Новости за 06.03.2017

ფარმაცევტული საქმიანობის დეპარტამენტის უფროსი დაკავებულია- გავრცელებული ინფორმაციით დავით მაჭარაშვილს 2 კომპანიის ლობირებასა და ქვეყანაში დაშვებულზე მეტი რაოდენობის ფსიქოტროპული პრეპარატების შემოტანას ედავებიან.

ციანიდის საქმეში შორენა თეთრუაშვილი დაზარალებული სტატუსით ფიგურირებს. დღესვე ცნობილი გახდა, რომ ჩხრეკისას ბრალდებულის სახლიდან ამოღებული იარაღი პროკურატურის მთავრ მოწმეს, ირაკლი მამალაძეს, ეკუთვნის.

დაანონსებული რეფორმა საზოგადოებრივ მაუწყებელზე დაახლოებით 4 თვით გადაიდო. მაუწყებლის ბორდის თავმჯდომარის განცხადებით, 17 ივლისამდე ყველა გადაცემა ჩვეულ რეჟიმში გააგრძელებს მუშაობას.

რუსებმა და აფხაზებმა ახალი გადაწყვეტილების სისრულეში მოყვანა უკვე დაიწყეს. ოტობაია-ორსანტიას გარდა, უქმდება ნაბაკევი ხურჩის ე.წ. გადასასვლელი პუნქტიც. ანუ ოკუპირებული აფხაზეთისკენ გადაადგილება, მხოლოდ ენგურის ხიდით იქნება შესაძლებელი, რაც მიმდებარე სოფლებში ადგილობრივ მოსახლეობას გზას რამდენიმე ათეული კილომეტრით გაუგრძელებს, მათ შორის მოსწავლეებს, რომლებიც ოკუპირებული ხაზის მიღმა სკოლებსა და ბაღებში დადიან.

პარლამენტის თავმჯდომარის სკანდალური განცხადება პრეზიდენტის მისამართით - ირაკლი კობახიძის მუქარას დღეს პრეზიდენტის ადმინისტრაციის უფროსმა უპასუხა. საკონსტიტუციო კომისიის თავმჯდომარის სკანდალურმა განცხადებამ, რომ ქვეყნის პირველი პირის არჩევითობის გაუქმების ვადები შესაძლოა გიორგი მარგველაშვილის პოზიციების სიმწვავეზე იყოს დამოკიდებული, პრეზიდენტის გარემოცვის პროტესტი გამოიწვია.

11 მარტის აქცია-კონცერტისთვის მზადება დაწყებულია. ევროპული საქართველოს წევრები თბილისის ქუჩებში რუსთავი 2-ს დასაცავად დღეს მოქალაქეებს 11 მარტის აქცია-კონცერტზე ეპატიჟებოდნენ. პარტიის წევრები მოქალაქეებს უხსნიდნენ რა მნიშვნელობა აქვს ქვეყნისთვის დამოუკიდებელი ტელეკომპანიის არსებობას და სიტყვის თავისუფლების დაცვას.

ადამიანის უფლებათა ევროპულ სასამართლოს რუსთავი 2-ის საქმეზე აღსრულების შეჩერების მექანიზმის გახანგრძლივებას 35-მდე არასამთავრობო ორგანიზაცია რამდენიმე არგუმენტის გათვალისწინებით სთხოვს. სტრასბურგის სასამართლოში გაგზავნილ მიმართვაში ნათქვამია, რომ მოსამართლეთა დამოუკიდებლობასა და მიუკერძოებლობაზე ეჭვები საქმის განხილვის ყველაზე ეტაპზე არსებობდა.

ამერიკის შეერთებული შტატების სახელმწიფო დეპარტამენტის ანგარიშს ქართულ ოცნება კრიტიკულად არ განიხილავს. ყოველწლიურ დოკუმენტში, რომელშიც ამჯერად რუსთავი 2-ის საქმეს განსაკუთრებული ადგილი ეთმობა, ყურადღება სასამართლო პროცესში მთავრობის ჩარევაზე, სასამართლოს გზით სარედაქციო პოლიტიკის შეცვლის მცდელობასა და სამართლიანი სასამართლოს უფლების შეზღუდვაზე მახვილდება.

„თუკი პრეზიდენტი ამბობს, რომ მედია ომბუდსმენი შეიქმნას, მე ვამბობ, რომ ამის საჭიროება ნამდვილად არ არის. გვყავს ომბუდსმენის აპარატი, რომელიც თავისთავად, ისედაც, გარკვეულ საკითხებში არ მოდის შესაბამისობაში გარკვეულ პოზიციებთან, რომელიც მთავრობას გააჩნია,“ - ეს განცხადება ქართული ოცნების ერთ-ერთმა ლიდერმა, გიორგი ვოლსკიმ, მანამდე გააკეთა, სანამ გაიგებდა, რომ მედიაო მბუდსმენის ინსტიტუტის შესახებ ინიციატივა არა პრეზიდენტს, არამედ პრემიერ-მინისტრს ეკუთვნოდა, თუმცა მოგვიანებით რიტორიკა შეცვალა.

სტრასბურგის სასამართლოში რუსთავი 2-ის საქმის განხილვის პარალელურად მდგომარეობის გამოსასწორებლად პრემიერ-მინისტრი ახალი ინიციატივით გამოდის. გიორგი კვირიკაშვილმა დღეს სამოქალაქო სექტორთან შეხვედრაზე მედიაომბუდსმენის ინსტიტუტის შექმნის ინიციატივა წამოაყენა, თუმცა შეხვედრის მონაწილეების უმრავლესობა ამ იდეას სკეპტიკურად შეხვდა. მათი თქმით, ამ ინიციატივით ხელისუფლება საერთაშორისო ასპარეზზე მხოლოდ საკუთარი იმიჯის გადარჩენას ცდილობს.

დღეს ადამიანის უფლებათა ევროპულ სასამართლოსთან განსაკუთრებული აქტიურობა შეინიშნებოდა. სტრასბურგის სასამართლოში შეხვედრას მართავდა დაახლოებით 15 წუთის განმავლობაში საქართველო საგარეო საქმეთა მინისტრი, მიხეილ ჯანელიძე, ხოლო დღის მეორე ნახევარში, სასამართლოში განაცხადი ქიბარ ხალვაშმა თავის უფლებადამცველთან ერთად შეიტანა.

საქართველოს პრეზიდენტის ადმინისტრაციის უფროსი გიორგი აბაშიშვილი ირაკლი კობახიძის მოწოდებას პრეზიდენტის მიმართ, თავის შეკავების შესახებ, "ემოციურ გამოსვლად" აფასებს. 

„ჩვენ ვთვლით, რომ ქვეყანა უნდა დაადგეს დემოკრატიული განვითარების გზას,“ - ამის შესახებ რესპუბლიკური პარტიის პოლიტიკურმა მდივანმა, თამარ კორძაიამ კურიერის პირდაპირ ეთერში განაცხადა.

Head of the Presidential Administration,Giorgi Abashishvili has responded to the Prime Minister`s initiative regarding media ombudsman and said that the initiative was too vague.

საქართველოს პრეზიდენტის ადმინისტრაციის უფროსი გიორგი აბაშიშვილი პრემიერ-მინისტრის ინიციატივას მედია ომბუდსმენის ინსტიტუტის საკითხის ბუნდოვანებაზე საუბრობს.

ერთიანი ნაციონალური მოძრაობის პოლიტიკური საბჭოს თავმჯდომარის მოადგილე ზაა ბიბილაშვილი დღეს ქიბარ ხალვაშის სტრასბურგის სასამართლოში მისვლას და მანამდე საგარეო საქმეთა მინისტრის მიხეილ ჯანელიძის ევროსასამართლოში ვიზიტს კურიერის პირდაპირ ეთერში ეხმაურება. ზაზა ბიბილაშვილი პროცესების უკან ბიძინა ივანიშვილის კვალს ხედავს.

„ჩვენ ჩვენი პოზიცია დავაფიქსირეთ, რომ ამ შეფერხებით გვადგება ზიანი,“ - განაცხადა ქიბარ ხალვაშის ადვოკატმა სტრასბურგის სასამართლოდან გამოსვლის შემდეგ.

Deputy chairman of the UNM political council, Zaza Bibilashvili spoke about the developments around Rustavi 2 in the Courier live broadcast.

ერთიანი ნაციონალური მოძრაობის პოლიტიკური საბჭოს თავმჯდომარის მოადგილე ზაზა ბიბილაშვილი რუსთავი 2-ის საქმესთან დაკავშირებით განვითარებულ მოვლენებზე კურიერის პირდაპირ ეთერში საუბრობს.

თავისუფალი დემოკრატების აღმასრულებელი მდივანი ლევან სამუშია პრემიერ-მინისტრის მიერ მედია ომბუდსმენის ინსტიტუტის შექმნასთან დაკავშირებით გამოთქმულ ინიციატივას აკრიტიკებს.

"This is another clear indication of what  the situation with justice is in Georgia," - this is how the executive secretary of the Free Democrats, Levan Samushia assesses the visit of Foreign Minister to Strasbourg.

„ეს კიდევ ერთხელ ნათელი დადასტურება იქნება თუ რა დღეშია საქართველოში მართლმსაჯულება,“ - ასე აფასებს თავისუფალი დემოკრატების აღმასრულებელი მდივანი ლევან სამუშია საგარეო საქმეთა მინისტრის დღევანდელ ვიზიტს სტრასბურგის სასამართლოში.

Kibar Khalvashi has filed his letter in the European Court of Human Rights and requested to be included in Rustavi 2 case as a third party. When leaving the Court building he gave an interview to the Courier correspondent and spoke about the details related to the letter.

ქიბარ ხალვაშმა ცოტა ხნის წინ ევროპის ადამიანის უფლებათა სასამართლოს წერილით მიმართა და რუსთავი 2-ის საქმეში მესამე მხარედ ჩართვა მოითხოვა. სასამართლოს შენობიდან გამოსვლის შემდეგ მან კურიერის კორესპონდენტთან კომენტარი გააკეთა და ის დეტალები განმარტა, რომელზეც წერილშია საუბარი. 

„პრობლემა არის იმაში, რომ ხელისუფლება დაესხა თავს კრიტიკულ მედიას,“ - ეს განცხადება პარლამენტის ფრაქცია ევროპული საქართველოს წევრმა ელენე ხოშტარიამ კურიერის პირდაპირ ეთერში რუსთავი 2-ის შესახებ საუბრისას გააკეთა.