Новости за 21.08.2019

Эки жүзгө жакын кишинин колу коюлуп, президент Сооронбай Жээнбековго жиберилген кайрылууда 7-8-август күндөрү мурдагы президент Алмазбек Атамбаевди кармоо учурунда аны колдоп чыккандарга карата куугунтук болуп жатканы айтылган жана бул көрүнүштү токтотуу жөнүндө сураныч жазылган.  Кайрылууну жазгандар Алмазбек Атамбаевди өз каалоосу менен колдоп чыгышканын, 7-8-августта желим окту күч кызматкерлери биринчи атышканын, атайын бөлүктүн жоокери каза болуп калганы орду толгус кайгы экенин, бирок бул... Читать дальше...

Кыргызстандын волейбол боюнча улуттук курама командасы Азиянын аймактык (борбордук зона) чемпионатынын жарым финалына чыкты. Мелдеш ушул тапта Непалдын Катманду шаарында өтүп жатат. Өлкөнүн Волейбол федерациясынын басма сөз катчысы Бакыт Шүкүралиев «Азаттыкка» билдиргендей, Кыргызстандын курама командасы 20-августа Мальдив аралдарынын курама командасы менен ойноп, жыйынтыгында 3:0 (25-15; 26:24; 25-19) эсебинде жеңишке жетти. Бул жеңиш Кыргызстандын курама командасына жарым финалга чыгууга жол ачты. Читать дальше...

Бишкекте кампадан чыккан өрттү өчүрүү аракети көрүлүп жатат. Өзгөчө кырдаалдар министрлигинин баштапкы маалыматына караганда, окуя Ленин районунун аймагында катталды. Москва жана Интергелпо көчөлөрүнүн кесилишинде кампадан өрт чыккандыгы тууралуу маалымат куткаруучуларга саат 11:23тө түшкөн. Өрттү өчүрүүгө жалпысынан беш бөлүм тартылды.

Грузиядагы «Рустави-2» телеканалында Орусиянын президенти Владимир Путинди түз эфирде тилдеген журналист Георгий Габуния жумуштан бошотулду. Бул тууралуу каналдын жаңы жетекчиси Паати Сали 20-августта Тбилисиде өткөн брифингде айтты.  Андан тышкары, телеканалдын жаңылыктар бөлүмүнүн башчысы Нодар Меладзе жана анын кол астында иштеген бир катар кызматкерлер да иштен алынды. Алар жарнамага байланыштуу эрежелерди бузганы айтылды.   Грузиянын оппозициялык «Рустави-2» телеканалынын кабарчысы Георгий... Читать дальше...

Камерун жээктеринде белгисиз бирөөлөр уурдап кеткен «Мармалайта» кемесинин экипажы аман-эсен. Бул тууралуу кеменин ээсине байланышка чыккан каракчылар тобу маалымдаганы айтылууда.  Орусиянын «Деңизчилер кесиптик бирикмеси» кабарлагандай, каракчылар барымтага алган сегиз деңизчинин төртөө филиппиндик, үчөө орусиялык, бири украиналык.   ТАСС агенттиги жазганына караганда, каракчылар барымтага алынгандарды бошотуш үчүн канча акча сураганы белгисиз. Камерундун жетекчилиги каракчылар байланышка чыкканы жөнүндө маалыматты тастыктай элек. Читать дальше...

Мурдагы премьер-министр Сапар Исаковдун ден соолугу канааттандырарлык. Бул тууралуу Саламаттык сактоо министрлигинин басма сөз кызматы кабарлады. Мекеме социалдык тармактарда «Сапар Исаковдун оорусунун диагнозун аныктай албай жатышат» деген кептер чындыкта коошпой турганын жазды. УКМКнын тергөө абагында отурган Исаков 16-августтан бери Улуттук госпиталда жатат. Ага «кыр арка артериясынын синдрому» деген диагноз коюлган. Мындан баш айланып, ооруйт. Бир нече дарыгер Исаковду текшерүүдөн өткөргөндөн кийин консилиум болуп... Читать дальше...

Жалал-Абад шаарынын борбордук базарында 21-августка караган түнү чыккан өрттүн кесепети такталууда. Мэриянын басма сөз кызматы билдиргендей, базардын кийим-кече, окуу куралдары сатылуучу бөлүгүндө 2,5 миң чарчы метр аянт күйүп кетти, адам өмүрүнө зыян тийген жок. Өрттү өчүрүүгө төрт бригада жана шаардагы суу чарба башкармалыгынан техника тартылып, таңга жуук толугу менен чектелди.  Шаардын жарандык коргонуу комиссиясы жеринде иштеп, тактоо жүргүзүүдө. Өкмөттүн облустагы ыйгарым укуктуу өкүлү... Читать дальше...

Абсолюттук мушкерлер уюму (UFC) россиялык спортчу Хабиб Нурмагомедов менен америкалык Дастин Порьенин чемпиондук наам үчүн күч сынаша турчу мелдешинин проморолигин жарыялады.

Кийинки убакта кыргыз медиасында «кытайлык инвестордун бизнесин рейдерлик менен тартып алуу» деп аталган иште мурдагы президент Алмазбек Атамбаевдин аялы Раиса Атамбаеванын түз тиешеси болгону айтылган макалалар чыга баштады.

Кыргызстандык мушкер Нуньеске UFC турниринин алкагында эки ирет калыстардын чечими менен утулганы маалым.

21-августта Караколдо желим, кагаз, картон жана айнек таштандыларды өзүнчө бөлүп чогулткан ишембилик өтөт. Бул тууралуу шаардык мэрия баракчасына жазды.  Акция түшкү саат 12:00дө калаанын борбордук аянтында башталып, катышуучуларга атайын мүшөк жана колкап берилет. Чогултулган кагаздын 1 кг. 6 сом, картон – 3, айнек – 2, желим - 5 сомго сатылып алынат. Айлана-чөйрөнү коргоо жана токой чарба мамлекеттик агенттигинин маалыматына караганда өлкө боюнча азыр ушу тапта 16,5 млн. тонна таштанды бар. Читать дальше...

АКШ президенти Дональд Трамп Орусиянын G7 (“Чоң жетиге”) кайтышын колдоду. Трамп мындай сунушун биринчи жолу айтып жаткан жок. Анткен менен “Чоң жетиге” кирген башка өлкөлөр Орусияны кабыл алууга азырынча даяр эмес. “Орусиянын ал жакта болгону максаттуу деп ойлойм. Бул “сегиздик” болушу керек, анткени биз талкуулаган маселелердин көбү Орусияга байланыштуу”, - деди Трамп журналисттерге. Ал бул тууралуу Ак үйдө Румыниянын президенти Клаус Йоханис менен жолуккандан кийин айтты. Мунун алдында Орусиянын... Читать дальше...

Жузеппе Конте расмий түрдө Италиянын өкмөт башчылыгынан кетти. Анын отставкасын президент Сержо Матарелла кабыл алды. Конте шейшемби күнү сенатта сөз сүйлөп жатып отставкага кетүү ниетин билдирген. Ал өзүнүн чечимин өкмөттү кураган “Лига” партиясы менен “Беш жылдыз кыймылы” партияларынын ортосунда ырктын кетишине байланыштырды. Конте “Лига” партиясынын лидери жана вице-премьер-министр Маттео Сальвинини өкмөттөгү кризис үчүн айыптады. Буга чейин Маттео Сальвини мөөнөтүнөн мурда парламенттик шайлоо өткөрүү зарылдыгын айтып чыккан. Читать дальше...

Каркыра капчыгайынын жолун куруу иши 2020-жылы башталат. Бул тууралуу Транспорт жана жолдор министрлиги билдирди. Маалыматка караганда, туристтик база жана Каркыра капчыгайынын аймагына жанаша жайгашкан Түп – Кеген чоң жолу "Аймактагы жолдорду жакшыртуу" программасына кирген. Долбоорду 27,5 млн. доллар насыя, ушунча суммада грант бөлүп Дүйнөлүк банк каржылап жатат. Учурда финансылык келишимди ратификациялоо иштери жүрүүдө. 2020-жылы баштала турган жолдун курулушун 2024-жылы бүтүрүү пландалган. Читать дальше...

Жогорку сот “Ата Мекен” партиясынын абакта жаза мөөнөтүн өтөп жаткан лидери Өмүрбек Текебаев жана мурдагы элчи, экс-министр Дүйшөнкул Чотоновдун ишин жаңы ачылган жагдайларга байланыштуу карайт. Бул тууралуу аталган партиянын мүчөсү, парламенттин экс-депутаты Асия Сасыкбаева “Азаттыкка” билдирди. Буга чейинки сот 16-июлга белгиленип, судья иштин көлөмү чоң экенине байланыштуу жараяндын мөөнөтүн жылдырган. Өмүрбек Текебаев менен Дүйшөнкул Чотоновдун кылмыш ишин жаңы ачылган жагдайлардын негизинде кайра кароону юристтер буга чейин да өтүнүп... Читать дальше...

Өзгөчө кырдаалдар министрлигинин маалыматына караганда, 20-августтан 21ине караган түнү базардан өрт тутанып, таңкы саат 4төн өтүп өчүрүлдү. Базарга коюлган төрт гидрант жалынды жайылтпай өчүрүүгө шарт түзгөн. Өрттүн кесепетинен болжол менен жалпы аянты 2500 чарчы метрди түзгөн соода түйүндөрү жана күндөлүк тиричиликке керектүү товарлар күйүп кеткен. Каза болгондор жана жабыркагандар жок. Өрттүн себептери аныкталууда. (КЕ) Дагы окуңуз: Сот Алмазбек Атамбаевдин кармалышын мыйзамдуу деп тапты