Новости за 21.07.2023

Түбән Камада шәһәр мэры Рамил Муллин йөкләмәсе буенча Перинаталь үзәкле балалар шәһәр хастаханәсе базасында беренче конфликт үзәге барлыкка киләчәк. Бу хакта Түбән Кама муниципальрайоны рәсми сайтында хәбәр ителә.

Ял көннәрендә Татарстанда яшәүчеләрне яңгыр һәм секундына 15-20 метрга кадәр көчле җил көтә.

Татарстанда такси эшенең яңа кагыйдәләре расланды. Аерым алганда, хәзер пассажирларны йөртүчеләр эшкә рөхсәт алырга тиеш. Аны вәкаләтле орган бирә. «Татарстан Республикасында җиңел таксиларда пассажирлар йөртүне һәм багаж ташуны оештыру турында»гы законга Татарстан Рәисе Рөстәм Миңнеханов имза куйды.

Болгарда “Яңарыш: Эпосның заманча укылышы” фестивале кысаларында уздырылучы иҗади лаборатория бара.

Татарстан Республикасы Лисичанскида дүрт мәктәпне төзекләндерәчәк. Билгеләп үтелгәнчә, мәктәпләрнең берсендә эшләр башланган инде. Шулай итеп, объектта җылыту системасын һәм инженерлык челтәрләрен алыштырачаклар, түбәне һәм металл пластик конструкцияләрне ремонтлыйлар, шул исәптән ашханә һәм актлар залында эчке эшләр үткәреләчәк.

«Татар сүзе» нәфис сүз конкурсын оештыручылар катнашырга теләүчеләрдән гаризалар кабул итә башлады. Бәйгенең премиаль фонды 1,5 млн сум тәшкил итә,

Казанда 18 июльдә югалган 13 яшьлек яшүсмер кызны тапканнар. Бу хакта «Татар-информ»га хокук саклау органнарында хәбәр иттеләр.

Татарстан ел саен республика предприятиеләре өчен 10 мең квалификацияле кадр әзерләү бурычын куя. Республика Рәисе Рөстәм Миңнеханов бүген Алабуга районында «Алабуга» махсус икътисади зонасында булды, шулай ук аның Күзәтчелек советы утырышын уздырды. Бу хакта республика җитәкчесенең матбугат хезмәте хәбәр итә.

Казанда шахматчы Рәшит Нәҗметдиновка һәйкәл куярга җыеналар. Бу хакта «Интервью без галстука» программасында Республика шахмат, шашка һәм го спорт мәктәбе директоры Рөстәм Гарифуллин сөйләде.

Казан федераль университетының Филология һәм мәдәниятара багланышлар институтында бакалавриатның «Нәшрият эше. Мәгълүмат мохитенең дизайны» дигән яңа программасына абитуриентлар җыялар. Бу хакта университетның матбугат хезмәте хәбәр итә.

Бүген Дәүләт Думасы депутатлары беренче укылышта эчке эшләр органнары, Җәзаларны үтәтү федераль хезмәте, Суд приставлары федераль хезмәте, Гадәттән тыш хәлләр министрлыгы һәм Россия Таможня федераль хезмәте хезмәткәрләре контракт, мобилизация буенча яки ирекле берләшмәдә хәрби хезмәттә һәлак булган очракта гаилә әгъзаларына һәм ата-аналарына торак сатып алу яки төзү өчен бервакытлы социаль түләүләр турында закон проектын кабул иттеләр. Бу хактагы мәгълүмат Россия закон эшчәнлеген тәэмин итү системасында чыкты. Читать дальше...

Яңа уңышны беренче булып «Казанка» агрофирмасы тапшырды.

Мәскәүдә армия генералы Мәхмүт Гәрәевне (1923-2019) искә алу чараларына әзерләнәләр. Бу хакта Татарстанның Россиядәге Тулы вәкаләтле вәкиллегенең матбугат хезмәте хәбәр итә.

Татарстанда 10-17 июльдә бензинның барлык маркаларына һәм дизель ягулыгына бәяләр артты. Бу хакта Татарстанстат хәбәр итә.

19 июльдә Горький паркында казанлылар рус мәдәнияте белән таныштылар. «Тормыш агачы» проектының чираттагы бәйрәмендә барлык яшьтәге шәһәрлеләр өчен дә активлыклар оештырылды. Алар өчен күргәзмәләр, мастер-класслар, такмак баттлы, халык биюләре һәм уеннар буенча дәресләр үткәрелде.

Татарстан Рәисе Рөстәм Миңнеханов Россия Премьер-лигасы алдыннан «Рубин» командасы һәм җитәкчелеге алдында чыгыш ясады. Ул республика җитәкчелегенең, уен нәтиҗәләренә карамастан, һәрвакыт командага ярдәм итәчәген билгеләп үтте.

Төмән өлкәсе Тубыл районының аш-су осталары зур кулинария вакыйгасына әзерләнә. Иртәгә, 22 июльдә, Прииртышский бистәсендә алар «Себер бавырсагы» гастрономия фестивалендә үз осталыкларын күрсәтәчәк.

Бүген Казан янындагы юлда «Лада Калина» автомобиле белән FAW йөк машинасы бәрелешкән, бер кеше үлгән. Бу хакта «Татар-информ»га Татарстан Дәүләт автоинспекциясендә хәбәр иттеләр.

Ташкентның татар мәдәни үзәгенең Аксакаллар шурасы рәисе Рим Гыйниятуллин Татарстан Республикасы Рәисе Рөстәм Миңнехановка Үзбәкстандагы татарлар турында сөйләде.

Татарстан Рәисе Рөстәм Миңнеханов Россия премьер-лигасы чемпионаты алдыннан Казанның «Рубин» клубы футболчылары белән очрашты. Ул телеграм-каналында уенчылар белән төшкән фотоны күрсәтте.

2023 елның 23 июлендә Болгар музей-тыюлыгы территориясендә ачык һавада «Кара пулат» («Черная палата») операсы күрсәтеләчәк. Опера театр сәхнәсенең гадәти декорацияләрендә түгел, ә Кара палата фонында – ЮНЕСКО Бөтендөнья мирасы объекты – XIV гасыр Болгар тарих-археология комплексының Алтын Урда сәнгатенең уникаль ядкәре фонында узачак. Бу хакта ТР Мәдәният министрлыгы матбугат хезмәте хәбәр итә.

Бүгенге көндә Курган өлкәсенең янгын булган Йолдыз авылында татар эшмәкәрләре һәм иганәчеләр ярдәме белән 10 йорт төзелә. Бу хакта Бөтендөнья татар конгрессы матбугат хезмәте хәбәр итә.

Татарстан Рәисе Рөстәм Миңнеханов һәм ТР Дәүләт Киңәшчесе Минтимер Шәймиев республика халкын һәм кунакларны Казанда Изге Ана иконасы табылуның 444 еллыгы белән котлады. Бәйрәм уңаеннан алар икона табылган урында төзелгән Казан Изге Ана иконасы чиркәвендә булды.

Россиядә өлешчә мобилизациянең яңа дулкыны илнең оборона предприятиеләрендә җитештерү киңәйтелгән очракта гына игълан ителергә мөмкин. Дәүләт Думасының Саклану комитеты әгъзасы Андрей Гурулев шулай дип белдерде. Бу хакта Ura.ru басмасы хәбәр итә.

Дәүләт Думасы РФ Хөкүмәте тәкъдим иткән, зур компанияләр өчен өстәмә табышка салым билгели торган закон проектын өченче укылышта кабул итте. Бу хакта Федераль Җыенның түбән палатасы матбугат хезмәте хәбәр итә.