Новости за 10.03.2022

11-мартка караган түнү саат 2:50 чамасында кыргыз-тажик чек арасында эки өлкөнүн чек арачыларынын кезектеги ок атышуусу орун алды. Бул тууралуу Чек ара кызматы билдирди. Маалыматка ылайык Баткен районунун Эки-Таш аймагындагы Баткен-Исфана авто жолунун боюнда Тажикстандын чек ара кезмети жолдон өткөн автоунааларды ташбараңга алган. "Кыргызстандын чек арачыларынын автоунааларга таш ыргытпоо талабын тажик чек арачылары тоготкон эмес. Ал эми кыргыз чек арачылары тажик аскер кызматкерлеринин мыйзамсыз... Читать дальше...

10-мартта кыргыз-тажик чек арасында курал колдонулган чатак катталды. Такталбаган аймактагы окуядан кийин эки тараптын чек арачылары жана жергиликтүү бийлик өкүлдөрү жолугуп, абалды талкуулап, мындан ары курчутпоону макулдашты. Кыргызстандын Чек ара кызматынын маалыматына караганда, ок атышууга жеткен чек ара жаңжалы 10-март күнү түш ченде болгон. Мекеменин билдирүүсүндө Тажикстандын чек арачылары Баткен районунун Тескей аймагындагы тактала элек тилкеде буга чейинки багытын өзгөртүп, чек аранын башка тилкесин кайтарууга өткөнү... Читать дальше...

“Арай көз чарай” талкуусунун кезектеги чыгарылышында Кыргызстандагы бүгүнкү демографиялык абал, келечекти пландоо жана тобокелчиликтер тууралуу сөз болот.

Орусиянын Коргоо министрлиги Украинадагы “аскердик операциясында”  милдеттүү аскерге чакырылгандар бар экенин моюнуна алды. Министрлик алардын айрымдары колго түшкөнүн ырастады. Бирок Украинадагы туткундалган аскерлердин так санын атаган эмес. Украинада туткундалган айрым аскерлер аларды аскер жетекчилиги алдап согушка тартканын айтып, баскынчылык согушту токтотууга чакырууда. Конашенков: Милдеттүү аскер кызматындагылар оорукта болчу Орусиянын Коргоо министрлиги Украинадагы “аскердик операцияга”... Читать дальше...

Украинанын мамлекет башчысы Владимир Зеленскийдин экономика боюнча кеңешчиси Олег Устенко Орусиянын 15 күндөн берки чабуулу  инфраструктурага, имараттарга, башка мүлктөргө 100 миллиард доллар чыгым алып келгенин билдирди. Бейшембиде эл аралык онлайн конференцияга катышкан Устенко өлкөдөгү бизнестин жарымы согуштан улам жабылганын, калгандары толук кандуу иштебегенин айтып, Орусияга көбүрөөк финансылык санкция салууга, мунай менен газга толук эмбарго киргизүүгө чакырды. Орус куралдуу күчтөрү 24-февралда... Читать дальше...

Улуттар уюму Орусиянын кол салуусу башталган эки жумадан бери Украинадан 2,3 миллиондон көп киши качканын билдирди. Соңку 24 саатта эле 161 миң 700 киши чет өлкөгө агылды. Качкындар боюнча жогорку комиссариат 10-мартта тараткан маалыматта айтылгандай, агенттик чукул иштер үчүн 500 миллион долларга муктаж. Азыркыга чейин 300 миллиондой доллар чогутулду, анын көбү жеке адамдардан же уюмдардан түштү. Улуттар уюмунун Миграция боюнча агенттиги Украинадан үчүнчү өлкөлөрдүн 109 миң жараны да жер которгонун кошумчалады. Читать дальше...

Кара деңиздин жээгиндеги Мариуполь шаарында төрөт үйүнө жана балдар ооруканасына орус армиясы сокку уруп, андан кеминде үч киши набыт болду. Кыргызстан менен Тажикстандын чек арасында курал колдонгон чыр-чатак катталды. Өкмөт Кыргызстанда доллар менен насыя алгандарга жардам берет.

АКШнын вице-президенти Камала Харрис Орусия Украинада “акылга сыйбаган масштабдагы кыргын салып жатат” деп айыптады. Москванын баскынчылыгына байланышкан согуш кылмыштарын эл аралык деңгээлде иликтөөгө чакырды. 10-мартта Варшавадагы сапары учурунда Харрис курчоодо калган Мариуполь шаарында орус аскерлеринин төрөтканага сокку урганы катуу кыжырдануу жаратканын айтты. “Сөзсүз иликтөө жүрүшү керек, барыбыз байкоо салууга тийишпиз. Дүйнө Орусиянын агрессиясын жана мыкаачылыгын көз жаздымда калтырбайт”, - деп билдирди вице-президент. Читать дальше...

Британия “Челси” футбол клубунун ээси Роман Абрамовичке, олигарх Олег Дерипаска жана орусиялык бир катар белгилүү бизнесмендер менен мамлекеттик компаниялардын жетекчилерине санкция салды. "Кара тизме" британ өкмөтүнүн сайтына чыкканын  “Свобода” радиосу маалымдады. Санкцияларга илингендердин арасында "Роснефть", "Газпром", "Транснефть» ишканаларынын, эки банктын башчылары бар. Ошол 7 кишинин жалпы байлыгы 20 миллиард долларга жетерин Reuters агенттиги билдирди. Санкцияларга кабылгандар Британиянын аймагына кире алышпайт... Читать дальше...

Борбордук шайлоо комиссиясы Бишкектин Свердлов округу боюнча талапкер Шайлообек Атазовдун талапкер катары каттоосуна байланышкан маселени 10-марттын кечинде карады. Жыйынтыгында Атазовдун каттоосун күчүндө калтыруу чечими чыгарылды.   Ага каршы аталган округдан шайлоого катышкан дагы бир талапкер Аскар Алмаз уулу арызданып, аны добуш сатып алууга айыптаган.  Укук коргоо органдары арыз боюнча териштирүү жүргүзүп, добуш сатып алуу фактысы аныкталбагандыгына байланыштуу кылмыш ишин козгоодон баш тартканын билдиришти. Читать дальше...

Кыргыз сомунун курсун туруктуу кармоо үчүн Улуттук банк 10-мартта валюта базарына дагы 59,30 миллион доллар чыгарды. Анын 39,85 миллиону накталай сатылганын башкы каржы мекемесинен кабарлашты. Буга чейин 4-мартта каржы базарына 55,35 миллион доллар чыгарып, анын 26,80 миллионун накталай саткан. Улуттук банк жыл башынан бери ушуну менен беш жолу интервенция жасап, 284,30 миллион долларды каржы базарына чыгарды. Украинадагы согуштан улам орус экономикасы басымга учураган сайын кыргыз сомунун куну түшүп жатат. Читать дальше...

Бишкекте баңгизат азык-түлүктөй эле интернет аркылуу кеңири тарап жатат. Алардын “Телеграм” каналынын даректери көчөлөрдө, үйлөрдүн дубалдарында кадам сайын кездешет. Андан "мефедрон", "спайстан" баштап героинге чейин сатып алса болот. Дарыгерлер синтетикалык баңгизатты өспүрүм окуучулар көп колдоно баштаганын айтышууда. Жөнөкөй кызыгуунун арты айыккыс илдеттерге себеп болуп, аягы өлүм менен аякташы мүмкүн. "Азаттык" Кыргызстандагы баңгизаттын онлайн тарашын иликтеп чыкты.

Казакстандын Air Astana жана FlyArystan компаниялары Орусияга айрым каттамдарды убактылуу токтотту. Компания муну “өндүрүш маселеси” менен түшүндүрдү. Азыр Air Astana Нур-Султан-Алматы-Москва багыты боюнча каттамдарды ишке ашырып жүрөт. Башка шаарларга каттамдары жок. Буга чейин эл аралык санкциялардан улам Орусиянын "Аэрофлот" жана S7 Airlines компаниялары эки өлкө ортосундагы каттамдарын токтоткон. Казакстандык SCAT жана Qazaq Air компаниялары Орусияга каттамдар жадыбал боюнча аткарылып жатканын билдирди. Читать дальше...

Орусиянын “Аэрофлот” компаниясы Кыргызстанга каттамдарын келерки аптадан баштап улантат. Бул тууралуу 10-мартта Жогорку Кеңеште транспорт жана коммуникация министринин орун басары Таабалды Тиллаев билдирди: “Бүгүнкү күндө “Авиа Траффик Урал” жана “Аэрофлот” авиакомпаниялары макулдугун беришти – эмки жумадан баштап, буюрса, уча баштайт. Ошондо абал ордуна келет жана башка чечимдер боюнча да тапшырмалар берилди. Өкмөттө иш жүрүп жатат”, - деди Тиллаев. "Аэрофлоттун" расмий сайтында азырынча каттамдарды жандантуу тууралуу маалымат жок. Читать дальше...

Борбордук шайлоо комиссиясы (БШК) Бишкектеги бир мандаттуу Свердлов округундагы кайра шайлоодо эң көп добуш алган талапкер Абдурахманхажи Муртазалиевдин каттоосун жокко чыгарды. Мындай чечимге "добуш сатып алуу" фактысы негиз болгону айтылды. Муртазалиев дооматтарды четке кагып, аны "каралоо" катары сыпаттап жатат. Былтыркы парламенттик шайлоодо бул округда "баарына каршы" добуш бергендер басымдуу болгондуктан кайра шайлоо дайындалган эле. БШК 9-марттагы жыйынында Абдурахманхажи Муртазалиевдин... Читать дальше...

Орус бийлиги согушка каршы митингдерге чыккан миңдеген жаранды кармап, Орусиянын Украинага каршы согуш ачканына нааразыларды куугунтуктап жатат. "Хьюман Райтс Вотч" (HRW) эл аралык укук коргоо уюму орусиялык полицияны “ашыкча күч” колдонгону үчүн айыптады. Айрым учурларда кармалгандар “кыйноолорго тете, адамдын ар-намысын кемсинткен ырайымсыз мамилеге” туш болгону айтылат. “Күч түзүмдөрүнүн зомбулугу орус бийлигинин башкача ой жүгүрткөндөрдүн үнүн басуу, коркутуу үчүн эмнелерге даяр экенин көргөзөт”, - деп белгиледи HRW. Читать дальше...

Бүгүн, 10-мартта кыргыз-тажик чек арасында курал колдонулган окуя боюнча эки тараптын чек арачыларынын сүйлөшүүсү аяктады. Бул тууралуу Кыргызстандын Чек ара кызматынын басма сөз кызматы билдирди. Баткен облусу менен Тажикстандын Согд облусунун чек ара кызматкерлери сүйлөшүүнүн жыйынтыгында төмөндөгүдөй чечимге келишкен: - Ар бир тарап курал колдонулган окуя боюнча иликтөө жүргүзөт. Алдын ала жыйынтык эки өлкөнүн Чек ара кызматтарынын башчыларынын 12-мартка пландалган жолугушуусунда айтылат.... Читать дальше...

Украинанын тышкы иштер министри Дмитрий Кулеба орус тышкы мекемесинин башчысы Сергей Лавров менен кездешүүдө ок атууну токтотуу жаатында жылыш болбогонун билдирди. Анталиядагы сүйлөшүүлөрдөн кийин Кулеба Лавров орус аскерлери курчоого алган Мариуполь шаарынан элди чыгаруу үчүн гуманитардык коридор түзүлөт деген милдеттенме албаганын айтты. Министр Киев согушту токтотуу үчүн Москва менен байланышты уланта берерин кошумчалады. Сергей Лавров Орусиянын сүйлөшүүлөрдү улантуу ниети бар экенин, Беларус... Читать дальше...

Расмий маалыматка караганда, Мариуполдогу төрөткана менен балдардын ооруканасын бомбалоодон кеминде үч киши, арасында ымыркай кыз каза тапты, жарадар болгон 17 кишинин арасында дарыгерлер бар. Шаардык кеңеш "Телеграм-каналына" "орус күчтөрү Мариуполдун калкын атайлап, ырайымсыз жок кылып жатканын", орус армиясынын тогуз күндөн берки блокадасында 1 миң 200 тургун өмүр менен кош айтышканын жазды. Бул маалыматты көз карандысыз булактардан тастыктоого мүмкүн боло элек. Эксперттер Мариуполдогу кан... Читать дальше...

Өкмөт коммерциялык банктардан өндүрүш максатында доллар менен насыя алган кардарларга жардам берүү планын түзүп жатат. Бул тууралуу 10-мартта Жогорку Кеңеште маалымат берип жатып экономика жана коммерция министри Данияр Амангелдиев билдирди: “Соода жүгүртүүгө эмес, өндүрүшкө алган насыяларын толугу менен конвертация кылуу механизмин Улуттук банк менен бирге иштеп чыгып жатабыз азыр. Кайсы курс экенин белгилейбиз, 85 же 90 сом менен конвертация кылабыз. Калган акчасын бюджеттен толуктап беребиз”. Читать дальше...

2020-жылдын 5-6-9-октябрындагы жапырт башаламандык боюнча соттук отурум 18-мартка жылды. Ага мурдагы президент Алмазбек Атамбаев ден соолугуна байланыштуу жараянга келе албаганы себеп болгон. Бишкектин Биринчи май райондук соту 2020-жылы октябрь айындагы окуялар боюнча ишти 2021-жылы 8-октябрда карай баштаган. Кылмыштын алкагында мурдагы президент Алмазбек Атамбаев жана окуяга катышкан Фарид Ниязов, Жеңиш Молдокматов, Курсан Асанов баштаган бир нече киши айыпталууда. Мурдагы премьер-министр Өмүрбек Бабановдун иши өзүнчө бөлүнгөн. Читать дальше...

Жогорку Кеңеште бүгүн 10-мартта өлкөдөгү азыркы социалдык-экономикалык абал талкууланып жатат. Парламенттин жыйынына экономика жана коммерция министри Данияр Амангелдиев катышып, депутаттардын суроолоруна жооп берүүдө. Министр Орусияга карата киргизилген санкциялардын кыйыр таасири Кыргызстанга да тийип жатканын, каатчылыкка каршы атайын план иштелип чыгып, валюта рыногун жөнгө салуу жана баалардын өсүшүн көзөмөлдөө чаралары каралып жатканын айтты. Амангелдиевдин билдиришинче, кырдаалды жөнгө салуу үчүн 5,5 миллиард сом бөлүү каралууда. Читать дальше...

Ош облусунун Кара-Суу районунун 30 жаштагы тургуну алты жаштагы кызды зордуктаганы үчүн өмүрүнүн аягына чейин эркинен ажыратылды. Бул тууралуу 10-мартта Башкы прокуратуранын басма сөз кызматы билдирди. Алгач айыпталуучу 20 жылга соттолгон, бирок райондук прокуратура өкүмгө макул эместигин билдирип, “жазасы жасаган кылмышынын оордугуна дал келбегендиги үчүн” деп апелляциялык сунуштама келтирген. Ош облустук соту айыпталуучуну Жазык кодексинин 154-беренеси (зордуктоо) боюнча айыптуу деп таап, өмүр бою эркинен ажыратты. Читать дальше...

Кыргызстандын Экономика министрлиги өлкөдө баалар туруктуу деп эсептейт. Бул тууралуу бүгүн, 10-мартта Жогорку Кеңеште сомдун куну кетип жатканына байланыштуу экономикалык абал боюнча маалымат берип жатып экономика жана коммерция министри Данияр Амангелдиев билдирди: “Үч жумадан бери баалар туруктуу турат. Карап көрсөңөр, динамика 5 пайыздын ичинде гана. Доллар кымбаттаганы менен ички баалар туруктуу турат. Баалар туруктуу турганы, бардык милдеттенмелерибиз өз убагында төлөнүп берилип жатканы – өкмөттүн туруктуу иштегени”. Читать дальше...

Улуттук банк эсептик ченди 14 пайызга жогорулатты. Бул тууралуу Улуттук банктын расмий сайтына жарыяланды. "Тышкы чөйрөдөгү өнүгүүнү жана ички экономикалык шарттарды эске алуу менен Улуттук банк эсептик чен өлчөмүн 14,0 пайызга чейин жогорулатуу чечимин кабыл алды. Мындай чечим Кыргызстандагы инфляциянын учурдагы динамикасына тышкы таасирлердин тийгизген терс таасирлерин азайтуу максатында кабыл алынды", - деп айтылат билдирүүдө. Улуттук банк кандайдыр бир тобокелдиктер келип чыккан шартта жүргүзүлүп... Читать дальше...