Новости за 05.07.2023

Әлмәт районының җиде чыгарылыш укучысы БДИ нәтиҗәләре буенча 100 балл алды. Бу хакта район башкарма комитетының матбугат хезмәте хәбәр итә, дип яза «Әлмәт таңнары» газетасы.

Бүген Түбән Камада узган Торак сәясәте һәм инфраструктура үсеше комитеты белән Икътисад, инвестицияләр һәм эшкуарлык комитеты һәм комитетлар каршындагы Эксперт советларының күчмә уртак утырышында икътисади үсешнең төп драйверлары булган яңа транспорт коридорларын үстерү һәм халыкны транспорт белән тәэмин итү турында сүз барды.

Имтиханнарда 900 дән артык укучы кагыйдәләрне бозган.

Хаҗ кылган Татарстан мөселманнарының беренче төркеме Казанга кайтты. Аларны Габдулла Тукай исемендәге Казан халыкара аэропортында якыннары, дуслары, гаилә әһелләре белән беррәттән, Татарстан мөфтие Камил хәзрәт Сәмигуллин һәм хаҗ операторы вәкилләре каршы алды.

Мәгариф һәм фән өлкәсендә күзәтчелек буенча федераль хезмәт Бердәм дәүләт имтиханын бирүчеләр, аларның ата-аналары һәм укытучыларыннан имтиханда тагын нәрсәне камилләштерергә кирәклеге турында традицион рәвештә тәкъдимнәр җыя башлый.

Бүген көндез Азнакай районы Күк Тәкә авылы янында Ык елгасында ике кеше батып үлгән. «Татар-информ»га бу хакта Россия Гадәттән тыш хәлләр министрлыгының Татарстан буенча баш идарәсе матбугат хезмәте хәбәр итте.

Махсус операциягә кагылышлы мәсьәләләр буенча эшче төркем операциядә үз ирке белән катнашучыларны иминиятләштерү тәртибен алдан ук исәпкә алырга тәкъдим итте. Закон проектын хуплау үтенече белән Россия Премьер-министры Михаил Мишустинга эшче төркем башлыгы, «Бердәм Россия» Генераль советы секретаре Андрей Турчак мөрәҗәгать итте. Аның мөрәҗәгатен махсус операция буенча Татарстандагы эшче төркем координаторы, Татарстан Дәүләт Советының «Мәрхәмәт-Милосердие» хатын-кыз депутатлар берләшмәсе житәкчесе Алсу Нәбиева хуплады. Читать дальше...

Татарстанның Югары Ослан районында йөк машинасы һәлакәткә очраган, дип хәбәр итте «Татар-информ»га авария шаһитлары.

Бүген Социаль сәясәт комитетының һәм комитет каршындагы Экспертлар советының күчмә уртак утырышында авылда яшәүче өлкән яшьтәге халыкны диспансерлаштыруны оештыру һәм сәламәтлек саклауны үстерү мәсьәләләре буенча фикер алыштылар. Утырышта Дәүләт Советы Рәисе урынбасары Юрий Камалтынов һәм РФ Федераль Союз Дәүләт Думасы депутаты Татьяна Ларионова катнашты.

Түбән Новгород өлкәсенең Пильнә районы Сафаҗай (Кызыл Тау) татар авылында 7 июль көнне Хөсәен Фәезханов истәлегенә (1823-1866) мемориал ачу тантанасы була. Бу хакта Россия мөфтиләр шурасы матбугат хезмәте хәбәр итә.

Яшел Үзәндә узган Сабан туенда 4 миллион кисәктән торган чәкчәк пешергәннәр. Казан шәһәре Башкарма комитетының Мәдәният идарәсе башлыгы Азат Абзалов «Татар-информ» агентлыгында узган матбугат конференциясендә шулай дип белдерде.

Татарстанның сәнгать мәктәпләрендә гомуми белем бирү учреждениеләре һәм урта һөнәри белем бирү оешмалары үрнәгендә сыйныф җитәкчеләре өчен өстәмә түләүләр кертергә кирәк. ТР Дәүләт Советы депутаты Людмила Рыбакова Татарстан Дәүләт Советының мәгариф, мәдәният, фән һәм милли мәсьәләләр комитеты күчмә утырышында шундый инициатива белән чыкты.

Казанда өч мәйданчыкта узган Сабан туена 170 меңнән артык кеше килгән. Быел татар халкының милли йолалары, аш-суы, биюләренә һәм мастер-классларга аерым басым ясалган. Казан шәһәре Башкарма комитетының Мәдәният идарәсе башлыгы Азат Абзалов «Татар-информ» агентлыгында узган матбугат конференциясендә шулай дип белдерде.

Татарстан Югары суды табиблар хатасы аркасында үлгән 16 яшьлек кызның әти-әнисенә 4,2 млн сум күләмендә компенсация түләргә кушты. Бу хакта хокук яклаучылар телеграм-каналында хәбәр ителә.

Татарстаннан читтә узган Сабантуйлар арасында Әстерхандагы бәйрәм иң күп кеше килгән Сабан туе булган, аны 60 меңгә якын кеше тамаша кылган. ТР мәдәният министры урынбасары Дамир Натфуллин «Татар-информ» агентлыгында узган матбугат конференциясендә шул хакта хәбәр итте.

Мәскәү биржасы мәгълүматларыннан күренгәнчә, доллар курсы 2022 елның 28 мартыннан бирле беренче тапкыр 91 сумнан югарырак күтәрелде.

Россиядә төрле дәрәҗәдәге сайлауларга 27 сәяси партиянең 19нан кандидатлар тәкъдим ителгән инде, диде Үзәк сайлау комиссиясе башлыгы Элла Памфилова. Ул аларның саны арта гына барачагына ышаныч белдерде. Бу хакта ТАСС хәбәр итә.

Иваново Җәмигъ мәчетендә Корбан бәйрәме уңаеннан балалар арасында Коръән уку бәйгесе узды. Чара кысаларында «Минем тормышымда Коръән» дигән темага викторина һәм шул ук темага рәсемнәр бәйгесе дә үткәрелде. Бу хакта Россия мөселманнары Диния җыены Үзәкләштерелгән дини оешмасының матбугат хезмәте хәбәр итә.

Бу елның 1 сентябреннән Казанда 4 яңа мәктәп файдалануга тапшырылачак. Бу хакта бүген башкала мэриясе матбугат хезмәте хәбәр итте.

Татар язучысы, публицист, җәмәгать эшлеклесе Гаяз Исхакыйның әбисе Мәхфүзә абыстайның туган ягы Чистай районы Мөслим авылында авыл бәйрәме оештырганнар. Кабере янында рухына дога кылганнар.

6 июльдә Татарстан территориясендә коры һәм эссе һава торышы саклана, дип кисәтә ТР Гидрометеоүзәге.

Татарстан Рәисе Рөстәм Миңнеханов Инвестиция декларациясен 2028 елга кадәр озайтты. Карар хокукый мәгълүмат порталында урын алган.

Казанның Ершов урамындагы яңа сәүдә-күңел ачу үзәге төзелә. Аның бер дивары өчен микрорайон төзелеше вакытында сүтелгән Арча казармаларының борынгы кирпечен кулланачаклар.

Сенаторларга чит илдә җитештерелгән телефоннар, шул исәптән айфоннар куллану тыелмый. Федерация Советының регламент комитеты башлыгы Вячеслав Тимченко чәршәмбе көнне бу хакта РИА Новости мәгълүмат агентлыгына хәбәр иткән.

Чиләбе өлкәсе Сабантуе Аргаяш районы Норкино авылында 8 июль көнне була. Бу хакта Чиләбе өлкәсе Халыклар дуслыгы йорты «ВКонтакте» челтәрендәге сәхифәсендә хәбәр итә.