Новости за 26.03.2017

ბავშვთა სამყაროს ხანძრის შედეგად დაზარალებულები პარლამენტის შენობასთან აქციას მართავენ. აქცია  საკანონმდებლო ორგანოსთან ცოტა ხნის წინ დაიყო. დაზარალებული მოვაჭრეები ითხოვენ, რომ პირველადი კომპენსაცია ხელისუფლებამ 5 ათასი ლარის ოდენობით გამოუყოს. მათი მოთხოვნაა ასევე, რომ მიიღონ დაზარალებულის სტატუსი და შეუჩერდეთ საბანკო ვალდებულებები.

Owners of Rustavi-2 91% of the shares will begin meeting with employees from tomorrow. They have made a statement in this regard.The Karamanishvili brothers said their offer is valid and they will hand over 51% of the shares of the company TV Sakartvelo to the Rustavi-2 employees. According to the founders, they are going to talk about it with the employees.

რუსთავი 2-ის 91% წილის მფლობელები ხვალიდან თანამშრომლებთან შეხვედრას იწყებენ. ამის შესახებ მათ მიერ გავრცელებულ განცხადებაშია ნათქვამი. ძმები ყარამანიშვილების თქმით, ძალაში რჩება მათი შეთავაზება რუსთავი 2-ის აქციათა 51%-ის წილის მფლობელი ტელეკომპანია საქართველოს აქციების საკონტროლო პაკეტი (51%) თანამშრომლებს გადაეცეთ. დამფუძნებელთა თქმით საუბარი სწორედ ამას შეეხება. 

თბილისში ევროკავშირთან სავიზო რეჟიმის ლიბერალიზაციის საზეიმო ღონისძიებები იმართება. აღნიშვნა აღმაშენებლის გამზირზე სამი საათის წინ დაიყო და ორი დღის განმავლობაში გაგრძელდება.

ამ წუთებში პარლამენტის შენობასთან ბავშვთა სამყაროს ხანძრის შედეგად დაზარალებულები იკრიბებიან. მათი მოთხოვნები უცვლელია, დაზარალებულები 5 ათას ლარიან კომპენსაციას და საბანკო ვალდებულების შეჩერებას ითხოვენ.

ცოტა ხნის წინ ბათუმში ავტოსაგზაო შემთხვევას 28 წლის ქალბატონი ემსხვერპლა. ავტომობილი ქალს ჭავჭავაძისა და ასათიანის ქუჩების კვეთაზე დაეჯახა. ინფორმაცია შინაგან საქმეთა სამინისტრომ რუსთავი 2-თან საუბრისას დაადასტურა.

მსოფლიომ დედამიწის საათი აღნიშნა. აქციას, რომელიც გარემოს დაცვას ემსახურება, 172 ქვეყნის 7 ათასამდე ქალაქი შეუერთდა. ზუსტად ერთი საათით ყველა ღირსშესანიშნაობაზე განათებები გამორთეს.

დისნეილენდი დაარსების იუბილეს ზეიმობს. ზუსტად 25 წელი გავიდა მას შემდეგ, რაც პარიზის გარეუბანში მსოფლიოს ერთ-ერთი ყველაზე პოპულარული გასართობი პარკი გაიხსნა.

ბულგარეთში ვადამდელი საპარლამენტო არჩევნები მიმდინარეობს. საარჩევნო უბნები ქვეყნის მასშტაბით ადგილობრივი დროით დილის რვა საათზე გაიხსნა. მოსახლეობამ არჩევანი ორ ძირითად პოლიტიკურ ძალას - მემარჯვენე ცენტრისტებსა და სოციალისტებს შორის უნდა გააკეთოს.

თურქეთის პრეზიდენტმა, ქვეყნის ევროკავშირის წევრობის საკითხზე შესაძლო რეფერენდუმის ჩატარების ახალი ინიციატივა, ევროკავშირის საიუბილეო სამიტს დაამთხვია. გაერთიანების დაარსების 60 წლის იუბილე ევროპელებმა მასშტაბური აქციებით აღნიშნეს. ევროკავშირის მომხრეთა დემონსტრაციები ევროპის დიდ ქალაქებში გაიმართა. ბრიუსელში ხალხი ევროპარლამენტის შენობასთან შეიკრიბა და დემოკრატიული რეფორმების გატარებისკენ მოუწოდა, რომლებიც ევროპული პროექტის მთავარ ღირებულებებს დაიცავს. თანასწორობა, სოლიდარობა და სამართლიანობა - ამ ლოზუნგებით აქციები გაიმართა ბერლინში... Читать дальше...

დიდ ბრიტანეთში აფეთქების შედეგად 30-ზე მეტი ადამიანი დაშავდა. პოლიციის ინფორმაციით, აფეთქება მერსისაიდის საგრაფოში, ლივერპულის მახლობლად, ცეკვის სტუდიაში მოხდა. შედეგად შენობა თითქმის მთლიანად დაინგრა, დაზიანდა ახლომდებარე შენობებიც.

რეჯეპ ტაიპ ერდოღანი თურქეთის ევროკავშირის წევრობის საკითხზე რეფერენდუმის ჩატარებას არ გამორიცხავს. პრეზიდენტის ინიციატივით, საყოველთაო გამოკითხვა შესაძლოა საკონსტიტუციო ცვლილებების შესახებ 16 აპრილს დანიშნული რეფერენდუმის შემდეგ ჩატარდეს.

დავით ნარმანია ბავშვთა სამყაროს ხანძრით დაზარალებულ მოვაჭრეებს პასუხობს. ქალაქის მერის თქმით, საკრებულოს ამ ეტაპზე კომპენსაციის მეტი შესაძლებლობა არ აქვს და ალტერნატიული წინადადების განხილვა დედაქალაქის მუნიციპალიტეტში არ იგეგმება. რაც შეეხება დაზარალებულებს, ისინი უკვე 37-ე დღეა შიმშილობენ.

ანტისამთავრობო აქციის მონაწილეების მასობრივი დაკავებების გამო ბელარუსის ხელისუფლებამ ვაშინგტონის კრიტიკა დაიმსახურა. დონალდ ტრამპის ადმინისტრაციაში განაცხადეს, რომ მშვიდობიანი აქციის მონაწილეების, უფლებადამცველებისა და ჟურნალისტების დაკავება და მათ წინააღმდეგ ძალის გამოყენება, დემოკრატიულ ღირებულებებს ეწინააღმდეგება და შეშფოთებას იწვევს. ვაშინგტონმა ოფიციალურ მინსკს დაკავებულების გათავისუფლებისკენ მოუწოდა.

ყირგიზეთში ოპოზიციის ლიდერის დაკავებას არეულობა მოჰყვა. ყოფილი დეპუტატის ასობით მომხრე უსაფრთხოების სამსახურის შტაბბინასთან შეიკრიბა და სადირ ჟაფაროვის გათავისუფლებას ითხოვდა. სადირ ჟაფაროვის წინააღმდეგ საქმე მკვლელობის მუქარისა და მძევლად აყვანის ბრალდებებით აღძრული.

პოლიციამ 22 მარტს აღმაშენებლის ხეივანში მომხდარ ავტოსაგზაო შემთხვევაში მონაწილე მძღოლი დააკავა. გამოძიების ინფორმაციით, ინციდენტის მიზეზი, რომლის დროსაც 2008 წელს დაბადებული გოგონა დაიღუპა, ბრალდებულის მიერ სიჩქარის გადაჭარბება გახდა.

ქუთაისის დავით აღმაშენებლის სახელობის აეროპორტში ვიზალიბერალიზაციის ამოქმედებისთვის ემზადებიან. პირველი რეისი 28 მარტს საბერძნეთის მიმართულებით შესრულდება და საზღვარს ახალი რეჟიმით გიორგი კვირიკაშვილი, მინისტრთა კაბინეტის წევრები, წარმატებული სტუდენტები, დევნილი ბავშვები და ჟურნალისტები გადაკვეთენ.

ევროკავშირთან უვიზო მიმოსვლის ამოქმედებამდე ორი დღე რჩება, დედაქალაქში კი ამ წუთებში ვიზალიბერალიზაციის აღნიშვნა იწყება. საზეიმო ღონისძიებები ახალ ტიფლისში იმართება.

ერთიანი ნაციონალური მოძრაობის ლიდერი ნიკა მელია და პარტიის გურჯაანის რაიონული ორგანიზაციის თავმჯდომარე თემურ ბუწაშვილი სოფელ ბაკურციხეში სოციალურად დაუცველ ოჯახს ესტუმრნენ.

თბილისის მერია უნებართვო გარევაჭრობის წინააღმდეგ შესაბამისი ღონისძიებების განხორციელებას განაგრძობს. დღეს დილიდან, მერიის ზედამხედველობის სამსახურის წარმომადგენლებმა ბარათაშვილის ქუჩასა და კოლმეურნეობის მოედნის მიმდებარე ტერიტორიაზე უნებართვო კონსტრუქციების დაშლა დაიწყეს. თბილსერვის ჯგუფმა კი ტერიტორია დაასუფთავა.

მოძრაობა თავისუფლებისთვის-ევროპული საქართველოს ლიდერი დავით ბაქრაძე ქუთაისში მცხოვრებ დევნილებს შეხვდა. დევნილთა განცხადებით, ისედაც მძიმე ეკონომიკურ პრობლემებს სოციალური სტატუსის შეწყვეტაც დაემატა. სტატუსის შეწყვეტის მიზეზად სააგენტომ ის დაასახელა, რომ დევნილები კომუნალური გადასახადის გადახდას ახერხებდნენ და შესაბამისად, დახმარებაც არ სჭირდებოდათ. სოციალური სტატუსის შეწყვეტას დაემატა ისიც, რომ დევნილებს ელექტროენერგიაც ჩაუჭრეს.