Новости за 13.02.2020

Ирандын Азербайжандагы элчиси өлкө президенти расмий сапар менен Тегеранга барарын билдирди.

Жогорку Кеңештин депутаты Пархат Тулендыбаев Кыргызстанда 2019-жылы 46 өспүрүм жанын кыйганын айтып, өспүрүмдөр арасында суицидди азайтууга мамлекеттик деңгээлде көңүл бурууга чакырды.  Бул тууралуу маселени парламенттин 13-февралдагы жыйынында көтөрүп, өспүрүмдөр арасындагы суицид боюнча статистикалык маалыматтарды алганын билдирди.  Тулендыбаев Билим берүү жана илим министрлиги менен Ички иштер министрлиги тез арада бул көйгөйгө бөгөт коюу чараларын иштеп чыгуусу зарылдыгын белгиледи.  ... Читать дальше...

Борбордук шайлоо комиссиясы жергиликтүү кеңештерге шайлоо боло турган шаарларга элди убактылуу каттоо боюнча айтылып жаткан маалыматтарды талкуулады. БШКнын мүчөсү Атыр Абдрахматова "Азаттыкка" билдиргенине караганда, талкууда убактылуу каттоонун түрдүү өңүттөрү айтылган: "Токмокто кошумча каттоолор күздөн бери эле башталган экен. Ошто кыска убакта 30 миң адам каттоого коюлуптур. Кечээ биздин жыйында бул боюнча кайчы пикирлер чыкты. Айрым мүчөлөрүбүз деле муну жалпы каттоо башталганына жана биометрикалык... Читать дальше...

Empower.kg деп аталган сайт Кыргызстандагы мүмкүнчүлүгү чектелген адамдардын укуктары тууралуу маалымат берет. Сайттын демилгечиси 1-топтогу майып, Бишкектеги юридикалык академиянын студенти Уланбек Абакиров. Ал мүмкүнчүлүгү чектелүү адамдарга сайт аркылуу онлайн консультация берет. Сайт "Программалоо - майыптардын укугун коргоо ачкычы" деп аталган долбоордун алкагында ачылып жатканын долбоордун координатору Азамат Кыдыралиев "Азаттыкка" билдирди: "Былтыр Кыргызстан майыптар тууралуу конвенцияны ратификациялаган. Читать дальше...

Ташкенттеги «Ильхом» театры жайгашкан имарат апрель айына чейин бошотулушу керектиги айтылгандан кийин социалдык түйүндөрдө #saveilkhom хэштеги менен акция башталды. Аны өлкө башчы Шавкат Мирзиёевдин кызы Саида Мирзиёева да колдоп чыкты. 11-февралда өлкөнүн маданият министри Озодбек Назарбеков театрдын көркөм жетекчиси Борис Гафуров менен имараттын жаңы ээси "Ofelos Plaza" компаниясынын өкүлү Ольга Шавринаны кабыл алды. Жолугушуунун жүрүшүндө тараптар театр тарыхый имаратын сактап калары тууралуу макулдашууга келишти. Читать дальше...

ПИК деп аталган ишкерлик инновацияны өнүктүрүү борбору Британ элчилигинин көмөгү менен ачылууда. Аталган борбор ишкерлик инновацияларды өнүктүрүүгө багытталган долбоордун алкагында иштейт. Бул тууралуу борбордун жетекчиси Искендер Шаршеев "Азаттыкка" билдирди: "Биздин максатыбыз ишин жаңыдан баштап келе жаткан ишкерлерди колдоо. Аларга чет өлкөлөрдөн атайын эксперттерди, менторлорду чакырып, атайын окууларды өткөрөбүз. Мындан тышкары биздин ишкерлерге дүйнөлү базарларга чыгуунун жолдорун, сырттан инвестор табууну үйрөтөбүз". Читать дальше...

Эл аралык валюта кору тажик бийлигин 2016-жылдан бери аманатчылардын акчасын кайтарып бере албай жаткан «Агроинвестбанк» менен «Точиксодиротбанкты» жоюуга чакырды. 2017-жылы февралда тажик өкмөтү жардам катары «Точиксодиротбанкка» 2 миллиард 250 миллион сомони, «Агроинвестбанкка» 1 миллиард 70 миллион сомони бөлүп берген. Бирок банктардын маселеси чечилген эмес. Эл аралык валюта корунун жетекчилиги тараткан билдирүүдө банктардын аманатчылардын алдындагы карызы азайып, кирешеси көбөйгөнүнө карабастан... Читать дальше...

12-февралда Биринчи Май райондук соту мурунку дипломат Аскар Айтматовдун Түркиянын Кыргызстандагы элчиси Женгиз Камил Фыратка доо арызын кароону улантты. Сотко Тышкы иштер министрлигинин өкүлдөрү катышкан жок, алардын жүйөөлүү себептери жазылган катты адвокат судьяга тапшырды. Иштин жүрүшүндө адвокат доогер Аскар Айтматов элчиликтин сайтына Женгиз Фыраттын өз дарегине айткан сөздөрүн жокко чыгаруусун жайгаштыруу талабынан баш тартканын билдирди. Адвокаттын белгилөөсү боюнча бирок Айтматов элчинин... Читать дальше...

Алар 2014-жылы Malaysia Airlines компаниясына таандык жүргүнчү учагынын атып түшүрүлүүсүнө шектелгендер. Кыйроодо учактагы 298 киши набыт болгон. Нидерландднын юстиция министри Ферд Грапперхаус 12-февралда билдиргендей, Москва үч шектүүнү өткөрүп берүүнү сурап, былтыр октябрда кайрылган. Малайзиянын Амстредам - Куала-Лумпур каттамындагы учагы 2014-жылдын 17-июлунда Украинанын Донецк облусунун үстүндө атып түшүрүлгөн. Бул учурда Украинанын чыгышында орусиячыл жикчилдер өкмөттүк аскерлерге каршы согушуп жаткан. Читать дальше...

Сүйлөшүүлөрү жакшы жагына жанданат деген үмүтүн Украин президентинин администрацияна жаңы эле дайындалган Андрей Ермак билдирди. Ал президент Зеленскийдин командасы жикчилдердин көзөмөлүндө турган Украинанын чыгышындагы согушту токтотуу аракеттерин улантарын журналисттерге 12-февралда айтты. "Украин президенти үчүн да, президенттик администрация үчүн да Донбасстагы сүйлөшүүлөр маанилүү. Сүйлөшүүлөр учурунда компромисстер болушуна үмүттөнөм. Мен бардыгы: патриоттор менен да, компетенттүү адамдар менен да сүйлөшүүгө даярмын" деди ал. Читать дальше...

Башкы штаб жетекчисинин Орусия менен аскердик кызматташуу боюнча орун басары Нурлан Кирешеевдин мындай комментарийин 12-февралда штабдын басма сөз кызматы таратты. Анда Канттагы аскер базага Орусиянын аба соккусунан коргонуучу техникаларды орнотуу мүдөөсүнүн себептери тууралуу айтылган. Кирешеев аскер базага орнотулары күтүлүп жаткан техникалар, учкучсуз учактарды алып келүү жана аэродромдогу учуу-конуу тилкелерин оңдоо иштери аймактын коопсуздугун камсыздоого багытталган иш-чаралар экенин бекемдеген. Читать дальше...