Новости за 13.02.2020

Казакстандын Кордой районунун Масанчи айылындагы улут аралык кагылышта күйүп кеткен дагы бир адамдын сөөгү табылды. Бул тууралуу Жамбыл облусунун губернаторунун кеңешчиси Канат Кулшыманов 13-февралда билдирди. Анын айтымында, белгисиз адамдын сөөгү чатак маалында өрттөнүп кеткен соода борборунун калдыктарын тазалоо учурунда табылган. «Анын тек-жайын аныкташ үчүн экспертиза жүргүзүлүп жатат», - деди Кулшыманов. 8-февралга караган түнү Кордой районундагы Масанчи, Сортөбе, Каракемер айылдарында... Читать дальше...

Өзбекстанда Маале жана үй-бүлө министрлиги түзүлгөнү калды. Бул тууралуу 12-февралда маалелерди жакшыртуу маселелерине арналган, президент Шавкат Мирзиёев да катышкан видеоконференция учурунда маалым болду. Ага ылайык, жаңы министрлик Аялдар кеңешинин, Жарандарды башкаруу органдарынын ишин координациялоо боюнча республикалык кеңештин жана «Нуроний» фондунун ордуна түзүлөт. Жаңы мекеме маалелердин 40 миңден ашуун кызматкерлеринин жана республикалык деңгээлдеги мекемелердин башын бириктирет. Буга... Читать дальше...

«Human Rights Watch» (HRW) уюму Ооганстандын өкмөтүн жыныстык зомбулукка байланыштуу «таасирдүү адамдар» аралашкан иштерди аягына чыгарууга чакырды. Баш кеңсеси Нью-Йоркто жайгашкан уюмдун 12-февралдагы билдирүүсүндө соңку эки окуя ооган бийлиги бул маселени көз жаздымда калтырып жатканын күбөлөгөнү айтылат. Уюм Ооганстандын футбол боюнча кыз-келиндер командасынын оюнчуларына жыныстык ыдык көрсөткөнү үчүн айыпталган Футбол федерациясынын жогорку жетекчилери ушул күнгө чейин кармалбаганын, Логар... Читать дальше...

2020-жылдын 1-январынан 11-февралына чейин жакында шайлоо өтө турган шаарларга аймактардан келип каттоого турган жарандардын саны жарыяланды. Мамлекеттик каттоо кызматынын төрагасынын орун басары Тилек Батырканов 13-февралда парламент жыйынында билдиргендей, Караколго 2797, Балыкчыга 489, Майлуу-Сууга 272, Токмокко 6950, Ошко 33 805 жаран аймактардан барып каттоого турду. БШКнын мүчөсү, юрист Атыр Абдрахматова мындай убактылуу каттоону жергиликтүү кеңештерге шайлоого камынган айрым саясий партиялар атайын уюштуруп жатканын айтып чыккан. Читать дальше...

Ош шаарында январдан бери каттоого тургандардын саны 30 миңге жетти. Шаарга көчкөндөрдүн көбөйүшүн 12-апрелде өтчү шайлоого байланыштыргандар да бар. Борбордук шайлоо комиссиясынын мүчөсү Атыр Абдрахматованын демилгеси менен бул маселе тиешелүү органдардын катышуусунда талкууланды.

Кыргызстан 13-февралда Кытайдан 40 жаранын алып келди. Алардын баары студенттер.  Саламаттык сактоо министрлигинин басма сөз кызматы билдиргендей, кыргыз жарандары Казакстандын жардамы менен "Бээжин-Алматы" авиакаттамында келип, Бишкекке жөнөтүлдү.  Коронавируска байланыштуу текшерүүлөрдөн өткөрүлүп, атайын жайларга карантинге алынган студенттердин абалы канааттандыраарлык. Карантин мезгилинде алар менен медицина кызматкерлери гана байланышта болот. ​«Алар Кытай менен Кыргызстандын ортосунда... Читать дальше...

Кытайдын Хубэй провинциясында бир күн ичинде өпкөнү сезгенткен коронавирустан 243 киши каза тапты. Натыйжада дабасы табыла элек бул илдеттен көз жумгандардын саны 1355 кишиге жетти. Өлкө аймагында вирусту жугузуп алгандардын саны 60 миң адамга чукулдады. Кытай бийлиги инфекцияга кабылгандарды аныкташ үчүн жаңы ыкманы колдоно баштаганын, ушундан улам 13-февралга карата коронавирусту жугузгандардын саны кескин көбөйгөнүн маалымдады. Бирок бул кабар вирустун чыныгы масштабы тууралуу тынчсызданууларга себеп болду. Читать дальше...

Шайлоого 60 күн калганда добуш берүүчүлөрдүн санын аныктап, Борбордук шайлоо комиссиянын сайтына жайгаштыруу боюнча эреже сакталган жок. 12-апрелге белгиленген жергиликтүү кеңештерге шайлоо өткөрүүгө 60 күндөн аз убакыт калды.  Бул маселени Жогорку Кеңештин 13-февралдагы жыйынында депутат Кенжебек Бокоев көтөрдү. Борбордук шайлоо комиссиясынын төрайымы Нуржан Шайлдабекова мыйзам бузулганын моюнга алып, кечигүүнүн себебин Мамлекеттик каттоо кызматындагы тактоо иштери аягына чыга элек болуп жатканына байланыштырды. Читать дальше...

Бахадыр Кочкаров Кыргызстандын Футбол бирикмесинин Калыстар комитетинин төрагасы болуп дайындалды. Мындай чечим 12-февралда бирикменин аткаруу комитетинин отурумунда кабыл алынганын Футбол федерациясы кабарлады. Бахадыр Кочкаров – кыргызстандык белгилүү футбол калысы, карьерасын 1997-жылы баштаган. Эл аралык футбол федерациясынын (FIFA) калысы катары алгач 2010-жылы Түштүк Африкада өткөн Дүйнөлүк футбол чемпионатында мелдеш талаасына чыккан. Эки жолу дүйнө чемпионатына катышып, тогуз оюнга оң канатта туруп калыстык кылып... Читать дальше...

Өлкөнүн Билим берүү министрлиги Тажикстанда, Кыргызстанда жана Казакстанда окуган жарандарынан 15-февралга чейин өлкөгө кайтып келүүнү талап кылды.

Борбордук шайлоо комиссиясынын (БШК) төрайымы Нуржан Шайлдабекова жергиликтүү шайлоолордун алдында шаарларда каттоого тургандардын кескин көбөйгөнүнө байланыштуу Жогорку Кеңеште маалымат берип жатат.  13-февралдагы жыйынга БШК адистери келип маалымат беришин депутаттар Жанарбек Акаев менен Кенжебек Бокоев талап кылышкан болчу.  Шайлдабекова бул маселеге байкоо салып чыгыш керек экенин, мыйзам бузуу бар-жогун аныкташ үчүн Мамлекеттик каттоо кызматынын жана күч органдарынын өкүлдөрү менен сүйлөшүп, аракет кыла башташканын билдирди. Читать дальше...

UFC 247 турнирине катышкан үч мушкер, анын ичинде Шевченко көпкө чейин беттешке чыкпайт. Ал эми кеченин башкы беттешинде беш раунд бою кармашкан Жонс менен Рейес бир айга чейин эле тыным алган.

Өткөн жылдын аягында Ооганстандан он үй бүлө өз демилгелери менен көчүп келген.

14-февралда түнкүсүн Чүй, Ысык-Көл облустарынын көпчүлүк аймактарында, Ош, Жалал-Абад облустарынын тоолуу аймактарында, Нарын облусунун кээ бир райондорунда кар жаайт. Күндүз Ысык-Көл облусунун чыгыш тарабында кар жаайт. Калган аймактарда жаан-чачын болбойт. Чүй, Талас, Ош, Жалал-Абад, Баткен облустарынын кээ бир райондорунда туман түшөт. Жолдорго муз тоңот.  Батыштан соккон шамалдын ылдамдыгы секундасына 4-9 метрге жетет. Абанын температурасы: Ысык-Көл облусунда түнкүсүн -2...-7, күндүз 1...6... Читать дальше...

Жыл сайын ыйгарыла турган журналист Уланбек Эгизбаев атындагы сыйлыкка “Азаттык”, “Уюшкан кылмыштуулукту жана коррупцияны иликтөө долбоору” (OCCRP) жана “Kloop Media” басылмасынын бажы тармагындагы коррупция, сыртка мыйзамсыз ташылган акча тууралуу иликтөөсү татыды.

АКШнын Иранга каршы катуу санкцияларына карабастан өлкөнүн экспорту импортуна салыштырмалуу 4 эсе жогорулады.

Кытайда коронавирустун жайылышы апрелге барып токтошу мүмкүн. Мындай божомолу менен расмий Бээжиндин өкүлү бөлүштү. Анткен менен эл аралык эксперттер оптимисттик пикир билдирүүдөн карманып, миңден ашуун адамдын өмүрүн алган вирустун жайылышынан коркуп турушат.

Украин президенти Владимир Зеленский 11-февралда өзүнүн администрация башчысы Андрей Богданды күтүүсүз кызматтан алды. Анын ордуна жардамчысы Андрей Ермакты дайындады.

Жогорку Кеңештин депутаты Сайдулла Нышанов коомдук жайларда диалектиде сүйлөөгө мыйзам чегинде тыюу салууга чакырды. Мындай пикирин ал 13-февралда парламенттин жыйынында айтып, бул маселе боюнча көп киши кайрылып жатканын билдирди.  Депутат жети облустун эли жети диалектиде сүйлөп жатканы кыргыз тилинин жоголушуна, кыргыз улуту сакталбай калышына себеп болорун белгиледи. Сайдулла Нышанов парламентке депутат болуп «Ата Мекен» фракциясынан шайланган.  Кыргыз тили — Кыргыз Республикасынын мамлекеттик тили... Читать дальше...

Орусияда коронавируска чалдыгып, Забайкалье аймагындагы ооруканага жаткырылган кытайлык турист айыгып, бейтапканадан чыгарылды. Бул тууралуу Орусиянын Саламаттык сактоо министрлиги билдирди.  Тюмень ооруканасында ушул илдеттен улам дарыланып жаткан кытайлык студент кыз да 11-февралда сакайып, үйгө чыгарылганы кабарланган.  Экөө менен байланышта болгондор азырынча карантинде сакталууда. Соңку маалыматка караганда Кытайда вирусту жугузуп алгандардын саны 45 миңге чукулдап, миңден ашуун адам жашоо менен кош айтышты. Читать дальше...

Жергиликтүү шайлоонун алдында айрым шаарларда убактылуу каттоого турган жарандар кескин көбөйүп жатканына байланыштуу Борбордук шайлоо комиссиясынын (БШК) мүчөлөрү Жогорку Кеңешке чакырылат.  Депутаттар Кенжебек Бокоев жана Жанарбек Акаев 13-февралда ушундай демилге көтөрүп, ал колдоо тапты.  Жанарбек Акаев шайлоого чейин алты ай аралыгында каттоого тургандарды добуш берүүгө катыштырбоо маселесин карап чыгууну сунуш кылды.  Баткен, Жалал-Абад, Нарын, Ысык-Көл, Чүй, Ош облустарынын аймактарындагы 26 айылдык кеңештин жана Каракол... Читать дальше...

Махмудов былтыр мартта футбол ойноп жаткан учурунда бутунан жаракат алып, Германиянын Кёльн шаарына барып операция жасаткан. Ошондон бери ден соолугун калыбына келтирүү менен алектенген.

Экономикалык кылмыштарга каршы күрөш боюнча мамлекеттик кызмат (Финансы полициясы) «Гранд Строй Инвест» курулуш компаниясынын директору Данияр Хайдаровго издөө жарыялады.  Мекеменин басма сөз кызматы Хайдаров Бишкекте турак жай курууда жана пайдаланууга берүүдө алдамчылык кылганын билдирди.  Тергөөнүн версиясына ылайык, ал жаңы үйлөр үчүн жарандардын акчасын алып, бирок батирлерди берген эмес.  2019-жылдын декабрында Хайдаров кылмыш боюнча шек саналып жатканы тууралуу сырттан маалымдалган. Сот аны камакка алууга чечим чыгарып... Читать дальше...

Туруктуу өнүктүрүү боюнча Улуттук кеңешке ккараштуу Өнөр жайды жана ишкердикти өнүктүрүү боюнча комитет 12-февралда "Ала-Арча" мамлекеттик резиденциясында Кыргызстандагы ишкерлик көйгөйүн талкуулады.

Орусия ТИМнин өкүлү Иран менен Атомдук энергия боюнча эл аралык агенттиктин кызматташтыктары уланарына үмүт артарын билдирди.