Новости за 13.08.2019

Ички иштер министрлиги (ИИМ) министрдин орун басары Курсан Асановдун кызматтан бошотулушунун себептери тууралуу кененирээк түшүндүрмө таратты.  Билдирүүдө айтылгандарга караганда, Кой-Таштагы окуялардын жүрүшүндө мурдагы президент жана анын тарапташтары менен ички иштер министри Кашкар Жунушалиев эки жолу сүйлөшүүнү жүргүзгөн, анда Алмазбек Атамбаевдин кан төгүлбөстөн колго түшүп бериши керек экендиги жана бардык маселелер укук талаасында чечиле тургандыгы баса белгиленген. Атамбаев сүйлөшүүнүн шарттарына макул болбой... Читать дальше...

Мелдешке 25 өлкөдөн келген 80ден ашуун спортчу катышты.

Жарышка Россиянын, Кыргызстандын жана Казакстандын 120дай спортчусу катышкан.

Президент Сооронбай Жээнбеков 2019-жылдын 27-июнунда Жогорку Кеңеш тарабынан кабыл алынган Кыргыз Республикасынын мыйзамдар топтомуна кол койду. Бул тууралуу президенттик аппарат кабарлады. Кабыл алынган мыйзамдар Кыргызстандын шайлоо мыйзамдарын өркүндөтүүгө багытталган жана бир нече мыйзам актыларына өзгөртүүлөрдү киргизүүнү карайт. Алардын ичинде президентти, парламентти шайлоо, референдум жөнүндө, жергиликтүү кеңештердин депутаттарын шайлоо, жергиликтүү өз алдынча башкаруу, жергиликтүү кеңештердин депутаттарынын статусу... Читать дальше...

Башкы прокуратура мурдагы президент Алмазбек Атамбаевге карата Кылмыш кодексинин “Адам өлтүрүү”, “Куралды мыйзамсыз жүгүртүү”, “Массалык башаламандыктарык уюштуруу” сыяктуу бир нече оор беренелери менен кылмыш ишин ачты. Улуттук коопсуздук боюнча мамлекеттик комитет Атамбаев төңкөрүш жасоо үчүн кан төгүүгө даярданган деп тыянак чыгарууда. Ушул жана башка маалыматтарды Башкы прокуратуранын, Коопсуздук комитетинин жана Ички иштер министрлеринин жетекчилери 7-8-августтагы Кой-Таштагы окуялар боюнча уюштурган басма сөз жыйыны аркылуу таратышты. Читать дальше...

«Апрель» телеканалынын директору Дмитрий Ложников Улуттук коопсуздук боюнча мамлекеттик комитетке (УКМК) маектешүүгө чакырылды. Бул тууралуу ал өзү телеканалдын сайтында жарыялады. Андагы тасмада Ложников атайын кызматтын имаратынын алдында туруп, сүйлөп жатканы көрсөтүлгөн. - Мага УКМКнын кызматкери чалып маектешүүгө келип кетүүмдү сунуш кылышты. Чакыруу кагазы келген жок. Мага "бул сурак" деп айтышкан жок. Баарлашуу гана экен. Алар мага окуянын чордонунда жүргөнүмдү, ошондуктан көргөн-билгенимди айтып беришим керек экенин билдиришти. Читать дальше...

«Милициянын кызыкчылыгын саткан» деп кызматтан алынган ички иштер министринин (ИИМ) мурдагы орун басары Курсан Асанов ИИМдин ички иликтөө кызматынын ага карата чечими боюнча «Азаттыкка» кыскача комментарий берди. - Буюрса баары жакшы болот. Мен колумдан келгенди кылдым. Мага эч кандай айып коюлган жок. Башка комментарий бере албайм. Мен эч нерсе менен таанышкан жокмун, - деди Асанов. Бүгүн, 13-августта премьер-министр Мухаммедкалый Абылгазиев Асановду кызматтан алуу боюнча буйрукка кол койгон. Читать дальше...

Казакстандын Алматы облусунда 13-августта эртең менен Алматы-Бишкек кан жолунун 84-чакырымында авария болду.  Облустук полициянын маалыматына караганда «Mazda-626» үлгүсүндөгү машине менен «Shacman» үлгүсүндөгү жүк ташыган машине кагылышкан. Натыйжада жеңил машинедеги айдоочу баштаган беш адам ошол жерден мүрт кеткен. Дагы үчөө жаракат алып, Жамбыл районундагы ооруканага жеткирилди. Өлгөн адамдардын үчөө жаш балдар экени маалым болду.  Жол кырсыгына кабылгандардын тек-жайы тууралуу маалымат бериле элек. Читать дальше...

Ички иштер министринин орун басары Курсан Асанов кызматынан бошотулду. Ал мурдагы президент Алмазбек Атамбаевди кармоо операциясы учурунда милициянын кызыкчылыгын саткан деген кинеге кабылууда.

Памирбек Асанов ички иштер министринин (ИИМ) орун басары болуп дайындалды. Тиешелүү буйрукка премьер-министр Мухаммедкалый Абылгазиев бүгүн, 13-августта кол койгонун ИИМдин басма сөз кызматы билдирди. 7-8-августта Кой-Ташта мурдагы президент Алмазбек Атамбаевди кармоо операцияларына катышкан ИИМдин мурдагы орун басары Курсан Асанов «милициянын кызыкчылыгын саткан жана ага карата ишенимдин жок болгондугу аныкталды» деп кызматынан бошотулду. Мындай чечимди Ички иштер министрлигинин ички иликтөөлөр кызматы чыгарып... Читать дальше...

Түркиядагы кыргыз жарандарынын консулдук төлөмдөрдү азайтууга байланыштуу суроо-талаптары социалдык тармактарда кызуу талкууланып жатат. Алар жаңы паспорт жана балага туулгандыгы тууралуу күбөлүк үчүн төлөнчү акы көп дешет.

Баткен облусунун прокурору Анарбай Мамажакыповдун өлүмү үчүн айыпталып жаткан Мелис Калыков 9-августтан бери ачкачылык кармап жатат.

Миннесота университетинин профессору Перс булуңундагы мамлекеттер аймактагы өз кызыкчылыктарын коргоо үчүн өз күчтөрүн жана коргоо уюмдарын түзүүсү керек деп "Fars News" агенттигине берген маегинде билдирди.

Мурдагы президент Алмазбек Атамбаевге Кой-Таштагы окуялар боюнча адам өлтүрүү баштаган бир нече айып тагылды. Ал эми мурдагы президенттин жакындары соңку кырдаалды бийликтин чагымы деп баалады. Ал ортодо Кой-Таштагы абал боюнча бир нече адам суракка чакырылууда. Кыргызстандагы окуялар мындан ары кандай өнүгөт жана кандай тобокелчиликтер бар? Бул суроону “Эксперттер талдайт” берүүсүндө талкуулайбыз. Талкууга Жогорку Кеңештин депутаты Рыскелди Момбеков, “Алфа-Антитреррор” уюмунун төрагасы, коопсуздук кызматкери Артур Медетбеков... Читать дальше...

Кыргызстанда Интернет аркылуу таанылган өнөрпоздордун катары калыңдады. Алардын ичинде миллиондогон катталуучуларга ээ болуп, аалам тордон акча таба баштагандар да бар.

Премьер-министр Мухаммедкалый Абылгазиевдин буйругу менен ички иштер министринин (ИИМ) орун басары Курсан Асанов кызматынан бошотулду. Бул тууралуу ИИМдин басма сөз кызматы кабарлады. Маалыматта «Ички иштер министрлигинин ички иликтөөлөр кызматы 7-8-августтагы окуялардын жүрүшүндө массалык башаламандыктын алдын алууда, коомдук коопсуздукту сактоодо, Алмазбек Атамбаевди кармап алып келүүгө багытталган иш-чаралардын жүрүшүндө ички иштер министринин орун басары Курсан Асановдун ишмердүүлүгү боюнча кызматтык иликтөө жүргүзүлдү» деп айтылат. Читать дальше...

Улуттук коопсуздук боюнча мамлекеттик комитеттин (УКМК) мурдагы төрагасы Абдил Сегизбаев бүгүн, 13-августта Ички иштер министрлигине (ИИМ) сурак берип чыкты. Ал 7-8-август күндөрү Кой-Таш айылында болгон окуялар боюнча суракка алынганын, тергөөнүн ага карата дагы суроолору болсо келип көрсөтмө берүүгө даяр экенин айтты. Сегизбаев Кой-Таштагы окуяларга байланыштуу 11-августта суракка чакырылган. Ал 7-августта мурдагы президент Алмазбек Атамбаевди кармоо боюнча УКМКнын биринчи операциясы учурунда бутунан жаракат алганын билдирип келет. Читать дальше...

Белгиянын Федералдык прокуратурасы Салех Абдесаламга 2016-жылы Брюсселдеги аэропорттогу жана метронун станциясындагы куралдуу кол салуу боюнча айып койду. Бул кандуу окуяларда 32 адам өлүп, дагы 340 киши жарадар болгон. Кол салуу үчүн жоопкерчиликти «Ислам мамлекети» террордук уюму алган. Буга чейин Салех Абдесаламга Франциянын Париж шаарындагы 2015-жылы ноябрдагы террордук чабуулдарга байланыштуу айып коюлган. Анда 130 адам өлүп, ондогон киши жабыркаган. Ушул жылдын апрель айында Белгияда сот... Читать дальше...

Казакстандын Караганда облусунда жайгашкан Жайрем тоо-кен байытуучу комбинатындагы 12-августтагы мушташ боюнча тергеп-иликтөө башталды. Жергиликтүү бийлик билдиргендей, чатакта бир топ чет өлкөлүк жумушчулар жеңил жараат алды. Караганданын полициясы учурда жагдай көзөмөлдө экенин билдирди, бирок жаңжалдын себеби тууралуу маалымат берген жок. «Азаттыктын» казак кызматына атын атабоону өтүнгөн айрым жеригиликтүү тургундар чыр чет өлкөлүк жумушчунун жылаңач кыз менен түшкөн сүрөтүнө байланыштуу чыгышы мүмкүн экенин айтып беришти. Читать дальше...

Улуттук коопсуздук боюнча мамлекеттик комитеттин (УКМК) 9-башкармалыгынын (мурдагы Мамлекеттик күзөт кызматы) мурдагы президент Алмазбек Атамбаевди кайтарган эки кызматкеринин иш-аракетине юридикалык баа берилет. Бул тууралуу УКМКнын Иликтөө башкармалыгынын орун басары Сагынбек Самидин уулу Бишкекте өткөн басма сөз жыйынында айтты. Ал Атамбаевге бөлүнгөн эки кызматкер мыйзам боюнча мурдагы президентти коргошу керек экенин, бирок Атамбаевди кармоого барган УКМКнын жоокерлеринин буйругуна баш ийүүгө милдеттүү болгонун билдирди. Читать дальше...

Украинанын президенти Владимир Зеленский 13-августта украин жарандыгын жөнөйлөштүрүлгөн жол менен алуу тууралуу жарлыкка кол койду. Президенттин расмий сайтына жарыяланган документке ылайык, мындай жол менен жарандыкты Орусияда «саясий көз караштары үчүн куугунтукталган жарандар» алса болот. Ошондой эле Украинаны коргоого катышкан, анын улуттук коопсуздугун сактоого көмөктөшкөн чет өлкөлүктөргө же жарандыгы жок адамдарга да берилет. Мындан бир канча саат мурун Орусиянын президенти Владимир Путин... Читать дальше...

Орусиянын Росатом мамлекеттик корпорациясынын башчысы өткөн жумадагы Архангелск облусунун Ненокса аскер полигонунда болгон жарылууга карабастан жаңы үлгүдөгү куралдарды сыноо уланарын билдирди.

Тажикстандын Тоолуу Бадахшан автоном облусунда 13-августта Тажикстан менен Кытайдын аскерлеринин жалпы машыгуусу башталды. Расмий Дүйшөмбүнүн билдиргени боюнча, анын максаты террорчулардын чабуулунун биргелешип алдын алуу болуп саналат. Анда танктар жана артиллерия, мотоаткычтар бөлүмү катышып жатат. Тажикстандын Коргоо министрлиги билдиргендей, машыгуу 14-августта аяктайт. Машыгууга Кытай тараптан канча аскер катышып жатканы жана кандай аскердик техника келгени маалымдалган жок. Ушундай соңку жалпы машыгуу 2016-жылдын аягында да өткөн. Читать дальше...

Жогорку Кеңештин депутаты Рыскелди Момбеков «Азаттык» радиосунун «Эксперттер талбайт» телеберүүсүндө мурдагы президент Алмазбек Атамбаевдин айланасындагы кырдаалга Жогорку Кеңеш жол ачып, чагымчылдык кылганын айтты:  - Конституциянын 69-беренесинде «Кыргыз Республикасынын президентинин мөөнөтү бүткөндө экс-президент деген наам берилет» деп жазылып турат. Ал эми наамды Жогорку Кеңеш ала албайт да. Аны сот алат. Бул киши (ред: Ишенбай Кадырбеков) «Атамбаевдин күнөөсү - чагымчылдык кылып тергөөгө барбай койду» деп атат. Читать дальше...

Улуттук коопсуздук боюнча мамлекеттик комитеттин (УКМК) мурдагы төрагасы Абдил Сегизбаев «Алмазбек Атамбаевди кармоо операциясы боюнча УКМКнын кызматкерлеринен маалымат алып турган» деген сөздөрдү четке какты. Ал бүгүн Ички иштер министрлигине суракка кирип баратып журналисттерге берген комментарийинде атайын кызматтын кызматкерлери менен бир жарым жылдан ашык убакыттан бери байланыша элек экенин айтты. - «Сегизбаевдин адамдары» деп атышат. Алар ким? Эгерде Сегизбаевдин адамдары болсо аларды жазаласын да. Читать дальше...