Новости за 23.04.2023

«70 төрле һөнәр» проекты кысаларында Сарман районы үзәгенең «Тәүфыйк» мәчетендә ир балаларны һәм кызларны төрле һөнәрләргә өйрәтү буенча остаханә эшли башлады. Моңа кадәр мәчет эчендә оештырылган түгәрәккә йөрүче балалар өчен яңа мөмкинлекләр ачылды.

Татарстан Республикасы Сәламәтлек саклау министрлыгының баш неврологы, медицина фәннәре кандидаты Марат Сайхунов Чаллы шәһәренең 5нче хастаханәсенә эш сәфәре белән килде. Ул хастаханә табибларының эшен бәяләде. Бу хакта ТР Сәламәтлек саклау министрлыгының матбугат хезмәте хәбәр итә.

Зәй районында волонтерлар махсус хәрби операциядә катнашучыларга «коры душ»ы ясау эшенә алынды. Бу эшне Надежда Хәбибуллина Югары Шепкә мәктәбендә дә оештырды.

Бүген Казан хоккейчылары «Ак Барс» - ЦСКА плей-офф сериясенең дүртенче уенында оттырды. Мәскәүдә узган матчның исәбе – 2:1.

Түбән Камада 66нчы балалар бакчасы базасында Сәламәтлек һәм сәламәт яшәү рәвеше елы кысаларында велосипедта йөрү буенча ярыш узды. Велосипед узышында 66нчы, 35нче һәм 70нче мәктәпкәчә белем бирү учреждениеләреннән 12 гаилә катнашты.

Татарстанда киләсе атнада һава температурасы күтәрелүе көтелә. Бу хакта ТР Гидрометеорология үзәге хәбәр итә.

Изге Рамазан аенда Вагай районы үзәгендә Җәмигъ мәчете төзелешендә эшләр яңадан башланды, дип хәбәр итә Төмәннең «Яңарыш» газетасы.

Киләсе май бәйрәмнәрендә Татарстанда озын ял көннәре була. 1, 8 һәм 9 майда эшләми торган ял көннәре. Шулай итеп, май аенда беренче ике атна ял көннәреннән башланачак, дип искәртте Россия Хезмәт һәм социаль яклау министрлыгы.

Россия Хөкүмәте хезмәткәрләрнең аерым категорияләре өчен Россия Федерациясенең башка законнары нигезендә кирәкле медицина тикшерүләренең төрле төрләрен үткәрү тәртибен хуплады. Бу турыда Министрлар Кабинеты сайтына сылтама белән РИА Новости хәбәр итте.

Татарстанда коронавирус белән авыручылар саны кими бара. Соңгы тәүлектә республикада 36 кеше вирус йоктырган, 15 авыру хастаханәгә озатылган, дип хәбәр ителә стопкоронавирус.рф порталында.

Зәйдә яшәүче хатынга исерек дусты пычак белән ташланган. Аны улы үлемнән коткарып калган. Бу хакта Россия Федерациясе Тикшерү комитетының Татарстан Республикасы буенча Тикшерү идарәсе матбугат хезмәтендә хәбәр иттеләр.

Россия Эчке эшләр министрлыгы машина йөртү таныклыгы алу өчен имтиханга электр самокатларын куллану кагыйдәләрен кертте. Бу хакта министрлыкның матбугат хезмәтенә сылтама белән ТАСС хәбәр итә.

«Мелодия» фирмасы Россиянең атказанган, Татарстанның халык артисты Әлфия Авзалованың 1973 һәм 1981 елда яздырылган язмаларын берләштереп, пластинка чыгарган.

Кичә төнлә Казанның Юдино бистәсендә Daewoo Nexia машинасына ут капкан. Аның шоферы идарәне югалтып, трассадан кюветка төшеп киткән булган. Бу хакта «Татар-информ»га һәлакәт шаһитлары хәбәр итте.

Чаллыда шагыйрь Муса Җәлил сурәтләнгән мурал барлыкка киләчәк, аны торак йортларны капиталь ремонтлау кысаларында ясыйлар. Бу хакта «Челнинские известия» газетасына Комсомол районы җитәкчесе урынбасары Фидарис Хәбибуллин хәбәр иткән.

Кызамык авыру иярткәч, өченче-дүртенче көндә, кагыйдә буларак, кешенең йөзе һәм күз кабаклары шешенә, әмма бу вакытта әле тәндә бетчәләр булмый. Бу турыда РИА Новости агентлыгына Кулланучы хокукларын яклау һәм кеше иминлеге өлкәсендә күзәтчелек буенча федераль хезмәт (Роспотребнадзор) матбугат хезмәтендә сөйләгәннәр.

«Барлык иҗаты ягыннан ул татар һәм башкорт милләтенең халык шагыйре булган кеше», - диде Айгиз Баймөхәммәтов.

ГИТИС ректоры Григорий Заславский уку йортының ачык ишекләр көнендә Татарстан Мәдәният министрлыгы белән хезмәттәшлекне максатчан укытуның уңай мисалы итеп китерде.

«Россия почтасы» бүлекчәләрендә беренчел кирәкле товарлар сатыла. Монда килүчеләр шикәр, он, макарон, консерва һәм башка товарлар сатып ала ала. Мондый хезмәттән еш кына пенсионерлар яки аз хәрәкәтләнүче гражданнар файдалана, аларга азык-төлекне турыдан-туры өйгә китерергә мөмкин, дип сөйләде «Татарстан 24» телеканалына интервьюда «Татарстан Почтасы» директоры урынбасары Светлана Гришина.

Казан федераль университетының Татар халык хоры Казан Кремленең «Хәзинә» музей галереясендә «Җыр керсен күңелгә!» дигән концерт программасын тәкъдим итте. Концерт башында барлык мөселманнарны Ураза гаете бәйрәме белән котлап, «Изге Рамазан», «Сөбханалла» кебек дини җырлар яңгырады.

Бүген Татарстанда урыны белән томан күзәтелә. Бу хакта ТР Гидрометеорология үзәге хәбәр итә.

Татарстанның 13 югары уку йорты Россиядә иң яхшылар рейтингына керде. Аларның тәмамлаган укучылары иң кирәкле һәм уңышлы белгечләр, дип хәбәр итә hh.ru.

Мәскәүдә татар шагыйре Габдулла Тукайның тууына 137 ел тулуны билгеләп үтәчәкләр. 26 апрельдә башкалада шагыйрь һәйкәленә чәчәкләр салу, шулай ук музыкаль-шигъри кичә һәм «Тукай иле» иҗади конкурсында җиңүчеләрне бүләкләү булачак. Бу хакта Татарстанның Мәскәүдәге Тулы вәкаләтле вәкиллеге матбугат хезмәте хәбәр итә.

Музей ремонттан соң быел 25 июньдә ачылыр дип көтелә.

Чирмешәндә «Укытучыга – ноутбук» проекты кысаларында район хакимиятенең утырышлар залында районның мәгариф учреждениеләре җитәкчеләренә ноутбуклар тапшыру тантанасы булды.