Новости за 16.02.2026

Кыш башыннан бирле Казанда 176,5 мм кар яуган. Шәһәрдән чыгарылган карның күләме 1 млн тоннадан артык. Бу хакта эшлекле дүшәмбедә шәһәр мэры Илсур Метшин хәбәр итте.

16 февральдә 10.00 сәгатьтән 12.00 сәгатькә кадәр РФ Президентының ТРдагы кабул итү бүлмәсендә «Эчә торган суны СанПиН буенча тикшерү тәртибе» темасына телефон элемтәсе режимында туры линия узачак.

Татарстан Республикасында пилотсыз авиация системалары өлкәсендә сынаулар һәм компетенцияләр фәнни-җитештерү үзәкләре челтәрен булдыруга 2 млрд сумнан артык акча юнәлтергә планлаштыралар. Бу хакта ТР Финанс министрлыгы матбугат хезмәтендә хәбәр иттеләр.

Татарстан, татар халкының хокуклары өчен көрәшкән сәнгатькәрнең тууына 80 ел тулды, әмма аны зурлап искә алу булмады. Җырчы гомер буена Габдулла Тукай исемендәге татар дәүләт филармониясендә эшләгән булса да, туган сәхнәсендә аны искә алмадылар.

Махсус операция уздыру зонасында хезмәт итүче мөселман хәрбиләргә вакытлыча ураза тотмаска рөхсәт ителә. Бу хакта «Татар-информ»га Казанның Кабан арты мәчете имамы Хөсәен Зөфәров хәбәр итте.

«Җиңүнең йөзләре» мультимедияле проектын татар шагыйре һәм Советлар Союзы Герое Муса Җәлилнең тарихы белән тулыландырганнар. Бу хакта Татарстан Республикасының Россия Федерациясендәге тулы вәкаләтле вәкиллеге хәбәр итә.

Мамадыш районы башлыгы Вадим Никитин һәм депутат Илнур Галиев кыска вакытлы ялга кайткан махсус хәрби операция катнашучысы белән очрашты. Батарейка позывнойлы хәрби алгы сызыктагы районны лаеклы тәкъдим итә.

16 февральдә Чаллыда беренче КАМАЗ йөк автомобилен чыгаруның 50 еллыгына һәм шәһәрнең 400 еллыгына багышланган чаралар уза. Бу уңайдан автошәһәргә Татарстан Рәисе Рөстәм Миңнеханов килде.

2026 елның гыйнварында Татарстан Республикасында кредит карталары рәсмиләштерүчеләр саны кимү күзәтелгән. Декабрь белән чагыштырганда клиентларга ачылган кредит карталары саны 25 процентка, бирелгән лимитларның гомуми күләме 26 процентка, уртача лимит 2 процентка кимегән. Бу хакта Берләшкән кредит бюросы мәгълүматларыннан билгеле булды.

Казанда көчле кар яву нәтиҗәләре аркасында берничә автобусның маршруты вакытлыча үзгәртелде. Бу хакта шәһәрнең Транспорт комитеты хәбәр итә.

Nordwind Airlines авиакомпаниясе Сочи, Түбән Кама һәм Түбән Новгород арасында очучы берничә реөч тоткарлану турында хәбәр итте.

Татарстан Республикасы Рәисе Рөстәм Миңнеханов эш сәфәре белән Чаллыга килде. Шәһәр мэры Наил Мәһдиев республика җитәкчесенә Чаллы предприятиеләренең һәм оешмаларының казанышларын тәкъдим итә.

Бүген Татарстан Республикасы территориясендә төнлә 02:10 сәгатьтән 05:10 сәгатькә кадәр пилотсыз очкыч һөҗүме куркынычы режимы гамәлдә булды. Бу хакта Гадәттән тыш хәлләр министрлыгының рәсми кушымтасында хәбәр иттеләр.

Кеше үлгәннән соң аның туганнары мирас алуга дәгъва итә ала. Мирас алганда кемнәр өстенлекле хокукка ия, һәм нинди объектлар мирас дип санала ала – «Татар-информ» материалында.

Стратегик диалогка һәм партнерлыкка ярдәм итү фонды «Россия – ислам дөньясы» стратегик караш төркеменең ел саен үткәрелә торган грантлар конкурсы башлану турында игълан итте. Гаризалар 2026 елның 1 апреленә кадәр кабул ителәчәк, дип хәбәр итә чараны оештыручылар.

ТР Рәисе Рөстәм Миңнеханов социаль челтәрләрдәге битләрендә Татарстанның алдынгы хәрбиләрен республика дәүләт бүләкләре белән бүләкләү тантанасыннан видео күрсәтте.

Биш көнлек график белән эшләүче татарстанлыларны бу атна азагында озын ял көннәре көтә. Яллар 21 февральдән 23 февральгә кадәр дәвам итәчәк.

X сыйныфка бару өчен IX сыйныф укучыларына дүрт Төп дәүләт имтиханы тапшырырга кирәк

Бүген, 16 февральдә, Татарстанда болытлы, карлы һәм шактый җылы һава торышы сакланачак. Бу хакта ТР Гидрометеорология үзәге хәбәр итә.

15 февральдә Чаллының «Ватан-ана» мемориал комплексында Әфганстаннан совет гаскәрләре чыгарылуга 37 ел тулуга һәм хәрби бурычларын үтәгәндә һәлак булган россиялеләрне искә алуга багышланган чара булды. Бу хакта «Шәһри Чаллы» хәбәр итә.

Нурлатта «Гаилә учагы» яшь гаилә клубы ачылды, дип хәбәр итә «Нурлат-информ».

Кукмараның Олимп Боз сараенда чын спорт бәйрәме гөрләде — «Олимп» (Кукмара) командасы белән «Хоккей легендалары» (Казан) арасында дусларча очрашу матчы узды. Бу хакта «Хезмәт даны» хәбәр итә.

Чистайда халык күңел ачулары – Яшьләрчә Май чабу бәйрәме узачак. Бу хакта «Чистай-информ» хәбәр итә.