Новости за 26.01.2022

(Казан, 26 гыйнвар, «Татар-информ»). Түбән Камага сәфәрләренең икенче көнендә Төркия вәкилләре район тормышы һәм җирле халыкның көнкүреше белән танышу максатыннан, Шәңгәлче авылына юл тотты. Авыл җирлеге белән танышу «Салават күпере» балалар бакчасыннан башланды. Балалар чит ил кунакларын җылы каршы алды, аларга җырлар җырлады, шигырьләр сөйләде, аш-су, балта остасы һөнәрләре буенча үз осталыкларын күрсәтте, тәмле чәй белән сыйлады. Төркия кунаклары Шәңгәлче авылында бер гасырлык тарихка ия булган төп мәктәп белән дә танышты. Читать дальше...

(Казан, 26 гыйнвар, «Татар-информ»). Татарстанда «Идел буе халыклары әкиятләре» дигән яңа китап чыкты. Ул рус һәм татар телендә нәшер ителгән. Татарстан китап нәшрияты матбугат хезмәте хәбәр иткәнчә, бу җыентыкка Идел буе халыклары әкиятләре кергән. Алар арасында могҗиза һәм көнкүреш, шулай ук хайваннар турында әкиятләр бар. Матур иллюстрацияле һәм кызыклы әкиятләр балаларны намуслы, кыю, ярдәмчел булырга, шулай ук дуслык кадерен белергә, яхшылык белән яманлыкны аера белергә өйрәтә. Аларның... Читать дальше...

Фазлаев Нурулла Гарифуллович(биография) старшина СА,Герой Советского Союза,командир отделения сапёров родился 6 марта 1909 года в селе Мочалей Дрожжановского района Республики Татарстан. Окончил 7 классов. В 1940 году Н. Г. Фазлаев переехал в город Джамбул(Тараз) Казахской ССР. Работал на лесоразработках, каменщиком… Далее

(Казан, 26 гыйнвар, «Татар-информ», Эльза Кузнецова). Алабуга дәүләт музей-тыюлыгының Сирәк коллекцияләр галереясында Идел буе Болгар дәүләтендә ислам кабул итүнең 1100 еллыгына багышланган «Ислам каллиграфиясе дөньясы» яңартылган күргәзмәсе ачылды.  «Күргәзмә узган атнада ачылды һәм якынча агымдагы елның июненә кадәр эшләячәк. Экспозицияне карарга „Пушкин картасы“ белән килергә мөмкин», — дип хәбәр итте «Татар-информ» агентлыгына Алабуга дәүләт музей-тыюлыгының мәгълүмат-нәшрият бүлеге матбугат сәркатибе Евгения Поликарпова. Читать дальше...

(Казан, 26 гыйнвар, «Татар-информ», Гөлүзә Ибраһимова). Сәнгать белгече Рауза Солтанова Бакый Урманче белән Дәрдемәнднең фикер йөреше уртак булган дигән фикердә. Аның сүзләренчә, 1950-1960 елларда Бакый Урманче Дәрдемәнд шигырьләренә иллюстрацияләр ясый һәм Бакый Урманченың Дәрдемәнд иҗатына мөрәҗәгать итүе очраклы түгел. Бу хакта Тел, әдәбият һәм сәнгать институтының Рәсем һәм декоратив-гамәли сәнгать бүлеге мөдире, сәнгать фәннәре докторы Рауза Солтанова Татар китабы йортында узган Дәрдемәнд һәм... Читать дальше...

Завтра в утренние часы сотрудники отдела ГИБДД ОМВД России по Нурлатскому району проведут очередную профилактическую акцию "Тоннель".

(Казан, 26 гыйнвар, «Татар-информ», Гөлнар Гарифуллина). Татарстанда эшкә сәләтле халыкның кайсы районнарда күбрәк үлгәне билгеле. Аларны Татарстан сәламәтлек саклау министры Марат Садыйков коллегия утырышында әйтеп чыкты. Эшкә сәләтле халык арасында үлемнең иң югары күрсәткечләре Яңа Чишмә (100 мең кешегә — 862,4), Югары Ослан (100 мең кешегә — 821,1), Кайбыч (100 мең кешегә — 736,5), Сарман (100 мең кешегә — 791,7), Минзәлә (100 мең кешегә — 794) районнарында теркәлгән. «2021 елда эшкә сәләтле... Читать дальше...

(Казан, 26 гыйнвар, «Татар-информ»). Аеруча куркыныч инфекцияләр буенча белгеч, табиб-иммунолог Владислав Жемчугов коронавирустан прививканы беренче чиратта хроник авырулары булган һәм җитди авырый торган балигъ булмаган балаларга ясарга кирәк дигән фикер әйтте. Аның сүзләренчә, башка авыруларга бирешмәгән, иммунитеты яхшы булган балалар коронавирус белән авырмый яки җиңел формада кичерә. «Шуңа күрә, беренче чиратта, ниндидер чир белән җитди авырган һәм иммунитеты түбән булган балаларны вакцинацияләргә кирәк. Читать дальше...

(Казан, 26 гыйнвар, «Татар-информ», Зилә Мөбәрәкшина). Татарстанның халык артисты, татар композиторы Әнвәр Бакировның туганнары «Су анасы» балеты һәм «Тукай» операсының торгызылуын сорап мөрәҗәгать итте. «Татарстан мәдәният министрлыгыннан бу ике әсәрнең торгызылуын үтенәбез. Бу әсәрләр — татар халкы музыкасы тарихының энҗе-мәрҗәне. Ышанып әйтәм: бу әсәрләр Муса Җәлил исемендәге Татар дәүләт опера һәм балет театрында куела башласа, аншлаг булыр иде», — диде «Татар-информ» хәбәрчесенә композиторның оныгы Ирма Бакирова. Читать дальше...

(Казан, 26 гыйнвар, «Татар-информ», Гөлнар Гарифуллина). Татарстан Президенты Рөстәм Миңнеханов табибларга коронавирустан бик сакланырга киңәш итте. «Безне алмаштырып булыр, ә сезне алмаштыру кыен. Президентның Премьер-министры бар, аның урынбасарлары...ә табиблар кешеләр белән эшли», — диде ул ТР Сәламәтлек саклау министрлыгының коллегия утырышында. «Үзегезне саклагыз, омикрон штаммы тагы да тизрәк йога, диләр бит. Вакцинацияләнгән кешеләр арасында да авыручылар бар», — дип искәртте Президент. Читать дальше...

(Казан, 26 гыйнвар, «Татар-информ», Арсений Кәримов). Татарстанда 2022 елда узачак Идел буе Болгар дәүләтендә ислам кабул ителүнең 1100 еллыгы һәм ЮНЕСКО сессиясе кебек зур халыкара вакыйгалар алдыннан республиканың вакыйгалар туризмы имиджы һәм үсеше аеруча мөһим. Татарстан Туризм буенча дәүләт комитетының йомгаклау коллегиясендә республика вице-премьеры Ләйлә Фазлыева шундый фикер белдерде. «Без Татарстан Республикасында туристлар өчен нинди вакыйгаларның кызыклы булуын төгәл аңларга тиеш. Бу мәсьәләне киләчәкне уйлап хәл итәргә кирәк. Читать дальше...

(Казан, 26 гыйнвар, «Татар-информ»). Иртәгә төнлә һәм иртән Татарстанда томан көтелә һәм 18 градуска кадәр салкын булачак. Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, төнлә һәм көндез урыны белән бераз кар, уртача тизлектә җил көтелә. Төнлә һава температурасы -13..-18 градус, ә көндез -7..-12 градус фаразлана. Синоптиклар юлларда бозлавык булуы турында да кисәтә.

(Казан, 26 гыйнвар, «Татар-информ», Зилә Мөбәрәкшина). Язучы Айгөл Әхмәтгалиева Габдулла Кариев исемендәге Татар дәүләт яшь тамашачылар театры актрисасы, Татарстанның атказанган артисты Рәмзия Закирҗанованың 60 яшьлек юбилеена багышлап «Матур City» дигән пьеса иҗат иткән. Спектакль 12 февральдә тәкъдим ителәчәк. «Пьесаны Айгөл Әхмәтгалиева дүрт ай элек язды. Хәзерге вакытта спектакль репетицияләре бара. Пьеса автобиографик әсәр түгел. Анда чынбарлык һәм Рәмзия ханым уйный торган герой — Гөлнараның хыялы бар. Читать дальше...

Яшерен тавыш бирү юлы белән шушы ике язучы сайланган.

(Казан, 26 гыйнвар, «Татар-информ»). Татарстан Дәүләт Советы Рәисе Фәрит Мөхәммәтшин бүген республиканың төрле районнарындагы суд участокларының мировой судьяларына таныклык тапшырды. 14 кеше хезмәт таныклыклары алды. Тантаналы чарада Мөхәммәтшин мировой судьяларның хакимиятнең бу тармагында халыкка иң якын вәкилләр булуын әйтте. Бу хакта республика парламентының матбугат хезмәте хәбәр итә. «Татарстанда 190 мировой судья үз вәкаләтләрен башкара, алар йөзләгән мең җинаять, гражданлык һәм административ эш карый. Читать дальше...

(Казан, 26 гыйнвар, «Татар-информ»). Бер атнада Россиядә коронавируска каршы коллектив иммунитет 64,2 процентка җиткән. Әмма кайбер төбәкләрдә аның төшүе күзәтелә. «Бүгенге көндә коллектив иммунитет дәрәҗәсе 64, 2 процент тәшкил итә. Кызганычка, бу күрсәткеч кайбер төбәкләрдә төшкән», — диде Владимир Путин катнашындагы Хөкүмәт киңәшмәсендә вице-премьер Татьяна Голикова. Аның сүзләренчә, бу бер тапкыр прививка ясаткан яки авырып терелгән кешеләр ярты елдан соң ревакцинациягә килмәү сәбәпле килеп чыга.

(Казан, 26 гыйнвар, «Татар-информ», Зилә Мөбәрәкшина). 29 гыйнварда Габдулла Кариев исемендәге Казан Татар дәүләт яшь тамашачылар театрында «Алтынч[ае]ч» спектакле премьерасы була. Пьесада кичерешләр дөньясы тасвирланачак. «Алтынчәч безнең өчен мәгарәгә ишек образы буларак килеп басты. Бу образ безне безне күптәннән сөйләшәсе килгән темаларга алып чыкты. Ул хакта аш бүлмәсендә, дуслар белән аралашканда сөйләшергә мөмкинбез, ләкин без бүгенге көндә мәйдан-трибуналарга чыгып сөйләргә шикләнәбез. Пьесадагы яшүсмерләрдә курку юк... Читать дальше...

Мөфти шулай ук бюджеттан акча бирелмәвенә дә зарланды.

(Казан, 26 гыйнвар, «Татар-информ», Полина Шевчук). Казанда 88 яшьлек әби полиция бүлегенә мөрәҗәгать иткән. Ул мошенниклар кармагына эләгүе турында сөйләгән. «Татар-информ» агентлыгына Россия Эчке эшләр министрлыгының Казан буенча идарәсе матбугат хезмәтендә хәбәр итүләренчә, узган елның декабрь ахырында аңа билгесез кеше шалтыраткан һәм кызы җитди юл-транспорт һәлакәтенә эләгүе турында хәбәр иткән. Җинаять җаваплылыгыннан качу өчен акча сораганнар. Өлкән яшьтәге ханым ышанган һәм курьерга 350 мең сум акча биргән. Читать дальше...

(Казан, 26 гыйнвар, «Татар-информ», Рузилә Мөхәммәтова). Татарстан язучылар берлеге Тукай премиясенә ике кешене — Флера Гыйззәтуллина белән Ләбиб Леронны тәкъдим итә. Бүген Берлекнең идарә утырышы остаханәләрдән Тукай премиясенә тәкъдим ителгән кандидатлар исемлеген караган. Яшерен тавыш бирү юлы белән шушы ике язучы сайлаган. Алар күпчелек тавышка ия булган. «Берлек остаханәләренең берләштерелгән утырышында алты кандидат каралган иде. Чаллы бүлекчәсеннән дә икене тәкъдим иттеләр. Шулай итеп бүген сигез кандидат арасыннан сайладык»... Читать дальше...

(Казан, 26 гыйнвар, «Татар-информ», Гөлнар Гарифуллина). 2020 ел белән чагыштырганда, Татарстанда үлем күрсәткече 11,5 процентка арткан һәм 1 мең кешегә 15,5 очрак тәшкил итә. «Безне үлем күрсәткечләре борчый», — диде Татарстан Президенты Рөстәм Миңнеханов ТР Сәламәтлек саклау министрлыгының коллегия утырышында. «Россия һәм Идел буе округы фонында бездәге күрсәткечләр уңайрак, ләкин барыбер бу безнең саннар түгел. Шушы вазгыять шартларында планлы ярдәм, профилактика җитеп бетми, шуның нәтиҗәсен күрәбез», — диде Президент. Читать дальше...

(Казан, 26 гыйнвар, «Татар-информ», Гөлнар Гарифуллина). Иң мөһиме — бина, җиһазлар түгел, аларны сатып алып, төзеп була, ләкин эшләргә әзер булган кешеләрне табу — төп бурыч. Татарстан Президенты Рөстәм Миңнеханов ТР Сәламәтлек саклау министрлыгының коллегия утырышында шул хакта әйтте. «Республика һәм муниципаль хакимиятнең төп бурычы бу. Беренчел звено оешмаларын белгечләр белән тәэмин итми торып, беркем китереп бирми. Урта звено өчен яхшы уку йортлары бар: ике медицина вузы — КФУ, Казан медицина университеты, ГИДУВ. Читать дальше...

(Казан, 26 гыйнвар, «Татар-информ»). Татарстанда мәктәпләрнең дистанцион укуга күпләп күчүе планлаштырылмый. 47 мәктәптә карантинда булган сыйныфлар бар, әмма республикада тулысынча ябылган мәгариф учреждениеләре юк, дип хәбәр итә Татарстанның Мәгариф һәм фән министрлыгы матбугат хезмәте. «Ата-аналардан дистанцион уку форматына күчүгә кагылышлы сораулар күп килә. Бүгенгә теге яки бу учреждениедә эпидемиологик хәлгә бәйле рәвештә эш итәләр», — диелә министрлык хәбәрендә. 25 гыйнварга булган мәгълүматлар буенча... Читать дальше...

(Казан, 26 гыйнвар, «Татар-информ», Полина Шевчук). Кичә республикага «Спутник М» вакцинасының беренче партиясе кайтты. Ул балаларга һәм яшүсмерләргә коронавирустан прививка ясау өчен кулланылачак. Татарстанга «Спутник М» вакцинасының 2880 комплекты кайтарылган һәм ул республика поликлиникаларына таратылган. «Спутник М» — ул олылар өчен билгеләнгән «Спутник V» вакцинасының биш тапкыр җиңеләйтелгән варианты, әмма инфекциягә каршы торырлык күләмдә антитәнчекләр барлыкка килсен өчен аның концентрациясе җитәрлек. Читать дальше...

(Казан, 26 гыйнвар, «Татар-информ», Рифат Каюмов). «Spotify» музыка сервисы Хания Фәрхинең «Әлдермешкә кайтам әле» җырын КФУ студентларының яраткан җырлары исемлегендә беренче урынга чыгарган. «Spotify» сервисы студентларның яраткан җырларына нигезләнеп дөньядагы төрле вузлар буенча плейлистлар төзегән. Анда Казан федераль университетының да җырлар исемлеге бар. Музыкаль рейтингка студентларның «Spotify» аша иң күп тыңлаган җырлары кергән. Беренче урынга Хания Фәрхинең «Әлдермешкә кайтам әле» җыры менгән. Читать дальше...