Новости за 03.03.2017

"Rustavi 2 today is a symbol of freedom of speech and all of us are obliged to protect this important value. The Georgian Muslims are by your side. Rustavi2 is ours," - the Georgian Muslims Union released a statement on Rustavi 2 case.

"რუსთავი2 დღეს სწორედ თავისუფალი სიტყვის სიმბოლოა და ყველა ჩვენთაგანი ვალდებული ვართ, ეს მნიშვნელოვანი ღირებულება დავიცვათ. ქართველი მუსლიმები თქვენს გვერდით ვართ. რუსთავი2 ჩვენია," -  ამის შესახებ საქართველოს მუსლიმთა კავშირის მიერ გავრცელებულ განცხადებაშია ნათქვამი, რომელსაც რუსთავი2 უცვლელად გთავაზობთ. 

შეერთებული შტატები შეშფოთებულია რუსთავი2-თან დაკავშირებით საქართველოს უზენაესი სასამართლოს გადაწყვეტილების შედეგით.

საქართველოს პრეზიდენტის ადმინისტრაციის უფროსი, გიორგი აბაშიშვილი, აცხადებს, რომ ევროპამ საქართველო რუსთავი2-ის დამსახურებით კიდევ ერთხელ აღიარა უმნიშვნელოვანეს პარტნიორად.

თამთა მურადაშვილი თეა წულუკიანის მიერ სტრასბურგის სასამართლოს დღეს მიღებულ გადაწყვეტილების საზოგადოებისთვის გაცნობას გამოეხმაურა. თამთა მურადაშვილმა აღნიშნა, რომ იუსტიციის მინისტრმა ფაქტები მშრალად მიაწოდა მაყურებელს.

იუსტიციის მინისტრის, თეა წულუკიანის, ინფორმაციით, ევროსასამართლომ რუსთავი2-ის საქმეს პრიორიტეტის სტატუსი მიანიჭა.

დავით ჯანდიერის თქმით, რუსთავი 2-ის საქმეზე სტრასბურგის სასამართლოს გადაწყვეტილება, რომლის მიხედვითაც, ევროსასამართლომ უზენაესი სასამართლოს გადაწყვეტილების აღსრულება შეაჩერა, სავალდებულო სახელმწიფოს მხრიდან შესასრულებლად.

ევროპის ადამიანის უფლებათა დაცვის სასამართლომ რუსთავი2-ის საქმეზე საქართველოს უზენაესი სასამართლოს გადაწყვეტილების აღსრულება შეაჩერა.

მმართველმა პარტიამ საერთაშორისო საზოგადოებას და საელჩოებს კრიტიკული განცხადებებისგან თავის შეკავება ურჩია. უმრავლესობამ დღეს პარტნიორ ქვეყნებს რეკომენდაციაც მისცა და საბოლოო შეფასების გაკეთება რუსთავი2-ის საქმეზე უზენაესი სასამართლოს დასაბუთებული გადაწყვეტილების შემდეგ სთხოვა.

გავლენიანი პოლიტიკოსები, ანალიტიკოსები და საერთაშორისო ორგანიზაციები უზენაესი სასამართლოს დიდი პალატის მიერ რუსთავი2-ის საქმეზე მიღებულ გადაწყვეტილებაში ქვეყნისთვის სერიოზულ პრობლემებს ხედავენ.

რუსთავი2-ის საქმეზე უზენაესი სასამართლოს გუშინდელ გადაწყვეტილებას საქართველოს სხვადასხვა რეგიონში ეხმაურებიან. მათი ნაწილის აზრით, დიდმა პალატამ არასწორი გადაწყვეტილება მიიღო.

მედია მრავალფეროვნების დაკარგვის საფრთხეზე საუბრობს სახალხო დამცველი განცხადებაში, რომელიც რუსთავი2-ის საქმეზე უზენაესის სასამართლოს გადაწყვეტილებასთან დაკავშირებით დღის ბოლოს გამოქვეყნდა. ომბუდსმენის ოფისი საქმის ზეპირი მოსმენის გარეშე განხილვის გამო საზოგადოების ნდობის შემცირებაზე საუბრობს.

რუსთავი2-ის გენერალურმა დირექტორმა, ნიკა გვარამიამ, ქიბარ ხალვაშს სამაუწყებლო კომპანიის სახელით ბიზნესწინადადებით მიმართა. ქიბარ ხალვაშს, რომელიც აცხადებს, რომ რუსთავი2 მისთვის მხოლოდ ბიზნესია და სხვა არაფერი, ნიკა გვარამიამ სამაუწყებლო კომპანიის წილების გამოსყიდვა შესთავაზა.

თავისუფალი დემოკრატების პოლიტიკური მდივანი ნინო გოგუაძე რუსთავი 2-ის და თავისუფალი სიტყვის მხარდასაჭერად მზადაა.

რუსთავი2-ის საქმეზე საქართველოს საკონსტიტუციო სასამართლოს და სტრასბურგის ადამიანის უფლებათა ევროპული სასამართლოს გადაწყვეტილების მიღებამდე, საქართველოს პრეზიდენტი სამაუწყებლო კომპანიაში არსებული სტატუს-კვოს შენარჩუნების ინიციატივით გამოდის.

საქართველოს რესპუბლიკური პარტიის თავმჯდომარე, ხათუნა სამნიძე, რუსთავი2-ს მხარდაჭერას უცხადებს. მისი თქმით, 12 მარტს დაანონსებულ აქციაზე აუცილებლად მივა.

ფრაქცია ევროპული საქართველოს წევრი, ელენე ხოშტარია, რუსთავი2-ს მხარდაჭერას უცხადებს და მზად არის, 12 მარტს აქცია-კონცერტზე სრული სოლიდარობა დააფიქსიროს.

„ეს არის უპრეცენდენტო, ისტორიული გადაწყვეტილება. რუსთავი2 წერს ისტორიას, მათ შორის საერთაშორისო სამართლის ისტორიაში. ეს არის პასუხი უზენაესი სასამართლოს დიდი პალატის  9 მოსამართლის უკანონო გადაწყვეტილებაზე. ეს არის პასუხი, ხელისუფლებისთვის და ეს არის პასუხი ხალხისთვის, თუ სად არის სიმართლე," - ამბობს რუსთავი2-ის იურისტი, თამთა მურადაშვილი. 

“ევროპის სასამართლომ ეს საკითხი ადამიანის სიცოცხლის გადარჩენის ტოლფასად დააყენა,“ - ნაციონალური მოძრაობის წევრი, გია ბარამიძე, რუსთავი2-ის საქმესთან დაკავშირებით ევროპის სასამართლოს მიერ გამოტანილ გადაწყვეტილებაზე საუბრობს. 

"სტრასბურგში საქართველოს ხელისუფლებამ კიდევ ერთხელ მიიღო უმძიმესი დარტყმა, სტრასბურში ჩვენმა ხელისუფლებამ კიდევ ერთხელ შეარცხვინა ჩვენი ქვეყანა,“ - ეს განცხადება დავით ბაქრაძემ ევროსასამართლომ მიერ უზენაესი სასამართლოს გადაწყვეტილების აღსრულება შეჩერებაზე გააკეთა.

ევროპული საქართველოს ლიდერი, სერგი კაპანაძე, სტრასბურგის სასამართლოს მიერ მიღებულ გადაწყვეტილებას "უპრეცენდენტოს" უწოდებს.

პარტია რეფორმატორების თავმჯდომარე, ირაკლი ღლონტი, რუსთავი2-ის მიერ 12 მარტს დააანონსებულ აქციას ხელისუფლებისთვის საზოგადოების ერთიანი ძალის დემონსტრაციის კარგ მაგალითად მიიჩნევს.

პოლიტიკური მოძრაობის სახელმწიფო ხალხისთვის თავმჯდომარე, ნიკა მაჭუტაძე, რუსთავი2-ის მიერ 12 მარტს დაანონსებულ აქცია-კონცერტს საზოგადოების კონსოლიდაციისთვის საჭირო ქმდებად ასახელებს.

პოლიტიკური გაერთიანების სამოქალაქო ალიანსი თავისუფლებისათვის  თავმჯდომარე, ზურაბ ხარატიშვილი, რუსთავი2-ის მიერ 12 მარტს დაანონსებულ 14:00 საათზე აქცია-კონცერტს "მედიაპლურალიზმის დასაცავ ქმედებად" მოიხსენიებს.

საქართველოს ეროვნულ-დემოკრატიული პარტიის თავმჯდომარე, ბაჩუკი ქარდავა, რუსთავი2-ის აქცია-კონცერტისთვის ყველა პოლიტიკური ძალის ერთსულოვნებაზე ამახვილებს ყურადღებას.