Новости за 21.10.2019

Чилидеги калайман башаламандыкта кийим тиккен фабрика өрттөлүп, анда сегиз адам каза тапты. Метронун жол киреси жарым центке (үч сомго) кымбаттаганына байланыштуу бул өлкөдө үч күндөн бери нааразылык, тоз-тополоң токтобой жатат. Көчөгө чыккандар машинелерди өрттөп, дүкөндөрдү жна башка жайларды талкалап жатышат. Полиция аларга каршы жаш агызган газ колдонду. Борбор шаар Сантьягодо, бир катар шаарларда өзгөчө абал жарыяланды.  Чилинин президенти Себастьян Пинера тартип орнотуш үчүн көчөлөргө... Читать дальше...

Бишкектеги Каба уулу Кожомкул атындагы спорт ордосу имаратты оңдоп-түзөө иштеринин алкагында көрүүчүлөр отурчу отургучтарга түшүрүлгөн «Элит Хаус» («Elite House») курулуш компаниясынын логотиби боюнча түшүндүрмө берди. Спорт ордонун директорунун орун басары Самат Токтоналиев спорт ордосун оңдоодо каражаттын жетишсиздигинен «Элит Хаус» менен өнөктөштүк макулдашуу түзүлгөнүн, ага ылайык компания концерттик залдын 2200 отургучун оңдоо жана алмаштыруу, өрткө каршы жабдуу менен көшөгөнү алмаштыруу сыяктуу бир топ милдеттерди өзүнө алганын айтты. Читать дальше...

Дем алыш күндөрү Пакистан менен Индиянын ортосундагы кезектеги куралдуу кагылышуудан кеминде он адам каза тапты. Окуянын чоо-жайы боюнча эки тараптан карама-каршылыктуу маалымат келип жатат.

Мелдештен кийин оюнчулар Бишкекке кайтып, Япония жана Тажикстандын командасы менен боло турчу мелдештерге даярдык көрөт.

АКШнын Өкүлдөр палатасынын спикери Нэнси Пэлоси баштаган Конгресстин жогорку даражалуу өкүлдөрү 20-октябрда Ооганстанга күтүүсүз барышты. Ал ооган президенти Ашраф Гани баштаган бийлик өкүлдөрү менен жолукту. Ошондой эле Кабулга анын алдында барган Кошмо Штаттардын коргоо министри Марк Эспер баштаган америкалык аскер жетекчилери, жоокерлер менен кездешти.  Бул быйыл июль айында коргоо министри болуп дайындалган Марк Эспердин Ооганстандагы алгачкы сапары болуп калды. Ал да мамлекет башчы Ашраф Гани менен жолугушуп... Читать дальше...

Молдованын борбору Кишинёв шаарында 20-октябрдагы мэр шайлоодо орусиячыл адис Ион Чебан менен Европага ыктаган ACUM («Азыр») блогунан талапкер Андрей Нэстасе экинчи турга чыгышты. Борбордук шайлоо комиссиясынын болжолдуу маалыматына ылайык, Чебан 40, ал эми Нэстасе 31 пайыз добуш алды.  Бир да талапкер 50 пайыздан көбүрөк добуш албагандыктан, шайлоонун экинчи айлампасы 3-ноябрга белгиленди.  Бул Молдовада мындан төрт ай мурун батышчыл өкмөт бийликке келгенден бери жергиликтүү кеңешке алгачкы шайлоо болуп калды. Читать дальше...

Бишкекте хоккей боюнча «Кыргыз темир жолу» мекемесинин кубогу үчүн мелдеш өттү. Ага 4 команда катышып, жыйынтыгында «Хан-Теңри» командасы жеңүүчү болду.

Токтогул суу сактагычына бүгүнкү күнгө карата 17 млрд. 205 млн куб метр суу топтолду. Бул өткөн жылдын ушул мезгилине салыштырмалуу 1 млрд. 839 млн. куб метрге аз. «Электр станциялары» ишканасынын басма сөз катчысы Тагжана Айдаралиеванын «Азаттыкка» берген маалыматы боюнча, 2018-жылдын 20-октябрында суу сактагычка 19 млрд. 44 млн. куб метр суу чогулган. Айдаралиева быйыл суунун аз чогулушу элге жарык берүүдө кедергисин тийгизбей турганын айтты. - Быйыл 17 млрд. 205 млн. куб метр суу менен кирип жатабыз. Читать дальше...

Премьер-министр Мухаммедкалый Абылгазиев мамлекеттик органдардын автопаркын электромобилдерге өткөрүү программасын иштеп чыгууну тапшырды. Ага ылайык, күйүүчү-майлоочу материалдарды сатып алууга, автопаркты оңдоого жана аны камсыздоого бюджеттен кеткен чыгымдарга талдоо жүргүзүлөт. Электромобилдердин батареяларын кубаттоо үчүн электр энергиясына 1 сом 59 тыйын өлчөмүндө атайын баа бекитилет. Өкмөттүн басма сөз кызматы Абылгазиев андан тышкары электромобилдер үчүн кошумча нарк салыгын төлөөгө мораторий киргизүүнү тапшырганын кабарлады. Читать дальше...

Исламабад менен Нью-Делинин чектешкен аймагында 19-20-октябрь күндөрү эки өлкөнүн жоокерлеринин атышуусу катталып, бери дегенде жети жайкын тургун, үч аскер окко учту.  Кагылышууга байланыштуу тараптар бири-бири күнөөлөп жатат, бири экинчисинен кескин айырмаланган ар башка маалымат таратууда.  Пакистан армиясынын өкүлү, генерал-майор Асиф Гафур Индияны "атайылап жайкын тургундарды бутага алды" деп айыптады. Анын маалымдашынча, Кашмирдин Исламабад көзөмөлдөгөн аймагында алты тургун, бир жоокер өлдү, дагы жети адам жарадар болду. Читать дальше...

Президент Сооронбай Жээнбеков бүгүн, 21-октябрда иш сапары менен Токио шаарына барды. Президенттин басма сөз кызматы билдиргендей, Жээнбеков Жапониянын императору Нарухитонун такка отуруу аземине катышат. Жапон премьер-министри Синдзо Абэ менен эки тараптуу жолугушуу да пландалган. Өлкө башчы мындан тышкары Жапониянын ири корпорацияларынын жетекчилери жана ал жакта жашаган, окуп, иштеген кыргызстандыктар менен жолугушат. Жапониянын өкмөт башчысы баштаган жоон топ делегация Кыргызстанга 2015-жылы келип кеткен. Читать дальше...

Электр энергиясын колдонуунун лимитин жер-жерлерде бийлик органдары көзөмөлдөй тургандыгы жөнүндө маалымат айрым керектөөчүлөрдү ойго салды.

«Кыргызгидромет» борбору кабарлагандай, 22-октябрда түнкүсүн Ысык-Көл, Нарын облустарынын көпчүлүк аймактарында, Чүй, Ош, Жалал-Абад, Баткен облустарынын тоо этектеринде жамгыр, тоолуу райондорунда кар жаайт. Күндүз Ысык-Көл, Нарын облустарынын кээ бир райондорунда, Ош, Жалал-Абад, Баткен облустарынын тоо этектеринде жаан жаап, тоолуу райондорунда кар түшөт. Батыштан соккон шамалдын ылдамдыгы секундасына 4-9 метрге, Ысык-Көл акваториясында 15-20 метрге жетет. Абанын температурасы: Чүйдө түнкүсүн 2…7... Читать дальше...

Кытайдын «Синьхуа» агенттиги АКШ Иранга каршы санкцияларды салып, максималдуу кысым көрсөтүүсүнө карабастан бул өлкөнүн мунай өнөр жайынын өсүшүн токтото алган жок деп маалымдады.

«Электр станциялары» ишканасынын директорунун орун басары Азамат Жөөтуманов каза болду. Бул тууралуу «Улуттук энергохолдингдин» басма сөз кызматы кабарлады. Мекеме тараткан маалыматка караганда, Жөөтуманов 39 жашта болчу. Ал инсульттан улам 20-октябрда көз жумган. Анын артында үй-бүлөсү, төрт баласы калды. (BTo)

Премьер-министр Мухаммедкалый Абылгазиев өкмөттүн аппарат жетекчисинин орун басары Бакыт Калмуратовду кызматтан четтетти.  Өкмөттүн басма сөз кызматы «Мухаммедкалый Абылгазиев териштирүү учурунда Бакыт Калмуратовдун дарегине айтылган айыптоолорго байланыштуу укук коргоо органдары адилет жана калыс тергөө жүргүзүшү керек деп эсептейт» деп билдирди. kaktus.media сайты аткезчилик жол менен алынып келген өрдөк этине байланыштуу чырда Бакыт Калмуратов менен Экономикалык кылмыштарга каршы күрөш боюнча... Читать дальше...

Ишкер Хуфур Абдурахеманды уурдоого жана өлтүрүүгө шек саналып кармалган төрт кишинин бөгөт чарасы аныкталып, Бишкектеги №1 тергөө абагына эки айга камакка алынды. Мындай чечимди Бишкектин Свердлов райондук соту чыгарганын Бишкек шаардык ички иштер башкармалыгынын басма сөз кызматы билдирди. Шаардык милиция ишкердин өлүмү боюнча жогорудагы төрт шектүүдөн башка дагы адамдар күбө катары суралып жатканын кабарлап, бирок алардын санын жана кимдер экенин ачык айткан жок. Ишкерди өлтүрүүгө шек саналган төрт киши 19-октябрда кармалган. Читать дальше...

Грециянын Улуттук коопсуздук боюнча кеңешчиси Александр Дьякопулос Катарда өткөн коопсуздук боюнча бүткүл дүйнөлүк форумдун алкагында Афина АКШнын Перс булуңундагы деңиздик коалициясына кошулбайт деп билдиргенин “Sputnik” агенттиги маалымдады.

Бишкектеги автобустардын 343 айдоочусунун 188и жол эрежеси боюнча тапшырган биринчи сынактан өтпөй калды. Бул тууралуу мэриянын басма сөз кызматы кабарлады. Маалыматка караганда, экзамен 9-11-октябрь күндөрү болуп, ага 24 айдоочу жүйөлүү себептерден улам келе албай калган. Ал эми биринчи сынактан кулап калган 188 киши 15-16-октябрда кайра экзамен тапшырып өткөн. 3-октябрда Сокулук районунда 5-класстын окуучусу №18 автобустун дөңгөлөгүнө тебеленип мерт болгон. Бала автобустун алдыңкы эшигинен... Читать дальше...

Жекшембиде Ливанда түмөндөгөн адамдар коррупцияга жана салыктардын жогорулашына каршы акцияга чыгып, өкмөттүн кетишин талап кылышты. Толкундоо 17-октябрда бийликтин «Whats App» жана башка социалдык тиркемелер аркылуу чалууга салык киргизишине каршы башталган.

Европа Биримдигинин Ооганстан боюнча атайын өкүлү өлкөдө ок атууну токтотууга чакырык жасады.

Жекшембиде Ливанда түмөндөгөн адамдар коррупцияга жана салыктардын жогорулашына каршы акцияга чыгып, өкмөттүн кетишин талап кылышты. Толкундоо 16-октябрда бийликтин «WhatsАpp» жана башка социалдык тиркемелер аркылуу телефон чалууга салык киргизүү боюнча чечимине каршы башталган. Тиркемелерден чалууга айына алты доллар өлчөмүндөгү салык киргизүүнү көздөгөн бийлик аны жокко чыгарганы менен демонстрациялар уланууда.  Демонстранттар эми өлкөдө күч алган коррупцияга да каршылыгын билдиришип, саясий... Читать дальше...

Бишкекте Гапар Айтиев атындагы көркөм өнөр сүрөт музейинде таланттуу актёр, сүрөтчү Сүймөнкул Чокморовдун жана анын жубайы Салима Шабазованын элесине арналган көргөзмө уланууда.  Музейдин сайтындагы кабарга ылайык, сүрөтчүнүн эмгектерине жана өсүү таржымалына арналган «Эсимде» аттуу көргөзмө Чокморовдун уулу Бактыгул Чокморовдун демилгеси менен 16-октябрда ачылды. Ал 10-ноябрга чейин уланат.  17-ноябрда – Кыргыз кино күнүндө Чокморовдун 80 жылдык мааракеси белгиленет.  Кыргыз киносунун тарыхында... Читать дальше...

18-октябрда тарыхта алгач ирет аялдар эркектердин коштоосу жок ачык космоско чыгышты. Бул тууралуу АКШнын космостук агенттиги - НАСА кабарлады.  Америкалык астронавттар Кристина Кук жана Жессика Меир Эл аралык космостук станцияны энергия менен камсыз кылган сырткы аккумуляторлорун алмаштырышты. Алар станциянын сыртында жети саат болду. Бул Меирдин төртүнчү, Куктун алгачкы тажрыйбасы.  Жалпы эсепте аялдар ачык космоско 14 жолу чыгышкан.  Тарыхта биринчи жолу 1965-жылдын март айында Алексей Леонов «Восход» кемесинен чыгып... Читать дальше...

Башаламандык менен атышуудан улам Чилинин президенти Себастьян Пиньера баш калаа Сантьяго шаарында чукул кырдаал жарыялады.  Анын алдында мамлекетте коомдук транспортко жол киренин кымбатташына байланыштуу жапырт нааразылык акциялары башталган.  AFP агенттиги 20-октябрда өрт өчүрүүчүлөргө таянып кабарлагандай, талап-тонолгон супермаркет өрттөнүп, үч адам көз жумду.  Ушул тапта Чилиде көчөлөрдү аскерлер көзөмөлдөп атышат. Сантьягону башка аймактар менен байланыштырган чоң жолдор танк менен тосулганы кабарланды.