Новости за 23.10.2019

Жогорку Кеңештин депутаты, "Өнүгүү-Прогресс" фракциясынын лидери Бакыт Төрөбаев депутаттар менен 9 пайыздык босогону жоюу тууралуу сүйлөшүүлөрдү жүргүзүп атканын айтты. Бул тууралуу 23-октябрда "Азаттыктын" "Эксперттер талдайт" берүүсүндө билдирип, беш пайыздык босогону сунуштаганын, бирок ал өтпөй калганын белгиледи.  Парламенттик шайлоодо жеңип чыгуу үчүн добуш топтоо босогосу 2010-жылы беш пайыз болсо, 2015-жылы жетиге көтөрүлгөн. 2017-жылы чекти тогуз пайызга көтөргөн мыйзам долбоору кабыл алынып... Читать дальше...

Жерүй алтын кенинде кыртышты ачуу иштери башталды. "Альянс Алтын" ишканасынын техникалык-өндүрүү башкармалыгынын бул маалыматын "Экономист" финансылык басылмасы таратты. Жерүйдө техникалык суу топтолуучу башкы жай ишке киргени "Альянс Алтындын" сайтына жарыяланды.  Компания 2019-жылдын аягына чейин кыртышты ачуу иштерин көбөйтүп, алтын иргөөнү пландап жатат.  Таластагы Жерүй алтын кени 1969-жылы чалгындалган. Бул кен алтындын өлчөмү боюнча Кыргызстанда Кумтөрдөн кийинки орунда турат. Геологиялык алдын ала иликтөөлөргө ылайык... Читать дальше...

Түркия АКШнын санкция салуу тууралуу эскертүүлөрүнө карабастан Москвадан дагы ракетага каршы С-400 системасын сатып алууну талкуулап жатат. "Рособоронэкспорт" ишканасынын башчысы Александр Михеевдин орусиялык «Интерфакс» агенттигине айтканына караганда, эки тарап учурда каржылоону жана ракетаны жеткирүүнүн жадыбалын сүйлөшүүдө. Ал мындан башка кенен маалымат берген жок. Түркия Орусиянын С-400 зениттик ракеталык системасын быйыл июлдан тарта ала баштаган.  Москвадан курал-жарак сатып алганы... Читать дальше...

Жогорку соттун Конституциялык палатасы мурдагы президент Алмазбек Атамбаевден экс-президент деген макамды алуунун Баш мыйзамга ылайыктыгын карай баштады.

Тажикстандын көз карандысыз жалпыга маалымдоо каражаттары бирлиги жана Тажикстандын жалпыга маалымдоо каражаттары боюнча кеңеши өлкө бийлигин чет өлкөлүк медиага аккредитация берүү механизмин сөз эркиндигин чектөө куралы катары колдонбоого чакырды. Эки уюм «Азаттыктын» тажик кызматынын журналисттеринин аккредитациясына байланыштуу тынчсызданып, биргелешкен билдирүүсүн 23-октябрда таратты. «Азаттыктын» тажик кызматынын беш журналистинин аккредитациясын Тажикстандын Тышкы иштер министрлиги алып койгон. Читать дальше...

Кыргыз Эл акыны Шайлообек Дүйшеев орустун атактуу акыны Анна Ахматованын “Реквием” поэмасын кыргызчага которду. Чыгармада репрессиянын каардуу доору сүрөттөлөт. Советтер Союзунда алгач ирет 1987-жылы гана басылып чыккан ачуу чындыктын поэмасын Шайлообек Дүйшеев толугу менен кыргызчага которуп бүттү. Бул видеодо “Реквиемдин” үзүндүсүн, тагыраагы эпилогун сунуш кылабыз.

Орусиянын аскер кербени Евфрат дарыясынан өтүп, бир күн мурда Анкара менен жетишилген макулдашууга ылайык, Түркиянын чек арасына жакын Сириянын Кобани шаарына келди. Түрк президенти Режеп Тайып Эрдоган менен орус лидери Владимир Путин 22-октябрда Сочи шаарындагы кездешүүсүндө өз ара түшүнүшүү тууралуу 10 пункттан турган мемарандумга кол коюшкан. Документке ылайык, сириялык күрд кошуундары 150 сааттын ичинде Сириянын Түркия менен чектеш, туурасы 32 чакырымды түзгөн тилкесинен же буфердик аймактан толугу менен чыгып кетиши керек. Читать дальше...

Сегиз жыл бою сойкулуктун торунда жүргөн Снежана азыр үй-бүлө күтүп, эки баласын тарбиялап жатат. Ал бир эмес эки ирет Түркияга алданып барып, зордук-зомбулукка туш болгон. Жакындарынын колдоосу менен ал он жыл мурун жашоосун өзгөрткөн.

"Бир дүйнө Кыргызстан-2019" адам укуктары тууралуу даректүү тасмалар фестивалында балдардын укуктары чагылдырылган 20 тасма ат салышат.

Өлкөнүн түштүк-чыгышындагы Эссекс аймагынын полициясы үрөй учурган окуяга байланыштуу автоунаанын айдоочусун камакка алды жана ишти иликтей баштады.

Жогорку соттун Конституциялык палатасы мурдагы президент Алмазбек Атамбаевден экс-президент деген макамды алуунун Баш мыйзамга ылайыктыгын кароону 23-октябрда кечке чейин чейин карады. Иш күнү аяктаганына байланыштуу ишти кароо 24-октябрга калтырылды. Процесстин башында Алмазбек Атамбаевдин кызыкчылыгын коргогон жактоочу Нурбек Токтакунов жыйынга төрагалык кылуучу, Конституциялык палатанын жетекчиси Карыбек Дүйшеевди соттук коллегиянын курамынан чыгаруу тууралуу өтүнүч келтирди. Ал буга негиз катары... Читать дальше...

Премьер-министрдин басма сөз катчысы Адилет Султаналиев Жогорку Кеңештин депутаты Жанар Акаевдин билдирүүсү боюнча комментарий берип, саясатчыларды сын айтууда объективдүүккө чакырды. “Капиталдын чыгып кетиши эсептелип, бирок ошол эле кезде сырттан келген тикелей инвестиция да байкаларлык көп болуп жатат. Ушунун өзү өлкөдөгү жеңил эмес саясий процесстерге карабай өкмөттүн инвестицияны коргоодо жетиштүү аракеттерди жасап жатканын көргөзүүдө. Депутат экономиканын саясатташуусунан бизнес жабыр тарткан 2005-жылды жакшы мисал келтирди. Читать дальше...

Оштун Алай районунда кен казуучулар менен жергиликтүү тургундардын мушташы дээрлик бир айдан бери иликтенүүдө. Жыйырмадан ашуун адам аралашкан чырдан улам алты киши сурак берип жатат. Калгандары тергөөдө күбө катары өтүүдө. Ош облустук Ички иштер башкармалыгынын басма сөз катчысы Жеңишбек Аширбаев "Азаттыкка" билдиргендей, 28-сентябрда "Жол Мед Кен" ишканасынын 7-8 жумушчусу сары таш казып жаткан учурда Таш-Коро айылынын 25тей тургуну аларга каршылык көрсөтүшкөн. Ортодо мушташ чыгып, жашоочулар ишканага таандык бир чатырды өрттөп... Читать дальше...

Эрдоган менен Путиндин Анкаранын Сириядагы күрт кошуундарын бутага алган операциясына байланыштуу макулдашуусу күчүнө кирди. Улуттар Уюму, АКШ жана Еевропа Биримдиги ооган лидерлерин өлкөдөгү бардык саясий күчтөрдү камтыган топ түзүп, "Талибан" менен сүйлөшүүгө чакырды.

Инфляция, насыя, акчанын курсу сыяктуу экономикалык терминдерди ак таңдай акындар комуздун күүсүнө салып, чечмелеп ырдап беришет. Бул - Улуттук банктын төкмө акындардын тили менен калктын финансылык сабаттуулугун жогорулатуу аракети.

Ош шаарынын жанында Жаңы-Кыштак айылында лөлү тектүү чыгармачыл ансамблди билбеген киши жок. Өткөн кылымдын 90-жылдары түптөлгөн айылдык керней-сурнайчы музыканттар жергиликтүү аш-тойлордун көркүн чыгарып келет.

Кыргызстандын экс-премьер-министри Темир Сариев парламенттик шайлоого карата киргизилген 9 пайыздык босого чек мурда депутаттардын «колун бурап» өткөрүлгөнүн билдирип, азыр саясатчылардын, коомдук ишмерлердин жана өкмөттүк эмес уюмдардын буга каршы чыгып жатканын жактады. Бул тууралуу пикирин ал “Азаттыктын” “Эксперттер талдайт” берүүсүндө айтты. “Кооптонуу бар. 9% кылып алып, эки-үч партияны алып келип, ошолор менен эриш-аркак иштешем деген тайкы саясат. Бул эртеңкисин ойлобогон, алыска укурук таштабаган саясат десек болот. Читать дальше...

АКШнын коргоо министри Марк Эспер 23-октябрда Ирактын коргоо министри Нажах ал-Шаммари менен жолукту. Анда Сириядан чыгарылган америкалык аскерлерди алып кетүү маселеси талкууланды. Эспер менен жолуккандан кийин Нажах ал-Шаммаринин “Ассошиэйтед Пресс” агенттигине айтканына караганда, Сириядан Иракка келген америкалык жоокерлер төрт жума аралыгында өлкөдөн чыгарылат. Анын айтымында, америкалык аскерлер Иракты “транзит жолу” катары пайдаланууда жана кийин Кувейтке, Катарга же Кошмо Штаттарына кетет. Читать дальше...

22-октябрда Киевдеги дипломатиялык корпусту жетектеген жогорку даражалуу дипломат президент Дональд Трампка импичмент жарыялоо маселесин иликтөөнүн алкагында АКШ Конгрессинде көрсөтмө берди. «New York Times» жана «Washington Post» гезиттери жазышкандай, Уильям Тейлор Трамп расмий Киев америкалык президенттин саясий оппоненттеринин иш-аракеттерин иликтөөгө даяр болсо, Украинага жардам берилерине убада бергенин айтты. 25-июлдагы телефондук сүйлөшүүсүндө Трамп президент Владимир Зеленскийден өзүнүн башкы саясий атаандашы... Читать дальше...

Премьер-министр Мухаммедкалый Абылгазиев жаш математик Арсен Рахымбеков менен жолугушту. Бул тууралуу өкмөттүн аппараты кабарлады. Өкмөт башчы Арсенди математика менен менталдык арифметиканы өздөштүрүү менен чоң-чоң жетишкендиктерге жеткени, ошондой эле эл аралык сынактарга жана олимпиадаларга ийгиликтүү катышуусу менен куттуктады.   - Сенин ийгиликтериң Кыргызстандын өсүп келе жаткан мууну интеллектуалдык жактан абдан өнүгүп жатканын, ачыктыгын, ийкемдүүлүгүн дагы бир жолу далилдеди. Менталдык арифметика логикалык ой жүгүртүүнү... Читать дальше...

«Кыргызгидромет» борбору кабарлагандай, 24-октябрда өлкө аймагында жаан-чачын болбойт. Батыштан соккон шамалдын ылдамдыгы секундасына 1-6 метрге жетет. Абанын температурасы: Чүйдө түнкүсүн 1…6, күндүз 16…21; Таласта түнкүсүн -3…+2, күндүз 15…20; Баткенде, Ошто, Жалал-Абадда түнкүсүн 4…9, күндүз 19…24; Ысык-Көлдө түнкүсүн -2…+3, күндүз 12…17; Нарында түнкүсүн -4…+1, күндүз 10…15 градус болот.  Бишкекте 24-октябрда жамгыр жаабайт. Борбордо абанын түнкү төмөнкү температурасы 1…3°, күндүзгү... Читать дальше...

Арстанбек Алай деген ат менен белгилүү Арстанбек Абдылдаевдин ондогон тарапкери Бишкекте басма сөз жыйынын өткөрүп, ага карата кылмыш иши саясий негизде козголгонун билдиришти. Топтун өкүлү Элвира Сатыбекова өзүн кудай деп атаган кишини куугунтукка алуу абсурд экенин айтып, анда аларга да иш козголушун талап кылды: - Арстан Алай «жаңы кудаймын» деп чыкканы үчүн кылмыш ишин козгошту. Биз ошону коргош үчүн келдик. Биздин кыргыз элибиздин бардыгы кудай, жердеги ар бир кыргыз кудай. Ата-бабаларыбыз кудай менен кудайдын ролун аткарып келген. Читать дальше...

Британ полициясы шаршембиде Лондондун чыгышындагы Эссекс аймагында жүк ташуучу машинеден 39 кишинин сөөгүн тапты. Полиция тараткан маалыматка караганда, фура Грейс шаарчасынын өнөр жай зонасында токтоп турган. Анын айдоочусу, 25 жаштагы ирландиялык жаран киши өлтүрүүгө шектүү катары кармалды. Азырынча машине Болгариядан чыкканы, Британиянын аймагына өткөн ишембиде киргени аныкталды. Каза тапкандардын ичинен бирөө өспүрүм экени маалымдалды. Полициянын расмий өкүлү алардын тек-жайын аныктоого көп убакыт кетиши мүмкүн экенин билдирди.

Бишкектин Октябрь райондук сотунда бүгүн, 23-октябрда мурдагы президент Алмазбек Атамбаевдин экс-кеңешчиси, камактагы Икрамжан Илмияновдун ишин кароо улантылып жатат. Отурумда сөздү прокурор алып, айыптоочу тарап Илмияновду күнөөлүү деп эсептей турганын жана тергөөдө анын кунөөсү толук далилденгенин билдирди. Ал өз сөзүндө Икрамжан Илмияновго ортомчулар аркылуу 150 миң доллардын берүү аркетин баштан-аяк баяндап, акча анын колуна 2017-жылдын 8-августунда тийгенин айтты. Прокурор далил катары күбөлөрдүн сөзүн... Читать дальше...

23-октябрда Орусиянын Кара деңиздеги Сочи шаарына ондогон Африка мамлекеттеринин лидерлери келди. Президент Владимир Путин эки күндүк Орусия-Африка саммитин египеттик кызматташы, Африка Биримдигинин учурдагы башчысы жана жыйындын теңтөрагасы Абдел Фаттах ас-Сиси менен ачты.  Кремль билдиргендей, Африкадагы 54 мамлекеттин 43үнүн башчылары саммитке келе турганын ырасташкан. Эки күндүк жыйындын алкагында Путин 13 мамлекеттин лидерлери менен эки тараптуу жолугушууларды өткөрөт. Батыш мамлекеттери... Читать дальше...