Новости за 02.10.2019

Жогорку Кеңештеги "Ата Мекен" фракциясынын лидери Алмамбет Шыкмаматов сөз эркиндигин коргоого чакырды. 3-октябрда "Азаттыктын" талкуусуна катышкан учурда буга чейин «Апрель», «Сентябрь» телеканалдарынын жабылышы туура эмес болгонун, бул көрүнүш уланбашы керектигин белгиледи: - Мамлекетте болуп жаткан күңгөй-тескейди билип туруу үчүн элдин көзөмөлү керек. Элдин көзөмөлүн камсыз кылып турган бул - сөз эркиндиги жана журналистика. Сөз эркиндиги болбосо, эркин журналистика болбосо анда коомдо бийлик... Читать дальше...

Ишкер Эмил Үмөталиев 2010-жылы экономика министри болуп турган кездеги айрым фактыларга байланыштуу Аскер прокуратурасына 2-октябрда суракка чакырылды. Бул тууралуу өзү "Азаттык" радиосуна билдирип, сурактын чоо-жайын ачыкка чыгарбоо тууралуу тилкатка кол койгондуктан, толук маалымат бере албасын айтты: - Сурак тез эле бүттү. Жаңы көйгөйлөр жаралат, деп ишенип туралы. Суракка чакырган органдын кызматкерлери өз милдеттерин аткарышты. Негизинен орундуу эле болду деп эсептейм, - деди Үмөталиев. Читать дальше...

Кемерево облусундагы фитнес-клубдардын биринде тренер болуп иштеген кыргызстандык жигиттин өлүмүнүн чоо-жайы териштирилип жатат. Кыргызстандын Орусиядагы элчилигинин өкүлү Гүлбарчын Байымбетова учурда адистерге тапшырма берилгенин билдирди. 2-октябрда маалымат каражаттары Ленинск-Кузнецк шаарындагы кафелердин биринде болгон жаңжалда кыргызстандык 25 жаштагы жигит жабыркап, ооруканада каза тапканын жазышкан. Кыргызстандык жигиттин өлүмүнө шек саналып кармалган адам жаңжал учурунда мас болгону айтылууда. Читать дальше...

Бишкектин Биринчи май райондук соту 2-октябрда мурдагы президент Алмазбек Атамбаевдин тарапташтарынын бөгөт чарасын карап, 9-декабрга чейин камакта калтыруу чечимин чыгарды.  Алар Фархад Бабиев, Алга Кылычев, Кыяс Смайлов жана Атамбаевдин жан сакчысы Канат Сагымбаев.  30-сентябрда Биринчи май райондук соту Жогорку Кеңештин депутаты, Кыргызстан социал-демократиялык партиясынын мүчөсү Ирина Карамушкинанын үй камагындагы, ал эми партиянын дагы бир мүчөсү Фарид Ниязовдун абактагы мөөнөтүн 9-декабрга чейин узарткан. Читать дальше...

Европа Биримдиги саудиялык журналист Жамал Хашогжинин өлүмү боюнча ачык иликтөө жүргүзүүгө жана бул окуяга тиешеси бар адамдарды жоопко тартууга чакырды. Мындай билдирүүнү уюмдун тышкы иштер боюнча мекемесинин басма сөз кызматы таратты.  2-октябрда журналист Сауд Арабиясынын Стамбулдагы башкы консулдугуна кирип, андан ары дайынсыз жоголгонуна туура бир жыл болду. Расмий Эр-Рияд Хашогжи консулдукта өлтүрүлгөнүн окуядан бир нече жума өткөндөн кийин гана мойнуна алган. Бирок журналисттин сөөгү алигиче табыла элек. Читать дальше...

Украина өлкө чыгышында жикчилдер көзөмөлдөгөн аймактарда шайлоо өткөрүп, аларга өзгөчө макам берүү талабына көндү.

Жогорку Кеңеш “Кесиптик бирликтер жөнүндө” мыйзам долбоорун талкуулап, ал экинчи окууда добуш берүүгө жөнөтүлдү. Талкуу бир топ талаш-тартыш менен коштолду. Талкуунун жүрүшүндө айрым депутаттар сунушталып жаткан мыйзам долбоору бийликти бир кишинин, профсоюз жетекчисинин колуна берүү максатын көздөрүн белгилешти. Эл өкүлдөрү Кыргызстан профсоюздар федерациясынын төрагасы Мирбек Асанакуновдун жыйынга келбегенин сынга алышты. Мыйзам долбоору буга чейин парламенттин Социалдык саясат боюнча комитетинин кароосунан өтүп, жактырылган. Читать дальше...

Кыргызстан социал-демократиялык партиясы "Азаттыктын" операторунун сабап, аппаратураларын тартып алган окуяга тынчсыздануусун билдирип, муну сөз эркиндигине каршы сокку катары баалады. Мындай билдирүүнү партиянын басма сөз кызматы 2-октябрда таратты.  "Биз жабыркаган оператор Айбек Кулчумановго жана журналист Ыдырыс Исаковго каршы каралоону токтотууну бийликтен талап кылабыз", - деп жазылат билдирүүдө.  Партия Жогорку Кеңештин комитеттери, саясий партиялар бул жаатта сөз айтпаганын сындап, "Азаттыкты" гана эмес... Читать дальше...

«Human Rights Watch» эл аралык укук коргоо уюму «Азаттыктын» оператору Айбек Кулчумановго кол салууга жана анын кесиптик ишине тоскоолдук жараткан окуяга тынчсыздануусун билдирди. Түркмөн президенти Гурбангулы Бердымухаммедов ички иштер министрин жыйындан кууп чыгып, кызматтан алды.

Иликтөөчү журналист кайсы жерди тартарын алдын ала барып айтууга милдеттүү эмес. Бул тууралуу "Азаттыктын" эфиринде сүйлөп жатып “Журналисттер” коомдук бирикмесинин төрагасы Марс Тулегенов билдирди: - Журналист “Биз ушундай иликтөө жүргүзүп жаттык эле, ушул жерден барып тартканы жатабыз” деп алдын ала барып айтпайт. Өткөндө бир журналист “Геолокация болушу керек” дейт, ал да туура эмес маалымат берип  жатат. Журналисттик иликтөө жанры өзү ушундай – кандайдыр бир мыйзам бузуу болуп жатат десе ошону... Читать дальше...

Спорт агенттигинин жетекчиси Канат Аманкулов дүйнө чемпиону болгон Айсулуу Тыныбекова менен Абдурахман Муртазалиевден сырткары кадеттер арасындагы дзюдо боюнча дүйнө биринчилигинде үчүнчү орунду алган Чыңгызхан Сагыналиевди кабыл алган.

“Азаттыктын” “Эки бир” экслюзив маегинин бул жолку коногу Жогорку Кеңештин депутаты, “Улуттар Биримдиги” партиясынын саясий кеңешинин мүчөсү Искендер Гайпкулов болду. Ал өзү мүчө болгон “Улуттар Биримдиги” партиясы жана анын лидери Мелис Мырзакматовдун айланасындагы окуялар, президенттик администрациясынын мурдагы жетекчиси Медет Садыркуловдун өлүмүндөгү табышмактуу жагдайлар, өлкөдөгү соңку кырдаал боюнча суроолорго жооп берди.

Түндүк Корея 2-октябрда кайрадан ракета учурганы белгилүү болду. Бул - Пхеньяндын үч ай ичиндеги тогузунчу сыноосу. Өлкө август айында да беш ракетасын сыноодон өткөргөн.

Бишкектин Биринчи май райондук соту мурдагы президент Алмазбек Атамбаевдин тарапташтарынын бөгөт чарасын карап жатат. Кыргызстан социал-демократиялык партиясынын (КСДП) расмий өкүлү Кундуз Жолдубаеванын “Азаттык” радиосуна билдиришинче, сот Фархад Бабиевдин абактагы мөөнөтүн 9-декабрга чейин узартты. Ушу тапта Кой-Таштагы окуядан кийин кармалган КСДПнын мүчөлөрү Алга Кылычев, Кыяс Смайловдун бөгөт чарасы каралууда. Ушул эле күнү Атамбаевдин жан сакчысы Канат Сагымбаевдин бөгөт чарасына байланыштуу адвокаттын арызы каралат. Читать дальше...

Кремлдин басма сөз катчысы Европа өлкөлөрүнүн өзөктүк келишимди сактоо боюнча пландары эч кандай натыйжа алып келбегенин айтты.

Шаардык мэриянын аппарат жетекчисинин иш бөлмөсүнөн жоголгон буюмдарды уурдоого шектүү катары калаанын 16 жаштагы тургуну кармалды. Облустук милициянын басма сөз кызматынан “Азаттыкка” билдиргендей, өткөн айдын этегинде Жалал-Абад шаардык мэриясынын аппарат жетекчиси Эрнист Зияйдинов милицияга арыз менен кайрылган. Анда 3-кабатта жайгашкан иш бөлмөсүн ачык калтырып, бир саамга чыгып кеткен учурда капчыгын, анын ичиндеги акчаларын жана жарандык паспортун белгисиз бирөөлөр уурдап кеткен. “Уурдо” фактысы менен козголгон иштин алкагында бүгүн... Читать дальше...

Жогорку Кеңештин экс-депутаты Мээрбек Мискенбаев 7-8-августта Кой-Таштагы окуяларга байланыштуу ИИМдин Тергөө кызматында сурак берүүдө. Ал күндүзгү саат 11:00дө кирип кеткен боюнча чыга элек. Бул тууралуу “Азаттыкка” мурдагы президент Алмазбек Атамбаевди колдогон Кыргызстан социал-демократиялык партиясынын (КСДП) расмий өкүлү Кундуз Жолдубаева билдирди. ИИМ азырынча жооп бере элек.  7-8-августта Кой-Таш айылындагы үйүндө мурдагы президент Алмазбек Атамбаевди кармоо операциясы жүргөн. Анда мурдагы президенттин тарапташтары каршылык көрсөтүп... Читать дальше...

Мухаммад Жафар Мунтазери Бишкекте өткөн ШКУга мүчө-өлкөлөрдүн Башкы прокурорлорунун 17-отурумунда сөз сүйлөдү.

Казакстандын темир жолдорунун жалпы узундугу 16 614 чакырымды түзөт. Казакстандын түндүгү менен түштүгүн, чыгышы менен батышын гана байланыштырбастан, Азия мамлекеттери үчүн Европага жол ачат.

Казакстандын темир жолдорунун жалпы узундугу 16 614 чакырымды түзөт. Казакстандын түндүгү менен түштүгүн, чыгышы менен батышын гана байланыштырбастан, Азия мамлекеттери үчүн Европага жол ачат.

«Азаттыктын» кабарчылары кабылган соңку кырдаал жана сөз эркиндигин абалы «Эксперттер талдайт» берүүсүндө талкууланды.

Балбан кыз Айсулуу Тыныбековага бир топ баалуу белектер тартууланды. Ал арада интернет колдонуучулар спортчуну бийиктикке жеткирген машыктыруучусу Нурбек Изабеков бааланбай калды деген пикирлерин жазышууда.

Жогорку Кеңештин КСДП фракциясынын депутаты Искендер Матраимов Ошто «Азаттык» радиосунун кабарчысы кабылган окуяга байланыштуу милицияга басым жасабаганын айтууда. Бул тууралуу ал бүгүн 2-октябрда «Азаттыктын» эфиринде сүйлөп жатып билдирди: - Милиция текшерип жатат. Милицияга барып айтканым жок, чалганым да жок. Себеби эртеси күнү мени тартып алып «милицияга кысым көрсөтүп жатат» дебеши үчүн. 28-сентябрда Ош шаарында «Азаттыктын» оператору Айбек Кулчуманов телеберүү тартып жүргөн учурунда олбурлуу жигиттер анын артынан келип уруп... Читать дальше...

Расмий Киев Украинанын жикчилдер көзөмөлдөгөн аймактарына байланыштуу Минскиде жетишилген келишимдин шарттарына алдын-ала макулдугун берди. Украина, Орусия жана Европадагы Коопсуздук жана Кызматташтык Уюму макулдашкан бул келишимге ылайык, эгер бардык куралдуу күчтөр Украинанын чыгышынан чыгып кетсе жана расмий Киев Орусия менен 400 чакырымдык чек арага көзөмөлүн кайра калыбына келтире алса, анда украин бийлиги Донецк менен Луганскиде жергиликтүү шайлоо өткөрүп, бул аймактарга өзгөчө макам бериши керек болот. Читать дальше...

Ошто «Азаттык» радиосунун кабарчысы сабалганына байланыштуу Матраимовдор менен жаралган талашка чекитти бир гана милиция коюшу керек, бирок милицияга талап катуу коюлушу зарыл. Мындай пикирин 2-октябрда «Азаттык» радиосунун эфиринде сүйлөп жатып Жогорку Кеңештин депутаты Жанарбек Акаев билдирди: - Ошто бул нерсе, тилекке каршы, нормага айланып баратат. «Күндүз атышса болот, таңга маал сабап кетсе боло берет, кааласа тартып алса болот» деген норма болуп жатат. Мыйзамдын алдында баары бирдей болушу зарыл. Читать дальше...