Новости за 15.02.2020

Европада коронавирус киши өмүрүн алган биринчи учур катталды. Францияда илдетке чалдыккан кытайлык турист аял көз жумганы 15-февралда белгилүү болду. Франциянын Саламаттык сактоо министрлиги билдиргендей, 80 жаштагы аял коронавирустун очогу саналган Кытайдан 16-январдан келип, 25-январда карантинге алынган болчу. Буга чейин Кытайдан сыртта коронавирустан үч адам жашоо менен кош айтышкан (Гонконг, Жапония, Филиппин). Кытайдын өзүндө коронавируска чалдыккандардын саны 60 миңден ашып, 1400гө жакын киши жашоо менен кош айтышты. Читать дальше...

Ошто спортчу Төлөгөн Рахманберди уулунун «Матраимовдордун үй-бүлөсүнөн коркуп жашап калдык» деген таризде президентке кайрылган видеосу 14-февралда “Фейсбукка” чыкты. Ал Ош шаардык Спорт комитетинин жетекчиси болуп иштеп жаткан Кылычбек Саркарбаев жана Нурбек Раимбеков баштаган топтон запкы жегенин, алар «арыз жазсаң каматабыз» деп опузалаганын ырастайт.

Спортчу, мурдагы милиция кызматкери Төлөгөн Рахманберди уулунун алайлык жердештери анын ишин президент өз көзөмөлүнө алып, териштирип берүүсүн суранып видеокайрылуу жолдошту. Кайрылууну «Фейсбукка» жүктөгөн Нурсултан Мамыт уулу «Азаттыкка» берген маегинде видео Бишкекте тартылганын жана президентке кайрылуу үчүн айыл аксакалдары да келгенин айтты. «Рахманберди уулу Алайдын Коңур-Дөбө айыл өкмөтүнө караштуу Арпа-Тектир айылынын тургуну. Айыл аксакалдары аны колдоп, Бишкекке атайын келишкен», - деди Мамыт уулу. Читать дальше...

Көчмөндөрдүн дүйнөлүк IV оюндарына кыргыз улуттук спортунун жети түрү киргизилген. Ал эми тизмеге салбуурундун кирбей калышы нааразылыкты жаратты.

Мелдешке жалпысынан Ак-Талаа, Нарын, Жумгал, Ат-Башы, Кочкор райондорунан жана Нарын шаары менен талаа ээлери Казыбек айылынан жети команда түзүлгөн.

Азыркы тапта Изабеков тарбиялануучулары менен Ысык-Көлдө. Алар 18-23-февраль күндөрү Нью-Дели шаарында (Индия) өтүүчү Азия чемпионатына даярдык көрүп жатышат.

Орусиялык биатлончу Евгений Устюгов антидопинг эрежелерин бузган деп айыпталып, спорттон эки жылга четтетилди. Ал допинг колдонгону аныкталып, 2014-жылы өткөн Сочи Олимпиадасында Устюгов менен кошо эркектер арасындагы эстафетага катышкан орус курама командасындагы биатлончулардын алтын медалы жокко чыгарылды. Спортчу 21 күндүн ичинде эл аралык арбитражга кайрылышы мүмкүн. Орусиянын басылмалары 35 жаштагы Устюговдун спорттогу карьерасы ушуну менен аяктарын жазышты.

"Баткен эч качан тажиктердин жери болгон эмес, болбойт дагы. Бул жерде байыртадан кыргыз эли жашап келген", - деп билдирди Мамлекеттик чек ара кызматынын төрагасынын биринчи орун басары, Башкы штабдын жетекчиси Абдикарим Алимбаев. Чек ара кызматынын маалыматына ылайык, Алимбаев мындай билдирүүнү Тажикстандын Согди облусундагы ички иштер башкармалыгынын жетекчиси, милициянын генерал-майору Абдулло Навжувоновдун чек ара тууралуу айткан сөзүнө жооп катары жасады. - Ал кишинин мындай сөзү - тарыхты билбегендик. Читать дальше...

Орусия Сириянын Идлибиндеги оор абалга Түркияны күнөөлөдү.

"Бүтүн Кыргызстан" партиясынын лидери Адахан Мадумаров жергиликтүү шайлоонун алдында жарандар аймактардан келип, шаарларга чукул каттоого туруп жатышын мамлекеттик деңгээлдеги саясий коррупция катары баалады.  "Мындай окуя Кыргызстандын жаңы тарыхында болгон эмес", - деген Мадумаров бул көрүнүштү тез арада токтотууга чакырды жана жарандардан жоопкерчиликтүү болууну суранды. Мадумаров буга байланыштуу видео кайрылууну 15-февралда таратып, бийликти соңку күндөрү шаарларга келип каттоого тургандардын баарын каттоодон чыгарууга үндөдү. Читать дальше...

Казакстандын Актөбө облусунда автобус кырсыкка учурап, 26 адам ооруканага түштү.  "Азаттыктын" казак кызматы жергиликтүү булактарга таянып билдиргендей, 15-февралда жүргүнчү ташыган автобус такси менен кагылышкан. Натыйжада автобус тоголонуп кеткен. Ооруканага түшкөндөрдүн 19у аял, жетөө эркек. Полиция кырсыктын себептерин тергей баштады.  Европа биримдигинин Статистика кызматынын маалыматына ылайык, Казакстан дүйнөдө жол кырсыгы көп катталган беш мамлекеттин катарына кирет.

Орус жазуучусу Анна Никольская (1889––1977) чыгаан казак жазуучусу Муктар Ауэзовдун “Абай” романынын алгачкы китептерин орус тилдүү окурмандарга жетик котормосу аркылуу тааныштырган таланттуу котормочу болгон. Бул айдың айым сталиндик ГУЛагда эки ирет жазыксыз жерден жатып чыккан. Тарыхчынын блогу.

Өзбекстандын тышкы иштер министринин орунбасары Илхам Нематов президент Шавкат Мирзиёевдин февраль айына Москвага белгиленген иш сапары июнга калганын билдирди. Мирзиёев Орусияга 5-февралда бармак.  Тышкы иштер министрлигинин өкүлү мындай жогорку даражалуу сапарды уюштуруу татаал экенин белгиледи.  Медиада жана социалдык тармактарда "Мирзиёев Москвага баргандан кийин Өзбекстан Евразия Экономикалык Биримдигине кошулушу ыктымал" деп болжолдонуп жаткан.  Шавкат Мирзиёев Ташкент бул уюмга кошулбай турганын... Читать дальше...

Кыргызстанда уюшкан кылмыштуулук улуттук коопсуздукка жана экономикага коркунуч жараткан деңгээлге жетти. Бул тууралуу Ички иштер министрлигинин уюшкан кылмыштуулукка каршы даярдаган мыйзам долбоорунун түшүндүрмөсүндө айтылат.

Ички иштер министрлиги спортчу Төлөгөн Рахманберди уулунун президентке жолдогон видео кайрылуусуна байланыштуу иликтөө баштады. Бул тууралуу мекеменин басма сөз кызматы 15-февралда билдирди. Төлөгөн Рахманберди уулу 14-февралда президентке видео кайрылуу жолдогон. Анда Кылыч Саркарбаев жана Нурбек Раимбеков баштаган топтон запкы көрүп жатканын айтып, алар бул тууралуу ооз ачпоого үндөп келгенин билдирген.   Милиция Рахманберди уулу кайрылуусунда айткан маселе боюнча ал мурда бир канча жолу суракка келгенин... Читать дальше...

16-февралда түнкүсүн Чүй, Талас, Ош, Жалал-Абад, Баткен облустарынын көпчүлүк аймактарында, Ысык-Көл, Нарын облустарынын кээ бир райондорунда кар жаайт. Күндүз Чүй, Ысык-Көл облустарынын көпчүлүк аймактарында, Нарын облусунун кээ бир райондорунда, Ош, Жалал-Абад облустарынын тоо этектеринде кар жаайт. Айрым учурда бурганак болот. Жолдорго муз тоңот. Батыштан соккон шамалдын ылдамдыгы секундасына 4-9, кээ бир райондордо 15-20 метрге жетет. Абанын температурасы: Нарын облусунда түнкүсүн -12...-17... Читать дальше...

Европанын Футбол ассоциациялар биримдиги (УЕФА) "Манчестер Сити" футбол клубун эки жылга Европа кубогунун оюндарынан четтетип, 30 миллион евро айып салды. УЕФАнын 15-февралдагы маалыматына ылайык, "Манчестер Сити" 2012-2016-жылдары демөөрчүлөрдөн алган кирешени ашыкча көрсөтүп, лицензиялоо жана каржылоо боюнча фэйр-плэй эрежелерин олуттуу бузган. Британиядагы эң белгилүү клубдардын бири "Манчестер Сити" Англияда алты жолу чемпион болгон.

14-февралда спортчу Төлөгөн Рахманберди уулунун президентке видео кайрылуусу жарыяланды.

Ирандын тышкы иштер министри Мухаммад Жавад Зариф жума күнү кечинде коопсуздук боюнча Мюнхен конференциясынын алкагында Кытайдын тышкы иштер министри Ван И менен жолугушуту.

Ош шаардык Спорт комитетинин башчысы Кылычбек Саркарбаев спортчу Төлөгөн Рахманберди уулунун президентке кайрылуусунда бирөөнүн кызыкчылыгы болушу мүмкүн экенин "Азаттыкка" билдирди. Бирок Кылычбек Саркарбаев кимдин кызыкчылыгы экенин ачык айткан жок. Ал 15-февралда милицияга, Улуттук коопсуздук боюнча мамлекеттик комитетке чакырылганын, мэр да чакырганын кошумчалады. Саркарбаев дүйшөмбү басма сөз жыйынын өткөрөт. Төлөгөн Рахманберди уулу 14-февралда президентке видеокайрылуу жолдогон. Анда Кылыч... Читать дальше...

Өзгөн районунун Куршаб айылындагы мал базар мурда ылаңдаган малды дарылоочу жай болгонун, ага жакын жерде күйдүргүнүн очогу бар экенин айткан жергиликтүү эл район жетекчилигине кайрылды.

Кыргызстанда экологиялык маселелер жылдан жылга курчуп баратат. Бишкекти чүмкөгөн кара ыш быйыл да коомчулукту убайымга салып турган кези. Шаардын калкы кандай аба менен дем алып жатат? Кара түтүндүн зыянына көңүл бурган киши барбы? Бул маселени жөнгө салуу үчүн кандай кадам жасалышы керек? Талкууга Жогорку Кеңештин депутаты Алмазбек Эргешов, Айлана-чөйрөнү коргоо жана токой чарба агенттигинин директорунун орун басары Надырбек Козубаев, Борбор Азиядагы Америка университетинин профессору Рахат Сабырбеков... Читать дальше...

Орусиянын федералык коопсуздук кызматы Москванын чет жакасынан ИШИМ террордук тобуна 400 миң доллар жөнөткөн уюмдун демөөрчүлөрүнүн бири кармалганын маалымдады.

Кыргызстанда ара төрөлгөн балдардын көздөрү көрбөй майып болуп калган учурлар кездешет. Өлкөдө мындай балдардын көзүн дарылап, текшере турган жабдуу жана кесипкөй адистер жок. Ушундан улам салмагы 1 килограммга жетпей төрөлгөн балдарда көздүн чел кабыгы өспөй, көздөрү көрбөй майып болуп калып жатышат.

24 жаштагы Николай Никитин бала бакчада тарбиячы болуп иштейт. Николай Орусиянын Вологда облусунун Марфино айылындагы ишине жетүү үчүн күн сайын автобус менен узак жол жүрөт. Башында эркек тарбиячыдан кооптонуп, педофил эмеспи деп шек санаган ата-энелер да болгон. "Тарбиячы эркектин иши эмес" деген кепке карабай, Николай өз жумушун, балдарды жакшы көрөт.