Новости за 15.02.2020

(Зәй, 15 февраль, «Татар-информ», «Зәй офыклары»). 14 февраль — Халыкара китаплар бүләк итү көнендә Зәй үзәк балалар китапханәсе коррекция мәктәбенең дүртенче сыйныфына китаплар җыелмасы бүләк итте.

(Актаныш, 15 февраль, «Татар-информ», «Актаныш таңнары»). Актанышның Балалар иҗат узәгендә Совет сугышчысы Әфган чиген атлап чыкканга 31 ел тулу уңаеннан «Әфганстан — йөрәк ярам…» дип исемләнгән очрашу кичәсе узды. Бу турыда район басмасы хәбәр итә.

(Азнакай, 15 февраль, «Татар-информ», «Маяк», Резеда Шәрипова). Азнакайда ​​​​​​​«Ворошилов укчысы» призына пневматик мылтыктан ату буенча ярышларда 400дән артык кеше катнашты. Бу турыда район басмасы хәбәр итә.

(Казан, 15 февраль, «Татар-информ», Ләйсән Вәлиева). Бүген Казахстанның Уральск шәһәрендә татар халкының бөек шагыйре Муса Җәлилнең тууына 114 ел уңаеннан, искә алу чарасы үтте. Бу хакта «Татар-информ» хәбәрчесенә Уральск «Татар мәдәни үзәге»нең яшьләр бүлеге җитәкчесе Лилия Кужаева хәбәр итте.

(Казан, 15 февраль, «Татар-информ», Гөлия Хәсбиуллина). Бүген «Ак Барс» хоккей командасы Казанда «Татнефть-Арена» боз сараенда Мәскәү шәһәренең «Спартак» командасын кабул итте. Казан хоккейчылары 4:1 исәбе белән отты.

(Әгерҗе, 15 февраль, «Татар-информ», «Әгерҗе хәбәрләре», Миләүшә Ягъфәрова). Актанышта «Ел хатын-кызы», «Ел ир-аты: хатын-кыз күзлегеннән» республика бәйгесенең зона туры узды. Анда район хатын-кызлары уңышлы чыгыш ясады. Бу турыда район басмасы яза.

(Казан, 15 февраль, «Татар-информ»). Рөстәм Миңнеханов «ВКонтакте», Инстаграм һәм Твиттер социаль челтәрләрендә Муса Җәлилнең 1935 елда язган «Кышкы шигырь» буенча төшерелгән видеоролик урнаштырды.

(Казан, 15 февраль, «Татар-информ», Надежда Гордеева). Бүген Казанда ТР Президенты Рөстәм Миңнеханов «Сугышчан туганлык» Бөтенроссия ветераннар иҗтимагый оешмасы рәисе урынбасары, Ингушетиянең беренче Президенты, Советлар Союзы Герое Руслан Аушевка «Дуслык» орденын тапшырды.

(Казан, 15 февраль, «Татар-информ», Зилә Мөбәрәкшина). Бүген Казан федераль университеты Филология һәм мәдәниятара багланышлар институтының Габдулла Тукай исемендәге Милли мәдәният һәм мәгариф Югары мәктәбе студентлары герой-шагыйрь Муса Җәлил бюстына чәчәк салды. Тантанада әдәбият галиме Нурфия Йосыпова Җәлил җиңүгә каләме белән өлеш кертүен искәртте.

(Казан, 15 февраль, «Татар-информ»). Дәүләт Думасының Милләтләр эшләре буенча комитеты Кырымда мөселман эшкуарлар ассоциациясенең Татарстанда гамәлгә ашырылган тәҗрибәсен кулланырга планлаштыра. Бу хакта Мөселман эшмәкәрләр ассоциациясе башлыгы Айдар Шаһимәрданов белән очрашуда комитет рәисе урынбасары, Кырымда һәм Севастопольдә РФ дәүләт милли сәясәтен тормышка ашыруны законнар белән тәэмин итү буенча комитет рәисе Руслан Бальбек сөйләде.

(Казан, 15 февраль, «Татар-информ», Полина Шевчук). Татарстанда яшәүче биржада акча эшләү теләге белән мошенникларга 320 мең сум акча күчергән. Бу турыда ТР буенча Эчке эшләр министрлыгы матбугат хезмәтендә хәбәр иттеләр.

(Казан, 15 февраль, «Татар-информ», Эвелина Киселёва). Бүген Казанның Җиңү паркында Совет гаскәрләрен Әфганстаннан чыгаруга 31 ел тулу уңаеннан митинг узды. Барлык теләүчеләр Мәңгелек ут янына чәчәкләр салды, ә интернационалист сугышчыларга алар хөрмәтенә торгызылачак һәйкәл макетын күрсәттеләр.

(Казан, 15 февраль, "Татар-информ", Зилә Мөбәрәкшина). Бүген илебез шагыйрьләре арасында Советлар Союзы Герое һәм Ленин премиясе лауреаты исеменә лаек булган бердәнбер каһарман-шагыйрь Муса Җәлил һәйкәленә татар җәмәгатьчелеге чәчәкләр салды. Татарстан Республикасының мәдәният министры урынбасары Ленар Хәкимҗанов тантанада шагыйрьнең хәтере һәйкәлне генә күз алдына китергәндә генә түгел, ә шигырьләре аша да күңелегездә яшәвен теләвен әйтте.

(Казан, 15 февраль, «Татар-информ»). Бүген ТР Хөкүмәте Йортында узган киңәшмәдә Татарстан муниципаль районнарында муниципаль милекне һәм җир кишәрлекләрен арендалау буенча бурычлар мәсьәләсе каралды.

(Казан, 15 февраль, «Татар-Информ»). Уфа шәһәре Милли музеенда 112нче Башкорт кавалерия дивизиясенең беренче командиры, генерал — майор Миңнегали Шәйморатовка багышланган аерым экспозиция ачылачак. Бу хакта БР Милли музее директоры Марат Зөлкәрнәев Мәдәният министрлыгы коллегиясенең киңәйтелгән утырышында әйтте, дип хәбәр итә «Башинформ» мәгълүмат агентлыгы.

(Казан, 15 февраль, «Татар-информ»). Татарстан мәктәпләрендә парламент дәресләре атналыгы тәмамланды. 10 февральдән 15 февральгә кадәр укучылар Дәүләт Советы, РФ Федераль Җыены Дәүләт Думасына Татарстаннан сайланган, җирле үзидарәнең вәкиллекле органнары депутатлары белән очрашты. Алар гражданлык һәм ватанпәрвәрлек мәсьәләләре, республикабыз тарихының мөһим вакыйгалары турында фикер алышты. Бу турыда республика парламенты матбугат хезмәте хәбәр итә.

(Казан, 15 февраль, «Татар-информ»). Татарстан Президенты Рөстәм Миңнеханов Казанда Әфганстан сугышчан хәрәкәтләр ветераннары белән интернационалист сугышчыларга һәйкәл макеты турында сөйләште. Бу хакта «Татар-информ» мәгълүмат агентлыгына ТР Президенты матбугат хезмәте җитәкчесе Лилия Галимова хәбәр итте.

(Казан, 15 февраль, «Татар-информ», Полина Шевчук). Казанда 12нче хастаханә янында «Мазда» автомобиленә ут капкан. Бу хакта һәлакәт урыныннан шаһитлар хәбәр итә.

(Казан, 15 февраль, «Татар-информ», Надежда Гордеева). Бүген Казан Кремлендә Әфганстан хәрби хәрәкәтләр ветераннарын хөрмәтләделәр. Татарстан Президенты Рөстәм Миңнеханов каһарманнарга дәүләт бүләкләре һәм автомобиль ачкычлары тапшырды.

(Казан, 15 февраль, «Татар-информ»). Бүген иртән Татарстан Республикасы Президенты Рөстәм Миңнеханов Казанда Муса Җәлил һәйкәленә чәчәкләр куйды. Бу турыда республика башлыгы матбугат хезмәте хәбәр итә.

(Казан, 15 февраль, «Татар-информ», Эвелина Киселева). Һәлак булган солдатларның ата-аналары Әфганстанда хәрби хәрәкәтләрдә катнашкан интернационалист сугышчыларга куелачак һәйкәлнең макетын бертавыштан хуплады. Бу хакта Совет гаскәрләрен кайнар ноктадан чыгаруның 31 еллыгын бәйрәм итү уңаеннан митингта шундый аналарның берсе Галина Емшанова сөйләде.

(Казан, 15 февраль, «Татар-информ»). 14 февральгә булган мәгълүматлар буенча Татарстанда социаль ипотека, күпфатирлы торак, инвестицион, аз катлы торак төзелеше программалары буенча 387,2 мең кв. м торак файдалануга тапшырылган. Бу хакта бүген ТР Хөкүмәте Йортында узган республика киңәшмәсендә ТР төзелеш, архитектура һәм торак-коммуналь хуҗалык министры Фәрит Хәнифов хәбәр итте.

(Казан, 15 февраль, «Татар-информ», Екатерина Ларионова). 2020 елда пенсия реформасы нәтиҗәсендә 40 мең татарстанлы пенсиягә чыкмаячак. Бу хакта Андрей Кузьминга «Татар-информ» мәгълүмат агентлыгы өчен биргән интервьюсында РФ Пенсия фондының ТР буенча бүлеге идарәчесе Эдуард Вафин сөйләде.

(Казан, 15 февраль, «Татар-информ»). ТР Дәүләт Советы Рәисе Фәрит Мөхәммәтшин массакүләм мәгълүмат чараларында иң күп телгә алынган төбәк парламентлары башлыклары өчлегенә кергән. Гыйнвар медиарейтингын «Медиалогия» компаниясе экспертлары төзегән.

(Казан, 15 февраль, «Татар-информ», Полина Шевчук). Кичә кич Казанда өч җиңел машина бәрелешкән. Бу турыда юл-транспорт һәлакәте урыннан шаһитлар хәбәр итте.