «Өмет» газетасы хәбәр итә.

Казанда Г.Камал исемендәге театрның яңа бинасы янында утлы һәм музыкалы фонтан урнаштырырга планлаштыралар. Бу хакта Кабан күле яр буен төзекләндерүнең өченче чираты проектын тәкъдим иткәндә Татарстан башкаласы мэры Илсур Метшин хәбәр итте.

Мәскәү Татар мәдәни үзәгендә «Китап җыеннары» татар китап клубы очрашуы беренче тапкыр яңа форматта узган. Бу хакта Мәскәү шәһәре Татар милли-мәдәни автономиясе төбәк иҗтимагый оешмасының матбугат хезмәте хәбәр итә.

Казан федераль университетының барлык тулай торакларын ике-өч ел дәвамында төзекләндерергә планлаштырыла. Бу хакта КФУ ректоры Ленар Сафин бүген Татарстан Дәүләт Советының 18нче утырышында хәбәр итте.

Татарстанда хәрби хәрәкәтләр ветераннарын, махсус хәрби операциядә катнашучыларны һәм аларның гаилә әгъзаларын, Советлар Союзы һәм Россия Федерациясе Геройларын, өч дәрәҗәдәге Дан ордены белән бүләкләнгән кешеләрне транспорт салымыннан азат итәчәкләр. Бу хакта бүген ТР Дәүләт Советының 18нче утырышында билгеле булды.

Татарстанда мөселманнар өчен изге Рамазан ае башланды. Бу айда дин тотучылар тәүлекнең якты вакытында ураза тота. Ураза быел 19 мартка кадәр дәвам итәчәк.

Татарстанда узган 2025 ел азагына булган мәгълүматлардан күренгәнчә, 55,4 меңнән артык күп балалы гаилә җир участоклары белән тәэмин ителгән. Бу хакта бүген ТР Дәүләт Советының 18нче утырышында Татарстанда кеше хокуклары буенча вәкаләтле вәкил Сәрия Сабурская сөйләде.

Бәһрәйннең Россиядәге илчесе Әхмәт Абдулрахман Мәхмүт Исмаил әс-Саати ТР Рәисе ярдәмчесе, «Россия-ислам дөньясы» стратегик караш төркеме рәисе урынбасары Марат Гатин белән очрашуда корольлекнең 2026 елда ислам дөньясының мәдәни башкаласы буларак Казанда узачак яшьләр форумнарында катнашуын раслады. Бу хакта төркемнең матбугат хезмәте хәбәр итә.

Сугыш елларында колхозда эшләгән Казанда яшәүче тыл хезмәтчәне Мөкатдисә Бәдретдинова бүген 95нче туган көнен бәйрәм итә. Бу хакта «Татар-информ»га ТР Хезмәт министрлыгы матбугат хезмәтендә хәбәр иттеләр.

Казанда файдалануга тапшырылган яңа йортлардагы фатирларга бәяләр гыйнварда 3,6 процентка кимегән. Әзер торакның бер квадрат метрының медиана бәясе 281 мең сум тәшкил иткән. Бу хакта «Яндекс» тематик эзләү экспертлары хәбәр итә. Документ «Татар-информ» карамагында бар. Рейтинг нейрочелтәр ярдәмендә төзелгән.

Бүген, Рамазан аеныңберенче көнендә, Татарстанда «Рамазан – изге гамәлләр ае» хәйрия марафоны башланып китте. Ел саен игълан ителә торган акцияне ТР мөселманнары Диния нәзарәте авыру балаларга, аз керемле гаиләләргә һәм мохтаҗларга ярдәм итү максаты белән оештыра. Бу хакта ТР Диния нәзарәте матбугат хезмәте хәбәр итә.