Новости за 22.02.2022

Орусиянын Федералдык жыйынынын жогорку палатасы – Федералдык Кеңеш президент Владимир Путинге армияны өлкөнүн сыртында колдонууга уруксат берди. Президенттин өтүнүчү 22-февраль кечинде каралды. Федералдык Кеңештин төрайымы Валентина Матвиенко Орусия Донбасска аскерлерин тынчтык орнотуу үчүн жөнөтөрүн айтты. Чечимди 153 депутат колдоду, документ кабыл алынары менен күчүнө кирди. Президент Донбасстагы кырдаалды жөнгөрүү үчүн ал жакка аскерлерди жөнөтүүнү көздөп жатат. Коргоо министринин орун... Читать дальше...

Кыргызстандын президенти Садыр Жапаров Украинанын чыгышындагы кырдаалга байланыштуу 22-февралдын кечинде билдирүү жасап, аны камтамачылык жана терең тынчсыздануу менен кабылдап жатканын жазды. Бул тууралуу позициясын мамлекет башчысы “Инстаграмдагы” жана "Фейсбуктагы" баракчаларына чыгарды. “Кыргыз Республикасы жаңжалды жөнгө салуу боюнча бирден-бир документ болуп саналган, БУУнун Коопсуздук кеңешинин колдоосун алган Минск келишиминин негизинде иш алып барууну ар дайым жактап келген. Тилекке каршы... Читать дальше...

22-февралда Украинанын Жогорку Радасы өлкөнүн чыгышындагы жикчилдердин “Донецк Элдик Республикасы” жана “Луганск Элдик Республикасы” түзүлүштөрүн көз карандысыз мамлекет катары таануу чечимине байланыштуу билдирүү кабыл алды. Парламент муну кескин айыптап, Москва бул аракети менен иш жүзүндө Минск келишиминен чыкканын билдирди. Жогорку Рада андан ары башка өлкөлөргө жана эл аралыкты уюмдарга кайрылып, жикчилдер ээлеп турган Украинага караштуу аймактарды Орусиянын артынан тааныбоого чакырды. Украин... Читать дальше...

22-февралда Беларуста Конституцияны өзгөртүү боюнча референдумда алдын ала добуш берүү башталды. Негизги добуш берүү – 27-февралда өтөт. “Азаттыктын” беларус кызматы кабарлагандай, өлкөдөгү бир катар саясатчылар жана коомдук ишмерлер бурмалоолорго жол бербөө үчүн шайлоочуларды жекшемби күнү добуш берүүгө чакырып жатышат. Басылмалар айрым шайлоо тилкелериндеги кабиналар ачык турганын, добуш берүү учуру комиссиянын мүчөлөрүнө көрүнүп турарын жазышууда. Мурдараак Беларустун Борбордук шайлоо комиссиясы... Читать дальше...

Орусия Украинанын чыгышындагы жикчилдердин “Донецк элдик республикасы” жана “Луганск элдик республикасы” деп аталган аймактарын көз карандысыз мамлекет катары тааныды. Ага удаа президент Владимир Путин бул аймактарга орус аскерлерин киргизүүгө буйрук берди. Кремлдин мындай аракетин Батыш кескин сындап жатат.

Министрлер кабинети 22-февралда Баткенде көчмө жыйын өткөрүп, облусту өнүктүрүүнүн саясий жана экономикалык багыттары талкууланды. Анда чек ара аймактарын калыбына келтирүү жана өнүктүрүү жарлыгы, Баткен облусуна ири инвестицияларды тартуу тууралуу да сөз болду. Өкмөт башчы Акылбек Жапаров Баткенде жабылып турган чек аралар такталып, соода алака жанданып, келечекте транзиттик аймак болот деп ишендирди.  Министрлер кабинетинин Баткен облусундагы көчмө жыйынында аймакты өнүктүрүү боюнча бир катар чечимдер кабыл алынды. Читать дальше...

Ички иштер министрлигинин электрондук каттоосуна 2021-жылы 10 миң 151 үй-бүлөлүк зомбулук фактысы катталган. Бул тууралуу мекеменин басма сөз кызматы маалымдады. Үй-бүлөлүк зомбулуктан жабыр тарткан 9 038 адамга коргоо ордери берилген. Анын 8 463ү аялдарга, 311и эркектерге, 264ү жашы жетелектерге тиешелүү. Үй-бүлөлүк зомбулук жасаган 8 599 эркекке жана 439 аялга ордер берилген. ИИМ үй-бүлөлүк зомбулукту алдын алуу үчүн жыл бою элди кыдырып, түшүндүрүү иштерин күчөтүп жатканын билдирди. Буга... Читать дальше...

Германиянын бийлиги Орусиядан өзүнө көгүлтүр от алып өтүү үчүн курулган “Түндүк агым-2” газ куурунун долбоорун сертификациялоо чараларын убактылуу токтотту. Германиялык DPA маалымат агенттиги Берлин мындай чечимди Москва Украинанын чыгышындагы жикчил “республикаларды” тааныганына байланыштуу кабыл алганын жазды. “Газ куурун ишке салуу планы кайрадан бааланып чыгышы керек”,-деди немис канцлери Олаф Шольц. Ал мындай аракеттер Москва менен Берлиндин башка тармактагы кызматташуулары боюнча да уланарын кошумчалады. Читать дальше...

Казакстанда январь айынын башында катталган окуяларга байланыштуу 18 чет өлкөлүк жаран кармалды. Бул тууралуу Казакстандагы адам укуктары боюнча ыйгарым укуктуу өкүлү Элвира Азимова мамлекеттик “Хабар 24” телеканалына курган маегинде билдирди. Анын айтымында, ушул тапта Өзбекстандын 14 жараны, Орусия менен Кыргызстандын экиден жараны камакта олтурушат. Мурдараак Казакстандын Башкы прокуратурасы Январь окуяларын иликтөөнүн алкагында эки чет элдик жаран кармалганын билдирген болчу. Ал кайсы мамлекеттин жарандары экени айтылган эмес. Читать дальше...

Орусия менен Украинанын ортосундагы чыр кыргыз коомчулугунун да көңүл борборунда турат. Орус бийлиги Украинанын чыгышындагы жикчилдердин “Донецк Элдик Республикасы” жана “Луганск Элдик Республикасы” түзүлүштөрүн көз карандысыз мамлекет катары тааныгандан кийин мындан ары окуя кандай өнүгөт, эки өлкөнүн чатагы Кыргызстанга кандай таасир этет деген суроо талкууланып жатат. Орус-украин чатагын Кыргызстанда социалдык тармактын колдонуучулары адаттагыдай эле активдүү талкуулап жатышат. Орусиянын президенти... Читать дальше...

Украина Орусиянын кол салуу коркунучу боюнча БУУнун Коопсуздук кеңешинин чукул жыйынын чакырууну сунуштады.  Украин президенти Владимир Зеленский шашылыш видео кайрылуу жасап, өлкө чыгышындагы Донецк менен Луганск облустарын Орусиянын өз алдынча аймак катары таануусун кескин айыптады. Владимир Путин украин мамлекетинин түзүлүшүн большевиктердин жол башчысы болгон Лениндин “белеги” деп атап, СССРдин улут саясатын сынга алды. Киевдин чукул сунушу Киев орус-украин чек арасында түзүлгөн соңку чыңалган... Читать дальше...

Былтыр "Фейсбук" компаниясынын негиздөөчүсү Марк Цукерберг "Мета аалам" түзөрүн билдирип, өзүнүн компаниясынын аталышын "Мета" деп өзгөрттү. Андан сырткары, Disney жана Аррle өздөрүнүн мета ааламдарынын үстүнөн иштеп жатканы белгилүү болду. Кадимки жашоодон айырмаланбаган виртуалдык жашоо тууралуу ойлор бир кезде фантастиканын деңгээлинде болсо, жыл өткөн сайын бул турмуштук зарылдыкка айланып бараткансыйт. "Мета аалам" деген эмне? Ага адамдар кантип кирет? Анын пайдасы жана зыяны кандай? "Мета... Читать дальше...

Британиянын премьер-министри Борис Жонсон өз өлкөсү чукул арада орусиялык бизнеске каршы катуу санкцияларды киргизерин жарыялап, орус президенти Владимир Путинди Украинага каршы мындан аркы аскердик аракеттерди токтотуусун талап кылды. “Биз тез арада экономикалык санкциялардын пакетин киргизебиз”,-деди Жонсон 22-февралда журналисттерге. Жонсон бул Британиянын Орусияга каршы санкцияларынын биринчи этабы болорун, ал Луганск менен Донецкини гана камтыбай, Орусиянын өзүнүн экономикасына сокку урарын маалымдады. Читать дальше...

Бишкекте адам уурдоо жана опузалап акча талап кылууга шектелген кылмыштуу топтун мүчөсү кармалды. Бул тууралуу Улуттук коопсуздук боюнча мамлекеттик комитет (УКМК) кабарлады. Маалыматка ылайык, кылмыштуу топтун мүчөсү жаранды күч колдонуп Бишкектен Байтик айылына алып чыгып, Ош базарындагы соода түйүнүн сатууну талап кылып, ур-токмокко алганы жөнүндө арыз түшкөн. Факт боюнча Жазык кодексинин (эски редакциясы) 203-беренеси, (“Опузалап талап кылуу”) 170-беренеси (“Киши уурдоо”) боюнча сотко чейинки териштирүү башталган. Читать дальше...

Маданият, маалымат, спорт жана жаштар саясаты министрлиги Талас облусундагы "Атлах" мамлекеттик тарыхый-маданий музей коругунун долбоорун түзүү боюнча ачык сынак жарыялады. Бул тууралуу министрликтин басма сөз кызматы маалымдады. Сынактын максаты долбоорду иштеп чыгуу менен тарыхый-маданий мурас объектилеринин сакталышын, корголушун жана натыйжалуу пайдаланылышын камсыздоо боюнча оригиналдуу идеяларды издөөнү көздөйт. Долбоорду түзүү үчүн сынакка кесипкөй жана көз карандысыз скульпторлор, дизайнерлер... Читать дальше...

Министрлер кабинетинин төрагасы Акылбек Жапаров Тенгиз Бөлтүрүктү “Кумтөр Голд Компани” жабык акционердик коомунун убактылуу тышкы башкаруучусу кызматынан өзү жазган арыздын негизинде бошотту. Бул тууралуу өкмөттүн басма сөз кызматы кабарлады. Өткөн аптада Бөлтүрүк "Улуу көчмөндөр мурасы" улуттук холдингине жетекчи болуп дайындалганы белгилүү болгон. Канадалык “Центерра” компаниясы башкарып келген Кумтөрдү кыргыз өкмөтү 2021-жылы май айында өз карамагына алган жана Бөлтүрүк убактылуу сырттан башкаруучу болуп дайындалган. Читать дальше...

Орусиянын Мамлекеттик Думасы президент Владимир Путиндин Украинанын чыгышындагы өздөрүн “Донецк Элдик Республикасы” жана “Луганск Элдик Республикасы” деп атап алган жикчил түзүмдөрдү мамлекет катары таануу чечимин бекитти. 22-февралдагы отурумда депутаттар аны дээрлик бир добуштан жактырышты. Жыйында ЛДПР партиясынын депутаты убактылуу оккупация болгон аймактарды эле эмес, “бүтүндөй Украинанын аймагын Орусияга кайтаруу” чакырыгын таштады. “Адилеттүү Орусия” партиясынын башчысы Сергей Миронов “ДЭР”... Читать дальше...

Ооганстанды иш жүзүндө башкарып жаткан “Талибан” кыймылы (Кыргызстанда тыюу салынган) мамлекеттик мекемелерде иштеп жаткан аялдар  мүмкүн болушунча жамынып жүрүшү керектигин маалымдап, ансыз иштен кетерин эскертти. Жакшылыкты колдоо жана бузукулукту алдын алуу министрлиги 22-февралдагы билдирүүсүндө  аялдар жетиштүү чулганбаса көчөгө чыкпашы керектиги белгиленет. “Хижабдын каалаган түрүн кийишсин. Бул алардын иши, бирок алар талаптагыдай жамынышы керек, зарыл болсо жууркан менен оронушсун”,-деп айтылат анда. Читать дальше...

Коопсуздук кеңешинин катчысы Марат Иманкулов шайлоо жараяндарына аралашкан мамлекеттик кызматкерлердин баарына чара көрүлөрүн эскертти. Ал 22-февралда Борбордук шайлоо комиссиясында (БШК) Бишкектеги эки округдан кайра шайлоого бараткан талапкерлер катышкан жыйынында бардык фактылар териштирилип-иликтенерин эскертти. "Эгерде силерде ошондой фактылар босо аны азыр элек текшеребиз, созуп отурбайбыз. Кайсы гана мамлекеттик кызматкер болбосун жоопкерчиликке тартканга даярбыз. Анткени бир дагы мамлекеттик кызматкер андай тапшырма алган эмес... Читать дальше...

Жогорку Кеңештин эки депутаты Аманкан Кенжебаев жана Мирлан Самыйкожо мугалимдерди мазактагандарды жазага тартуу камтылган мыйзам долбоорун сунуштады. Эгер мыйзам колдоо таап, кабыл алынса, мугалимге кол көтөргөн же тил тийгизген учурлар жазасыз калбайт. Соңку кезде окуучу менен мугалим ортосундагы пикир келишпестик коомчулукта көп талкууланган маселелердин бири болууда. "Азаттык" география мугалими Бийик Рыскулов менен мына ушул мугалимдин кадыр-баркы, билим берүү тармагынын оош-кыйышы тууралуу маектешти. Читать дальше...

Колумбиянын Конституциялык соту “мындан ары 24 аптага чейин жасалган аборттор кылмыш деп саналбайт” деген өкүм чыгарды. Активисттер жана укук коргоочулар Кылмыш кодексине мындай өзгөртүү киргизүүнү дээрлик 20 жылдан бери талап кылып келишкен. Соттун чечимине байланыштуу өлкөнүн борбору Боготада колдоо акциялары өттү. Колумбияда буга чейин түйүлдүктүн кемтиги аныкталса, эненин өмүрүнө коркунуч жаралса, зордуктоо же кан бузуу (инцест) болсо гана аборт кылууга уруксат берилген. Калган учурлардын баарында энелер 4,5 жылга чейин камакка алынчу. Читать дальше...

Министрлер кабинети коронавирус пандемиясына байланыштуу 2020-жылдын 22-мартында жарыяланган өзгөчө кырдаал режими күчүндө экенин билдирди. Өкмөт мындай режим жоюлганы тууралуу маалыматтарды четке какты. Кыргызстанда коронавирустун "омикрон" штаммы өткөн айда катталган жана оору жуктургандардын саны көбөйүп жатканына байланыштуу Бишкек шаары "кызыл зонага" кирген. Соңку бир күндө өлкөдө COVID-19 дагы 31 адамдан аныкталып, бир бейтап көз жумду. 22-февралга карата коронавируска чалдыккандардын жалпы саны 200 миң 368ге жетти. Читать дальше...

Улуттук банктын эл аралык корундагы алтынынын баасы 2021-жылы 591,8 млн. долларды түздү. Өткөн жылы 1 млрд. 18 млн. долларды түзгөн. Тактап айтканда, Кыргызстандын алтын кору 41,8% кыскарган. Улуттук банктын маалыматына таянсак, алтындын запасы 2021-жылдын апрелинен баштап июнь айына чейин кескин кыскарган. Апрель айында 1 млрд. 168 млн. долларды түзсө, май айында 985 млн. долларга, июнда 430 млн. долларга чейин түшкөн. Кийинки айларда кайра көтөрүлүп отуруп 591,8 млн. долларды түздү. Алтындын... Читать дальше...

Сокулукта февраль айынын башында сабалып, ооруканага түшкөн баланы азырынча чоң энеси багат. Бала ооруканадан 22-февралда чыгарылганын “Балдардын укугун коргоочулар лигасынын” жетекчиси Назгүл Турдубекова “Азаттыкка” маалымдады. “Бүгүн ооруканадан чыгарылып, чоң апасынын колуна берилди. Соттун чечими чыкканча ата-энесинин укуктары чектелды. Бишкектен чоң апасы менен балага эки бөлмөлүү батирди ижарага алып бердик. Бала 5-6 ай реабилитациядан өтүшү керек. Тергөө жүрүп жатат”, - деди Турдубекова. Читать дальше...

Украинанын президенти Владимир Зеленский 22-февралга караган түнү видео кайрылуу жасап, өлкөнүн чыгыш аймагындагы Донецк жана Луганск аймактарын Орусиянын өз алдынча мамлекет катары таануусун кескин айыптады. Ал муну менен Москва ал жерде 2014-жылдан бери жүргөн өз аскерлерин легалдаштырды деп билдирди. “Сөз жок, Украина Орусиянын бул аракеттерин биздин мамлекеттин суверенитетин жана аймактык бүтүндүгүн бузуу катары кабылдайт. Бул чечимге байланыштуу кесепеттердин бардыгына эми Орусиянын саясий жетекчилиги гана жоопкер болот”,-деди ал. Читать дальше...