Новости за 02.02.2020

(Алабуга, 2 февраль, «Татар-информ», «Алабуга нуры»). Алабуга мөхтәсибәте шәһәрнең сәүдә үзәкләренең берсендә гадәти булмаган акция үткәрде. Анда Бөтендөнья хиҗаб көнен билгеләп үттеләр. Бу турыда район басмасы хәбәр итә.

(Чүпрәле, 2 февраль, «Татар-информ», «Туган як», Гөлия Фәизова). Чүпрәлеләр Ульяновск шәһәрендә Татар теле һәм мәдәнияте көнендә чыгыш ясадылар. Чараны Засвияжск районы татар милли-мәдәни автономиясе оештырды. Бу турыда район басмасы хәбәр итә.

(Әлмәт, 2 февраль, «Татар-информ»). Әлмәт районында Җиңүнең 75 еллыгын бәйрәм итү кысаларында тагын бер истәлек стенды ачылды. Бу турыда Әлмәт муниципаль районы матбугат хезмәте хәбәр итә.

(Казан, 2 февраль, «Татар-информ»). 5 февральдә Түбән Камада ата-аналары алимент түләмәүче балигъ булмаган балалары булган гаиләләргә хокукый ярдәм күрсәтү өчен кабул итү көне оештырылачак. Бу турыда Түбән Кама муниципаль районы рәсми сайты хәбәр итә.

(Түбән Новгород, 2 февраль, «Татар-информ»). «Россия лидерлары» конкурсында Татарстаннан килгән конкурсантларның күбесе республика үсешенең югары темпын чагылдыра. Мондый фикерне «Татар-информ» корреспонденты белән әңгәмәдә конкурсның Күзәтчелек советы әгъзасы, РФ элеккеге мәдәният министры Михаил Швыдкой белдерде.

(Казан, 2 февраль, «Татар-информ», «Шәһри Казан») Валентина Шишонина — хирург-стоматолог, РСФСРның атказанган табибы, Түбән Каманың мактаулы гражданины, аны сәламәтлек саклау өлкәсенең легендасы дип йөртәләр. 80 яшендә булса да, ул яраткан эшеннән аерылмый.

(Казан, 2 февраль, «Татар-информ»). 2020 елда Татарстан Республикасы «Мәдәният» милли проектын гамәлгә ашыру өчен 137 млн сум алачак. Бу хакта РФ Мәдәният министрлыгы сайтында хәбәр ителә.

(Казан, 2 февраль, «Татар-информ», Зилә Мөбәрәкшина). Бүген Халыклар дуслыгы йортында продюсер, үзешчән композитор Җәүдәт Гыйльманов үзенең 60 яшьлек юбилеен татар һәм мари телләрендә уздырды.

(Казан, 2 февраль, «Татар-информ»). 31 гыйнварда Буа районының Әнәле авылында яшәүче 29 яшьлек ир-ат үз әти-әнисе белән спиртлы эчемлекләр эчкән. Күпмедер вакыттан соң алар арасында бәхәс туа. Шуның нәтиҗәсендә ул әтисен һәм әнисен кыйный. 51 яшьлек ир һәм 49 яшьлек хатын төрле дәрәҗәдәге җәрәхәтләр алган, алар үзәк район хастаханәсенә озатылган. Бу хакта Татарстан буенча Эчке эшләр министрлыгы матбугат үзәгендә хәбәр иттеләр.

(Казан, 2 февраль, «Татар-информ»). 130 россияле, яңа коронавирус кабыну сәбәпле, Хубэй провинциясеннән китәргә әзер. Бу хакта Кытайдагы РФ илчелегенең матбугат атташесы Георгий Егоров хәбәр итте.

(Казан, 2 февраль, «Татар-информ») Калдыкларны термик зарарсызландыру заводы (КТЗЗ) төзүгә каршы чыгыш ясаучы Казан активисты Давыдов үзенә һөҗүм итүләрен әйткән. Тик моңа «Татарстан участковые», «Бабай шалтырата» кебек телеграм-каналлар һәм социаль челтәрләрдән файдаланучылар ышанмый.

(Казан, 2 февраль, «Татар-информ»). Россия Президенты Владимир Путин РФА академигы, «Курчатов институты» милли тикшеренү үзәгенең мактаулы президенты Евгений Велиховны юбилее белән котлады. Телеграмма Кремль сайтында урнаштырылган.

(Казан, 2 февраль , «Татар-информ»). 7 февральдә Сергач районының кунакчыл Кочко-Пожарки авылы мәдәният йортында «Ак калфак» татар хатын-кызлары өлкә оешмасының күчмә утырышы узачак. Бу хакта Түбән Новгород милли-мәдәни берләшмәсе сайтында хәбәр ителә.

(Казан, 2 февраль, «Татар-информ»). Татарстан Гадәттән тыш хәлләр министрлыгы җирле халыкка һава торышы вакытында куркынычсызлык чаралары турында искәртә.

(Казан, 2 февраль, «Татар-информ»). Пермьнең «Чәк-чәк» яшьләр оешмасы Туган тел көненә багышланган «Минем яраткан туган телем» шигырь укучылар конкурсы игълан итә. Бу хакта Бөтендөнья татар конгрессы матбугат хезмәте хәбәр итә.

(Казан, 2 февраль, «Татар-информ»). Россия мөселманнарының Үзәк Диния нәзарәте рәисе Тәлгать Таҗетдин Мәскәү һәм Бөтен Русь Патриархы Кириллның ил Конституциясенә Аллах турында искәртүне кертү инициативасын хуплады. Бу хакта «Эхо Москвы» хәбәр итә.

(Чаллы, 2 февраль , «Татар-информ», Эльвира Мөхәммәтдинова). Чаллы прокуратурасы зыян күргән пенсионер турында җинаять эше буенча гаепләү карарын раслады. Бу хакта күзәтчелек органында хәбәр иттеләр.

(Казан, 2 февраль, «Татар-информ»). Икесеннән өченче февральгә каршы төндә, шулай ук дүшәмбе көнне Татарстанның кайбер районнарында буран көтелә. Бу хакта ТР Гидрометеорология үзәге матбугат хезмәте хәбәр итә.

(Казан, 2 февраль, «Татар-информ»). Коткаручылар базга төшеп киткән Лениногорск кешесен коткарган. Бу хакта ТР буенча Россия Гадәттән тыш хәлләр министрлыгы Баш идарәсе матбугат хезмәтендә хәбәр иттеләр.

(Казан, 2 февраль, «Татар-информ»). Беренче каналда «Сәламәтлек» телепрограммасын алып баручы Елена Малышева Татарстанның Балалар республика клиник хастаханәсе базасында ачылган балалар өчен уникаль липидология үзәге турында сөйләде. Төшерү гыйнвар ахырында узды. Видеосюжет Инстаграмда алып баручы тарафыннан урнаштырылган.

(Казан, 2 февраль, «Татар-информ»). Бүгенге көннән Евросоюзда виза бирү кагыйдәләре үзгәрде. Яңалыклар Европа берлеге илләренә керүне гадиләштерергә һәм миграция кризисын хәл итүгә ярдәм итәргә тиеш. Бу хакта ТАСС хәбәр итә.

(Казан, 2 февраль , «Татар-информ»). Лениногорск буенча Россия эчке эшләр министрлыгының участок полиция хезмәткәрләре элегрәк хөкем ителгән 55 яшьлек Лениногорск кешесенең яшәү урынында 2,4 грамм мәк саламы экстракты табып алганнар. Бу хакта Татарстан буенча Эчке эшләр министрылыгының матбугат хезмәте хәбәр итә.

( 2 февраль, «Татар-информ», «Ватаным Татарстан», Зөһрә Садыкова).

«Бөтен җирдән матурлык эзлим» һәм «һәр туган көнгә сөенеп яшим». Буа районының Яңа Чәчкап авылында гомер итүче газетабызның даими авторы, дусты Хөрия Җиһаншина сүзләре бу.

— Мин җиде балалы гаиләдә үстем. Әти күп итеп мал-туар асрады. Без балачактан ук яздан алып көзгә кадәр энемнәр белән бергә сарык, сыер көтүе көтә торган идек. Шуңа күрә гаиләбездә табигатькә, урман-кырларга башка, үзгә мәхәббәт формалашкан. Хәзер дә җәен иртүк торып... Читать дальше...

(Казан, 2 февраль, «Татар-информ»). Бүген, 2 февральдә, 15:00 сәгатьтә «Московский» мәдәният үзәгендә «Туым Җондозы — 2020» XI Бөтенроссия керәшен этник сәнгате яшьләр фестиваль-конкурсының гала-концерты узачак.

(Казан, 2 февраль , «Татар-информ»). Бөтендөнья сәламәтлек саклау оешмасының Филиппиндагы бүлеге вәкиле билгеләп үткәнчә, Кытайдан читтә коронавирустан беренче үлем очрагы теркәлгән. Бу хакта «Известия» яза.