Новости за 15.03.2024

Татарстанның муниципаль берәмлекләр советы рәисе Әгъзам Гобәйдуллин тормыш иптәше Суфия ханым белән 65 нче сайлау участогына килеп, РФ Президентын сайлауда катнашты. «Татарстанның муниципаль берәмлекләр советы» ассоциациясе матбугат хезмәтендә сайлау участогы Казанның 96 нчы гимназиясендә урнашканын әйттеләр.

Быел Татарстанда, ТР Үзәк сайлау комиссиясе мәгълүматларына караганда, беренче тапкыр 86 мең яшь кеше тавыш бирә. Алар арасында Казан укучысы Мәдинә Хисмәтуллина да бар. Бүген иртән ул әтисе белән бергә Казан дәүләт мәдәният институтына сайлау участогына килде. Бу турыда «Татар-информ» хәбәрчесе Наталья Рыбкова яза.

Татарстанның Дәүләт Советы депутаты, юридик фәннәр докторы Игорь Бикеев Россия Президенты сайлаулары уңаеннан тикшерү изоляторындагы тоткыннарның сайлауларда катнашу хокукы барлыгын аңлатты.

Россия Президентын сайлауда катнашкан һәр татарстанлыга бирелә торган беләзекТатарстанның барлык районнары өчен бердәм. Татарстан вице-премьеры Ләйлә Фазлыева сүзләренчә, беләзек төрле районнарда узган чараларда катнашу мөмкинлеге бирә.

Татарстан вице-премьеры Ләйлә Фазлыева Россия Президентын сайлауда тавыш биреп, гражданлык бурычын үтәгән. Бу турыда «Татар-информ» хәбәрчесе Динара Прокопьева хәбәр итте.

Бүген иртән, Россия Президентын сайлауларның беренче көнендә, Казан һәм Татарстан митрополиты Кирилл 270нче сайлау участогына тавыш бирергә килде. Бу хакта Татарстан митрополиясе хәбәр итә.

Татарстан Дәүләт Советы рәисе урынбасары Марат Әхмәтов Андрей Туполев исемендәге Казан илкүләм тикшеренү техник университетында урнашкан участокта Россия Президентын сайлауларда тавыш бирүдә катнашты.

Ислам хезмәттәшлеге оешмасының сәяси мәсьәләләр буенча генераль директоры Мөхәммәд Сәлах Такая һәм Россия Федерациясе Президенты сайлауларын күзәтү бүлеге җитәкчесе Шакир Мәхмүд Бандар Мәскәү җәмигъ мәчетендә булды. Мөхтәрәм кунакларны РФ мөселманнары Диния нәзарәте халыкара департаменты җитәкчесе урынбасары Ислам Кожевников озатып йөрде. Бу хакта Россия Мөфтиләр шурасы хәбәр итә.

Бүген Россия Президентын сайлау старт алды. Бөгелмә халкы 15, 16 һәм 17 нче мартта иртәнге 8.00 дән кичке 20.00 сәгатькә кадәр тавыш бирә ала.

Татарстан халкы социаль челтәрләрдә сайлау участокларыннан фотолар урнаштыра.

Казан мэры Илсур Метшин Россия Президентын сайлауда катнашты. Бүген иртән ул Казан дәүләт мәдәният институтында урнашкан сайлау участогына килде.

Татарстанда сайлау участокларының эшен 16,4 мең күзәтүче, шул исәптән чит ил вәкилләре күзәтеп торачак. Бу хакта «Татар-информ» мәгълүмат агентлыгында узган матбугат очрашуында Татарстан Республикасы Үзәк сайлау комиссиясе рәисе Андрей Кондратьев сөйләде.

Быел Россия Президенты сайлаулары беренче мәртәбә 3 көн – 15 марттан 17 мартка кадәр дәвам итә.

Россия Президентын сайлауда халыкара күзәтүчеләр бүген Казан илкүләм тикшеренү-технологик университетында урнашкан 55 нче участок сайлау комиссиясендә булды. Испания, Индонезия, Доминикана Республикасы, Гватемала, Танзания вәкилләре өч көн дәвамында Татарстан сайлау участокларында тавыш бирү барышын күзәтәчәкләр.

Илнең югары вазифалы кешесен сайлау һәр гражданинның дәүләт белән идарә итүдә турыдан-туры катнашуы ул. Бүгенге көндә һәр кеше өчен үз сайлавын башкару бик мөһим. Бу хакта «Татар-информ»га ТР Иҗтимагый палатасы рәисе Зилә Вәлиева хәбәр итте.

Сайлаучыларга бирелә торган беләзек була торып, Казан җәмәгать транспортында кондуктор юл йөрү өчен түләүне сораса, 223-26-30 телефоны буенча Транспорт комитетына мөрәҗәгать итәргә кирәк.

Зәйнең политехник колледжы бинасында урнашкан 1448 нче сайлау участогына күпбалалы Әхмәтҗановлар тулы гаилә белән килде. Бу хакта «Зәй-информ» хәбәр итә.

Татарстан Республикасы Үзәк сайлау комиссиясе рәисе Андрей Кондратьев быелгы сайлау кампаниясенең үзенчәлекләрен ассызыклады һәм зур мәгълүмати һөҗүм баруын әйтте. Бу хакта ул «Татар-информ» мәгълүмат агентлыгында узган матбугат очрашуында сөйләде.

Бүген иртәнге сәгать 8дә Казан дәүләт мәдәният институтында 283 һәм 340нчы сайлау участокларын ачу тантанасы булды. Бина фойесында тавыш бирүдә катнашучыларны «Казан нуры» халык уен кораллары оркестры коллективы һәм институтның 70 кешедән торган җыелма хоры каршы алды.

Татарстан Рәисе Рөстәм Миңнеханов тормыш иптәше белән бергә Россия Президентын сайлауларда үз тавышларын бирде. Бу хакта «Татар-информ»га ТР Рәисенең матбугат хезмәте җитәкчесе Лилия Галимова хәбәр итте.

Татарстан Республикасы Үзәк сайлау комиссиясе рәисе Андрей Кондратьев инде иртәнге 8:00 сәгатьтән Татарстан халкының сайлауларда актив катнашуын ассызыклады. Бу хакта ул «Татар-информ» мәгълүмат агентлыгында узган матбугат очрашуында әйтте.

Бүген, 15 мартта, Татарстан мөфтие Камил хәзрәт Сәмигуллин Россия Федерациясе Президентын сайлауларда катнашты. Казан шәһәренең 80 нче мәктәбендә урнашкан 46 нчы сайлау участогында Камил хәзрәт хәләл җефете белән беренчеләр булып үзләренең гражданлык бурычын үтәде һәм тавышларын бирде. Бу хакта ТР Диния нәзарәте матбугат хезмәте хәбәр итә.

Иртә таңнан «Нурлат-информ» коллективы («Татмедиа» АҖ филиалы) гражданлык бурычын бердәм рәвештә үтәде. Алар сайлау участогына барысы бергә беренчеләрдән булып килде һәм тавыш бирделәр.

Һәрбер кеше сайлау хокукына ия булырга тиеш һәм шулай ук киләчәкнең барыбызга да бәйле булуын аңлау бик мөһим. Мондый фикерне «Татар-информ» белән Татарстан Республикасы Иҗтимагый палатасы рәисе урынбасары, КДЭУның инновацияләрне үстерү буенча проректоры, техник фәннәр докторы Ирина Әхмәтова уртаклашты.

Чистайда 1 сумга торак булмаган бина - «1941-1943 елларда язучылар К.А. Тренев, П. А. Павленко яшәгән йорт» сатыла. Мәдәни мирас объекты канәгатьләнерлек хәлдә түгел, дип күрсәтелгән ZakazRF сайтындагы мәгълүматта.