Новости за 11.02.2026

Полиция хезмәткәрләре Казанда 76 яшьлек хатын-кыздан 260 мең сум акча урлаган мошенникларның курьерын тоткарлаган. Бу хакта Россия Эчке эшләр министрлыгының Казан шәһәре буенча идарәсе матбугат хезмәте хәбәр итә.

Уфада «Текә татар» проектының чираттагы очрашуы узган, анда Татарстанның һәм Башкортстанның атказанган артисты Әнвәр Нургалиев та катнашкан. Бөтендөнья татар конгрессының Башкортстандагы вәкиллеге ярдәмендә оештырылган бу чарада 30дан артык кеше – журналистлар, блогерлар һәм яшьләр оешмалары активистлары җыелган. Очрашу барышында җырчы үзенең иҗат юлындагы авырлыклар, уңышлары һәм традицион гаилә кыйммәтләре турында ачыктан-ачык сөйләгән.

Татарстан сәламәтлек саклау министры Альмир Абашев балалар табибларын түләүле медицина хезмәтләре күрсәтүдән читләшә барырга өндәде. Республика балалар клиник хастаханәсенең медицина советы утырышында ясаган чыгышында ул шулай дип белдерде.

«Аеклык ноктасы» проектында катнашучыларның 80 проценттан артыгы исерткеч эчемлекләргә бәйлелектән котыла. Балигъ булмаганнар эшләре һәм аларның хокукларын яклау буенча республика комиссиясенең җаваплы секретаре Илсөяр Гарифуллина бүген «Татар-информ» агентлыгында узган матбугат конференциясендә шул хакта сөйләде.

Ведомствода һава торышы начарайган вакытта реклама такталары, агачлар һәм электр тапшыру линияләре янында торырга ярамый, дип кисәтәләр. Моннан тыш, урамда аеруча сак булырга, балаларга күз-колак булырга, шулай ук өлкәннәргә һәм авыруларга ярдәм күрсәтергә кирәк.

«Татар-информ» мәгълүмат агентлыгы «Җәлил укулары» әдәби конкурсы катнашучыларының эшләрен беренче тапкыр матбугатта тәкъдим итә. Халыкара әдәби бәйге фронтовик язучылар тормышы һәм иҗаты белән кызыксынган шигърият сөючеләр арасында үткәрелә. Оештыручылар – Бөтендөнья татар конгрессы, Татарстанның Мәдәният, мәгариф һәм фән министрлыклары.

Узган 2025 елда балаларның үз-үзенә кул салуына бәйле 12 очрак теркәлгән. 2024 елда шундый 14 очрак булган. Тәмамланмаган суицид сәбәбе белән Республика балалар клиник хастаханәсенә 100 мөрәҗәгать билгеле. Бу хакта клиниканың медицина советы утырышында баш табибы Айрат Зыятдинов сөйләде.

Татарстанда яшь журналистларны һәм мәктәп медиа редакцияләрен үстерүгә юнәлдерелгән яңа проект – беренче республикакүләм «Ялкын» мәктәп медиалары патриотик фестивале башланды. Проектка Татарстан мәктәпләренең медиа командалары чакырыла – аларга газета-журналлар, радио һәм телевидение студияләре, социаль челтәрләрдәге каналлар һәм башка форматлар керә. Катнашучылар 12-18 яшьтә булырга тиеш.

Татарстан илнең фәнни-технологик үсешендә лидерларның берсе булып тора һәм яшь тикшеренүчеләрне елдан-ел күбрәк җәлеп итә. РФ Хөкүмәте Рәисе урынбасары Дмитрий Чернышенко «Научный прорыв. Фәнни алга китеш» премиясен тапшыру тантанасындагы видеомөрәҗәгатендә шулай дип белдерде.

Социаль ятимлек очраклары еш кына ата-аналарның эчкечелеге белән бәйле. Татарстан Республикасында Бала хокуклары буенча вәкаләтле вәкил Светлана Захарова бүген «Татар-информ» агентлыгында узган матбугат конференциясендә шулай дип белдерде.

«Татармультфильм» берләшмәсе өч яңа проекты белән таныштырды. «Татар-информ» мәгълүмат агентлыгында матбугат очрашуында әлеге проектларның үзенчәлекләре, әһәмияте турында сөйләделәр.

Татарстанда җомга көненнән башлап һава торышы җылыначак, температураның 0 градуска кадәр күтәрелүе, шулай ук җепшек кар һәм бозлы яңгырлар көтелә. «Метео» фаразлау үзәге җитәкчесе Александр Шувалов «Татар-информ»га шундый фараз белән уртаклашты.

Шимбә көнне, 14 февральдә, Татарстан Республикасы Милли китапханәсендә Халыкара китап бүләк итү көненә багышланган чаралар уздырыла. Шәһәр халкы китаплар алмаша, әдәби жанрлар турында фикер алыша, Ромео һәм Джульеттага яңача карый ала.

Татарстанда яңа туган балалар үлеме буенча 2025 елда рекорд дәрәҗәсендә түбән нәтиҗәгә ирешелгән.

Дәүләт Думасында «Бердәм Россия»дән депутат Игорь Антропенко укучыларның белемнәрен бәяләү тәртибен яңадан карау тәкъдиме белән чыкты. Аның фикеренчә, дәрестәге эш, шулай ук сыйныфта башкарылган контроль һәм мөстәкыйль эшләр өчен генә билгеләр куярга кирәк. Бу хакта ул РИА Новости хәбәр итә.

Казан кооператив институтының Дәрдемәнд исемендәге Татар мәдәнияте үзәге җитәкчесе Флюра Абдуллина Казан журналистика мәктәбенә нигез салучы Флорид Әгъзамов белән бәйле истәлекләре белән уртаклашты.

Түбән Камада күп балалы гаиләләрне җир кишәрлекләре белән тәэмин итү буенча эш дәвам итә, дип хәбәр итте мэр Радмир Беляев 2025 ел нәтиҗәләре буенча хисап сессиясендә.

Иртәгә, 12 февральдә, Татарстанда һава торышының начарлануы көтелә. Бу хакта ТР Гидрометеорология үзәге хәбәр итә.

Казанда Бәшир Рәмиев исемендәге IT-паркта тугыз номинация буенча «Фәнни алга китеш» премиясе лауреатларын бүләкләү тантанасы узды. Төп призны, «Иң яхшы галим» номинациясендә җиңүне, физика-математика фәннәре докторы, Россия Фәннәр академиясенең Казан фәнни үзәгенең Евгений Завойский исемендәге КФТИ фәнни җитәкчесе, Татарстан башкаласының Мактаулы гражданины, Россия Фәннәр академиясе академигы Кев Салихов алды.

Якын арада доллар курсының рубльга карата бәясе төшү көтелми. Бу хакта «Татар-информ»га Финанс аналитиклары һәм риск-менеджерлар гильдиясенең күзәтчелек советы әгъзасы, икътисад фәннәре кандидаты Александр Разуваев хәбәр итте.

15 февральдә татар шагыйре, Советлар Союзы Герое, Ленин премиясе лауреаты Муса Җәлилнең тууына 120 ел тула. Казанда тантаналы чаралар узачак.

Татарстанда ОРВИ һәм грипп сезоны дәвам итә. Февральнең беренче атнасында 12 146 кеше авырган. Бу хакта Роспотребнадзорның ТР буенча идарәсе матбугат хезмәте хәбәр итә.

Татарстан Премьер-министры Алексей Песошин «Нижнекамскнефтехим»ның («СИБУР» компанияләр төркеменә керә) Түбән Камада мәгариф һәм социаль өлкәне үстерүгә керткән өлешенә игътибар итте.

Казан журналистика мәктәбенә нигез салучы Флорид Әгъзамовка бүген 90 яшь тулган булыр иде. Педагог һәм галимнең исеме Идел буенда журналист белемен үстерү символына әверелде, ә аның шәкертләре бүген төбәкнең әйдәп баручы массакүләм мәгълүмат чараларын җитәкли.

«Аулак өй – көрәш» төбәкара проектына биш ел. Проект җитәкчесе Сәрия Закирова «Татар-информ»га шул уңайдан яңалыклар турында сөйләде.