Новости за 18.02.2020

(Казан, 18 февраль, «Татар-информ», Гөлнара Әүхәдиева). Хөкем ителгәнлек булу яки булмау турында белешмәләрне хәзер Татарстанда полиция бүлекләрендә бирмиләр. Бу хакта «Татар-информ»га матбугат конференциясендә ТР буенча Эчке эшләр министрлыгының мәгълүмат үзәге башлыгы урынбасары эчке хезмәт полковнигы Дмитрий Гаделшин хәбәр итте.

(Казан, 18 февраль, «Татар-информ», Гөлнар Гарифуллина). «Яңа гасыр» телерадикомпаниясендә, «Татарлар» тапшыруы кысаларында, татарларның килеп чыгышына, язмышына багышланган әңгәмәләр сериясе башланды. Бүген беренче тапшыруга тарих фәннәре докторы, этнолог Дамир Исхаков, тарих фәннәре докторы Фәйзелхак Ислаев, сәясәт белгече Руслан Айсин килгән иде. Тапшыруны Илдар Кыямов алып барды.

(Яшел Үзән, 18 февраль, «Татар-информ», Надежда Гордеева). Татарстан Премьер-министры Алексей Песошин Яшел Үзән районы җитәкчелегенең игътибарын республиканың берләштерелгән бюджетына салым бурычларын киметү буенча эшне оештыруга юнәлтте. Бүген бу хакта Татарстан Республикасы Хөкүмәте башлыгы Яшел Үзән шәһәре һәм район Советларының уртак утырышында хәбәр итте.

(Казан, 18 февраль, «Татар-информ»). Саба районы Явлаштау авылы мәчетенә 95 ел тулды. Ул районда бердәнбер манарасы киселми калган иман йорты. Республикабызның «Мәдәни мираслар» исемлегенә кертелгән тарихи ядкарь булып исәпләнә. Бу хакта Бөтендөнья татар конгрессы хәбәр итә.

(Яшел Үзән, 18 февраль, «Татар-информ», Надежда Гордеева). Татарстан Президенты Рөстәм Миңнеханов Яшел Үзән Балалар сәнгать мәктәбен, шулай ук А.М.Горький исемендәге Мәдәният һәм халык иҗаты үзәген ремонтлау өчен акча бүлеп бирәчәк. Бүген ТР Премьер-министры Алексей Песошин Яшел Үзән шәһәре һәм район советларының берләштерелгән утырышында шул хакта хәбәр итте.

(Казан, 18 февраль, «Татар-информ»). Татарстан Президенты Рөстәм Миңнеханов ТР Хөкүмәте йортында Финляндиянең Kaukointernational компаниясе вәкилләре белән очрашты. Республика кунаклары очрашуда Казандагы ләмле кырларны рекультивацияләү буенча үз тәкъдимнәрен җиткерде. Бу хакта ТР Президентының матбугат хезмәте хәбәр итә.

(Казан, 18 февраль, «Татар-информ»). Казан автобуслары пассажирлары, кондукторлар эшеннән зарланган өчен, 43нче маршрутта ун тапкыр бушлай йөри алачак. ТР Автотранспорт предприятиеләре ассоциациясе рәисе Сергей Темляков «Татар-информ» агентлыгына шул хакта хәбәр итте.

(Казан, 18 февраль, "Татар-информ"). Төмән өлкәсендә «ТатЛеди» клубы ачылган. Бу хакта Бөтендөнья татар конгрессының матбугат хезмәте хәбәр итә.

(Казан, 18 февраль, «Татар-информ», Гөлнара Әүһәдиева). Татарстанлылардан ЮХИДИгә мөрәҗәгатьләрнең һәр өченчесе дәүләт хезмәтләре порталы аша килә. Россия Эчке эшләр министрлыгы Казан шәһәре буенча идарәсенең ЮХИДИ бүлеге башлыгы урынбасары, полиция подполковнигы Рөстәм Гәрәев матбугат конференциясендә «Татар-информ» агентлыгына шул хакта хәбәр итте.

(Казан, 18 февраль, «Татар-информ»). 21 февральдә Фатих Әмирхан проспектындагы «Пассажирлар таләбе буенча» тукталыш пункты «Россия Федерациясе Герое Алексей Козин урамы» дип үзгәртеләчәк. Бу хакта Казан мэриясенең матбугат хезмәте хәбәр итә.

(Яшел Үзән, 18 февраль, «Татар-информ», Надежда Гордеева). Бүген Татарстан Премьер-министры Алексей Песошин Яшел Үзәндә шәһәр судының яңа бинасын ачты. Бинага капиталь ремонт үткәрү өчен федераль казнадан 169 миллион сум акча сарыф ителгән.

(Казан, 18 февраль, «Татар-информ»). Кичә Татарстан Республикасының Санкт-Петербург шәһәре һәм Ленинград өлкәсендәге Даими вәкиле Ренат Вәлиуллин Татарстан һәм Санкт-Петербургның танылган рәссамнары белән очрашты. Бу хакта Татарстан Республикасының Санкт-Петербург шәһәре һәм Ленинград өлкәсендәге Даими вәкиллегенең матбугат хезмәте хәбәр итә.

(Казан, 18 февраль, «Татар-информ», Полина Шевчук). Татарстанда 16 яшьлек үсмернең юл һәлакәтендә гомере өзелгән, ике пассажир төрле тән җәрәхәтләре алган. Бу хакта «Татар-информ» агентлыгына республика Дәүләт автоинспекциясеннән хәбәр иттеләр.

(Казан, 18 февраль, «Татар-информ»). Үзбәкстан Республикасы Президенты каршындагы Гражданлык җәмгыятен үстерү буенча консультатив совет «Бохара мирасы» фәнни-тикшеренү үзәге директоры, танылган музей белгече, тарих фәннәре докторы Роберт Әлмиевне «Гражданлык җәмгыятен үстерүгә керткән өлеше өчен» күкрәк билгесе белән бүләкләде. Бу хакта Татарстан Республикасының Үзбәкстан Республикасындагы Даими вәкиллеге матбугат хезмәте хәбәр итә.

(Казан, 18 февраль, «Татар-информ»). Яшел чәйне даими рәвештә куллану һәм сөт бизендә яман шеш барлыкка килү куркынычының кимүе арасында бәйлелек булу турында мәгълүмат расланган. Кытай тикшеренүчеләре шундый нәтиҗәгә килгән. Бу хакта РИА Новости агентлыгы International Journal of Food Sciences and Nutrition журналында чыккан мәкаләгә сылтама белән хәбәр итә.

(Казан, 18 февраль, «Татар-информ»). Кытайның Ухань шәһәрендә «Учан» госпиталенең баш табибы Лю Чжимин коронавирус авыруыннан үлгән. Бу хакта Китайның үзәк телевидениесе хәбәр итте, дип яза «РИА Новости».

(Казан, 18 февраль, «Татар-информ»). Татарстан Мәдәният министрлыгы 2020 елда шәһәрләрдә татар һәм рус мәдәни-ял мохите булдыру өчен грантка дәгъва кылучылардан гаризалар кабул итә башлады. Бу хакта ведомствоның матбугат хезмәте хәбәр итә.

(Казан, 18 февраль, "Татар-информ"). Бүген Татарстан Республикасы Президенты Рөстәм Миңнеханов Россия Федерациясе Тикшерү комитетының Татарстан Республикасы буенча Тикшерү идарәсенең яңа җитәкчесе Валерий Липский белән очрашты. Бу турыда Татарстан Президенты матбугат хезмәте хәбәр итте.

(Казан, 18 февраль, «Татар-информ», Полина Шевчук). Екатеринбургтан килә торган самолет, көчле җил булу аркасында, Казан аэропортына төшә алмаган. Бу хакта Е1 басмасы хәбәр итә.

(Казан, 18 февраль, «Татар-информ»). Россиядә бурычлы кешегә торак-коммуналь хезмәтләрен күрсәтүне туктатуны тыярга мөмкиннәр. Россия Дәүләт думасы Торак кодексының 157 маддәсенә тиешле төзәтмәләр кертәчәк. Бу хакта «Известия» хәбәр итә.

(Казан, 18 февраль, «Татар-информ», «Шәһри Казан», Рәсимә Галиева). Түләү мәсьәләсенә килгәндә, 17 меңнән 20 мең сумга кадәр хезмәт хакы алалар.

(Казан, 18 февраль, «Татар-информ»). Бүген Татарстан Президенты Рөстәм Миңнеханов берничә эшлекле очрашу үткәрергә, шулай ук «Э-моция» инклюзив театр студиясе спектаклен тамаша кылырга ниятли. Бу хакта Татарстан Президентының матбугат хезмәтеннән хәбәр иттеләр.

(Казан, 18 февраль, "Татар-информ"). Көндезге һәм төнге температура тирбәлгән чорда бозга чыгу бик куркыныч. Әмма күп кенә кешеләр саклык чараларын санга сукмый һәм уалучан бозга чыга, шуның белән гомерләрен куркыныч астына куя. Татарстан буенча Гадәттән тыш хәлләр министрлыгы республика халкын иминлек кагыйдәләрен истә тотарга чакыра. Бу хакта ведомствоның сайтында хәбәр ителә.

(Сарман, 18 февраль, «Татар-информ», «Сарман»). «Сарман икмәге» җәмгыяте продукциясендә «ТАССРга 100 ел» дигән мәгълүмат билгесе урнаштырылачак. Район башлыгы Фәрит Хөснуллин ширкәт директоры Рөстәм Нуруллинга юбилей билгесен легаль файдалану турында сертификат һәм «ТАССР төзелүгә 100 ел» истәлек билгесен тапшырды. Бу хакта «Сарман» газетасы яза.

(Казан, 18 февраль, "Татар-информ"). Россия Язучылар берлеге "Башта сүз булган" әдәби бәйгесе игълан итте. Премиягә яшь шагыйрьләр һәм прозаиклар – Россия Федерациясе һәм башка ил гражданнары, рус телендә нәфис әсәрләр иҗат итүче 45 яшькә кадәрге кешеләр дәгъва итә ала. Бу турыда Татарстан Мәдәният министрлыгы матбугат хезмәте хәбәр итте.