Новости за 13.07.2023

«Әлмәт таңнары» газетасы редакциясе «Иң яхшы почтальон» конкурсы оештырды. Чара 2023 елның 20 апреленнән 30 июньгә кадәр уздырылды. Шартлар буенча «Знамя труда» һәм «Әлмәт таңнары» газеталарына яздырырга кирәк иде, дип яз «Әлмәт таңнары» газетасы.

Татарстанга килүче мигрантларны республика мәдәнияте, анда яшәүче халыкларның традицияләре һәм йолалары белән таныштырырга кирәк. ТР Дәүләт Советы Рәисе Фәрит Мөхәммәтшин республиканың Халыклар дуслыгы йортында узган түгәрәк өстәлдә шулай дип белдерде. Бу хакта республика парламентының матбугат хезмәте хәбәр итә.

Татарстанда уртача хезмәт хакы 56,1 мең сум тәшкил итә. Татарстанстат мәгълүматлары буенча, бу узган елның гыйнвар-апрель айлары белән чагыштырганда 15,6 процентка артыграк. ТР хезмәт, халыкны эш белән тәэмин итү һәм социаль яклау министры Эльмира Зарипова шулай дип белдерде. Бу хакта «РБК» хәбәр итә.

Бәйрәмдә ир-атларның түбәтәйдән, хатын-кызларның яулыктан булулары сорала.

Татарстан Дәүләт Советы каты коммуналь калдыклар белән эш итү өлкәсендәге закон инициативалары хакында көзге сессиядә кабат фикер алышачак. Анда калдыкларны аерым җыю, сыек коммуналь калдыклар белән эш итү һәм аларны утильләштерү турында сөйләшәчәкләр. ТР Дәүләт Советы Рәисе Фәрит Мөхәммәтшин бүген Казанда узган матбугат конференциясендә шулай дип белдерде.

Татарстан Рәисе Рөстәм Миңнеханов Яшел Үзән районында «Утрау» шәһәр яны комплексында булды һәм эшкуарлар җәмәгатьчелеге белән республика территориясендә шәһәр яны ял итү объектларын үстерү турында фикер алышты. Бу турыда Татарстан Рәисенең матбугат хезмәте хәбәр итте.

2023 елда Татарстанга килүче мигрантларның саны артуы теркәлгән. Якын һәм ерак чит ил вәкилләрен төбәкнең үсеш алган икътисады, тормыш дәрәҗәсе, эшкә урнашу перспективалары һәм сыйфатлы белем алу мөмкинлеге җәлеп итә. ТР Дәүләт Советы Рәисе Фәрит Мөхәммәтшин бүген Казанда узган матбугат конференциясендә шулай дип белдерде.

РФ Цифрлы үсеш, элемтә һәм массакүләм коммуникацияләр министрлыгы доклады мәгълүматлары буенча, 2022 елда Россия халыкларының 38 телендә чыккан китапларны русчага тәрҗемә иткәннәр. Бу хакта godliteratury.ru сайты хәбәр итә.

Татарстанда озакка сузылган эсселек һәм корылык аркасында иген уңышына һәм алдагы салкын чорда терлекләр өчен кирәкле азык базасына зыян килергә мөмкин. ТР Дәүләт Советы Рәисе Фәрит Мөхәммәтшин Казанда узган матбугат конференциясендә шуңа игътибар юнәлтте.

Татарстан Республикасы Милли музеенда «Музыкаль пәнҗешәмбе» циклы кысаларында «Риваять» төрки-татар этно-төркеменең сәнгать җитәкчесе Руслан Габитов концерт куйды.

Татарстан Парламенты илдә иң ачыгы дип табылды, монда шул исәптән республика гаммәви мәгълүмат чараларының да өлеше зур. Бүген ТР Дәүләт Советы Рәисе Фәрит Мөхәммәтшин Казанда узган матбугат конференциясендә шулай дип белдерде.

Алтынчы чакырылыш Татарстан Дәүләт Советының кырык бишенче утырышында Татарстан Республикасы Рәисе Рөстәм Миңнеханов катнашты. Утырышны Дәүләт Советы Рәисе Фәрит Мөхәммәтшин үткәрде. Көн тәртибенә барлыгы 37 мәсьәлә куелды. Бу турыда Татарстан Рәисенең матбугат хезмәте хәбәр итте.

Бүген Чаллыда журналистларга контракт буенча хезмәт итү мәсьәләләре буенча 117 номерлы кайнар линиянең контакт-үзәге эше турында сөйләделәр. Бу телефон номерына кемнәр еш шалтырата, армиягә алынасы кандидатлар өчен нинди критерийлар билгеләнгән һәм үзәк хезмәте белән чит ил кешеләре кызыксынуы турында «Татар-информ» репортажында.

Татарстан Дәүләт Советы Рәисе Фәрит Мөхәммәтшин алга таба республика парламенты башлыгы вазифасына үзен күрсәтәчәкме-юкмы икәнлеге турында әйтте. Бу хакта ул матбугат конференциясендә ул сөйләде.

Татарстанда база әзерлеге режимы гамәлдә булган вакытта пилотсыз очу аппаратларын файдаланган өчен штраф керттеләр. Депутатлар алтынчы чакырылыш Дәүләт Советының 45нче утырышында ТР Административ хокук бозулар кодексына шул хактагы үзгәрешләрне бертавыштан хуплады.

Россия Хөкүмәте күп балалы гаиләләр өчен ипотека кредитлары буенча түләүләрне компенсацияләүгә өстәмә рәвештә 15 миллиард сум акча бүлеп бирәчәк. РФ Премьер-министры Михаил Мишустин шул хактагы боерыкны имзалаган.

Татарстан Дәүләт Советында язгы сессия ябылды. 17 июльдә депутатлар парламент каникулларына китә. Чираттагы утырышка алар сентябрьдә җыелачак. ТР Дәүләт Советы Рәисе Фәрит Мөхәммәтшин парламентның 45нче утырышында шулай дип белдерде.

Татарстанда, Идел елгасы буенда кунакханә төзергә ниятлиләр, очкыч корпусы аның нигезе булачак. Urman Camp глэмпингы милектәше Илнар Хәмидуллин ТР Рәисе Рөстәм Миңнехановка шундый планнары булуы хакында сөйләде.

Алдагы көннәрдә Татарстанда температураның бераз күтәрелүе көтелә. Көндез термометрның терекөмеш баганасы +24..+26 градуска кадәр күтәрелергә мөмкин, дип хәбәр итә ТР Гидрометеорология һәм әйләнә-тирә мохитне күзәтү идарәсе.

ТР Дәүләт Советы ике төбәкнең чикләрен билгеләү турында Татарстан һәм Киров өлкәсе арасындагы килешүне раслады. Әлеге карар алтынчы чакырылыш республика парламентының 45нче утырышында кабул ителде.

М12 Мәскәү – Казан трассасында Идел елгасы аша салынган күпернең җәяүлеләр өчен каралган өлеше августта ачыла. Республика транспорт һәм юл хуҗалыгы министры Фәрит Хәнифов алтынчы чакырылыш ТР Дәүләт Советының 45нче утырышында шулай дип белдерде.

Казанның «Иске Таш» мәчете мәхәлләсенә Меховщиклар урамында җир кишәрлеге бирелде. Территориянең мәйданы 2152 квадрат метр тәшкил итә, диелә Башкарма комитетның документлар һәм хокукый актлар җыентыгында.

Депутатлар парламентның 45нче утырышында Татарстанда такси эшен җайга сала торган закон проектын кабул итте. Бу таксида йөрү бәясе артуга сизелерлек йогынты ясарга тиеш түгел, дип белдерде ТР Дәүләт Советы Рәисе Фәрит Мөхәммәтшин.

Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллегендә 17 июль көнне 16:00 сәгатьтә «Шәһәрләр һәм язмышлар. Минем Россия» күргәзмәсе ачыла. Вәкиллек шул турыда хәбәр итә.

Татарстанда махсус хәрби операциядә катнашучыларның балалары торак алганда өстенлеккә ия булачак. Татарстан Республикасы Дәүләт Советының 45 нче утырышында депутатлар шундый закон проекты кабул итте.