Новости за 31.10.2019

Кой-Таш айылында 7-8-август күндөрү түзүлгөн кырдаалды иликтөө боюнча мамлекеттик комиссия 31-октябрда ишин жыйынтыктады. Бул тууралуу «Азаттыкка» аталган комиссиянын мүчөсү, Конституциялык палатанын мурдагы судьясы Клара Сооронкулова билдирди. Кой-Таш окуясы боюнча комиссиянын дагы бир мүчөсү Артур Медетбеков комиссиянын корутундусунун долбоору кабыл алынганын, жакында корутундунун өзү даяр болорун кабарлады: - Корутунду толугу менен иштелип чыккандан кийин ал Жогорку Кеңешке, жалпыга маалымдоо каражаттарына берилет. Читать дальше...

АКШнын Өкүлдөр палатасы президент Дональд Трампка импичмент жарыялоо ишине байланышкан иликтөөнүн кийинки баскычын баштоого жол ачкан резолюцияны колдоду. Жөнөкөй көпчүлүк менен кабыл алына турган резолюцияны 232 депутат колдоп, 196 каршы добуш берди. Ага негизинен бардык республикачылар жана эки демократ каршы болду. Добуш берүүгө төрт эл өкүлү катышкан жок. Палатада демократтар көпчүлүктү түзөт.  Резолюция ачык угууларды өткөрүүгө, жабык жыйындардагы көрсөтмөлөрдүн стенограммасын ачыкка чыгарууга укук берет. Читать дальше...

«Human Rights Watch» (HRW) укук коргоо уюму кыргыз парламентин «Кесиптик кошуундар жөнүндө» мыйзамга киргизилип жаткан өзгөртүүлөрдөн баш тартууга чакырды. Уюмдун 31-октябрда тараткан билдирүүсүндө үчүнчү окууда каралганы жаткан мыйзам долбоору көз каранды эмес эмгек кошуундарынын өз алдынча иш алып барышын чектеп, Кыргызстан мүчө болгон эл аралык эмгек келишимдеринин шарттарын буза турганы айтылат. Уюм белгилегендей, мыйзам долбоору тармактык жана аймактык кесиптик кошуундардын өз алдынча иш алып барышына тыюу салып... Читать дальше...

Кыргызстандык балбан Улукбек Жолдошбеков эркин күрөш боюнча 23 жашка чейинки балбандар арасындагы дүйнө чемпионатында алтын медаль тагынды.

498 просмотров всего, 498 просмотров сегодня

35 просмотров всего, 35 просмотров сегодня

Москвада жазуучу Муса Мураталиевдин кыргыздын байыртадан бери келаткан саяпкерлик жана мүнүшкөрлүк өнөрү тууралуу китептери жарык көрдү. Москвада жашаган адабиятчы бир нече китептин автору. Кош тилдүү жазуучу Орусиянын маданиятына эмгек сиңирген ишмер, Жазуучулар союзунун мүчөсү.

Тажикстандын Финансылык көзөмөл жана коррупцияга каршы күрөш мамлекеттик агенттиги «Амонатбанктын» башкы кеңсесинин эки кызматкерин мыйзамсыз каржылык операцияларга шектүү катары камакка алды. “Азаттыктын” тажик кызматына маалымат берген булактын айтымында, эки кызматкерге "акчаны мыйзамсыз алмаштырып жүргөн" деген да күнөө коюлууда. Тажикстандын президенти Эмомали Рахмон быйыл 21-январда өкмөттүн кеңейтилген жыйынында «Амонатбанктын» башчысы Рухулло Хакимзоданы катуу сынга алып, жыйындан чыгып кетүүнү талап кылган. Читать дальше...

НАТОнун баш катчысы Йенс Столтенберг 31-октябрда Киевде Украинанын президенти Владимир Зеленский менен жолукту.

«РухЭш» сайты Ишенбай Абдразаков атындагы «Улут үлгүсү» жана Салижан Жигитов атындагы «Улут абийири» сыйлыктарын тапшырды. Бул жолу сыйлыктарга окумуштуу, коомдук ишмер Роза Айтматова жана «Полис Азия» талдоо борборунун жетекчиси Элмира Ногойбаева татыктуу болушту. Сыйлык тапшыруу аземи китеп жармаңкеси менен башталып, окурмандарга жаңы чыккан китептер сунушталды.

Бишкектеги Москва көчөсүн оңдоо иштери аяктап, автоунаалардын каттамы үчүн ачылды. Бишкек мэриясы тараткан маалымат боюнча, жолго эки кабат асфальт төшөлдү. Москва көчөсү Бишкек шаарындагы жолдорду ремонттоо үчүн бөлүнгөн Кытай грантынын эсебинен оңдолду. Аны «China Road» компаниясы ишке ашырды. Бул көчөнүн жабылышы шаардын борбордук бөлүгүндө тыгынды пайда кылып, жанаша жайгашкан Токтогул көчөсү эки тараптуу болуп ачылган. Москва көчөсүнүн ишке берилиши менен Токтогул көчөсү кайрадан бир тараптуу болду. Читать дальше...

Түндүк Кореянын аскерлери Жапон деңизин көздөй белгисиз үлгүдөгү эки ракетасын учурду. Бул тууралуу 31-октябрда Түштүк Корея менен Жапониянын расмий өкүлдөрү билдиришти. Пхеньяндын ракета сыноосу Кошмо Штаттардын Түндүк Корея менен Корей жарым аралын өзөктүк куралдан арылтууга жана анын өзөктүк программасын чектөөгө байланышкан сүйлөшүүлөрү туңгуюукка кептелип турган учурда болду. Түштүк Кореянын штаб башчыларынын биргелешкен комитетинин маалыматында үлгүсү белгисиз эки ракета 31-октябрда күндүз Түштүк-Пхёнан провинциясынан атылган. Читать дальше...

Башкы прокуратура коррупциялык зыяндын ордун толтуруш үчүн ачылган бирдиктүү депозиттик эсепке 31 млн. 260 миң сом которду. Бул тууралуу мекеменин басма сөз кызматы билдирди. Муну менен башкы көзөмөл органы ушул эсеп ачылгандан бери которгон каражат 628 млн. 357 миң 432 сомго жетти. 26-августка карата Борбордук казыналыктагы бирдиктүү депозиттик эсепке 1 миллиард 563 млн 429 миң сом топтолгону кабарланган. Депозиттик эсеп 2018-жылдын июлунда президент Сооронбай Жээнбековдун буйругу менен түзүлгөн. Читать дальше...

Эл аралык миграция уюмунун жаңы баяндамасына ылайык, жыл башынан бери кошуна Иран менен Пакистандан 403 338 киши кайтып келген. Анын ичинен көбү - 385 000 оогандык Ирандан келсе, жарымы Тегерандын чечими менен депортация болгондор. Эл аралык миграция уюмунун маалыматы боюнча учурда Иранда 1,5 миллиондон 2 миллионго чейинки сандагы ооган жашайт. Ал эми жыл башынан бери Пакистандан 17 500 киши кайтып келген. Ооганстанда 18 жылдан бери уланып жаткан согушта 38 миң карапайым тургун көз жумду. Ал... Читать дальше...

Пакистанда поезд кырсыгынан 70тен ашуун адам өлдү. Алардын көбү “Таблиги жамааттын” курултайына баратышкан. HRW эл аралык укук коргоо уюму АКШнын Чалгын кызматын айыптады. Орусия Олимпиада оюндарынан четтеши мүмкүн. Москвада жазуучу Муса Мураталиевдин китептери жарык көрдү.

Чүйдүн Сокулук районуна караштуу Военно-Антоновка айылынан жер тилке алган элүүгө жакын адам нааразылык акциясына чыгышты. Алардын айтымында, убагында сатып алган жер тилкелерине үй салууга жергиликтүү бийлик уруксат бербей жатат. Расмий маалыматка караганда, Военно-Антоновка айылынан 3 миңден ашык адам жер тилкесин сатып алып, эки миңге жакын адамдын "кызыл китеби" бар.

Өкмөт жарандар электрондук түрдө кайрыла турган «Kattar.kg» порталына хакердик чабуул коюлганын билдирди. Маалыматка караганда, DDoS чабуулдан улам сайттагы «жетекчилердин тизмеси» деген бөлүмдө вице-премьер-министр Алтынай Өмүрбекова премьер-министр деп көрсөтүлүп калган. Учурда бардык каталар оңдолду. «Kattar.kg» порталы тесттик режимде иштейт. Өкмөттүн «Gov.kg» жана «Kattar.kg» сайттары 2014-жылдан тартып иштей баштаган. Биринчи сайтта өкмөттүн күнүмдүк иштерине байланыштуу маалыматтар жайгаштырылса... Читать дальше...

“Өзбекстандын ислам кыймылынын” (ӨИК) террордук согушкерлери менен Кыргызстандын аскерлеринин 20 жыл мурунку кагылышуусу “Баткен согушу”, “Баткен окуясы”, “Баткен коогалаңы” деген ат менен тарыхта калды. Cогушкерлер 1999-2000 - жылдардын жай айларында эки ирет Кыргызстандын чек арасын Телбе (Баткен), Бокбашы (Чоң-Алай) ашуулары аркылуу бузуп киришкен. Зардалыда мектеп менен мечитте 45 күн ӨИК кара байрагы илинип турган, кишилер мыкаачылык менен өлтүрүлүп, барымтага алынган. Чек араны 200дөн 1000ге чейинки согушкер бузуп өткөн. Читать дальше...

Ички иштер министрлигинин жаңы түзүлгөн патрулдук кызматы Бишкекте 31-октябрдан тарта ишке кирди. Борбор калаанын Свердлов жана Биринчи Май райондорунун көчөлөрүндө адамдын жүзүн тааный турган 60 камера орнотулду. Бул долбоордун максаты - кылмыш болгон жерге ыкчам чыгуу, коомдук коопсуздукту, жол коопсуздугун камсыздоо.

АКШнын Борбордук чалгын кызматы (CIA) колдогон оогандык куралдуу кошуундар адамдарды сотсуз өлтүрүү, медициналык жайларга кол салуу, адамдардын дайынсыз жоголушу өңдүү зордукчул аракеттердин артында турушат. Бул тууралуу «Human Rights Watch» (HRW) уюмунун 31-октябрда жарык көргөн баяндамасында айтылат. Уюм ооган өкмөтүн ал бөлүктөрдү тезинен куралсыздандырууга, согуш кылмыштары үчүн айыптууларды жоопко тартууга чакырды. Америкалык чалгын кызматы укук коргоочулардын баяндамасында ооган атайын күчтөрүнө... Читать дальше...

Мурдагы президент Алмазбек Атамбаевдин уулу Сейит Атамбаев бизнес-акыйкатчы Робин Орд Смитке кайрылып, анын ишканасын рейдерлик жол менен басып алуу аракети жүрүп жатканын билдирди. Мындай аракетти ал Атамбаевдин уулу болгону үчүн саясий куугунтук деп баалап жатат.  Өз кайрылуусунда ишкер: «Биздин компания ири ишканаларга электр энергиясын ташып келүү менен гана алектенет. Эч убакта тендерлерге катышкан эмес, мамлекеттик иштерге аралашпай, саясий партияларды, кыймылдарды же талапкерлерди каржылаган эмес» деп билдирди. Читать дальше...

Тегеранда Тажикстандын жетекчилигинде Экономикалык Кызматташтык Уюмунун (ЭКУ) жыйыны болуп өттү.

Пакистандын бийлиги борбор шаары Исламабадда коопсуздук чараларын күчөттү. 31-октябрда айрым мектептер жана мекемелер иштеген жок. Буга премьер-министр Имран Хандын бийлигине нааразылыгын билдирип, өкмөттүн таркашын талап кылган миңдеген адам Исламабадды көздөй келе жатканы себеп болду. Алар жүрүшкө Хайбер-Пахтунхва провинциясынан 27-октябрда жөнөшкөн. Нааразылык акциясынын демилгечиси, «Жамият Улема-и-Ислам» диний-саясий партиясынын лидери Маулана Фазлур Рехман колдоочуларын 31-октябрда баш калаада жолугууга чакырган. Читать дальше...

Алтынбек Муралиев Кыргызстанга чыккынчылык кылган деген айып менен кармалган.

Кыргызстандын мурдагы премьер-министри Амангелди Муралиевдин уулу түрмөдөн бошонуп, жатак абагына которулду. Бул тууралуу «Азаттыкка» Жаза аткаруу мамлекеттик кызматынын (ЖАК) басма сөз катчысы Элеонора Сабатарова билдирди. Анын айтымында, соттолгондордун тергөө абагында отурган бир күнү эки деп эсептелет. - Жогорку сот анын мөөнөтүн 10 жылга чейин түшүргөн экен. Бизде отурган күндөрүнүн баарын эсептегенде үчтөн экисин отуруп койду. Ошонун негизинде октябрдын ортосунда жатак абакка которулду. Читать дальше...