Новости за 29.03.2022

29-мартта Нидерланд, Бельгия, Ирландия жана Чехия тыңчылыкка шектелген орус дипломаттарын чыгарарын билдиришти. Нидерланддын Тышкы иштер министрлиги тыңчылык кызматкерлеринин функцияларын аткарып жүргөн 17 орусиялык дипломат чыгарыларын билдирди. «Себеби, дипломат катары аккредитациядан өткөн кызыкчылыгы бар адамдар жашыруун чалгын кызматкерлеринин ишин аткарып жүрүшкөн»,-деп жазылат мекеменин билдирүүсүндө. Дипломаттар Нидерланддан эки жума ичинде чыгып кетиши керек. Тышкы иштер министри Вопке Хукстардын айтымында... Читать дальше...

Кыргызстандын жарандыгын алууну каалагандар соңку эки жылда кескин көбөйгөнүн 29-мартта “Азаттыктын” эфиринде Жарандык маселелери боюнча комиссиянын жооптуу катчысы Улукбек Шүкүрбеков маалымдады. Шүкүрбеков Кыргызстан башка өлкөнүн жарандыгын алган өз жарандарын каттоого алууну да көздөп жатканын кошумчалады: “Эки жыл мурун Кыргызстандын жарандыгын кабыл алуу жана жарандыктан чыгуу 50/50 болуп калган. Азыр 90% кабыл алуу, 10% чыгуу болуп жатат. Мисалы, Орусиядан жана башка жактардан чыгып, кыргыз... Читать дальше...

Нарында Түндүк-Түштүк автожолунун Жумгал районунун аймагы аркылуу өтүүчү айрым жерлериндеги көйгөйгө байланыштуу бүгүн 29-мартта жыйын өткөнүн “Нарын медиа борбору” кабарлады. Маалыматка караганда, ылай аралаш жолдон өтүү көйгөйү курч болуп жаткан маселе Жумгал райондук мамлекеттик администрациясында Нарын облустук милициясынын Жол кыймылынын коопсуздугун камсыз кылуу бөлүмүнүн демилгеси менен уюштурулган жыйында айтылды. Анда жолдун начар абалы, чөгүп кеткен тилкелери тууралуу айтылып, ыкчам чара көрүү керектиги белгиленди. Читать дальше...

Орусиянын жарандыгын алган кыргызстандыктар арасында кайра мекенине кайтып, кыргыз жарандыгын алуу үчүн кайрылып жаткандар көп болууда. Бул тууралуу 29-мартта “Азаттыктын” эфиринде Жарандык маселелери боюнча комиссиянын жооптуу катчысы Улукбек Шүкүрбеков маалымдады. Бирок, Шүкүрбеков билдиргендей, жарандык маселеси боюнча мыйзамдын 6-беренесинде “башка жарандык” деген түшүнүк бар жана эгер жарандыгын берген башка өлкө мекениндеги каттоодон баш тартууну талап кылбаса кыргызстандыктар өз өлкөсүнүн да жараны болуп эсептеле берет. Читать дальше...

Amnesty International эл аралык укук коргоо уюму саясий лидерлерди жана чоң компаниялардын жетекчилерин материалдык кирешени адамдардан жогору койду деп сынга алды. 29-мартта жарыяланган адам укуктарына арналган жылдык баяндамасында уюм саясий лидерлер жана чоң ишкерлер пандемияны ооздуктоо үчүн куру убадаларды бергени белгиленген. Amnesty International уюмунун башкы катчысы Аньес Калламардын айтымында, лидерлер теңсиздикти жоюу багытында жакшы иштерди аткарууну убада кылып, андан соң «саткындык... Читать дальше...

Кыргызстанда эгемендикти алгандан бери үчүнчү жолу эл каттоо өтүп жатат. Ар он жылда өтүп келген өнөктүк бул жолу COVID-19 пандемиясынан улам өз мезгилинен 3 жылга кеч өтүүдө. Өнөктүктө өлкөнүн эл жана турак жайлар статистикасы жаңыланат. Бул эл каттоодо кандай жаңылыктар бар жана уюштуруу иштери кандай жүрдү? “Азаттыктын” суроолоруна Улуттук статистика комитетинин төрагасынын орун басары Зайнидин Жумалиев жооп берди. - 25-мартта өлкө боюнча эл жана турак жайларды каттоо башталды. Бул өнөктүк кандай уюштурулду... Читать дальше...

Жаш курагым жетимиштин босогосуна келгенде журналисттик жана жазуучулук тагдырыма туш келген кайгылуу да, кубанычтуу да окуялар тууралуу баян жазууну туура көрдүм. Буга кыргыз адабиятын өзбек тилине которууга өмүрүн арнап жакында эле ааламдан өткөн маркум Турсунбай Адашбаевдин «Кыргызстанда өзбек, Өзбекстанда кыргыз болдум» деп айткан армандуу сөзү түрткү болду десем да болот. Анткени бул чебер калемгер экөөбүздүн тагдырыбыз көп жагынан окшош экен. Мен Тажикстандан Кыргызстанга келип эки элдин адабий алакасына кызмат кылып жүргөн болсом... Читать дальше...

Кыргызстандын футбол боюнча улуттук курама командасы Өзбекстандын Наманган шаарында өтүп жаткан “Навруз кубогу-2022” эл аралык турниринде 3-орун үчүн оюнда Тажикстанга (1-0) утулуп калды. Оюндун жүрүшүндө Кыргызстандын курама командасынын эки, Тажикстандын эки оюнчусу кызыл карта алып, оюндан четтетилди. Турнирге төрт улуттук команда катышкан. Кыргызстан 25-мартта Өзбекстан менен ойноп, 3-1 эсебинде утулган. Финалдык оюн бүгүн, 29-мартта болуп, анда Өзбекстан менен Уганда ойнойт. Кыргызстандын... Читать дальше...

Казак бийлиги экс-президент Нурсултан Назарбаевдин маркум инисинин уулу Кайрат Сатыбалдынын камакка алынганы "Улут лидери" жөнүндөгү мыйзамга каршы келбей турганын билдирди. Анткени туңгуч президенттин, анын үй-бүлө мүчөлөрүнүн кол тийбестик укугуна ээ жана алардын мүлкү мыйзам менен корголот. Кайрат Сатыбалды "Элбашы жөнүндө мыйзам" менен корголобу? Казакстандын Юстиция министри Канат Мусин дүйшөмбүдө "Азаттык" радиосунун казак кызматынын журналистинин суроосуна жооп берип жатып, Назарбаевдин маркум инисинин уулу... Читать дальше...

Жыгач уста Улукбек Байгараев талаа түздөн таап келген тал-теректер менен жаныбарлардын сөлөкөттөрүн жасайт. Ал эмгектери аркылуу жаратылышта болуп жаткан көйгөйлөрдү чагылдырып, аны коргоого чакырат.

26-мартта Бишкектеги соода борборлорунун биринде чыгаан журналист, илимпоз, саясат таануучу Бүбүкан Досалиева эскерилип, окурмандар анын “Энелер жөнүндө баллада” китебин талкуулады.

29-мартта сүттүн баасын көтөрүүнү талап кылган элүү чакты таластык фермер нааразычылык акциясына чыкты. Алар менен президенттин Талас облусундагы өкүлү Бакытбек Нарбеков жолукту. Фермерлер учурда бир литр сүттү 30 сомдон өткөрүп жатканын, бирок азык түлүктүн баасы көтөрүлгөнүн билдиришти. Президенттин облустагы өкүлү элдик комиссия менен сүттүн баасын жана сапатын текшерүү керек экенин, ортомчуларды азайтуу максатында бардык райондорго сүт ташыган унааларды алуу зарылдыгын айткан. Талас облусунда жеке менчик алты сүт завод иштейт. Читать дальше...

Башкы прокуратура Чүй облусунун Аламүдүн районундагы Биримдик-Кут конушунда 1,79 гектар жер тилкеси муниципалдык менчикке кайтарылганын билдирди. Маалыматка ылайык, 1,79 гектар жер мектеп салуу үчүн пландалып, бирок үчүнчү тараптын жеке кызыкчылыгында, коммерциялык багытта иштетилип келген. "Социалдык объектинин жерин мамлекетке кайтаруу максатында, райондук көзөмөл органы прокурордук акты келтирип, анын негизинде 58 млн. 175 миң сомдук 1,79 га жер тилкеси Лебединовка айыл өкмөтүнө кайтарылып... Читать дальше...

Кыргызстанда томолой жетим балдардын пенсиясы эки эсе көбөйтүлүп төлөнүп жатканын бүгүн 29-мартта “Кабар” улуттук маалымат агенттигинде өткөн пресс-конференцияда Социалдык фонддун төрагасынын биринчи орун басары Теңизбек Абжапаров билдирди: “2021-жылдын 1-октябрынан баштап 3 миң сомго жеткиргенбиз. 2022-жылдын 1-январынан тартып атасынан да, энесинен да айрылган балдардын пенсиясын 6 миң сомго жеткирдик. Бир үй-бүлөдө үч бала болсо ар бирине 6 миң сомдон төлөнө турган буйрук чыгып, ошонун негизинде төлөп баштадык”. Читать дальше...

Жогорку Кеңештин депутаты Дастан Бекешов “Анык эмес (жалган) маалыматтан коргоо жөнүндө” мыйзамын Баш мыйзамга каршы келет деп табуу үчүн Конституциялык сотко кайрылды. Бул тууралуу депутат Твиттердеги баракчасына жазды. Экс-депутат Гүлшат Асылбаева автор болгон мыйзамга президент Садыр Жапаров былтыр 23-августта кол коюп, ал ошол эле күнү күчүнө кирген. Документ кабыл алынганына жарым жыл болсо да, аны ишке ашыруу жол-жобосу дагы деле так эмес. Маданият, маалымат, спорт жана жаштар саясаты... Читать дальше...

Ысык-Көлдөн семинардан келе жаткан Бишкек жана Ош шаарынын депутаттары отурган кичиавтобуска шамалдан улам бак кулады. Бишкек шаардык кеңешинин басма сөз катчысы Мээрим Керимканованын айтышынча, кырсык Аламүдүн районундагы ГЭС-5 конушунда болгон, жабыркагандар жок. Кыргызгидромет 29-мартта күндүн экинчи жарымында Бишкек шаарында жана Чүй өрөөнүндө катуу шамал болору тууралуу шашылыш кабар тараткан. Өзгөчө кырдаалдар министрлиги 29-марттан 2-апрелге чейин Кыргызстандын тоолуу аймактарында кар көчкү түшүшү мүмкүн экенин билдирип... Читать дальше...

28-мартта Түркиянын баш калаасы Анкарада уюштурулган Эл аралык конгрессте элчи Кубанычбек Өмүралиев Кыргызстандын энергетика жаатында потенциалын жана энергиянын жаңы булактары боюнча билдирүү жасады. "Энергетика - өлкөлөрдүн экономикалык коопсуздугунун ажырагыс бир бөлүгү. Ошондой эле жарандарыбыздын жашоо сапатын жана бакубаттуулугун жогорулатуу үчүн маанилүү маселе. Андыктан бул конгрессте кызматташууну жакшыртуу боюнча айтыла турган билдирүүлөр өтө маанилүү. Кыргызстан чоң энергетикалык потенциалга ээ. Читать дальше...

28-марттын кечинде Пакистандагы оппозициячыл партиялардын миңдеген тарапташтары Исламабадда митингге чыгышты. Ушул эле күнү парламенттеги оппозиция өкүлдөрү премьер-министр Имран Ханды өлкө экономикасын натыйжалуу тескей алган жок деген жүйө менен кызматтан кетүүсүн талап кылып, ишенбөөчүлүк жарыялоо сунушун көтөрүштү. Парламенттин вице-спикери Касим Сури депутаттардын сунушу боюнча добуш берүү жума соңунда өтөрүн билдирди. Хан оппозицияны парламенттеги өзүнүн «Техрик-и-Инсаф» партиясынын өкүлдөрүнүн добуштары менен жеңе аларын айтууда. Читать дальше...

Кошмо Штаттардын Эл аралык өнүктүрүү агенттиги (USAID) Кыргызстандын Саламаттык сактоо министрлигине коронавирусту жана кургак учукту ыкчам аныктай турган атайын жабдыктарды тапшырды. Агенттиктин маалыматына караганда, GeneXpert диагностикалык системасы 40 мүнөт ичинде коронавирус инфекциясын так изилдөөгө мүмкүндүк берет. Мурдагыдай 4-5 саат күтүү зарылчылыгы жок. Мындан тышкары, GeneXpert менен кургак учукту аныктоо боюнча тест жүргүзсө да болот. Тапшырылган жабдыктардын жалпы баасы болжол менен 6 миллион сомду түздү. Читать дальше...

Абакта апасынын жанында жашап жаткан наристе балдар үчүн тийиштүү шарт түзүлбөгөнүн 28-мартта аялдар колониясына барып келген акыйкатчы Атыр Абдрахматова билдирди. Омбудсмендин кеңсеси маалымдагандай, балдарга памперс жана манеж да жетишпейт. Акыйкатчы Абдрахматова абактагы шарт менен таанышып, аялдардын арыз-пикирлерин укту жана акысыз жардам берүүчү адвокаттардын ишмердүүлүгү менен аялдар көтөргөн маселелер боюнча жакын арада мониторинг жүргүзүлөрүн айтты. Кыргызстан боюнча аялдардын жалгыз абагы Чүйдүн Степное айылында жайгашкан. Читать дальше...

Алматынын полиция департаменти "Европа плюс" радиосунун мурдагы алып баруучусу Любовь Панованын сөздөрү боюнча кылмыш иши козголуп, сотко чейинки териштирүү башталганын кабарлады. Панова социалдык тармактарда орус агрессиясына каршыларга одоно жооп берип, "жардамга" кайсы бир «Вова байкени" чакырарын жазган. Казакстандык колдонуучулар анын сөздөрүн Орусиянын лидери Владимир Путинге кайрылуу катары кабыл алышкан. "Европа плюс" радиосу алып баруучунун социалдык тармактагы позициясынын радионун саясатына тиешеси жок экенин билдирип... Читать дальше...

Өтмөк ашуусу көчкүлөрдү атып түшүрүү ишине байланыштуу 30-мартта толук жабылат. 29-марттан баштап оор жүк ташуучу унааларга чектөө коюлганын ИИМдин Жол кыймылынын коопсуздугун камсыздоо башкармалыгынын Талас облусундагы бөлүмүнөн билдиришти. Маалыматка ылайык, учурда жеңил унаалар өтүп жатат. 30-мартта көчкүлөрдү атып түшүрүү иштерине байланыштуу ашуу толук жабылат. Чектөөнүн мөөнөтү азырынча белгисиз. Өзгөчө кырдаалдар министрлиги 29-марттан 2-апрелге чейин Кыргызстандын тоолуу аймактарында кар көчкү түшүшү мүмкүн экенин билдирип... Читать дальше...

Бишкек шаарында "Элдик курултай жөнүндө" конституциялык мыйзам долбоорун жазуу боюнча жумушчу топ коомдук угуу өткөрдү. Анда "Элдик курултай - коомдук өкүлчүлүк, кеңешүүчү, байкоочу орган катары коомдук өнүгүүнүн багыттары боюнча сунуштарды берет" деп жазылган. Мыйзам долбоору 22 беренеден турат. Ага ылайык, Кыргызстандын аймагында төмөндөгүдөй курултайлар өткөрүлөт. 1. Жергиликтүү айыл аймагынын курултайы; 2. Райондун жана шаардын курултайы; 3. Облустун, Бишкек жана Ош шаарларынын курултайы; 4. Читать дальше...

30-мартта түнкүсүн Чүй, Ош, Жалал-Абад, Ысык-Көл, Нарын облустарынын кээ бир райондорунда жаан, кар, тоо этектеринде жана тоолуу райондордо кар жаайт, Баткен, Талас облустарында жаан-чачын жаабайт. Күндүз өлкө аймагында жаан-чачын жаабайт. Абанын температурасы: Чүй облусунда түнкүсүн -1...-3, күндүз 8…13; Талас жергесинде түнкүсүн -2...-4, күндүз 6…11; Баткен, Ош, Жалал-Абад дубандарында ​түнкүсүн 0…5, күндүз 11…16; Ысык-Көл облусунда түнкүсүн -4…+1, күндүз 4…9; Нарын облусунда түнкүсүн -1…-6... Читать дальше...