Новости за 31.07.2023

Россия Президенты Владимир Путинның планнарында әлегә Нью-Йоркта БМО Генераль Ассамблеясында катнашу юк. Бу хакта Кремльнең рәсми вәкиле Дмитрий Песковка сылтама белән РИА Новости хәбәр итә.

29 июльдә Көньяк Сахалин шәһәренең Юрий Гагарин исемендәге шәһәр паркында Сахалин сабантуе узды. Милли бәйрәмне Көньяк Сахалин шәһәре татарларының милли-мәдәни автономиясе Сахалин өлкәсе халыклары Ассамблеясы һәм өлкә халык иҗаты үзәге ярдәме белән оештырды, дип хәбәр итә Бөтендөнья татар конгрессы матбугат хезмәте.

Татарстанда игеннәр уңышы буенча лидерлар ачыкланды. Алар Тәтеш, Чүпрәле, Бөгелмә һәм Нурлат районнары. Республика буенча уртача күрсәткеч гектардан 30 центнер тәшкил итә, дип хәбәр итә «Татарстан» ДТРК.

Россия Президенты Владимир Путин Салым кодексына төзәтмәләр кертү турындагы законга имза куйды. Ул, шул исәптән, Россия компанияләрендә чит илләрдән читтән торып эшләүче физик затлар өчен НДФЛның бердәм ставкасын билгеләүне күздә тота. Документ хокукый мәгълүматның рәсми порталында чыкты.

«Башкорт аты» халыкара башкорт токымлы атлар фестивалендә «Иң оста традицион сергетыш ясаучы – ягъни ияр астына җәю өчен тукыма япма ясаучы» конкурсы узачак. Бүгенге көндә оештыру комитетына бәйгедә катнашу өчен 22 гариза килгән, дип хәбәр иттеләр «Башинформ»га Халык иҗаты үзәге матбугат хезмәтендә.

Казанда «Үз телем» татар телен өйрәнү конкурсының сигез җиңүчесе 2 млн сум күләмендәге приз фондын үзара бүлеште. Нәтиҗәләр 26 июльдә ясалды, дип хәбәр итте мэриядә эшлекле дүшәмбедә шәһәр Башкарма комитеты җитәкчесе урынбасары Гүзәл Сәгыйтова.

Фактта баланы туганнан алып өч ел дәвамында караучы әти кешеләргә хатыннарыннан һәм элеккеге хатыннарыннан алимент таләп итү хокукы бирелә. Бүген Россия Президенты Владимир Путин шул хакта тиешле законны имзалады. Бу турыда ТАСС яза.

Соңгы сигез елда Кырым территориясендәге 400гә якын мәчет һәм мәдрәсә реставрацияләнде, дип белдергән Россия - Африка икътисади һәм гуманитар форумында Россия мөселманнары Дини җыены башлыгы Әлбир Крганов. Бу хакта ТАСС хәбәр итә.

29 июль көнне давыл вакытында Югары Осланда яшәүче кешенең югалуы турында мәгълүмат бүген социаль челтәрләрдә чыкты.

Россия Президенты Владимир Путин хәрби комиссариатка җитди сәбәпсез килмәгән өчен штрафны 10-30 мең сумга кадәр арттыру турындагы законны имзалады. Элегрәк аның максималь суммасы 5 мең сум тәшкил иткән. Тиешле документ рәсми хокукый мәгълүмат интернет-порталында чыкты.

Халыкара «Сәләт» яшьләр уку-укыту форумының Биләр аланында мәгълүмати технологияләргә багышланган Биләр Форум башланды. Сменаның беренче көнендә презентацияләр барышында хәзер популярлык казанган нейросеть кулланылды. Бу турыда «Татар-информ»га «Сәләт» форумыннан хәбәр итәләр.

Казанда 12 августта өченче тапкыр «Итил» Идел буе халыкларының яңа этник мәдәнияте фестивале була. Чара Горький исемендәге паркның яшел киңлегендә узачак, дип хәбәр итте эшлекле дүшәмбедә шәһәр Башкарма комитеты җитәкчесе урынбасары Гүзәл Сәгыйтова.

Башкортстанда махсус хәрби операция зонасында бурычларын үтәү өчен хәрби хезмәткә үз ирекләре белән алынучылардан торган тагын бер батальон оештырылачак. Бу хакта оператив киңәшмәдә Башкортстан Башлыгы Радий Хәбиров җиткерде, дип хәбәр итә «Башинформ».

Марий Эл төбәгендә давыл вакытында һәлак булучыларның гаиләләренә 1 миллион сум, зыян күрүчеләргә 50 меңнән 500 мең сумга кадәр акча түләячәкләр, дип хәбәр иткәннәр «РИА Новости»га төбәк башлыгының матбугат хезмәтендә.

Бүген Интернет киңлекләрендә «СалаваTik»ларның «Ай, былбылым» дип исемләнгән татар халык җырына яңа видео чыкты. Клип турында «Салават күпере» һәм «Сабантуй» журналларының баш мөхәррире Зилә Фәйзуллина «Татар-информ»га сөйләде.

Татарстан шефлык итә торган Лисичанск һәм Рубежное шәһәрләре мәктәпләрендәге барлык балалар да мәктәп кирәк-яраклары тутырылган портфельләр алачак. Августның өченче декадасында аларга йөкне «Бердәм Россия»нең Татарстан төбәк бүлекчәсе вәкилләре илтәчәк.

29 июль көнне Чувашия Республикасының Батыр муниципаль округы Шыгырдан авылының «Халыклар дуслыгы» паркында «Шәкертләр бәйрәме» узды. Бөтендөнья татар конгрессы шул турыда хәбәр итә.

Бүген социаль челтәрләрдә Казанда пенсионер хатын-кызның хәрби комиссариат бинасына ут төртергә җыенуы турында мәгълүмат барлыкка килде.

Якындагы атнада Казанда аномаль эсселек көтелә. Августның беренче декадасында шәһәрдә һава температурасы климат нормасыннан югарырак булачак. Бу хакта Казан федераль университеты профессоры, география фәннәре докторы Юрий Переведенцев хәбәр итте.

Рубль курсының күптән түгел төшүе барыннан да элек сәүдә балансы – Россиягә килгән һәм киткән валюталар агымы белән бәйле. Бу хакта «ТАСС»ка биргән интервьюсында Россия Финанс министрлыгы башлыгы Антон Силуанов сөйләде.

Кузбасста беренче тапкыр үткән «Печән базары» фестивалендә тамашачыларны төбәкнең төрле халыклары һәм милләтләре мәдәниятләре белән таныштырдылар. Бу хакта Бөтендөнья татар конгрессының матбугат хезмәте хәбәр итә.

Татарстанда яшәүче 9 кеше давыл чыгу сәбәпле һәлак булган һәм республиканың 47 кешесе төрле җәрәхәтләр алган. Бу хакта «Татар-информ»га Республика һәлакәтләр медицинасы үзәгендә хәбәр иттеләр.

Яльчик күлендә ял итүчеләрнең автомобилендәге регистраторга төшерелгән видео чыкты. Өч минутлык видеода яңгыр һәм көчле җил башланганы күренә.

Татарстанда коронавирус инфекциясе вакытында мәдәният учреждениеләре өчен кертелгән чикләүләрне һәм ярдәм итү чараларын гамәлдән чыгардылар. Бу хакта төбәк хакимиятенең хокукый мәгълүмат сайтында хәбәр ителә.

Казан мэриясендә эшлекле дүшәмбедә Бердәм дәүләт имтиханын (БДИ) тапшыру буенча иң яхшы мәктәпләрне атадылар. БДИ нәтиҗәләренә Башкарма комитетның Мәгариф идарәсе җитәкчесе Ирек Ризванов йомгак ясады.