Новости за 08.09.2018

Преземете конкретен чекор на 30 септември, вие одлучувате за вас, за вашата иднина. Одлучувате дали ќе останеме сами, изолирани и беспомошни или ќе одиме во европското семејство и НАТО, повика вечерва премиерот Зоран Заев од централната прослава на 8-ми Септември, Денот на независноста на Македонија. Тој им се обрати, пред се, на младите, дека тие се иднината и дека тие се оние кои ја водат Македонија државата кон европската иднина. “Време е за европска Македонија. Да ја запечатиме независноста на 30 септември. Читать дальше...

Со забава на отворено пред зградата на Владата вечерва се одбележува 8 Септември, Денот на независноста на Македонија. Најмладите се забавуваа со Петко и 5+ Бенд, а прославата продолжи со оркестарот на Македонската филхармонија, заедно со Тамара и Тијана, кои изведуваа македонски евергрини. Дел од музичката програма се и Македонската филхармонија и маестро Џијан Емин со проектот „Оригинатор“ на продуцентот на електронска музика, Хуан Аткинс, како и домашните ди-џеи, Феки Фарис и Огнен Узуновски ... Читать дальше...

Координативното тело против референдумот и мрежата #Бојкотирам вечерва пред Собранието организираат прослава по повод 8 септември, Денот на независноста, а воедно и протест против Договорот од Преспа и против референдумот на 30 септември. Прославата и протестот почнаа во скопскиот Градски парк, а продолжија пред Собранието и Порта Македонија, под мотото “Среќен роденден Македонијо – Протестирам за да не е последен”. Дел од програмата се и неколку музички групи и КУД “Никола Јонков Вапцаров”.

Македонската поетеса и слемерка Елена Пренџова, од 28 август до 5 септември, учествуваше на првото издание на словенечкиот слем-фестивал „Изрекања – Фестивал на поезијата во Цеље“. На манифестацијата особено значаен бил мастеркласот што го одржал Кели Смит, човекот кој се смета за таткото на слемот и перформативната поезија.

Иако беше најавен како мирен и без партиски обележја, мал дел од учесниците на протестот во Солун против Договорот од Преспа се судрија со полицијата. Според локалните медиуми, на кои се повикуваат светските новински агенции, неколкумина биле лесно полесно повредени, а бил  фрлен и солзавец. „Сите со грчки знамиња во рака, дојдете да го преплавиме Солун по повод присуството на премиерот Ципрас на отворањето на меѓународниот саем. Собирот ги засега сите Грци, затоа што не треба да се дозволи словенизација... Читать дальше...

Македонија и Грција од наесен ќе ги намалат цените во роаминг меѓу двете држави, информираше министерот за информитика и администрација Дамјан Манчевски, по средбата со неговиот грчки колега Никос Папас на Меѓународниот саем во Солун, соопшти владината прес-служба. „На средбата со грчкиот колега, министерот Папас, ги продолживме разговорите за потпишување договор меѓу двете држави за намалување на цените во роаминг за нашите граѓани. Како заклучок од средбата со задоволство можам да кажам дека... Читать дальше...

Американскиот сенатор Рон Џонсон, еден од највисоко рангираните соработници на американскиот претседател Доналд Трамп, задолжен за специјални мисии, утре доаѓа во посета на Македонија на средби со државниот врв. Џонсон, кој е коспонзор на резолуцијата на Сенатот за поддршка на Договорот од Преспа, доаѓа пред претстојниот референдум на 30 септември, а покрај Македонија, ќе ги посети и Грција, Србија и Косово. Сенаторот Џонсон е еден претседавач на сенатската Комисија за безбедност на САД.

Севернокорејскиот лидер Ким Џонг-ун го прими писмото од рускиот претседател Владимир Путин и потврди подготвеност за официјална посета на Русија, информираше претседавачот на Советот на Руската  федерација, Валентина Матвиенко, по состанокот со Ким Џонг Ун во Пјонгјанг, објавија светските новински агенции. „Ја извршив задачата од Владимир Путин и ја пренесов неговата порака. Како одговор Јонг рече дека потврдува оти е подготвен и има желба да дојде во посета на Руската федерација“, изјави Матвиенко.

Ова беше тет-а-тет средба со канцеларката Ангела Меркел. Беше пријателска средба, како лидери на две сестрински партии. Главен акцент на разговорите беше претстојниот референдум, изјави лидерот на ВМРО-ДПМНЕ, Христијан Мицкоски, со германската канцеларка Ангела Меркел. Лидерот на опозицијата не го кажал ставот на ВМРО-ДПМНЕ ниту на Меркел и информираше дека следната недела ќе го утврделе нивниот став. „Јас ги истакнав позициите на нашата партија, зошто ВМРО-ДПМНЕ не може да го прифати овој договор со Грција. Читать дальше...

На еден ден по неуспешниот самит во Техеран на кој учествуваа претседателите на Турција, Русија и Иран, руски и сириски воени авиони почнаа да бомбардираат градови во покраината Идлиб, јавува Ројтерс. Очевидци и спасувачи јавуваат дека од воздух се нападнати повеќе села и градови во Јужен Идлиб, како и градот Латамнех на северот на Хама, кои се сѐ уште под контрола на бунтовниците. Сириски хеликоптери фрлале буриња со експлозив врз куќи во градот Кан Шејкун, изјавиле жители на таа област во јужен Идлиб за странските дописници. Читать дальше...

Германската канцеларка Ангела Меркел им порача на граѓаните дека на „историскиот“ 30 септември не треба да останат дома. Покрај со премиерот Зоран Заев, таа се среќава и со лидерот на ВМРО-ДПМНЕ Христијан Мицкоски, но не и со претседателот Ѓорге Иванов.

Суд во Каиро денеска потврди 75 смртни пресуди, меѓу кои и за лидери на Муслиманско братство во врска со демонстрациите во поддршка на претседателот Мохамед Морси во 2013 година. Тоа е најголем број смртни пресуди произнесени за едно дело. Одлуката беше донесена на 28 јули. Четириесет и четворица беа во судницата, а 31 се осудени во отсуство. По соборувањето од власт на 3 јули 2013 година на Мохамед Морси, првиот демократски избран претседател во Египет, државата беше зафатена од бран насилства со месеци.

Охрабрени сме да го направиме вистинскиот чекор на претстојниот референдум. Оваа посета на германската канцеларка Ангела Меркел, симболично на Денот на нашата независност и пред референдумот, е силна порака за нас. Охрабрени сме да го направиме вистинскиот чекор, рече премиерот Зоран Заев на заедничката прес конференција со канцеларката Ангела Меркел, по нивната едночасовна средба. Германската канцеларка го честиташе Денот на независноста и ги повика македонските граѓани да мислат на својата иднина. Читать дальше...

Поранешниот американски претседател Барак Обама го критикуваше актуелниот претседател Доналд Трамп и неговата Републиканска партија и ги повика демократите да се спротивстават на, како што рече, „злоупотребата на моќта“ и да го вратат разумот во политиката со своите гласови на изборите во ноември, објавија светските новински агенции. Во критиката до Трамп, Обама рече дека Американците живеат во опасни времиња и ги обвини републиканците дека претставуваат закана за демократијата и, како што рече... Читать дальше...

Со државни почести на платото пред Владата, македонскиот премиер Зоран Заев ја пречека германската канцеларка Ангела Меркел, која денеска престојува во прва официјална посета на Македонија. Меркел, како што информираат од Владата, е во еднодневна посета на Македонија за да даде јасна поддршка на нашата земја за Договорот од Преспа и да упати порака за успешност на референдумот со кој се отвораат вратите за евроатлантските интеграции на Македонија. По едночасовната средба, германската канцеларка... Читать дальше...

Џорџ Пападопулос, поранешниот дипломатски советник на Доналд Трамп, e осуден е на 14 денови затвор поради лажно сведочење во истрагата за можна соработка меѓу Москва и тимот задолжен за кампањата на републиканскиот кандидат, објавија новинските агенции. Тој доби и парична казна од 9.500 долари и една година условна казна со извршување работни обврски за општо добро. Пападопулос се изјасни за виновен во октомври 2017 година за лажно сведочење во ФБИ. Ова е дел од големата истрага во САД што се... Читать дальше...

Професорот Даниел Сервер од универзитотот Џон Хопкинс, кој важи за еден од најдобрите познавачи на политичките прилики на Балканот, вели дека претстојниот референдум на кој граѓаните ќе се изјаснат дали се за влез во ЕУ и НАТО со прифаќање на Договорот со Грција е клучен за македонската иднина. Во изјава за МИА од Вашингтон, тој додава дека со успехот на референдумот се менува официјалното име на земјата, но дека Македонците и понатаму ќе си се нарекуваат Македонци. „Тоа ја отвара вратата за... Читать дальше...

Посетата на српскиот претседател на Косово е голема дипломатска победа на Србија, изјави министерот за одбрана на Србија, Алексадар Вулин. Во изјава за РТС, Вулин оцени дека посетата на Александар Вучиќ на српските средини во Косово е показател дека Србија е рамноправен фактор во меѓународните односи. „Таа посета е меѓународна победа на Александар Вучиќ. Покажува дека работите во меѓународната заедница се промениле за Србија“, изјави тој.

Францускиот претседател Емануел Макрон подолго време најавува дека ќе поднесе нови предлози за Европската унија за да може да биде зајакната нејзината безбедност. Според него, Унијата мора да престане да биде зависна од американската воена моќ. Каде е Македонија меѓу желбата за членство во НАТО и зајакнувањето на европските сили за безбедност? Што ќе значи новата европска безбедноста архитектура за Западниот Балкан?

Македонија денеска одбележува 27 години од успешно спроведениот референдум во 1991 година на кој македонските граѓани се изјаснија за самостојна и суверена држава. На референдумот во 1991 година над 95 отсто од граѓаните што излегоа да гласаат позитивно одговорија на прашањето „Дали сте за самостојна Македонија со право да стапи во иден сојуз на суверени држави на Југославија“ Годинава, празникот се слави во нови услови со јунскиот Договор од Преспа за конечно надминување на повеќедеценискиот... Читать дальше...

Времето денеска ќе биде сончево со умерена облачност. Од претпладне, особено на запад ќе има зголемена облачност со повремен дожд и ретки грмежи, соопшти УХМР. Попладне повремен дожд ќе има и понекаде на северот и североистокот, а до крајот на денот врнежите ќе престанат. Ќе дува умерен северен ветер, особено долж Повардарието. УВ- индексот ќе биде 6. Утринските температури ќе се движат од 9 до 19, а дневната максимална од 26 до 33 степени.

Германската канцеларка Ангела Меркел пристигна ви Скопје во месецот кој завршува со референдумот за Договорот за името и евроатлантските интеграции. Германија е поддржувач на македонската евро-атланска интеграција

Германската канцеларка Ангела Меркел доаѓа во месецот кој завршува со референдумот за Договорот за името и евроатлантските интеграции. Германија е поддржувач на македонската евро-атланска интеграција