Новости за 07.02.2020

Казакстандын президенти Касым-Жомарт Токаев Жамбыл облусунун Кордай районуна караштуу Масанчи жана Сарытөбе айылдарындагы жапырт мушташка байланыштуу пикирин билдирди.  "Кордай районунда бейбаштык өңүттөгү жапырт мушташ болду. Аны чагымчылар өз пайдасына пайдаланууну көздөгөн. Полиция жагдайды тартипке салып, өз көзөмөлүнө алды. Коомдук тартипти бузгандар жоопко тартылат" деп жазды "Твиттер" баракчасына казак президенти.   7-февралдын кечинде Жамбыл облусунун Кордай районуна караштуу Масанчи... Читать дальше...

Дүйнөлүк соода уюму (ДСУ) Кыргызстанга айып пул салынышы мүмкүн деген маалымат боюнча "Азаттыкка" түшүндүрмө берди.  "ДСУ финансылык жаза чектебейт. Андыктан Кыргыз Республикасына уюмдун эрежелерин бузганы үчүн 300 миллион доллар айып пул салат деген кабар так эмес", - деп айтылат уюмдун "Азаттыкка" жолдогон электрондук катында. Катта белгиленгендей, Кыргызстан Евразиялык экономикалык биримдикке (ЕАЭБ) киргенден улам пайда болгон тариф милдеттенмелерине байланыштуу Дүйнөлүк соода уюмунун башка мүчөлөрү менен сүйлөшүүлөргө катышып жатат. Читать дальше...

Эмне үчүн K-pop жаштар арасында тренд болуп жатат? Z-pop же KG-pop? Алар башкалардан эмнеси менен айырмаланат? "Азаттык плюс" бул жолу Z муундун кумир туткан жаңы топтор тууралуу айтып берет.

Пакистан парламентинин төмөнкү палатасы өспүрүмдөргө жыныстык зомбулук көрсөткөнү үчүн же аларды өлтүргөнү үчүн соттолгон адамдарды эл алдында дарга асууга чакырган резолюцияны кабыл алышты. Мыйзамдык күчү жок бул резолюцияны жалпы депутаттардын жарымы, анын ичинде бийликтеги "Техрик-и-Инсаф" партиясы да колдоду. "Балдарга каршы кылмышка баргандарга ырайым жок. Алар шаардын ортосунда дарга асылышы керек", - деп билдирди резолюцияны сунуштаган парламент иштери боюнча министр Али Мухаммад Хан. ... Читать дальше...

Ирактын түштүгүндөгү Нажаф шаарында демонстранттардын лагерине кол салуудан кеминде сегиз адам өлүп, ондогон иши жараат алды. Венгрия Сербия менен чек арасындагы бир күн мурда жабылган өткөрмөнү кайра ачты. 200гө чукул мигрант бала-чакасы менен чек арага тыгылып калган.

Чеченстандагы адам укуктары жөнүндө иликтеп жүргөн журналист Елена Милашина өзүнө жана адвокатына кол салуунун артында чечен лидерлери турат деп эсептейт. Ал мындай оюн 7-февралда “Эхо Москвы” радиосуна курган маегинде билдирди. «Албетте, бул атайын уюштурулган кол салуу экени түшүнүктүү. Бул Чеченстанда иштеп жаткан адвокаттар менен журналисттерди бутага алган кезектеги кол салуу», - деди Милашина. "Новая газета" гезитинин журналисти жана анын адвокаты Марина Дубровинага 6-февралдын кечинде... Читать дальше...

СССРдин эл артисти, коомдук ишмер Чолпонбек Базарбаев - совет заманында жашап, кыргыз балет өнөрүнүн зоболосун көтөргөн таланттардын бири. Жубайы жана кесиптеши Надежда Базарбаева бийчинин таланты, тагдыры, устаттары жана балет жылдызы Бүбүсара Бейшеналиева өңдүү сахналаштары тууралуу “Азаттыкка”сыябан-маек курду.

Таш-Башат айылынын тургундары кыштын кычыраган суугуна карабай Нарын дарыясында алтын чайкашат. Эшиктеги суук -30 градус. Бул азаптуу жана кооптуу иш. Бирок алар үй-бүлөсүн багышы керек. Алтын чайкоочулар бир күнү кечке сөөк какшаткан сууну кечип, 1 грамм алтын табышы мүмкүн. Кокус 5 грамм таап калышса, жолдуу болдук деп сүйүнүшөт.

Президент Сооронбай Жээнбеков Соттор кеңешине караштуу Тартип комиссиясынын сунушун колдоп, Жалал-Абад шаардык сотунун судьясы Элмира Сулайманованы кызмат ордунан мөөнөтүнөн мурда бошотту. Мамлекет башчысынын басма сөз кызматы кабарлагандай, президенттин 7-февралдагы жарлыгы менен судьянын бул соттогу ыйгарым укуктары токтотулду. Тартип комиссиясы президентке Жалал-Абадда мас абалында машине айдады деп шек саналып жаткан судьяны кызматынан алуу жөнүндө сунуш жөнөткөнү 27-январда маалым болгон.... Читать дальше...

Адамдардын кадыр-баркына жана эркиндигине шек келтирген бардык фактыларга ыкчам чара көрүү зарыл. Мындай талап 7-февралда президент Сооронбай Жээнбековдун акыйкатчы Токон Мамытов менен жолугушуусунда коюлду. Мамлекет башчысы жарандык укукту жана эркиндикти басмырлоонун бардык түрлөрүн алдын алуу боюнча натыйжалуу чараларды көрүүдө Акыйкатчы институтунун өзгөчө ролун белгиледи. Акыйкатчы калктын кайрылууларынын көпчүлүгү укук коргоо жана сот органдарынын ишине, турак-жай маселелерине, медициналык... Читать дальше...

Араван райондук соту ушул жылдын 5-февралында 15 жаштагы кызын бир жылдан бери зордуктап жүргөн адамды өмүр бою эркинен ажыратты. Бул тууралуу “Азаттык” радиосуна Ош облустук сотунун басма сөз катчысы Бекзат Осмонкулов билдирди. Маалыматка ылайык, соттолуучу күнөөсүн мойнуна алып, кызын 2018-жылдан бери зордуктап жүргөнүн айткан. Анын күнөөсү соттук-медициналык экспертизанын корутундусу менен далилденген.   Араван районунун 44 жаштагы тургуну 15 жаштагы кызын зордуктаган факт 2019-жылдын 11-декабрь... Читать дальше...

Индия армиясынын генералы өлкөнүн Пакистан менен чек араларына анти-танк ракеталарын жайгаштырганын маалымдады.

Сириядагы лагерлерде жана террорчулардын атайын түрмөлөрүндө жашаган орусиялык 6 жаштан 8 жашка чейинки 26 бала бүгүн Москвага кайтарылды.

АКШнын мамлекеттик катчысы Майк Помпео Ирактын Нажаф шаарындагы митингчилерге күч колдонулганын кескин айыптады. Ал 6-февралдагы билдирүүсүндө расмий Багдадды мындай кырдаалга түрткү берген маселелерге көңүл бурууга үндөдү. 5-февралда Ирактын түштүгүндөгү бул шаарда демонстранттар топтолгон лагерге таасирдүү диниятчы Муктада аль-Садрдын тарапташтары кол салган. Баш кийимдеринен улам “Көк шапкечендер” деп аталган адамдардын тобу митингчилерди кууп таратууну көздөп, лагерге күйүүчү май куюлган бөтөлкөлөрдү ыргытышкан. Читать дальше...

Индиянын тышкы иштер министри өлкөсү Чахбехар порту аркылуу Борбордук Азия өлкөлөрү менен соода-экономикалык байланыштарды көбөйтүүнү көздөп жатканын билдирди.

Караколдо бүгүн 7-февралда спорт машыктыруучулары пикетке чыгышты. Ысык-Көл облустук өкүлчүлүктүн алдында уюштурулган нааразылык акциясына Караколдогу өспүрүмдөрдүн адистештирилген олимпиадалык спорт мектебинин кызматкерлери катышты. Алар мектептин жабылышына каршы чыгып, мындай чечим кабыл алган Жаштар, дене тарбия жана спорт иштери боюнча мамлекеттик агенттиктин төрагасы Канат Аманкуловдун кызматтан кетишин талап кылышты. Мектептин директору Алим Малдыбековдун айтымында, жабуу тууралуу чечимге... Читать дальше...

АКШ Кыргызстандын жарандарына иммиграциялык визага чектөө киргизишинин негизги себебин өлкө биометрикалык паспорт жасай албай жатканы менен түшүндүрдү.

Венгрия Сербия менен чек арасындагы бир күн мурда жабылган өткөрмө бекетти кайра ачты. Бул маалыматты мажар полициясы 7-февралда ырастады. Өткөрмө бекет 6-февралда Сербия аркылуу келе жаткан качкындарды жана мигранттарды Венгрияга коё бербөө үчүн жабылган. Ал күнү 200гө чукул мигрант бала-чакасы менен чек арага топтолуп, бекетти ачууну өтүнүшкөн. Алар "Биз качкынбыз, кылмышкер эмеспиз", "Биз ачарчылыктан эмес, согуштан качып келатабыз" деген сыяктуу жазуулар жазылган плакаттарды көтөрүп турушту. Читать дальше...

Бул тууралуу 7-февралда Билим берүү жана илим министрлиги билдирди. Мекеменин Мектепке чейинки, мектеп жана мектептен тышкаркы билим берүү башкармалыгынын башчысы Марат Усеналиевдин айтымында, “кыргыз тили тестирлөөнүн милдеттүү бөлүгүнө кирбей калды” деп тараган маалымат чындыкка дал келбейт. “2002-жылдан бери эле тестирлөөнүн негизги предметтери болгон математика, окуп түшүнүү, аналогиялар жана сүйлөмдѳрдү толуктоо, кыргыз тилинин практикалык грамматикасы деген бѳлүктѳр, ошондой эле Кыргызстандын жана дүйнөнүн тарыхы... Читать дальше...

Кыргызстан климаттын өзгөрүшү тууралуу Париж келишиминин алкагында өз милдеттенмелерин ишке ашыра баштады. Бул тууралуу «Азаттыкка» Бириккен Улуттар Уюмунун Өнүктүрүү программасынын басма сөз катчысы Айнагүл Абдрахманова билдирди. Анын айтымында, Бишкекте өкмөттүн, жеке сектордун, илимдин өкүлдөрү жана эксперттер катышкан улуттук семинар болуп өттү. Анда беш жылдык план талкууланды. Кыргызстан «Климаттын өзгөрүшү тууралуу БУУнун алкактык конвенциясы боюнча 2015-жылдагы Париж макулдашуусун” 2019-жылы ноябрда ратификациялаган. Читать дальше...

Кыргызстандагы лыжа базаларынын медициналык кызматкерлеринин иштешине, кырсыктаган жарандарга алгачкы жардам көрсөтүү ишине нааразычылыктар көп.

Тегеранда украиналык учак атып түшүрүлгөндөн бери ондогон ирандык журналист суракка тартылып, тинтүүгө туш болушууда. Бул тууралуу «Чек арасыз кабарчылар» (RSF) уюму билдирди. Маалыматка ылайык, Ирандын бийлиги айрым журналисттердин социалдык медиадагы баракчаларын да жаптырууда. Парижде жайгашкан бул уюм 6-февралда белгилегендей, журналисттер кырсык тууралуу «мамлекеттик деңгээлдеги калп билдирүүлөрдү таратууга аргасыз болгонбуз» деп нааразылыгын ачык айтышкан. Украинанын эл аралык аба жолдору... Читать дальше...

Синоптиктердин маалыматына караганда, Кыргызстанда 10-12-февралда аба ырайы кескин өзгөрөт. Буга байланыштуу Гидрометеоборбор шашылыш билдирүү тараттты. Анда көпчүлүк аймактарда жаан, кар жаап, тоолуу райондордо жолдор тайгак жана тоңголок болору, кар күрткүсү пайда болору айтылат. Батыш тараптан соккон шамалдын ылдамдыгы кээ бир райондордо секундасына 17-22 метрге жетет. Адистер белгилегендей, мындай аба ырайы энергетикалык жана коммуналдык кызматтардын ишин, жайлоодо мал багууну кыйынчылыкка учуратат. Читать дальше...

8-февралда Кыргызстандын аймагында жаан-чачын жаабайт. Тоо этектеринде жана тоолуу райондордо жолдор тайгак болот. Түштүк-чыгыш тараптан соккон шамалдын ылдамдыгы секундасына 5-10 метрге жетет. Абанын температурасы: Чүйдө түнкүсүн -1…+4, күндүз 13…18; Таласта түнкүсүн -2…+3, күндүз 12…17; Баткенде, Ошто, Жалал-Абадда түнкүсүн 0…5, күндүз 14…19; Ысык-Көлдө түнкүсүн -2…-7, күндүз 4…9; Нарында түнкүсүн -18…-23, күндүз -1…-6; Бийик тоолуу райондордо түнкүсүн -20…-25, күндүз -3…-8 градус болот. Читать дальше...

Жапониянын Йокохама портунда карантинде турган круиздик кемеде коронавирус жугузуп алгандардын саны 61 кишиге жетти. Бийлик инфекция аныкталган бейтаптар атайын даярдалган ооруканаларга жөнөтүлүп жатканын билдирди. Кемеде бир нече өлкөнүн жарандары, бардыгы болуп 3 700 киши бар. Жапон премьер-министри Синдзо Абэ Гонконгдон Окинава аралына келе жаткан дагы бир круиздик кеменин чет өлкөлүк жүргүнчүлөрү Жапонияга киргизилбей турганын, себеби ал кемеде да коронавирус боюнча шектүү бейтаптар бар экенин айтты. Читать дальше...