Новости за 17.03.2017

საზენიტო-სარაკეტო სისტემების განთავსების პარალელურად მოსკოვი ოკუპირებულ რეგიონში და მის ფარგლებს გარეთ მასშტაბურ წვრთნებს, მათ შორის, ზღვაზე ატარებს.

პრეზიდენტი პარლამენტს ანგარიშით 7 აპრილს მიმართავს. დაესწრება თუ არა მთავრობა სრული შემადგენლობით პრეზიდენტის პარლამენტში გამოსვლას უცნობია. მინისტრებს ჯერ არ აქვთ გადაწყვეტილი ჩავლენ თუ არა ქუთაისში გიორგი მარგველაშვილის ყოველწლიური მოხსენების მოსასმენად.

მიხეილ თათრიშვილი სასამართლომ 2 თვიან პატიმრობაში დატოვა. ბრალდებულმა სასამართლო სხდომაზე აღნიშნა, რომ 18 აბი ბუპრენორფინი, რომელიც ბრალდების საქმეში დევს, მას არ ეკუთვნის.

რუსთავი 2-ის საქმის განმხილველი მოსამართლის, ნატა ნაზღაიძის ოჯახისთვის ქონების გადაცემის ფაქტზე უახლოეს მომავალში შესაძლოა, საერთაშორისო ორგანიზაციების მიერ დასკვნა მომზადდეს. შესაბამისი დოკუმენტაცია NDI-ის, IRI-ის და აშშ-ის საელჩოს წარმომადგენლებს ოპოზიციამ მიაწოდა. შეხვედრა დეპუტატების ინიციატივით შედგა, რადგან ოპოზიციაში მიაჩნიათ, რომ სქემა მასშტაბური კორუფციის ნიშნებს შეიცავს და საერთაშორისო თანამეგობრობის ინფორმირება აუცილებელია.

რუსთავი 2-ის საქმეზე ევროსასამართლოს გადაწყვეტილების შესახებ ნინო გვენეტაძე კითხვებს უპასუხოდ ტოვებს. უზენაესი სასამართლოს თავმჯდომარემ საუბარი დღეს არც ქიბარ ხალვაშის სასარგებლოდ ერთხმად მიღებული გადაწყვეტილების შესახებ ისურვა.

ე.წ. ადგილობრივი სტრასბურგის მოდელის ამოქმედების ინიციატივა საკონსტიტუციო კომისიის სხდომაზე კონსტიტუციონალისტებმა, ნინო ბურჯანაძის პარტიამ და სახალხო დამცვლის აპარატმა წარადგინა. წინადადება საკონსტიტუციო სასამართლოს მიერ საერთო სასამართლოების მიერ მიღებული გადაწყვეტილებების გადასინჯვას თვალისწინებს.

თეთრ სახლს დიდი ბრიტანეთის ხელისუფლებისთვის ახსნა-განმარტებების მიცემა მოუწია. საქმე ჯონ სპაისერის განცხადებას ეხება, რომელმაც ბრიტანული დაზვერვა წინასაარჩევნო კამპანიის დროს ტრამპ ტაუერის უკანონო მოსმენებში დაადანაშაულა.

სესხების გალარების პროგრამა მთელი ქვეყნის მასშტაბით დასრულდა. თუმცა ხელისუფლების მოლოდინი არ გამართლდა და სახელმწიფო სერვისით დოლარში მქონე სესხების მქონე მომხმარებელთა მხოლოდ მცირე ნაწილმა ისარგებლა.

ყოფილი პარლამენტის თავმჯდომარე დავით უსუფაშვილი ქვეყანაში მიმდინარე პროცესებზე პასუხისმგებლობას ბიძინა ივანიშვილს აკისრებს.  არაფორმალურ მმართველობასთან დაკავშირებით დავით უსუფაშვილის მიერ გაკეთებული განცხადება კრიტიკის მიზეზი გახდა.

ბათუმში მომხდარი დაპირისპირების საქმეზე დაკავებული 5 პირი სასამართლოს გადაწყვეტილებით წინასწარ პატიმრობაში რჩება. სახელმწიფო ბრალდება მათ მასობრივ არეულობას, ასევე პოლიციელსა და სახელმწიფო დაწესებულებაზე თავდასხმას ედავება.სამართალდამცველებმა 11 მარტს განვითარებული მოვლენების საქმეზე, გუშინ 7 პირი დააკავეს, მათ შორის 2 არასრულწლოვანია. დაკავებულები ბრალს არ აღიარებენ.

Batumi City Court has sentenced five persons detained for organizing unrest to pre-trial detention recently.

ცოტა ხნის წინ ბათუმის საქალაქო სასმართლომ წინასწარი პატიმრობა შეუფარდა არეულობის ბრალდებით დაკავებულ 5 პირს.

სამეგრელო-ზემო სვანეთის პოლიციამ ორი პირი დააკავა. დაკავებულებს ბრალი ყაჩაღობის, განზრახ მკვლელობის, ნარკოტიკური საშუალებებისა და ცეცხლსასროლი იარაღის უკანონო შეძენა-შენახვისთვის წარედგინათ.

The head of the City Council Republican faction Khatuna . Samnidze criticizes Djaba Samushia who stated in the Courier that a reasonable period was needed after which the Mayor would come to the City Council. The City Council opposition provided the information about one-million-worht property given to the family of Judge Nazgaidze to the international organizations and diplomats.

თბილისის საკრებულოს ფრაქცია რესპუბლიკელების თავმჯდომარე ხათუნა სამნიძე ჯაბა სამუშიას აკრიტიკებს, რომელმაც კურიერის ეთერში აღნიშნა, რომ საჭიროა გონივრული ვადა, რის შემდეგაც ქალაქის მერი საკრებულოში მივა. მოსამართლე ნაზღაიძის ოჯახისთვის 1 მილიონი ლარის ქონების გადაცემის შესახებ ინფორმაცია თბილისის საკრებულოს ოპოზიციამ საერთაშორისო ორგანიზაციებსა და დიპლომატიურ კორპუსს წარუდგინა.

The murderer of Giga Otkhozoria , Rashid Kanji-Ogli has been announced wanted by the red notice . The Interior Ministry confirmed the information to Rustavi 2 TV. 

The murder in Vani. A man has been killed by his own son with a gun in the village of Zeindari, Imereti region. 

გიგა ოთხოზორიას მკვლელობაში ბრალდებულის, რაშიდ კანჯი-ოღლის მიმართ წითელი ცირკულარით ძებნა გამოცხადდა. ამის შესახებ ინფორმაცია რუსთავი 2-ს შინაგან საქმეთა სამინისტროში დაუდასტურეს.

მკვლელობა ვანში. სოფელ ზეინდარში შვილმა მამა თოფით მოკლა. გავრცელებული ინფორმაციით მკვლელობის მოტივი სავარაუდოდ მამა-შვილს შორის არსებული კონფლიქტი გახდა.

მოსამართლე ნაზღაიძისთვის 1 მილიონი ლარის ქონების გადაცემასთან დაკავშირებით საერთაშორისო ორგანიზაციებს დღეს უმრავლესობის წევრები შეხვდნენ. შეხვედრის დეტალებზე კურიერის პირდაპირ ეთერში თბილისის საკრებულოს ქონების მართვისა და საფინანსო-საბიუჯეტო კომისიის თავმჯდომარემ ჯაბა სამუშიამ ისაუბრა.

სახელმწიფო საკონსტიტუციო კომისიამ სტრასბურგის სასამართლოს ანალოგის შექმნაზე იმსჯელა. საკითხი არასაპარლამენტო ოპოზიციისა და კონსტიტუციონალისტების ნაწილმა დააყენა და ის საკონსტიტუციო სასამართლოსთვის კიდევ ერთი კოლეგიის დამატებას ითვალისწინებს.

“მისი კრიტიკა არაფრის მომცემია,“ - ასე ეხმაურება ერთიანი ნაციონალური მოძრაობის პოლიტიკური საბჭოს წევრი ნიკა რურუა პარლამენტის ყოფილი თავმჯდომარის დავით უსუფაშვილის იმ განცხადებას, რომლის მიხედვითაც ის ქვეყანაში არსებულ ვითარებაზე პასუხისმგებლობას ბიძინა ივანიშვილს აკისრებს და მის არაფორმალურ მმართველობაზე საუბრობს.

„სრულიად საქართველომ იცის, ნაზღაიძის თემის პერიპეტიები, სრულიად საქართველომ იცის, რომ ეს იყო ნამდვილად კორუფციული სქემა და ნამდვილად უკანონოდ გადაეცა მილიონი ლარი კორუფციული გარიგებით მოსამართლე ნაზღაიძის ოჯახს,“- ეს განცხადება თბილისის საკრებულოს ფრაქცია ნაციონალური მოძრაობის წევრმა, მარინა დათუკიშვილმა კურიერის პირდაპირ ეთერში გააკეთა.

The head of the Movement for Freedom faction of Tbilisi City Council, Mamuka Akhvlediani believes that meeting with the representatives of international organizations is important, because according to him, they were informed about a corrupt deal.

თბილისის საკრებულოს ფრაქცია მოძრაობა თავისუფლებისთვის - თბილისის თავმჯდომარე მამუკა ახვლედიანი საერთაშორისო ორგანიზაციების წარმომადგენლებთან შეხვედრას მნიშვნელოვნად მიიჩნევს, რადგან მისი თქმით, მათ მიაწოდეს ინფორმაცია კორუფციულ გარიგებასთან დაკავშირებით.