Обама: Републиканците ѝ се умилкуваат на Русија

Поранешниот американски претседател Барак Обама го критикуваше актуелниот претседател Доналд Трамп и неговата Републиканска партија и ги повика демократите да се спротивстават на, како што рече, „злоупотребата на моќта“ и да го вратат разумот во политиката со своите гласови на изборите во ноември, објавија светските новински агенции.


Во критиката до Трамп, Обама рече дека Американците живеат во опасни времиња и ги обвини републиканците дека претставуваат закана за демократијата и, како што рече, „ја делат земјата и ги поткопуваат глобалните сојузи умилкувајќи ѝ се на Русија“.


„Што се случи со Републиканската партија. Кога постои вакум во демократијата други гласови го исполнуваат тој простор и политиката на страв, одбивање и закопување се вкоренува“, рече Обама.