Новости за 12.03.2022

Түркмөнстанда 12-мартта кезексиз президенттик шайлоо өттү. Бул саясий өнөктүк бийликти авторитардык президент Гурбангулы Бердымухамедовдон анын уулу Сердарга өткөрүп берүүнүн формалдуу көрүнүшү катары бааланды. Бул Борбор Азия мамлекетинде шайлоо деген негиз менен бийликти атадан балага мураска өткөрүү жөрөлгөсү ишке ашканын бозгунда жүргөн түркмөн оппозициясынын өкүлдөрү белгилешти. Түркмөнстанда Ашхабад убактысы боюнча кечки саат 7ге карата шайлоо участкалары жабылды. Берилген добуштар саналып жатканы айтылды. Читать дальше...

Мумиялар бир гана Египетте эмес, Европада да болгону белгилүү болду. Кытайда байыркы маданияттын изи табылды. Социалдык тармакка жазган посттор адамдын саламаттыгынан кабар берип турат. “Азаттыкта” соңку илим жаңылыктарынын топтому. Дүйнөдөгү эң байыркы мумиялар табылды Адатта маркумду мумиялоо маданияты Египетке таандык деп эсептелет. Бирок Упсала университетинин окумуштуулары бул нерсе Европада алда канча эрте калыптанган болушу мүмкүн деген тыянакка келишти. Мындай жыйынтыкка келүүдөн мурда... Читать дальше...

Армения менен Түркиянын тышкы иштер министрлери ондогон жылдарга созулган кастыктан кийин эки өлкөнүн алака-катышын оңдоо аракетин жасап, 12-мартта жолугушту. Армениянын тышкы иштер министри Арарат Мирзоян Түркиянын тышкы иштер министри Мевлүт Чавушоглу менен Анталияда өткөн дипломатиялык форумдун алкагында эки тараптуу сүйлөшүүлөрдү өткөрдү. "Жолугушууда биз эки тараптын мамилесин оңдоо жараянын улантууга, карым-катнаштарды түзүүгө, чек араларды эч кандай шарт койбостон эле ачууга даяр экендигибизди иш жүзүндө ырастадык"... Читать дальше...

Портонун криминалдык полициясы орусиялык миллиардер Роман Абрамовичке Португалиянын жарандыгын алууга жардам берген раввинди кармады. Орусиялык ишкер буга чейин ата-бабалары 15-кылымдын аягында Португалиядан куулганын далилдеп, Евробиримдиктеги бул өлкөнүн паспортун алган. Равин Даниэль Литвак Абрамовичтин кантип жарандык алганын иликтеген иштин алкагында кармалганын португалиялык Publico гезити жазды. Дин кызматкери жергиликтүү коомчулукта Португалияда жана Испанияда куугунтукка алынган Пиреней... Читать дальше...

Италиянын Финансалык гвардиясы Москванын Украинага аскердик кол салуусуна жооп иретинде Евробиримдиктин санкциялык тизмесине киргизилген орусиялык ишкер Андрей Мельниченконун "А" деген аталыштагы яхтасын камоого алды. Бул тууралуу италиялык La Repubblica, ошондой эле орусиялык РИА Новости Италиянын укук коргоо органдарындагы булактарына шилтеме берип, маалымат таратышты. Жалпы наркы 530 миллион еврого барабар бул яхта Италиянын Триест портунда токтоп турган. РИА Новости агенттиги кабарлагандай... Читать дальше...

Орусиялык күчтөр Киевге жакындап, туш тараптан чабуулун күчөткөнү кабарланууда. Украинанын президенти Владимир Зеленский өлкө бурулуш учурда турганын айтты. Бүгүн таңдан бери Киев баш болгон шаарларда аба сиреналары жаңырып, калкты авиасоккулардан сактанууга чакырып турду. Киевди камалаган чабуулдар Орусиянын Украинага кол салганынын 17-күнүндө Киев шаарынан түндүк-батышта айыгышкан салгылаш башталды. Британиянын Коргоо министрлиги орусиялык жөө аскерлердин негизги бөлүктөрү Киевге 25 чакырым жакындап келгенин билдирди. Читать дальше...

Улуттук банк Кыргызстандан аймагынан долларды чыгарууга убактылуу чектөө койду. Бул чара Кыргызстандын валюта базары олку-солку болуп, чет элдик валютанын тартыштыгы жаралып жаткан чакта киргизилди. Ага чейин социалдык тармакта "Орусиянын жарандары Кыргызстандын коммерциялык банктарынан жана акча алмаштыруучу жайларынан доллар сатып алып жатат" деген маалыматтар тараган. Улуттук банк Кыргызстандагы коммерциялык банктарга, акча алмаштыруучу жайларга, микрофинансылык жана микрокредиттик компанияларга... Читать дальше...

Улуттук коопсуздук кызматы тарабынан Кылмыш-жаза кодексинин 343-беренесинин 1-бөлүмү (Опузалап пара алуу) менен козголгон кылмыш ишинин алкагында, жеке ишкерден 90 миң сом акча алып жаткан жеринен И.А.К. жана Сузак районунун Таш-Булак айыл аймагынын кызматкери Б.А.И. кармалганын УКМКнын басма сөз кызматы кабарлады. "И.А.К. УКМК төрагасы Камчыбек Ташиевдин өкүл баласы болуп туруп, үй-бүлөлүк мамиленин артына жашынып, Сузак районунун Таш-Булак айыл аймагынын кызматкери Б.А.И. менен сүйлөшүп, жеке ишкерди коркутуп... Читать дальше...

“Кайыңды-Кант” акционердик коомунда 19 миң тонна кумшекер бар, импортерлор 1,5 миң тонна алып келишкен. Мындай маалыматты айыл чарба министри Аскарбек Жаныбеков бүгүн өткөргөн маалымат жыйында билдирди. Министрдин айтымында бул көлөм Кыргызстандын 2,5 айлык керектөөсүн түзөт. Мындан тышкары, Өзгөчө кырдаалдар министрлигинин алдындагы Материалдык резервдер фондунда үч айга жетээрлик кумшекер сакталып турат. Министрлер кабинетинин 11-марттагы жыйынында импорттолуп келген кумшекер менен өсүмдүк... Читать дальше...

12-мартта Тажикстандын Исфара районундагы «Гулистон» өткөрүү пунктунда чек арадагы акыркы кырдаалды талкуулаган эки тараптуу жолугушуу өткөнүн Баткен облусунун администрациясынын маалымат кызматы кабарлады. Жолугушууга президенттин Баткен облусундагы ыйгарым укуктуу өкүлү Абдикарим Алимбаев, УКМКнын Чек ара кызматынын жетекчиси Уларбек Шаршеев, ички иштер министринин орун басары Нурбек Абдиев жана облустук күч кызматтарынын жетекчилери катышты. Тажикстандан Согд облусунун жетекчиси Ражаббой Ахмадзода... Читать дальше...

Орусия үчүнчү жумага караган Украинага согушунда аскерлерин кайра топтоп, бардык фронттордо чабуулга өткөнү кабарланууда. 12-март күнү Киев шаарынан түндүк-батышында айыгышкан салгылаштар жүрүп жатканы маалымдалды. Британиянын Коргоо министрлиги орусиялык жөө аскерлердин негизги бөлүктөрү Киевге 25 чакырым жакындап келгенин билдирди. Анын тараткан маалыматы боюнча, курчоодогу аймактар оор артиллериядан жана танктардан катуу аткыланууда. Киевдин жанындагы Подол шаарында жардыруу болуп, Сбербанктын имаратында өрт чыкканы кабарланды. Читать дальше...

Акыркы кезде Кыргызстанда волейбол ойногон кыз-келиндердин катары калыңдап баратат. Спорттун бул түрү ар кайсы кесиптин ээси болгон ондогон аялдын башын бир залга бириктирди. "Азаттык" волейбол ойноого дилгир, жумушка, оюнга, машыгууга убакыт тапкан айымдар тууралуу баяндайт. 55 жаштагы Максаткан Жайчибекова Чүйдүн Новопокровка айылында жашайт. Ал жумасына үч жолу 10-15 чакырым алыс жерден машыгуу үчүн Бишкекке келет. Жолдун алыстыгы анын волейбол ойногусу келген каалоосуна жолтоо боло алган жок. Читать дальше...

Кыргызгидромет 12-15-март күндөрү көпчүлүк аймактарда жаан жаай турганын эскертти. Тоо этектеринде жана тоолуу райондордо жамгыр карга айланышы мүмкүң. Кээ бир райондордо жаан-чачын катуу жаайт. Абанын температурасы төмөндөп, жолдор тайгак болот. 13-мартта көпчүлүк аймактарда мезгил-мезгили менен жаан, тоолуу райондордо кар жаайт. Жалал-Абад облусунун кээ бир райондорунда жаан катуу жаашы ыктымал. Тоолуу райондордо жолдор тайгак болот. Абанын температурасы: Чүй өрөөнүндө түнкүсүн 4...9, күндүз 9...14... Читать дальше...

11-мартта Улуттук банк АКШ долларын Кыргыз Республикасынын чегинен тышкары алып чыгууга убактылуу тыюу салуу жөнүндө токтом кабыл алды. “Экономикалык коопсуздукту камсыздоо жана ички валюта рыногунда жагдайды турукташтыруу максатында кабыл алынган чечимге ылайык, чет өлкө валютасы менен алмашуу операцияларын жүргүзүү укугуна Кыргыз Республикасынын Улуттук банкынын лицензиясына ээ коммерциялык банктарга, акча алмашуу бюролоруна, микрофинансылык жана микрокредиттик компанияларга 2022-жылдын 11-мартында саат 17:30дан тартып... Читать дальше...

Президент Садыр Жапаров Кыргызстандагы Тоолордун экосистемасын коргоо жана климаттык туруктуулук жылынын алкагында "Жашыл мурас" улуттук өнөктүгү башталганын жарыялады. 12-мартта, "Ала-Арча" мамлекеттик жаратылыш багынын аймагында көчөт отургузуу менен өткөн иш-чарага эл аралык уюмдардын, элчиликтердин, мамлекеттик жана муниципиалдык органдардын өкүлдөрү катышканы президенттин сайтында кабарланды. “Иш-чарада өлкө башчысы климаттын тез өзгөрүшү жана мөңгүлөрдүн эриши Кыргызстандын эле эмес, дүйнө жүзүнүн көйгөйү экенин белгиледи”... Читать дальше...

Түркмөнстанда 12-мартка белгиленген мөөнөтүнөн мурда президенттик шайлоо күнү өлкөнүн борбору Ашхабадда коопсуздук чаралары күчөтүлүп, көпчүлүк базарлар добуш берүү аяктаганга чейин жабылды. “Азаттык” радиосунун түркмөн кызматынын Ашхабаддагы кабарчысы шаардагы “Алемгошар”, “Парахат”, “Азаттык” жана “Ак жол” базарлары жабык турганын билдирди. Президенттик шайлоого эки күн калганда базарлар капысынан ишин токтотуп, борбор калаанын тургундары азык-түлүктү жана күнүмдүк товарларды чакан дүкөндөрдөн издөөгө аргасыз болушту. Читать дальше...

Украина менен Орусиядагы кырдаалдан улам Кыргызстанда кээ бир дарылардын тартыштыгы байкалып, дары-дармектердин баасы жакын арада кымбаттай турганы айтылып жатат. Мисалы, онкологиялык илдет менен ооруган бейтаптар ичкен морфин кээ бир дарыканаларда жок. Аталган дарыны Украинадагы компания өндүрүп келген. Согуштук аракеттер жүрүп жаткан өлкөдөн Кыргызстанга 400гө жакын дарынын түрү келип турчу.

Казакстандын Qazaq Air авиакомпаниясы 12-марттан баштап Орусияга аба каттамдарын токтотту. Мындай чечим Орусиядан учуп келе турган каттамдарды камсыздандыруудагы көйгөйлөр менен түшүндүрүлөт. "Qazaq Air компаниясы атайын мекемеден Орусиянын аймагында жана анын аба мейкиндигинде учактар камсыздандырылбаганы тууралуу билдирүү алды. Кырдаалга байланыштуу авиакомпания Орусияга аба каттамдарды аткара албайт", - деп билдиришти аталган авиакомпаниядан. Qazaq Air авиакомпаниясынын Орусиянын Новосибирск... Читать дальше...

Өтмөк ашуусунда бардык чектөөлөр алынып, автоунаалар эки жакка каттап жатат. Учурда жол тейлөө мекемесинин кызматкерлери кум чачуу иштерин жүргүзүүдө. Бул тууралуу "Азаттык" радиосуна 12-мартта ИИМдин Жол кыймылынын коопсуздугун камсыздоо башкармалыгынын Талас облустук бөлүмүнөн билдиришти.  Башкармалык автоунаалар ортосундагы 500 метр аралыкты сактоого чакырууда. 11-март түнү оор жүк ташуучу автоунаалардын айдоочулары Өтмөк ашуусундагы жол тазаланбай жатканын айтып, жолду буушкан. Айдоочулар... Читать дальше...

Кымбат дарыга муктаж болгон үч жаштагы Аруузат Ташматовага каражат толугу менен чогулуп бүттү. Ал сейрек кездешүүчү генетикалык ооруга чалдыккан. Аруузатка керектүү дарынын баасы 2 млн. 300 миң долларды түзгөн. Каражат чогултуу дээрлик эки жылга созулду. Аруузаттын атасы Бакай Ташматов акча чогултуудагы кыйынчылыктар жана кызынын азыркы абалы тууралуу айтып берди.

Жогорку Кеңештин 6-чакырылышынын депутаты Алиярбек Абжалиев жабырлануучу тарапка 1,2 млн. АКШ долларын төлөп берди. Бул тууралуу Улуттук коопсуздук кызматынан кабарлашты. Мекеменин маалыматында, 11-мартта Биринчи май райондук соту тарабынан айыпталуучу Абжалиевдин бөгөт чарасы өзгөртүлүп, камактан бошотулду. Алиярбек Абжалиев февралдын башында кармалган. УКМК анда атайын кызматка кайрылган ишкер мурда Жогорку Кеңештин депутаты болгон А.А аттуу жаран ага 2 млн. доллар чыгым келтиргенине даттанганын билдирген. Читать дальше...

Борбордук шайлоо комиссиясы Биринчи май округундагы кайра шайлоону уткан Элвира Сурабалдиевага депутаттык мандат тапшырды. Ошол эле кезде Свердлов округу боюнча добуш сатып алууга байланыштуу соттук териштирүүлөр аягына чыга элек.  БШК бул округда добушу жагынан экинчи орунду алган Шайлообек Атазовго мандат берилиши ыктымал экенин билдирди. Анын атаандаштары өзүнө ылайык талапкерди өткөрүүгө аракет кылууда деп бийликти сынга алды. Борбордук шайлоо комиссиясы 10-марттын кечинде Бишкектин Свердлов... Читать дальше...

Саламаттык сактоо министрлигинин 12-марттагы маалыматына караганда, акыркы бир суткада Кыргызстанда COVID-19 инфекциясы 13 адамдан табылып, бир адам каза болду. Жалпысынан өлкөдө коронавирустан көз жумгандардын расмий саны 2972 адамга жетти. Өлкөдө коронавирус жуккандардын расмий катталган саны 200 720 адамга жетти. Кыргызстанда COVID-19дун быйыл январда башталган төртүнчү толкуну февралдын ортосунда басаңдай баштаган. Коронавирус инфекциясына каршы республикалык штабдын чечим менен 12-марттан... Читать дальше...

Айыл чарба министри Аскарбек Жаныбеков азык-түлүк коопсуздугу боюнча брифинг учурунда жазгы талаа иштери үчүн 41 миң тонна дизел жана 10 миң тонна бензин даярдалганын билдирди.  Министрлик жазгы талаа жумуштарын үзгүлтүксүз жүргүзүү үчүн өткөн жылдын декабрь айында Нефтетрейдерлер бирикмеси менен макулдашуу түзгөн. Бул көлөм жазгы айдап-себүү иштерине зарыл болгон көлөмдүн 72 пайызын түзөт. Ун, кумшекер, өсүмдүк майына байланыштуу тартыштык жок. Өлкөдө ун чыгарган 31 ишкананын кампаларында кеминде 60 миң тоннадан ашык буудай сакталып турат.

12-мартта Тажикстан менен чек арадагы акыркы кырдаалды талкуулаган эки тараптуу сүйлөшүү башталды. Жолугушууга кыргыз тараптан президенттин Баткен облусундагы ыйгарым укуктуу өкүлү Абдикарим Алимбаев, УКМКнын Чек ара кызматынын төрагасы Уларбек Шаршеев жана облустук күч кызматтарынын жетекчилери менен чектеш райондордун акимдери катышууда. Тажикстан тараптан, Чек ара кызматынын жетекчиси Раджабали Рахмонали, Согд облусунун жетекчиси Ражаббой Ахмадзода жана жергиликтүү бийлик, укук коргоо кызматынын өкүлдөрү өкүлдөрү катышууда. Читать дальше...