Новости за 27.04.2023

Зәйдә яшәүче 28 кеше Волгоград өлкәсенә «Хәтер вахтасы-2023» эзләнү экспедициясенә китте. Аларны Зәйнең Азатлык китерүче солдат һәйкәле яныннан тантаналы төстә озатып калдылар.

http://dumrt.ru/

27 апрельдә Россия ислам институтында мөселман уку йортлары шәкертләре арасында берьюлы ике интеллектуаль ярыш узды: ислам фәннәре һәм гарәп теле буенча төбәк олимпиадасы һәм татар теле, әдәбияты һәм тарихы буенча республикакүләм олимпиада. Аларны Россия ислам институты, ТР мөселманнарының Диния Нәзарәте һәм Ислам мәдәнияте, фәне һәм мәгарифенә ярдәм күрсәтү фонды оештырды. Бу хакта ТР Диния нәзарәте матбугат хезмәте хәбәр итә.

Ислам фәннәре буенча олимпиадада Россиянең 13 уку йортыннан 60 шәкерт катнашты. Читать дальше...

Бүген «Ак Барс» - ЦСКА плей-офф сериясенең алтынчы уенында җиңүне Казан хоккейчылары яулады. Матч исәбе – 0:3. Уен Мәскәүдә узды.

Дәүләт Думасы депутатлары өч һәм аннан да күбрәк балалы гаиләләрдәге балаларны югары уку йортларына кабул итүнең өстенлекле хокукын билгеләү турындагы закон проектын караячак. Аны Федерация Советы вице-спикеры Галина Карелова җитәкчелегендәге сенаторлар төркеме әзерләгән. Бу хакта документка сылтама белән ТАСС хәбәр итә.

Татарстанда ял көннәрендә һава шартлары янә үзгәрәчәк, әмма температура фонының сизелерлек түбәнәюе көтелми. ТР Гидрометеорология һәм әйләнә-тирә мохитне күзәтү идарәсе шул хакта хәбәр итә.

Быелның гыйнвар-февраль айларында Татарстан предприятиеләренең 26 проценттан артыгы зыянга эшләгән, дип хәбәр итте ТР Рәисе Рөстәм Миңнеханов ТР Министрлар Кабинетында узган киңәшмәдә. Ул аларга һәртөрле ярдәм күрсәтергә чакырды һәм әлеге вазгыять фонында салым керемнәре кимиячәк дип кисәтте.

26 апрельдә Пенза шәһәр Думасына «Мин яратам сине, туган ягым!» туган якны өйрәнүчеләр хәрәкәтендә катнашучылар Төбәкара фәнни-гамәли конференциягә җыелды. Бу хакта оештыручылар хәбәр итә.

Татарстанның тугыз кешесе Россия Федерациясенең дәүләт бүләкләренә һәм мактаулы исемнәренә лаек булды. Аларның исемнәре РФ Президенты Владимир Путинның хокукый мәгълүмат порталында басылган указында бар.

Республиканың 38 муниципаль берәмлегендә Татарстанның консолидацияләнгән бюджетына НДФЛдан керем 3,8 миллиард сумга кимегән. Татарстан Рәисе Рөстәм Миңнеханов ТР Министрлар Кабинетында узган киңәшмәдә шулай дип белдерде.

Бөек Ватан сугышында катнашучыларның һәм инвалидларның барысы да 29 апрельдән 31 майга кадәр шәһәр яны поездларында бушлай йөри алачак. Барлык электричкаларда бушлай йөрү хокукы аларны озата баручыларга да бирелә, дип хәбәр итә «Содружество» компаниясенең матбугат хезмәте.

Быел Татарстанның консолидацияләнгән бюджетына, беренче чиратта, нефть тармагындагы үзгәрешләр аркасында салым керемнәре кимиячәк. Татарстан Рәисе Рөстәм Миңнеханов ТР Министрлар Кабинетында узган киңәшмәдә шундый фаразы белән уртаклашты.

Россия Президенты Владимир Путин Төркия коллегасы Рәҗәп Тайип Эрдоган белән илләр арасында авиарейслар санын арттыру турында килешкәннәрен әйтте. Бу хакта «Российская газета» яза.

Татарстанда төбәк проектларын гамәлгә ашыру буенча кураторлар, җитәкчеләр һәм администраторларның яңа исемлеге расланды. Алар республикада илкүләм һәм федераль проектларны гамәлгә ашыру өчен җаваплы булачак. Республика Рәисе Рөстәм Миңнеханов шул хактагы боерыкны имзалады.

Иртәгә, 28 апрельдә, Татарстанда бүген антициклон йогынтысында урнашкан җылы һәм коры һава торышы сакланачак. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

ТР Буа районы матбугат хезмәте

Татарстанның Буа районында Бөек Ватан сугышы ветераннарын алда торган Җиңү көне белән котлый башладылар. Район башлыгы Рәнис Кәмәртдинов Әнвәр Низамов һәм Рәүф Төхвәтуллинның өенә барды.

Муниципалитет җитәкчесе һәр ветеранга ТР Рәисе Рөстәм Миңнеханов исеменнән открытка һәм бүләк тапшырды. Аларны шулай ук Җиңү парадына һәм чәй табыны янында традицион очрашуга чакырдылар.

ТР Буа районы матбугат хезмәте

«Рәүф Ибраһим улына ел башында 103 яшь тулды... Читать дальше...

Казан кооператив институтының Дәрдемәнд исемендәге Татар мәдәнияте үзәгендә «Тукайга мәхәббәт илә...» дип исемләнгән IV Бөтенроссия шигырь сөйләүчеләр конкурсына нәтиҗә ясалды. Эшләрне «Габдулла Тукай шигырьләре» һәм «Туган телем» дигән номинацияләр буенча бәяләделәр. Бәйгегә 230га якын эш кабул ителде. Чыгыш ясаган һәр укучыга - егетләргә Тукай түбәтәе, кызларга калфак бирелде.

Республиканың уңышлы үсеше анда яшәүчеләрнең фидакяр хезмәте һәм һөнәри казанышлары белән бәйле. Татарстан Рәисе Рөстәм Миңнеханов дәүләт бүләкләрен тапшыру тантанасында шулай дип белдерде.

Быел мәктәпне тәмамлаучылар югары уку йортларына 2022 елның көзендә бастырылган барлык укыту программалары буенча керә алачак. Бернинди дә зур үзгәрешләр булмаячак. Бу хакта пәнҗешәмбе көнне РФ фән һәм югары белем министры Валерий Фальков белдерде. Бу хакта «Российская газета» хәбәр итә.

Габдулла Тукайның туган көне уңаеннан Татарстан Республикасы Милли музее һәм Тукай исемендәге «Казан» халыкара аэропорты аэровокзал комплексында бөек татар шагыйренең тормышына һәм иҗатына багышланган «Мин югарыга омтылам» дип аталган фотокүргәзмә ачты. Бу хакта Татарстан Мәдәният министрлыгы матбугат хезмәте хәбәр итә.

28 апрельдә 13:00 сәгатьтә «Татар-информ» мәгълүмат агентлыгында Габдулла Кариев исемендәге Казан татар дәүләт яшь тамашачы театрының 35 нче юбилей сезонына багышланган матбугат конференциясе була. Очрашуда театрның май-июнь айларында булачак проектлары, сәфәрләре һәм 23 июньгә билгеләнгән сезон ябылу тантанасы турында тулырак сөйләшәчәкләр. 

Көек авылында төзелә торган йортның дивары җимерелеп эшче җәрәхәт алганнан соң тикшерүчеләр җинаять эше кузгатты. Бу хакта Россия Тикшерү комитетының ТР буенча идарәсе матбугат хезмәтендә хәбәр иттеләр.

Казанда шәһәр зиратларында махсус операциядә һәлак булган хәрбиләрне җирләү белән бәйле алып җиткерелмәгән керемнәрне каплау өчен, оешмаларга субсидия бирү тәртибе расланды. Акча муниципаль бюджеттан бүленәчәк. Башкарма комитетның шул хактагы карары документлар һәм хокукый актлар җыентыгында урнаштырылган.

«Татмедиа» АҖ басмалары журналистлары социаль челтәрләрдә акция башлый. Бу атнадан алар социаль челтәрләрдәге үз сәхифәләрендә Бөек Ватан сугышы елларында илне саклаган туганнары турында мәгълүмат урнаштырачак.

Чувашия Республикасының Шумерле шәһәре мәчете имамы Дамир хәзрәт Әдиятуллин җитәкчелегендә мәчет каршындагы курслар эшчәнлегенә йомгак ясалды. Балалары өчен сөенергә әниләре һәм әбиләре дә килгән, дип хәбәр ителә Россия мөселманнары Мөфтиләр шурасы сайтында.

Әфганстанда волейбол буенча ачык турнирда Саманганда урнашкан татар интернатында тәрбияләнүчеләрдән торган «Татар бөркетләре» волейбол командасы җиңү яулады. Бу хакта «Татар-информ»га Әфганстан татарлары берлеге башлыгы Зәбихуло Надери Татар хәбәр итте.