Новости за 22.03.2022

Бүгүн, 22-мартта "Биринчи турак жай" кооперативине нааразы болгон ондон ашуун адам Ош шаардык ички иштер башкармалыгынын алдына митингге чыкты. Алар Ош, Баткен жана Жалал-Абад облусунун аймактарынан келип, мурда төлөгөн акчаларын кайтарып берүүнү талап кылышты. Бул тууралуу жактоочу Жылдыз Кадырова "Азаттыкка" билдирди. Маалыматка караганда, 2017-жылы түзүлгөн кооперативдин жетекчилиги мүчөлөрүнө канча кишиге турак-жай берилгени тууралуу отчет берген эмес. Милициянын маалыматына ылайык, “Биринчи... Читать дальше...

Пакистандын Пешавар шаарынын айланасындагы атайын аэропортто машыгуу миссиясын аткарып жаткан учак кулап, эки учкуч каза болду. Бул тууралуу өлкөнүн расмий өкүлдөрү кабарлашты. 22-марттагы кырсыкта жерде турган жарандар жабыр тарткан эмес. Окуянын себептери иликтенүүдө. Пакистандагы машыгуу үчүн колдонулган учактар негизинен Кытайдан сатып алынат. Аларды колдонуу учурунда кырсыктар көп катталат, аскерлердин каза болгон учурлары арбын. 2019-жылы Равалпинди шаарынын жакасындагы кыштактардын бирине аскердик учак кулап, 19 адам өлгөн. Читать дальше...

Бириккен Улуттар Уюмунун баш катчысы Антониу Гутерриш Орусиянын Украинага каршы чабуулун “абсурддук согуш” деп атап, ага кандай жол менен болбосун чекит коюлушу керектигин билдирди. 22-мартта Нью-Йоркто журналисттерге сүйлөп жатып ал жаңжалдан эч ким утпай турганын, кырылып жаткан адамдар гана бейкүнөө өлүп жатканын айтты. “Украинадагы согуштун уланышы моралдык жактан кабыл алынгыс, саясий жактан өзүн актабайт жана максатсыз. Мариупол куласа да, бир шаардын артынан шаарды, көчөнүн артынан көчөнү... Читать дальше...

Украина президенти Владимир Зеленский согушту токтотуу максатында Орусиянын башчысы Владимир Путин менен “кандай форматта болбосун” жолугууга даяр экенин айтты. Кыргызстанда туулуп, орус жарандыгын алган 19 жаштагы жигит Украинадагы согушта каза болгону ырасталды. Сот Бишкектеги орус элчилигинин алдына согушка каршы акцияга чыккан укук коргоочуларды айыпка жыкты.

Орусиянын куралдуу күчтөрүнүн катарында Украинадагы согушка катышып, мерт болгон төрт тажик жаранынын сөөгү мекенине кайтарылды. Бул тууралуу “Азаттыктын” тажик кызматы жазды. 50 жаштагы Сайдакбар Саидовдун сөөгү өзү туулган Хатлон облусунун Хамадони районунун Тудабойон айылында жерге берилди. Ал Украинанын кайсы жеринде каза болгону белгисиз. Жакындары журналисттерге кенен маалымат берүүдөн карманды. Аталган айылдын башчысы, маркумдун агасы Ёрмухаммад Саидов бир тууганы көп жыл мурун Орусиянын жарандыгын алганын... Читать дальше...

Орусиянын Кыргызстандагы элчилиги  Телеграм каналы аркылуу Украинадагы согушта теги кыргызстандык орус жараны каза болгонун ырастады.  "Украинадагы демилитаризация жана денацификация боюнча атайын аскердик операцияда тапшырманы аткарып жатып Орусиянын Куралдуу күчтөрүндө келишимдик негизде кызмат өтөп жаткан катардагы жоокер, теги кыргызстандык орус жараны Дорбоев Эгемберди Бекказымович баатырларча курман болду", - деп айтылат билдирүүдө.  Маалыматта Орусия элчилиги каза болгон аскердин жакындарына көңүл айтканы кошумчаланган. Читать дальше...

Кыргызстандын Улуттук коопсуздук комитетинин Чек ара кызматы кыргыз аскерин Тажикстандын чек арачылары сабаганын 22-мартта билдирди. Чек ара кызматы тараткан маалыматка ылайык, 19-мартта Лейлектин Сада аймагында кызмат өтөп жаткан жоокер чек арада белгисиз автоунаа турганын байкаган. Ал машинени кармоого аракеттенип тажик чек арачылары кароолдо турган аймакка өтүп кеткен. Коңшу өлкөнүн чек арачылары аны кармап кеткен. Эки өлкөнүн чек ара өкүлдөрүнүн сүйлөшүүсүнөн кийин ал Кыргызстанга өткөрүлүп берилген. Читать дальше...

Орусиянын аскердик техникасы Украинага бастырып кирген алгачкы күндөрдө көзгө чалдыккан латынча Z жана V тамгалары тергеп айтылган “атайын операциянын” расмий символу болуп калды. Флешмобго катышкандар орусиялык аскерлерге колдоо иретинде Z формасында тизилип, бул тамганы машинелерге жана коомдук транспортко, жарыя такталарга жана футболкаларга тартып жатышат. Украинага Орусия бастырып кирген биринчи күндөрдө социалдык тармактарда латынча Z жана V тамгалары жазылган орусиялык аскер техникасы көзгө чалдыга баштады. Читать дальше...

Бангладештин он чакты жараны Кыргызстандагы тигүү цехтеринин бирине иштегени келип, бирок келишимде көрсөтүлгөн айлыктарын ала албай, башка дагы чарбалык жумуштарга тартылып, кыйноого кабылганын айтып чыгышты. Жумуш берген тарап муну четке кагууда. Бул окуяны милиция териштирүүдө.

Москванын Лефортово райондук соту оппозициячыл саясатчы, Коррупцияга каршы күрөшүү фондунун жетекчиси Алексей Навальныйдын – алдамчылык жана сотту кемсинтүү иши боюнча тогуз жылга кести. Иш айыпталуучу жаза мөөнөтүн өтөп жаткан Орусиянын Владимир облусунун Покров шаарында көчмө жыйында карады. Сот Навальныйды фондго түшкөн акчаны иштетүүдө алдамчылыкка барган, өзүнүн жеке иштерине колдонгон деп тапты. Мындан сырткары ага мурдагы ишин караган сот Вера Акимованы кемсинткен деген кине тагылды. Навальный... Читать дальше...

2022-жылдын февраль айында Орусиянын жарандары банктардагы эсептеринен 1,2 трлн. рублин чыгарып алышты. Бул тууралуу Орусиянын Борбордук банкынын атайын баяндамасында айтылат. Бул каражат банктарда сакталган каражаттардын 3,5%  түзөт. Салымдарды чыгарып алуу 2008-жылдан берки жогорку көрсөткүч болуп жатат. РБКнын маалыматына ылайык, ал жылы октябрь айында дүйнөдөгү кризистен улам орусиялыктар сакталган акчанын 6% чыгарып алышкан. Борбордук банкктын маалыматында, каражаттардын көбү Орусиянын Украинага... Читать дальше...

“Ата Мекен” партиясынын лидерлери Өмүрбек Текебаев менен Дүйшөнкул Чотоновду соттоткон Орусиянын жараны Леонид Маевский опузалоо фактысы боюнча 11 жылга эркинен ажыратылганын «Коммерсантъ» басылмасы жазды. Москванын Мещанский райондук соту Мамлекеттик думанын экс-депутаты, «Юнитайл» холдингинин мурдагы акционери Маевскийге өкүмдү 17-мартта чыгарганы маалым болду. Маевский жазасын күчөтүлгөн тартиптеги колонияда өтөй турган болду. Аны менен кошо айыпталган юрист Владимир Афонькин  менен "Юнитайлдын"... Читать дальше...

22-мартта Бишкектеги Горький гүлбагында Орусиянын Украинадагы аракетин колдогондордун митинги өттү. Ушул эле күнү Украинадагы согушту айыптап, пикетке чыккан укук коргоочулардын соту болду. Алар 17-мартта Орусиянын Кыргызстандагы элчилигинин алдында митинг өткөргөн. Айыпка жыгылган укук коргоочулар Укук коргоочулар Азиза Абдрасулова, Динара Ошурахунова жана Өндүрүш Токтонасыров 22-мартты Биринчи май райондук сотунда өткөрдү. Алардын иши өз-өзүнчө каралганы менен окшош чечимдер кабыл алынды. ... Читать дальше...

Орус армиясынын катарында Украинадагы согушка катышкан 19 жаштагы теги кыргызстандык жигит каза болгону ырасталды. Ал Орусиянын жарандыгын алган жана төрт айдан бери аскерде кызмат өтөп жүргөн. Маркумдун сөөгү 23-мартта Кыргызстанга жеткирилип, жерге берилери айтылууда. Орусия Украинага кол салгандан бери бул согушка кыргызстандык мигранттар да катышып жатканы тууралуу маалыматтар байма-бай тарап жатат. Кыргызстандын Ички иштер министрлиги (ИИМ) азырынча мындай фактылар жок экенин билдирди. Орусиянын армиясында кызмат өтөп жүрүп... Читать дальше...

12 жашар Султан жана 4 жашар Айкөркөм Алматыда болгон январдагы трагедиялуу күндөрдө каза болушту. Эки айдан кийин да алардын жакындары кайгыдан башын көтөрө албай турушат. Оор жоготууга учураган үй-бүлөлөрдүн бийликке суроолору көп. Эң башкы суроо бул: балдарга кимдер ок аткан эле?.. “Футбол жылдызы болом” "- Султик, чоӊойгондо ким болосуӊ? - Албетте, футбол жылдызы болом. - Анда сен англис тилин үйрөнүшүң керек. Журналисттерге интервью бересиӊ. - Мен жылдыз болом! Алар менин тилимди үйрөнүшсүн". Читать дальше...

12 жашар Султан жана 4 жашар Айкөркөм Алматыда болгон январдагы трагедиялуу күндөрдө курман болушту. Эки айдан кийин да алардын жакындары кайгыдан башын көтөрө албай турушат. Оор жоготууга учураган үй-бүлөлөрдүн бийликке суроолору көп. Эң башкы суроо бул: балдарга кимдер ок аткан эле?.. “Футбол жылдызы болом” "- Султик, чоӊойгондо ким болосуӊ? - Албетте, футбол жылдызы болом. - Анда сен англис тилин үйрөнүшүң керек. Журналисттерге интервью бересиӊ. - Мен жылдыз болом! Алар менин тилимди үйрөнүшсүн". Читать дальше...

Шашылыш билдирүү! 2022-жылдын 22-мартынан 23-мартына чейин жаап өткөн жана күтүлүп жаткан жаан-чачынга байланыштуу Кыргызстандын тоолуу райондорунда, Бишкек-Ош, Мырза-Аке-Кара-Кулжа-Алайкуу, Сары-Таш-Дароот-Коргон-Карамык, Ош-Сары-Таш-Эркештам, Каракол-Эңилчек жана Барскоон-Ак-Шыйрак автоунаа жолунун айрым участокторунда, Өтмөк ашуусунда кар көчкү түшүүcү мүмкүн. Кар күрткүсү пайда болуп, жолдор тайгак болуп тоңо турганын синоптиктер эскертет. Унаалардын ортосундагы 500 метр аралык кыймыл чектелиши зарыл. Читать дальше...

Жалал-Абад шаарында өзгөчө кырдаал жарыяланды. Көк-Арт дарыясынын жээгинде жайгашкан Живпром участкасындагы 500дөн ашуун үйдү суу каптоо коркунучу пайда болгон. Жергиликтүү тургундарды коопсуз жакка көчүрүү аракети болгон, бирок айрым жашоочулар бул аймактан кетпей жашап жатышат.

Баткендин Сүлүктү шаарында тажик жараны “чек араны мыйзамсыз өтүү” беренесине айыпталып кармалды. Бул тууралуу Баткен облустук ички иштер башкармалыгы маалымдады. Милициянын кабарлашынча, Тажикстандын Согд облусунун 47 жаштагы Сидикзода Нигина аттуу тургуну Сүлүктү шаарындагы ашканалардын биринде иштеп жүргөн. Учурда факт Кылмыш-жаза кодексинин 378-беренеси (“Мамлекеттик чек арадан мыйзамсыз өтүү”) менен катталып, сотко чейинки өндүрүш иши башталат. Шектүү милициянын убактылуу кармоочу жайына камалды. Читать дальше...

Бишкектин Биринчи май райондук соту укук коргоочу Динара Ошурахуновага Укук бузуулар кодексинин 128-беренеси ("Ички иштер органдарынын кызматкеринин мыйзамдуу талабына баш ийбөө") боюнча 3 миң сом айып пул салды. Бул тууралуу "Кылым шамы" укук коргоо уюмунун жетекчиси Гүлшайыр Абдирасулова өзүнүн  Фейсбуктагы баракчасына жазды. Буга чейин Ошурахунова жана аны менен чогуу акцияга чыккан укук коргоочулар Азиза Абдирасулова жана Өндүрүш Токтонасыров “Майда бейбаштык” деген айып боюнча акталган. Сот... Читать дальше...

Орусиянын “Новая газета” басылмасынын баш редактору, Нобелдин Тынчтык сыйлыгынын ээси Дмитрий Муратов аталган наамдын медалын аукциондо сатып, түшкөн акчаны украиналык качкындарга, жарадарларга жана ооруканада жаткан балдарга берүүнү чечти. Бул тууралуу басылманын сайтында жарыяланды. Анда журналист аукцион өткөрүүчү мекемелерге кайрылып, медалды сатып беришин өтүнгөн. Ал ок атышууну токтотууга, туткундарды алмашууга, сөөктөрдү кайтарууга, гуманитардык коридорлорду ачууга жана качкындардын коопсуздугун камсыздоого чакырды. Читать дальше...

Бүгүн, 22-мартта Жогорку сот Свердлов округундагы кайра шайлоодо биринчи орунду алган талапкер Абдурахманхажи Муртазалиевдин арызын карап, Бишкектин административдик соту чыгарган чечимди күчүндө калтырды. Бул тууралуу адвокат Таалайгүл Токтакунова "Азаттык" радиосуна кабарлады. Бишкектин административдик соту 15-мартта Борбордук шайлоо комиссиясынын (БШК) Муртазалиевдин каттоосун жокко чыгарган чечимин колдогон. БШК 9-марттагы отурумунда Муртазалиевдин каттоосун жокко чыгарган. Боршайком ага... Читать дальше...

Чүй облусунда Кыргызстанда биринчи SKY INDUSTRIAL GROUP көп тармактуу заводунун ачылышы өттү. Ага Министрлер кабинетинин төрагасы Акылбек Жапаров, президенттин Чүй облусундагы ыйгарым укуктуу өкүлү Эркин Тентишов, Бишкек шаарынын мэри Эмилбек Абдыкадыров, башка мамлекеттик кызматкерлер, компаниянын өкүлдөрү катышты. Жапаров аталган заводдун ачылышы өлкөнүн өнүгүүсүнө чоң салым кошорун, кыргыз өкмөтү заводдун мындан аркы ишине ар тараптуу колдоо көрсөтөрүн белгиледи. “Жакында биз министрликтерди... Читать дальше...

Кыргызстандык жүк ташуучулар Орусия менен Казакстандын чек арасынан товар алып өтүү соңку күндөрү кыйындап, чоң түйшүккө айланганын айтып чыгышты. Социалдык тармактарда казак-орус чек арасындагы "Маштаково" бажы бекетинин жанында кыргызстандык жүк ташыган машинелердин каз-катар бир канча чакырымга созулуп тизилип турганы, жүктөрдү түшүртүп, кайра жүктөтүп жатканы тартылган видеолор тарай баштады. Кыргызстандын Бажы кызматы бул маалыматтарды жокко чыгарып жатат. Ал арада Москвадагы кыргыз элчилиги... Читать дальше...

Бишкек мэриясы Максим Горький гүлбагында Орусияны колдогон акциядагы балдар шаардагы мектептердин биринин окуучулары экени аныкталганын билдирди. Мэрия шаардагы мектептер 21-марттан 31-мартка чейин жазгы каникулда экенин белгилеп, «алар иш-чарага аскердик-мекенчилдик клубунун мүчөсү катары катышкан жана ата-энесинин коштоосунда барган» деп билдирди. Калаа бийлиги Эмгек кодексине ылайык клубдун жана мектеп өкүлдөрүнүн жоопкерчилиги караларын маалымдады. Орусияны колдогондор 22-мартта Бишкектин... Читать дальше...