Новости за 08.03.2017

სამარშრუტო ტაქსებით მგზავრობა კონკრეტულ მარშრუტებზე გაძვირდა. თბილისის მოსახლეობას უკვე დღეიდან მოუწევს მომატებული ფასის გადახდა. ტრანსპორტის ტარიფი 10 თეთრით ე.წ. მოკლე ხაზებზე გაძვირდა, ასეთი კი დედაქალაქში 50- ზე მეტი მარშრუტია.

ექსპერტები საზოგადოებრივი მაუწყებლის სამოქმედო გეგმას აკრიტიკებენ. ახალი მენეჯმენტის გარდა, კითხვები სპეციალისტებს სამეურვეო საბჭოსთანაც აქვთ, რომლის უმრავლესობამაც მაღლაფერიძის გუნდის პროექტს დაუჭირა მხარი. ექსპერტების შეფასებით, გეგმა არა არხის განვითარებაზე, არამედ კონკრეტული პირების ინტერესებზეა მორგებული.

საოკუპაციო რეჟიმმა ენგურზე არსებული 3 გადასასვლელიდან მხოლოდ ერთი, ენგურის ხიდზე დატოვა. გამშვები პუნქტების დახურვას პირადად ესწრებოდა აფხაზეთის ე.წ. ვიცე პრემიერი, მისი დარწმუნება, რომ ათასობით ადამიანისთვის გადაადგილების პრობლემა არ შეექმნა, ვერც ევროკავშირის სადამკვირვებლო მისიის წარმომადგენლებმა შეძლეს. 

პრეზიდენტი საჯარო კონსულტაციების დაწყებას აანონსებს. გიორგი მარგველაშვილი პრეზიდენტის სასახლეში საკონსტიტუციო კომისიის წევრების გარდა, პოლიტიკურ პარტიებს და მესამე სექტორსაც ელოდება. უკვე ცნობილია, რომ ქართული ოცნება სახელმწიფოს მეთაურთან, ამ საკითხზე შეხვედრას არ აპირებს.

Prime Minister commented on the decision of the Strasbourg court on Rustavi2 case during his official visit to Italy .

საქართველოს პრემიერმინისტრმა იტალიაში ოფიციალური ვიზიტისას რუსთავი 2-ის საქმეზე სტრასბურგის სასამართლოს გადაწყვეტილების შესახებ კომენტარი გააკეთა.

დღეს პროკურატურამ ე.წ. ციანიდის საქმეზე თავისი მთავარი მტკიცებულებები გაასაჯაროა. დეკანოზ გიორგი მამალაძის საქმეზე გამოძიებამ ფარული ჩანაწერების ნაწილი გამოაქვეყნა. ირაკლი და გიორგი მამალაძეებს შორის საუბარი ციანიდს უკავშირდება, თუმცა დღესვე ცნობილი ხდება ერთი მნიშვნელოვანი დეტალი - სასულიერო პირს ციანიდი ფარული კამერით აღჭურვილი ჟურნალისტისგან არ შეუძენია.

საქართველოს მოქალაქეებისთვის უვიზო მიმოსვლის შემოღებასთან დაკავშირებით მიღებული რეგულაცია დღეს ევროკავშირის ოფიციალურ ჟურნალში გამოქვეყნდა. საქართველოს მოქალაქეები 28 მარტიდან ევროპაში უვიზოდ მოგზაურობას შეძლებენ.

სროლა იყო ცოტა ხნის წინ დიდ დიღომში, დიმიტრი თავდადებულის 22 ნომერთან. გავრცელებული ინფორმაციით, დაიჭრა 53 წლის მამაკაცი, რომელიც კლინიკაში მიყვანის შემდეგ გარდაიცვალა. ექიმის ინფორმაციით, პაციენტი კლინიკაში მრავლობითი ცეცხლნასროლი ჭრილობებით შეიყვანეს.

საქართველოს პრემიერმინისტრი ევროპარლამენტის დეპუტატების კრიტიკულ წერილზე პირველ რუსთავი 2-ის საქმეზე კომენტარს აკეთებს. ამის შესახებ მან იტალიაში ოფიციალური ვიზიტის დროს ისაუბრა.

ევროპარლამენტის უახლოეს სხდომაზე სავარაუდოდ რუსთავი 2-ის საკითხზე მსჯელობა და დებატები გაიმართება. ევროპელი კანონმდებლები საგანგებო რეზოლუციის მიღებასაც გეგმავენ.

პატარძეულში მომხდარი ავტოსაგზაო შემთხვევა მსხვერპლით დასრულდა. კახეთიდან თბილისის მიმართულებით მოძრავი სატვირთო მანქანა სამარშრუტო ტაქსსა და საპატრულო პოლიციის ეკიპაჟს დაეჯახა. ავარიის შედეგად სამარშრუტო ტაქსის მძღოლი ადგილზე გარდაიცვალა.

უპრეცედენტო გადაწყვეტილება ევროპის ადამიანის უფლებათა სასამართლოს ისტორიაში სწორედ რუსთავი 2-ის საქმის სახელით შევა. პოლიტიკური გზავნილი, რომელმაც მედიის თავისუფლებასთან ერთად, მართლმსაჯულების დამოუკიდებლობა ქვეყანაში სერიოზული კითხვის ნიშნის ქვეშ დააყენა, ასეთია სტრასბურგის სასამართლოს გადაწყვეტილებაზე პოლიტიკური პარტიების რეაქცია. ოპოზიცია ხელისუფლებას შეცდომების აღიარებისკენ მოუწოდებს.

რუსთავი 2-ს დღეს სარედაქციო პოლიტიკის შეცვლისა და დახურვის საფრთხე აღარ ემუქრება. დღევანდელი რეალობა ადამიანის უფლებათა ევროპული სასამართლოს მიერ გუშინ მიღებული გადაწყვეტილებაა უზენაესი სასამართლოს აღსრულების უვადოდ შეჩერების თაობაზე. მმართველმა გუნდმა კი, სტრასბურგის გადაწყვეტილებაში მთავარი პრობლემა საქმის სათაურში დაინახა.

სპეცტექნიკაში გადახდილი მილიონები - ახალციხის ოპოზიცია პრობლემას ნაგავმზიდების შეძენაში ვერ ხედავს, თუმცა მათი მოსაზრებით, პრობლემაა სპეცტექნიკის შეძენის გზებსა და შემდეგ მის ექსპლუატაციაში.

The Chairman of the non-governmental organization " Democratic Initiative" ,Giorgi Mshvenieridze said that if the European Court proves that during the court proceedings on Rustavi 2 case there were serious violations of law, which resulted in violations of the rghts of the broadcasting company Rustavi 2 and the Karamanashvilis, specific people are to be held accountable.

არასამთავრობო ორგანიზაცია საქართველოს დემოკრატიული ინიციატივას თავმჯდომარე გიორგი მშვენიერაძე კურიერის პირდაპირ ეთერში აცხადებს, რომ თუკი ადამიანის უფლებათა ევროპული სასამართლო დაადგენს, რომ რუსთავი 2-ის საქმესთან დაკავშირებით სასამართლო პროცესი მნიშვნელოვანი დარღვევებით წარიმართა, რასაც შედეგად მოყვა სამაუწყებლო კომპანია რუსთავი 2-ის და ყარამანაშვილების უფლებების დარღვევა, პასუხი უნდა აგონ კონკრეტულმა ადამიანებმა.

"This is a challenge for the government," - said the director of the Press Association of Georga , Lasha Tugushi regarding the Strasbourg Court decision on Rustavi 2 case.He congratuled all citizens of Georgia on the ECHR decision to suspend execution of the Supreme Court decision of Georgia. 

„ეს არის გამოწვევა ხელისუფლებისთვის,“ - განაცხადა საქართველოს პრესის ასოციაციის დირექტორმა, ლაშა ტუღუშმა რუსთავი 2-ის საქმეზე სტრასბურგის გადაწყვეტილებასთან დაკავშირებით.

„საქართველოს ხელისუფლება ცდილობს, რომ გააცუცურაკოს ევროპელი პარტნიორები,“- ეს განცხადება კურიერის პირდაპირ ეთერში სტრატეგიული ანალიზის ცენტრის დამფუძნებელმა, გიორგი რუხაძემ გააკეთა.

საქართველოს პარლამენტის ფრაქცია ნაციონალური მოძრაობის მდივანი, თინათინ ბოკუჩავა რუსთავი 2-ის საქმესთან დაკავშირებით ევროპარლამენტის ძირითადი ჯგუფების წარმომადგენლების მიერ საქართველოს პრემიერმინისტრისადმი მიწერილ წერილს აფასებს.

„ეს არის ძალიან მკვეთრი, მკაფიო გზავნილი, რომელიც ხელისუფლებამ უნდა მიიღოს,“ - ფრაქცია მოძრაობა თავისუფლებისთვის - ევროპული საქართველოს წევრი სერგი კაპანაძე გუშინ, ევროპარლამენტში შემავალი ძირითადი ჯგუფების წარმომადგენლების წერილზე საუბრობს, რომლებმაც გიორგი კვირიკაშვილს მიმართეს და სადაც შეშფოთებას გამოთქვამენ რუსთავი 2-ზე მიმდინარე ზეწოლის გამო. კაპანაძემ ეს განცხადება კურიერის პირდაპირ ეთერში გააკეთა. 

Father Giorgi Mamladze`s lawyer has said that evidence publicized by the Prosecutor`s Office is fabricated. Mikheil Ramishvili said in the Curier live that the main investigative authority publicized only the fragments of records.

დეკანოზ გიორგი მამალაძის ადვოკატი პროკურატურას გასაჯაროებული ვიდეომასალების დამონტაჟებაში ადანაშაულებს. მიხეილ რამიშვილმა კურიერის პირდაპირ ეთერში განაცხადა, რომ მთავარმა საგამოძიებო ორგანომ ჩანაწერები ნაწილ-ნაწილ გამოაქვეყნა.

წმინდა სინოდის სხდომამდე ერთი დღით ადრე პროკურატურა ციანიდის საქმეზე გამოძიების შუალედურ შედეგებს აქვეყნებს. საგამოძიებო უწყებამ დღეს ირაკლი მამალაძის მიერ გადაღებული ვიდეო მასალისა და ბრადებული დეკანოზის ტელეფონიდან ამოღბული ინფორმაციის ის ნაწილი გაასაჯაროვა, რომლითც პროკურატურის განმარტებით, მამა გიორგი მამალაძის ციანდით დაინტერესება მტკიცდება.