Новости за 15.06.2016

ნატოს თავდაცვის მინისტრებმა უკრაინის დახმარების პაკეტი შეათანხმეს. დოკუმენტს საბოლოოდ ვარშავის სამიტზე მიიღებენ.

თბილისის საკრებულოს უმრავლესობა სპეციალური კომისიის შექმნის აუცილებლობას ვერ ხედავს. საკრებულოში ბრიფინგი ბაღების ყოფილი თანამშრომლების მოთხოვნასთან დაკავშირებით ცოტა ხნის წინ ჩატარდა.

საარჩევნო კოდექსში შესატან ცვლილებებთან დაკავშირებით განცხადებები გააკეთეს საპარლამენტო უმცირესობის წევრებმა. ფრაქცია ფორუმელები კატეგორიულად ეწინააღმდეგებიან ცვლილებებს, რომელიც პოლიციელებს, კენჭისყრის შენობის მიმდებარე ტერიტორიაზე, საარჩევნო კომისიის თავმჯდომარის მოთხოვნისა და თანხმობის გარეშე ყოფნის უფლებას ანიჭებს. მათი თქმით, არჩევანის გაკეთების ადგილას სამართალდამცავები არ უნდა იმყოფებოდნენ.

პრემიერ მინისტრმა გერმანიაში, ბიზნეს ფორუმში მიიღო მონაწილეობა და სიტყვით გამოვიდა. გამოსვლის დროს, პრემიერინისტრმა ისაუბრა საქართველოში კანონის უზენაესობაზე, სასამართლოს რეფორმაზე და მედიაპლურალიზმზე. მან აღნიშნა, რომ სიტყვის გამოხატვის თავისუფლება, ხელისუფლებისათვის უმნიშვნელოვანესი საკითხია.

სპეცსამსახურები ბელგიასა და საფრანგეთს მოსალოდნელი ტერაქტების შესახებ აფრთხილებენ. ბელგიის დაზვერვის სამსახურმა სამართალდამცავ უწყებებს საგანგებო შეტყობინებები გადაუგზავნა, სადაც აღნიშნულია, რომ ისლამური სახელმწიფოს წევრები ახალ თავდასხმებს ამზადებენ.

სროლას კალიფორნიაში 16 წლის გოგონა ემსხვერპლა. შემთხვევა ოუქლენდის ცენტრში მოხდა. პოლიციის ინფორმაციით, შეიარაღებულმა პირმა ცეცხლი ახალგაზრდების ჯგუფის მიმართულებით გახსნა, რომლებიც გარდაცვლილი მეგობრის ხსოვნისადმი მიძღვნილ ღონისძიებას ესწრებოდნენ.

ამ წუთებში ბერლინში გიორგი კვირიკაშვილისა და ანგელა მერკელის პირისპირ შეხვედრა მიმდინარეობს, მანამდე კი საქართველოს პრემიერმინისტრმა ბიზნეს ფორუმში მიიღო მონაწილეობა და სიტყვით გამოვიდა.

კანონმდებლობის მიზანია, მოხდეს თავიდან აცილება ისეთი ექსცესებისა, როგორსაც ადგილი ჰქონდა კორცხელში - ეს განცხადება, საქართველოს იუსტიციის მინისტრის მოადგილემ, საარჩევნო კოდექსში შესატან ცვლილებებზე საუბრისას გააკეთა.

საქართველოს თავდაცვის მინისტრი პარიზიდან ბრიუსელში გაემგზავრა, სადაც ნატოს შტაბბინა თავდაცვის მინისტრების შეხვედრას მასპინძლობს.

პარლამენტის ვიცე სპიკერი მანანა კობახიძე ჟენევის შეხვდრას გამოეხმაურა. მანანა კობახიძის განცხადებით, ერთ-ერთი მძიმე საქმე, რომელსაც მონაწილე მხარეები ამ ფორმატში განიხილავენ გიგა ოთხოზორიას მკვლელობაა. პარლამენტის ვიცე სპიკერი მომხდარზე პასუხიმგებლობას რუსულ მხარეს აკისრებს.

თავისუფალი დემოკრატების თავმჯდომარე ირაკლი ალასანია გერმანიაში, პრემიერმინისტრის გიორგი კვირიკაშვილის ანგელა მერკელთან შეხვედრას აფასებს. ალასანია აღნიშნავს, რომ სასურველი იქნებოდა შეხვედრა უფრო ადრე შემდგარიყო.

უმრავლესობის წევრი მანანა კობახიძე მიიჩნევს, რომ ვიზალიბერალიზაციის საკითხთან დაკავშირებით გადაწყვეტილება სექტემბრისთვის პოზიტიური იქნება საქართველოსთვის. ვიცე სპიკერმა აღნიშნა, რომ უვიზო მიმოსვლის საკითხში, საქართველოს გერმანიისგან მყარი მხარდაჭერა აქვს.

არასაპარლამენტო ოპოზიცია პრეზიდენტს საარჩევნო კოდექსში ცვლილებების შეტანის შემთხვევაში, კანონზე ვეტოს დადებისკენ მოუწოდებს. ოპოზიციის ნაწილი კანონის იმ ნორმას აპროტესტებს, რომელიც პარტიებისთვის წინასაარჩევნოდ სარეკლამო დროის გადანაწილებას ეხება.

ლეიბორისტული პარტიის წარმომადგენელები NDI-ს წარმომადგენლებს შეხვდნენ. მშრომელთა პარტიამ საერთაშორისო ორგანიზაციას ინფორმაცია მიაწოდა საარჩევნო სისტემასთან დაკავშირებულ ხარვეზებზე.

შეზღუდული შესაძლებლობების მქონე ჩვილებისთვის საოჯახო ტიპის სახლები აშენდება. პირველი პილოტური სერვისი 2016 წლის ბოლოსთვის ამოქმედდება და მასში ის 6 ბავშვი დაბინავდება, რომელიც ამ დროისთვის თბილისის ჩვილ ბავშვთა სახლში ცხოვრობს.

ბრიფინგი იწყება ამ წუთებში საკრებულოში - განათლების კომიტეტის ხელმძღვანელი ბაგა-ბაღების გათავისუფლებული დირექტორების მოთხოვნასთან დაკავშირებით გადაწყვეტილებას გაასაჯაროებს.

საარჩევნო პროცესი და გამკაცრებული კანონები - მთავრობის მიერ მომზადებულ პროექტს დეპუტატები აფასებენ. ოპოზიცია ხელისუფლებას კორცხელის ინციდენტის გადაფარვის მცდელობაში ადანაშაულებს.

ერთ საათში ბერლინში გიორგი კვირიკაშვილისა და ანგელა მერკელის პირისპირ შეხვედრა დაიწყება. მანამდე კი საქართველოს პრემიერმინისტრმა ბიზნეს ფორუმში მიიღო მონაწილეობა და სიტყვით გამოვიდა.

24 ადამიანი მოიწამლა ხელვაჩაურის რაიონის სოფელ სატეხიაში. მურად ვარაშანიძის ოჯახში მოწამლულებს შორის 11 ბავშვია, მათ შორის ერთი წლინახევრისაა. ამ დროისთვის ისინი ბათუმის საავადმყოფოებში არიან გადაყვანილი. პაციენტების მდგომარეობა ამ დროისთვის სტაბილურია.

The UNM"s election campaign will be headed by Nika Melia. Davit Bakradze with other party leaders introduced Nika Melia at the headquarters office today.

ერთიანი ნაციონალური მოძრაობის საარჩევნო შტაბს ნიკა მელია უხელმძღვანელებს. შტაბის ხელმძღვანელად მელია, დავით ბაქრაძემ პარტიის სხვა ლიდერებთან ერთად წარადგინა.

Minister of Regional Development and Infrastructure met with the Asian Development Bank ADB officials.

რეგიონული განვითარებისა და ინფრასტრუქტურის მინისტრი აზიის განვითარების ბანკის ADB ხელმძღვანელ პირებს შეხვდა.

ამ წუთებში გერმანიაში გერმანულ-ქართული ბიზნესფორუმი იწყება, რომელსაც საქართველოს პრემიერმინისტრი, გიორგი კვირიკაშვილი ესწრება.

ახალი სასტუმრო გაიხსნა მცხეთაში. 22 ნომრიანი სასტუმრო ქალაქის ცენტრში მდებარეობს. ოფიციალურ გახსნაზე გუშინ ეკონომიკის მინისტრი იმყოფებოდა. სასტუმროში 37 ადამიანი დასაქმდება და ის დასვენების გარდა, სტუმრებს სხვადასხვა გამაჯანსაღებელ პროცედურებს შესთავაზებს.