Новости за 16.03.2017

დავით უსუფაშვილი აქტიურ პოლიტიკურ ველში დაბრუნებას გეგმავს. მისი თქმით, საკმაოდ ბევრი აქტიური ადამიანის გვერდით დაყენებას აპირებს. მან ასევე აღნიშნა, რომ თინა ხიდაშელი რაღაც პერიოდის განმავლობაში პოლიტიკურ საქმიანობას არ შეეხება.

საქართველოს პარლამენტის ყოფილი თავმჯდომარე დავით უსუფაშვილი განსხვავებული აქცენტების ეთერში ბათუმში მომხდარ ინციდენტზე საუბრობს. მისი თქმით, არასწორია როდესაც ხელისუფლების წარმომადგენლები ცდილობენ საკუთარი პრობლემების სხვაზე გადაბრალებას. 

„ჩემი, პარლამენტის თავმჯდომარის პოზიცია იყო ის, რომ თუ თქვენ დაგხურავენ, მეორე დღეს მე მივდივარ თანამდებობიდან. ეს ვთქვი თქვენს ეთერში,“ -  ეს განაცხადა დავით უსუფაშვილმა, გადაცემა განსხვავებულ აქცენტებში, რუსთავი 2-ის შესახებ საუბრისას გააკეთა.

საქართველოს პარლამენტის ყოფილი თავმჯდომარე დავით უსუფაშვილი ევროსასამართლოში მიმდინარე რუსთავი 2-ს საქმეზე საუბრობს. მისი თქმით, ხელისუფლებას დაჭირდა დრო, რომ სტრასბურგის სასამართლოს გადაწყვეტილების შეფასებები მოეწესრიგებინა.

ქართული ოცნების წევრი ზაქარია ქუცნაშვილი რუსთავი 2-ის შესახებ სტრასბურგის გადაწყვეტილების შესახებ გადაცემა განსხვავებულ აქცენტებში საუბრობს.

„ჩემგან ვერ მიიღებთ ვერდიქტს“ - ქართული ოცნების წევრი ზაქარია ქუცნაშვილი, გადაცემა განსხვავებულ აქცენტებში ჟურნალისტის მიერ დასმულ შეკითხვას პასუხობს, რომელიც წარსულში მომხდარ ინციდენტებს უკავშირდება. საუბარია შემთხვევებზე, რომელში მონაწილე პირებიც სათანადოდ არ დასჯილან. 

ზაქარია ქუცნაშვილი განსხვავებული აქცენტების ეთერში ბათუმის აქციის დროს ვანდალური ქმედებების ჩამდენების გასამართლებაზე საუბრობს. მისი თქმით, მტკიცებულებების საფუძველზე სასამართლოს ვერდიქტით ბათუმის აქციის არეულობის გამომწვევი მოქალაქეები უნდა დაისაჯონ.

ქართული ოცნების წევრმა ზაქარია ქუცნაშვილმა, 11-12 მარტს ბათუმში განვითარებული მოვლენების შესახებ გადაცემა განსხვავებულ აქცენტებში ისაუბრა. ქუცნაშვილი ამბობს, რომ სამი ტიპის პასუხისმგებლობა გამოიკვეთა. მისი თქმით, ერთი არის ადმინისტრაციული ხასიათის, სისხლის სამართლებრივი და პოლიტიკური პასუხისმგებლობა.

ქართული ოცნების წევრი ზაქარია ქუცნაშვილი, გადაცემა განსხვავებულ აქცენტებში ჟურნალისტის ელისო კილაძის შვილის დაკავების ფაქტს ეხმაურება. მისი თქმით, ყველა უნდა დაელოდოს სასამართლოს გადაწყვეტილებას.

„ეს პირდაპირ უკავშირდება ჩემს ჟურნალისტურ საქმიანობას,“ - ასე აფასებს გაზეთ ქრონიკა პლუსის მთავარი რედაქტორი ელისო კილაძე მისი შვილის დაკავების ფაქტს. მან ასევე აღნიშნა, რომ არ დაასწრეს არცერთი მოწმე მისი შვილის დაკითხვას.

ევროკავშირის ლიდერები ნიდერლანდების საპარლამენტო არჩევნებში მმართველი გუნდის გამარჯვებას მიესალმებიან და შედეგებს დემოკრატიისთვის კარგ დღედ აფასებენ. პრემიერ მარკ რუტეს პარტიამ მთავარი კონკურენტი, ულტრა მემარჯვენე ძალა მნიშვნელოვანი უპირატესობით დაამარცხა.

ბათუმის არეულობის გამოძიების დასრულებას ელოდება მესამე სექტორი, რომელიც ყველა მხარეს მოუწოდებს წინასწარი დასკვნებისგან და კონკრეტული პოლიტიკური პარტიების დადანაშაულებისგან თავი შეიკავონ.

Arrests in Batumi continue. Today, six persons, who are accused of organizing the unrest and attacking police, have been arrested. Law enforcers are still continuing to identify specific individuals and finding new evidence.

ბათუმში დაკავებები გრძელდება. დღეს კიდევ 6 პირი დააპატიმრეს, რომლებსაც მასობრივი არეულობების მოწყობა და პოლიციაზე თავდასხმა ედებათ ბრალად. სამართალდამცველების ინფორმაციით, ამ დრომდე გრძელდება კონკრეტულ პირთა იდენტიფიცირება და ახალი მტკიცებულებების მოპოვება.

დიდი ბრიტანეთის პრემიერ-მინისტრი აცხადებს, რომ ახლა შოტლანდიის დამოუკიდებლობის საკითხზე მეორე რეფერენდუმის დრო არ არის. ტერეზა მეის თქმით, ამ ეტაპზე მთავარი აქცენტი Brexit-ის პროცედურაზე უნდა გაკეთდეს.

ისლანდიელი მულტი ინსტრუმენტალისტი და შემსრულებელი sóley​ თბილისში - სიმღერების ზღაპრული ჟღერადობით გამორჩეული კომპოზიტორი და მულტი ინსტრუმენტალისტი მომღერალი ქართველ მსმენელს პირველად შეხვდება.

სახალხო დამცველის ოფისი საქართველოში გაეროს სპეციალური მომხსენებლის ჩამოსვლას ელოდება. წერილი ჯოზეფ კანატაჩის, რომელიც პირადი ცხოვრების უფლებების მიმართულებით მუშაობს, უკვე გაუგზავნეს.

ქალაქ გრასში სამი სხვადასხვა ტიპის იარაღითა და ორი ყუმბარით შეიარაღებული მოზარდი სკოლის შენობაში ლანჩის დროს შეიჭრა და ცეცხლი გახსნა. სროლა 10 წუთამდე გაგრძელდა. შედეგად, ბოლო მონაცემებით, სამი ადამიანი დაშავდა, მათ შორის სასწავლო დაწესებულების დირექტორიც, რომელიც გამოძიების ვერსიით, თავდასხმის სამიზნე იყო.

ეს-300 ტიპის კომპლექსების გუდაუთაში შეყვანა მომავალ უშიშროების საბჭოზე იქნება განხილული. ოკუპირებულ აფხაზეთში დამატებით საზენიტო-სარაკეტო შეიარაღების შეტანას მაშინ, როდესაც ოფიციალური თბილისის მხრიდან საჰაერო საფრთხე არ ემუქრება, უშიშროების საბჭოს მდივანი რამდენიმე საკითხს უკავშირებს.

საქართველოს პრეზიდენტმა ბაქოს მეხუთე საერთაშორისო ფორუმზე, რუსული ოკუპაციის შედეგებსა და მოსკოვის აგრესიული პოლიტიკის შესახებ ისაუბრა. 50-ზე მეტი ქვეყნის მოქმედი და ყოფილი ლიდერის წინაშე გამოსვლისას, გიორგი მარგველაშვილმა ღიად განაცხადა, რომ არც 2008 წლის ომის და არც უკრაინის ტერიტორიების ოკუპაციის გამო, რუსეთს სათანადო ფასი არ გადაუხდია.

ქვეყნის პირველი პირი მმართველი გუნდის გადაწყვეტილებას პრეზიდენტის არჩევის წესის შეცვლის შესახებ კატეგორიულად ეწინააღმდეგება. უმრავლესობა ქვეყნის პირველი პირის არაპირდაპირი წესით არჩევას და ამ უფლების პარლამენტისთვის გადაცემას, 2023 წლიდან აპირებს.

ჯანდაცვის საყოველთაო პროგრამის ე.წ მეორე ტალღა, რომელიც აპრილიდან დაიწყება - საყოველთაო ჯანდაცვის მეორე ეტაპის ცვლილებები პროგრამის მიზნობრიობას ითვალისწინებს, რის გამოც ბენეფიციარებისთვის დიფერენცირებული პაკეტები ამოქმედდება, ძირითადი განმსაზღვრელი კი, მათი შემოსავალი იქნება.

იუსტიციის მინისტრის მორიგი განცხადება რუსთავი 2-ის საქმეზე. თეა წულუკიანმა და მმართველმა გუნდმა სტრასბურგის გადაწყვეტილებასთან დაკავშირებით, ტონიც და რიტორიკაც შეარბილა. დღეს ხელისუფლებისგან ნაკლებად ისმოდა მორიგი ვერსიები იმის შესახებ, თუ როგორ შეიძლება ევროსასამართლოს გვერდის ავლა ქართული კანონმდებლობით.

ახალგაზრდა იურისტთა ასოციაციის საარჩევნო პროექტების კოორდინატორი ლელა ტალიური პრეზიდენტის პირდაპირი წესით არჩევის შენარჩუნებას მხარს უჭერს, რადგან ამ შემთხვევაში, მისი განმარტებით, პირველ პირს მაღალი ლეგიტიმაცია და ნდობა გააჩნია.

სამართლიანი არჩევნებისა და დემოკრატიის საერთაშორისო საზოგადოების აღმასრულებელი დირექტორი მიხეილ ბენიძე, უმრავლესობის მიერ წარმოდგენილ კონსტიტუციაში შესატანი ცვლილებების პროექტზე კურიერის პირდაპირ ეთერში საუბრობს. უფრო კონკრეტულად, საუბარია არჩევნებსა და საარჩევნო სისტემაზე.