Новости за 20.04.2023

Түбән Камада Үзбәкстан гражданнарына Конституциягә төзәтмәләр кертү буенча вакытыннан алда тавыш бирү өчен өч сайлау участогы оештырылды.

Җомга, 21 апрельдә, Ураза гаете - мөселманнарның иң мөһим бәйрәмнәренең берсе билгеләп үтелә. Бу көн – республикада ял көне.  Чаллы шәһәренең 15 мәчетендә бу көнне иртәдән бәйрәм намазлары укылачак, дип хәбәр итте «Челнинские известия».

Татарстанда тагын бер атнага шторм кисәтүе вакыты озайтылды. Бу хакта ТР Гидрометеорология үзәге хәбәр итә.

Томск шәһәренең өлкә татар мәдәнияте үзәгендә «Уйна гармун!» музыкаль кичәсе булып узды. Бу очрашуның төп максаты - халык традицияләрен саклау һәм ныгыту, халык сәнгатен яратучылар арасында талантлы музыкантларны ачыклау, милли гармун белән кызыксынуны саклау. Бу хакта Бөтендөнья татр конгрессы матбугат хезмәте хәбәр итә.

Татарстан мөфтие Камил хәзрәт Сәмигуллинның Ураза гаете белән котлавы Татарстан Диния нәзарәте сайтында чыкты.

Татарстан Дәүләт Советы депутаты Таһир Һадиев сөткә сатып алу бәяләре төшү һәм запас частьләр бәясе арту сәбәпле, Россия Хөкүмәте рәисе Михаил Мишустинга мөрәҗәгать итәргә чакырды. Бу хакта парламентарий ТР Дәүләт Советының 43нче утырышында белдерде.

Үзәк Банкның 2024 елга планнарында Уфаның 450 еллыгы хөрмәтенә «Шәһәр» сериясе кысаларында истәлекле кыйммәтле тәңкә чыгару бар. Бу хакта «Башинформ» хәбәр итә.

24 апрельдә Салих Сәйдәшев музее Кәрим Тинчурин исемендәге Татар дәүләт драма һәм комедия театры оркестры белән берлектә «Тукай моңнары» исемле концерт оештыра. Чара бөек шагыйрьнең туган көненә һәм Татарстанның халык артисты Эмиль Җәләлетдиновның якты истәлегенә багышланган. Концерт 18:30 башлана, керү түләүсез.

Алдагы көннәрдә Татарстанда үзгәрүчән һава торышы көтелә — җылы һәм коры көннәр бераз яуган яңгырлар белән чиратлашып торачак. Бу хакта ТР Гидрометеорология үзәге хәбәр итә.

Бүген көндез Мамадыш районының Ямаш авылында янгын чыгып, агач мәчет янган. Урынга Мамадыш шәһәреннән янгын сүндерүчеләр, шулай ук Саба отрядының Шәдче авылын саклау буенча аерым посты килгән. Авылдашлары да читтә калмый, күрше авылларда яшәүчеләр дә сулы цистерналы тракторлар белән ярдәм иткән.

В.А. Метелица исемендәге Алтай самбо үзәгендә «Тамырларга кайту» дип аталган III Алтай край самбо һәм милли көрәш фестивале узды Спорт чарасы Педагог һәм остаз елына һәм Бөек Ватан сугышында Җиңүнең 78 еллыгына багышланды, дип хәбәр итә Бөтендөнья татар конгрессы матбугат хезмәте.

Татарстан Дәүләт Советы депутатлары республика Рәисенең вәкаләтләрен киңәйтә торган закон проектын хуплады. «ТР дәүләт хакимияте башкарма органнары турында»гы законга үзгәрешләр керткән документ парламентның 43нче утырышында кабул ителде.

Бүген «Татмедиа» АҖ «Газета-журнал бүләк ит» хәйрия акциясен оештырды. Чара Татарстан Дәүләт Советында узды. Депутатлар социаль учреждениеләр өчен 2023 елның икенче яртыеллыгына республика газеталарына һәм журналларына 100гә якын язылу рәсмиләштергән.

Муниципаль хакимиятләр махсус хәрби операциядә катнашучыларның гаиләләре ихтыяҗлары турында хәбәрдар булырга тиеш. Бу хакта Россия Президенты Владимир Путин Җирле үзидарәлә буенча совет утырышында әйтте.

Казан 2024 елда узачак БРИКС илләре башлыклары очрашуына әзерләнә башлады. Бу хакта мэр Илсур Метшин Россия Президенты Владимир Путин каршындагы Җирле үзидарәләрне үстерү советы утырышында хәбәр итте, дип яза ТАСС.

Бүген көндез Мамадыш районының Ямаш авылында мәчеттә янгын чыккан. Бу хакта «Татар-информ «га Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

КФУның татар әдәбияты кафедрасы профессоры Фоат Галимуллин тәнкыйтьче һәм әдәбият галиме Ибраһим Нуруллин XX йөз башы татар әдәбиятын өйрәнү өчен күп көч куйган галим дип саный.

25 апрельдә 14:00 сәгатьтә Татар китабы йортында Башкортстан һәм Татарстанның яшь рәссамнары катнашында «Рәссам китабы. Роберт Миңнуллинның шигъри балачак дөньясы» күргәзмәсе ачыла. Әсәрләр Роберт Миңнуллин иҗатына багышланган. Бу турыда Татарстан Мәдәният министрлыгы хәбәр итте.

Бүген Татарстанның Алексеевск районында юл-транспорт һәлакәте булган. Биредә Renault Sandero автомобиле йөртүчесе һәм аның пассажиры һәлак булган. Бу хакта» Татар-информ»га ТР Дәүләт автоинспекциясендә хәбәр иттеләр.

Татарстан Фәннәр академиясенең Татар энциклопедиясе һәм төбәкне өйрәнү институты директоры, тарих фәннәре докторы, профессор, академик Искәндәр Гыйләҗев фикеренчә, галим Гомәр Сабирҗановны «Татар энциклопедиясе»нең әтисе, дип атарга була.

Бүген Татарстанның Россия Федерациясендәге Тулы вәкаләтле вәкиллегендә Татарстан Республикасы Рәисе Рөстәм Миңнеханов «R1» компанияләр төркеме генераль директоры Дмитрий Реутт һәм «БРОЗЭКС» компанияләр төркеменә нигез салучы Вячеслав Брозовский белән очрашты.

Мәскәүдә эш сәфәрендә булганда Татарстан Рәисе Рөстәм Миңнеханов ВТБ банкы президенты — идарә рәисе Андрей Костин белән очрашты. Бу хакта ТР җитәкчесе матбугат хезмәте хәбәр итә.

Татарстанның атказанган фән эшлеклесе, Татарстан Фәннәр академиясенең Татар энциклопедиясе институтын оештыручыларның һәм җитәкчеләренең берсе булган галим Гомәр Сабирҗановның «Татар энциклопедиясе»н төзү тарихын чагылдырган китабы чыкты.

«Үзем дә гаҗәпләнәм: күләмле фәнни хезмәтләр, диссертацияләр бөтенләй язылмаган», - диде галим.

Махсус хәрби операция әгъзалары һәм аларның гаиләләре җәй һәм көз айларында «Без бергә» программасы буенча поездларда сәяхәткә чыгачак. Бу хакта бүген ТР Туризм буенча дәүләт комитеты рәисе Сергей Иванов «Татар-информ»да узган матбугат конференциясендә хәбәр итте.