Новости за 12.09.2018

Потпретседателот на ВМРО-ДПМНЕ Митко Јанчев вечерва изјави дека неговиот став за референдумот е во согласност со одлуката на партијата секој да постапи според сопственото убедување, но оти неговиот предлог бил членовите на партијата да се повикаат да излезат на гласање и да гласаат „против“ референдумското прашање. Јанчев во изјави за неколку електронски медиуми кажа дека тој е против Договорот со Грција за името заради влез на Македонија во ЕУ и во НАТО. Потпретседателот на ВМРО-ДПМНЕ демантира... Читать дальше...

Девет рудари загинаа, а четворица се повредени кога се урна дел од рудник за јаглен во северозападен Пакистан, информираат локални претставници. Несреќата се случила изутринава во близина на градот Дара Адам Хел кога работниците влегле во рудникот. Не се познати причините за уривањето. Двајца од повредените рудари се во сериозна состојба. Ова е втора голема несреќа во рудник за јаглен во Пакистан во изминатиот месец. На 13 август најмалку 18 рудари загинаа во експлозија во рудник во близина на градот Куета.

Американскиот претседател Доналд Трамп издаде нова наредба за казнување странци за мешање во американските избори. Наредбата, потпишана денеска, доаѓа во време на постојани критики кон Трамп и кон неговата администрација дека го намалува значењето на заканите за американските избори, вклучително и за претседателските избори од 2016 година на кои тој победи. Директорот за националното разузнавање, Ден Коутс, изјави дека интензитетот на руското мешање не е како во 2016 година. Тој исто така рече... Читать дальше...

Најголем дел од парите предвидени за реконструкција на котлите на РЕК се потрошени, но резултатите покажале дека тоа не е доволно за заштита на животната средина.

Џип влетал во пешаци на преполн плоштад во градот Хенгдонг во кинеската провинција Хунан при што загинале девет луѓе, а 40 биле повредени, пренесуваат кинеските медиуми. Полицијата го уапсила 54-годишниот возач, кој, како што се соопштува, и претходно бил во затвор поради различни престапи.

Високата претставничка за надворешна и безбедносна политика на ЕУ, Федерика Могерини утре ќе престојува во Македонија каде се очекува да се сретне со премиерот Зоран Заев, со претседателот Ѓорге Иванов и со лидерот на опозцијата Христијан Мицкоски.Посетата е во пресрет на претстојниот референдум на кој граѓаните треба да се изјаснат за Договорот од Преспа.

Актуелниот претседател на Либерија и поранешен најдобар светски фудбалер Жорж Веа на 51 година настапи за својата репрезентација на пријателскиот натпревар против Нигерија. Веа во текот на професионалната кариера играше за Милан, Монако и ПСЖ, а во 1995 година ја доби наградата „Златна топка“ и од ФИФА беше прогласен за фудбалер на годината. Тој се повлече од активното играње фудбал во 2003 година, а во јануари беше избран за претседател на Либерија. Пријателскиот натпревар во Монровија беше... Читать дальше...

Американскиот секретар за одбрана Џејмс Матис доаѓа во посета на Македонија в понеделник, рече министерката за одбрана Радмила Шекеринска на почетокот од својата посета на Кочани. Според неа, посетата на првиот човек на најмоќната армија во светот покажува колку е голема поддршката за Македонија. „Тоа покажува дека светот ги отвори вратите кон нас, но сега останува на граѓаните на Република Македонија, на секој од нас поединечно да одлучиме дали таа отворена врата, дали таа подадена шанса ќе ја искористиме“, рече Шекеринска.

Академик Абдулменаф Беџети со свечена церемонија денеска беше назначен за нов, трет по ред, ректор на Универзитетот на Југоисточна Европа (УЈИЕ) во Тетово. Тој доаѓа на местото на Замир Дика, кој беше ректор во два мандата. На свеченоста присуствуваше и премиерот Зоран Заев кој му посака на новиот ректор одржување и унапредување на мисијата на УЈИЕ - висока научно-истражувачка дејност изградена на мултиетнички принципи. На свеченоста присуствуваа повеќе министри, пратеници, ректори од универзитети во земјава и странство... Читать дальше...

Македонската актерска легенда Милица Стојанова е годинешниот лауреат на наградата „Голема ѕвезда“ што ја доделува Друштвото на филмските професионалци на Македонија. Големото признание ќе и биде врачено на 22 септември, на отворањето на 39-то издание на Интернационалниот фестивал на филмска камера „Браќа Манаки“ што се одржува во Битола.

Поранешниот ирански потпретседател, кога претседател беше Махмуд Ахмадинеџад, Есфандиари Рахим Машаеи, е осуден на 6,5 години затвор под обвинение за загрозување на националната безбедност, објавија денеска иранските медиуми. Советникот за печат на Ахмадинеџад, Али Акбар Џаванфекр, беше осуден на четири години затвор во истиот случај. Јавниот обвинител за Државната новинска агенција ИРНА изјавил дека тие имаат право на жалба во наредните 20 дена. Конзервативецот Ахмадинеџад, кој беше претседател од 2005 до 2013 година... Читать дальше...

На 30-ти септември ќе излезам на референдумското изјаснување и ќе гласам „За“, вели во пишана изјава поранешниот претседател на Македонија Бранко Црвенковски. Тој наведува дека ќе гласа „За“,не затоа што смета дека Преспанскиот договор е голема победа и успех, туку затоа што смета дека е нужност од која „во даденава ситуација нема бегање.“ „Ќе гласам „За“, не затоа што мислам дека неговото спроведување нема да предизвика негативни последици, туку затоа што негативните последици од неговото пропаѓање ќе бидат несразмерно поголеми“... Читать дальше...

Референдумот е дел од демократскиот процес и останува на вашите граѓани да го донесат единственото решение за земјата, изјави министерот за надворешни работи на Холандија, Стеф Блок, по средбата со неговиот македонски колега Никола Димитров.

Европскиот парламент денеска гласаше за започнување на казнената постапка на ЕУ против Унгарија за постојано игнорирање на демократските правила, јавува Ројтерс. Со 448 гласови „за“, 197 против и 48 воздржани, предлогот беше усвоен на пленарната седница во Стразбур, со што за прв пат европското законодавство иницираше процедура за активирање на Членот 7 против земја членка на Унијата. Истата постапка во декември 2017 година Европската комисија ја започна против Полска.

Рускиот претседател Владимир Путин изјави дека Русија ги идентификувала двете лица кои Британија ги осомничи за труењето на поранешниот шпион Сергеј Скрипал и неговата ќерка со нервниот гас „новичок“, тврдејќи дека тие се цивили. „Занаеме кои се, ги пронајдовме“, рече денеска Путин на економскиот форум во источниот град Владивосток. „Секако, тие се цивили“, рече Путин очигледно одговарајќи на тврдењето на британската влада дека за труењето на Скрипал се одговорни двајца членови на руското воено разузнавање (ГРУ). Читать дальше...

Косовскиот претседател Хашим Тачи, за време на денешната заедничка прес -конференција со премиерот Зоран Заев ги повика граѓаните да излезат да гласаат на референдумот. Тој порача дека тие треба да заокружат „за“ и да го искористат историскиот момент за земјата со цел стабилност и мир на регионот.

Дебатата не е само за собирање на политички поени и надмудрување помеѓу ВМРО ДПМНЕ и СДСМ, туку станува збор за дебата на која што ќе се разговара за суштински прашања кои задираат во идентитетот на државата и треба да му помогнат на народот да одлучи во каква Македонија сака да живее, соопшти ВМРО-ДПМНЕ откако премиерот Зоран Заев денеска на барањето на лидерот на опозицијата за соочување во ТВ дуел, изјави дека тоа ќе го прифати кога Мицкоски ќе изнесе став за референдумот.  „Заев наместо да... Читать дальше...

Подготвен сум да прифатам дебата со господинот Мицкоски кога тој јасно и јавно ќе каже дека е против бојкотирањето, изјави премиерот Зоран Заев во однос на вчерашното барање за соочување во ТВ дуел од страна на претседателот на ВМРО-ДПМНЕ Хистијан Мицкоски.    „Штом тоа ќе го каже, веднаш ќе ја прифатиме дебатата. Ваквите ставови дефинитивно ја ставаат во заблуда иднината на Македонија“, изјави Заев одговорајќи на новинарско прашање на зедничката прес-конференција во Владата со косовскиот претседател Хашим Тачи. Читать дальше...

Лидерот на ВМРО-ДПМНЕ денеска не ни одговори дали ќе гласа на 30 септември. Како што е познато, тој синоќа повика секој да постапи по сопствено убедување. Во јавноста има поделени мислења дали е ова повик за тивок бојкот на референдумот за името и членството во НАТО и ЕУ.

Пристапните разговори кои се еден од последните чекори пред полноправно членство во НАТО, ќе ни помогнат да останеме фокусирани, да работиме напорно и да ги избереме вистинските приоритети, изјави министерката за одбрана Радмила Шекеринска на средба со заменикот-помошник генерален секретар на НАТО за политички прашања и безбедносна политика, Џејмс Апатурај, која се реализира во рамките на процесот за пристапни разговори на Македонија во Алијансата. „Со изработката на Стратегискиот одбранбен преглед... Читать дальше...

Судењето за предметот на СЈО „Титаник“ денеска беше одложено поради отсуство на обвинетиот Мартин Протуѓер. Адвокатот на Протуѓер му достави на судот лекарска документација и објасни дека обвинетиот ноќеска во два часот бил однесен на ургентен центар. Обвинителката Лиле Стефановска рече дека со лекарската документација се докажува спреченоста на обвинетиот да присуствува на рочиштето, но таа е со важност од седум дена. На денешното рочиште беа присутни сите останати обвинети. Освен Протуѓер, во „Титаник“ обвинети се Никола Груевски... Читать дальше...

Мораме да го дефинираме на неотповиклив начин нашиот однос кон зачленувањето на земјите од Западен Балкан, во спротивно други ќе го обликуваат нашето непосредно соседство, изјави претседателот на Европската комисија Жан Клод Јункер во своето годишно обраќање пред Европскиот парламент за „Состојбата на ЕУ.“ Јункер досегашните проширувања на ЕУ ги оцени како успешни, но наведе дека се уште „останува да се направат напори“, во однос на проблемите со владеењето на правото во неколку источноевропски земји како Унгарија, Полска и Романија. Читать дальше...

Рускиот претседател Владимир Путин предложи потпишување на мировен договор за Втората светска војна со Јапонија до крајот на годинава, „без предуслови.“ Путин изненадувачката понуда ја направи денеска, додека седеше до јапонскиот премиер Шинзо Абе на сцената на економскиот форум во рускиот град Владивосток. Откако Абе го притисна Путин за предметот на договорот и решението на деценискиот спор околу групата острови кои ги бараат двете земји, Путин рече: „идејата само дојде во мојата глава.“ ... Читать дальше...

Американскиот претседател Доналд Трамп планира да нареди нови санкции врз странски компании или индивидуалци кои биле инволвирани во мешањето на изборите во Соединетите држави, јави новинската агенција Ројтерс, додавајќи дека до тоа би можело да дојде уште денеска. Овој чекор би бил последниот во низата што ги презеде администрацијата на Трамп по заклучоците на американската разузнавачка заедница дека имало руско мешање во претседателските избори во 2016 година.

Претседателот на Европската комисија Жан Клод Јункер денеска претпладне во Европскиот парламент во Стразбур ќе го одржи неговиот четврти говор за состојбата на ЕУ. Главна тема, според медиумите, ќе биде миграцијата и заштитата на европските граници. Последниот негов говор доаѓа пред изборите за европарламентот во мај идната година и во контекст на тековната дебата за иднината на ЕУ, по Брегзитот во март догодина.