«Татар-информ»да Кариев театрының 35 нче юбилей сезоны турында сөйләшәчәкләр
28 апрельдә 13:00 сәгатьтә «Татар-информ» мәгълүмат агентлыгында Габдулла Кариев исемендәге Казан татар дәүләт яшь тамашачы театрының 35 нче юбилей сезонына багышланган матбугат конференциясе була. Очрашуда театрның май-июнь айларында булачак проектлары, сәфәрләре һәм 23 июньгә билгеләнгән сезон ябылу тантанасы турында тулырак сөйләшәчәкләр.
Чарада Габдулла Кариев исемендәге Казан татар дәүләт яшь тамашачы театры директоры Луиза Шарова, театрының баш режиссеры Ренат Әюпов, Татарстанның халык артисты Халидә Сөнгатуллина, Татарстанның атказанган артисты Гөлназ Галимуллина, Габдулла Кариев исемендәге Казан татар дәүләт яшь тамашачы театры артисты, режиссер Эльдар Гатауллин катнаша.
«Татар-информ» сайтында матбугат конференциясеннән онлайн трансляция оештырылачак. Сорауларны онлайн-видеога комментарий аркылы яисә WhatsApp мессенджеры аша +7 (927) 037-91-10 номерына юлларга мөмкин. Гаммәви мәгълүмат чарасының исемен күрсәтү сорала.
Аккредитация өчен электрон почта: pr@tatar-inform.ru