Новости за 19.01.2017

საქართველოს სახელმწიფო ბალეტი პრემიერისთვის ემზადება. მოცეკვავეები თანამედროვე ფრანგი ქორეოგრაფის მედჰი ვალერსკის ბალეტს Petite Ceremonie შეასრულებენ. რეპეტიციებს სპექტაკლის ავტორიც დაესწრო და დასის წევრებს რჩევებიც მისცა. 

თეირანის ცენტრში 17-სართულიანი შენობა ჩამოინგრა. მიზეზი ხანძარი გახდა, რომელიც შენობის მეცხრე სართულზე გაჩნდა. მაშველები რამდენიმე საათის განმავლობაში ცეცხლის ლოკალიზებას უშედეგოდ ცდილობდნენ.

აშშ-ში პრეზიდენტის ინაუგურაციისთვის ემზადებიან. თეთრი სახლიდან პრეზიდენტები მეუღლეებთან ერთად, ესკორტით კაპიტოლიუმში გაემგზავრებიან. ინაუგურაციის ცერემონიის ოფიციალური ნაწილი სწორედ აქ გაიმართება. ფიცს ჯერ ვიცე პრეზიდენტი მაიკ პენსი, შემდეგ კი დონალდ ტრამპი დადებს და სიტყვით გამოვა.

იტალიის ქალაქ ფარინდოლაში ზვავში მოყოლილებს ეძებენ. მიწისძვრის გამო, მთიან ზონაში ზვავი ჩამოწვა და 4 სართულიანი სასტუმრო მთლიანად თოვლში ჩაიმარხა.

ფსიქიკური ჯანმრთელობის პრობლემის მქონე პირებისთვის თბილისში ორი კლინიკა დარჩა. დაფინანსების წესის ცვლილების გამო, თბილისში რამდენიმე კლინიკა უკვე დაიხურა, პაციენტები კი მომსახურების გარეშე დარჩნენ. მთავრობის გადაწყვეტილება ექიმების პროტესტის მიზეზი გახდა.

NATO Secretary General is going to pay a visit to Georgia in May - The announcement was made today in Davos, where the World Economic Forum is being held.

მაისში საქართველოში ნატოს გენერალური მდივნის ვიზიტი იგეგმება - ამის შესახებ განცხადება დღეს დავოსში გაკეთდა, სადაც მსოფლიო ეკონომიკური ფორუმი მიმდინარეობს. 

თედო კობახიძე საკრებულოში კვლავ იურიდიული კომისიის თავმჯდომარის პოზიციაზე რჩება. თბილისის საკრებულოს უმრავლესობა სხდომის ჩატარებაზე უარს აცხადებს.

The party leaders will address an audience, delegates will elect the members of the council and its chairman.

სპორტის სასახლეში ნაციონალური მოძრაობის ყრილობისთვის მოსამზადებელი სამუშაოები თითქმის დასრულებულია. ერთიანი ნაციონალური მოძრაობის პარტიულ შეკრებას 7000 დელეგატი და 3000-მდე სტუმარი დაესწრება.

Representatives of the President will hold meeting with the third sector in the coming days. The reason are changes, provided by the third wave of reforms, adopted by the parliament a few weeks ago.

პრეზიდენტის წარმომადგენლები უახლოეს დღეებში მესამე სექტორთან შეხვედრებს გამართავენ. მიზეზი სასამართლო რეფორმის მესამე ტალღით გათვალისწინებული ის ცვლილებებია, რომელიც პარლამენტმა რამდენიმე კვირის წინ დაამტკიცა.

მესამე სექტორისთვის ენერგეტიკის მინისტრის დამოკიდებულება მიუღებელია. ენერგეტიკის მინისტრის ბრიფინგმა სპეციალისტებს დამატებითი კითხვები და ეჭვები გაუჩინა. გაზპრომთან შეთანხმების გასაჯაროებაზე უარი და ბრალდებები ანგაჟირებულობის შესახებ, მესამე სექტორის წარმომადგენლების თქმით, მიუთითებს, რომ ხელისუფლება რუსეთთან ანტისახელმწიფოებრივ კომპრომისებს მალავს.

დღეს ნაციონალურმა მოძრაობამ პარლამენტს რეზოლუციით მიმართა, რომლის მიხედვითაც უმცირესობა გაზპრომთან გამართული მოლაპარაკებების შინაარსის გასაჯაროებას და იმ მიზეზების განმარტებას ითხოვს, რის გამოც მმართველმა გუნდმა ოკუპანტ სახელმწიფოსთან, საკუთარი პოზიციები დათმო.

გირჩის თავმჯდომარის აზრით, გაზპრომთან ხელშეკრულების გაუარესებაზე ყველა თანხმდება და ეს ცალსახაა. ზურაბ ჯაფარიძის თქმით, გაუარესების საკითხს ხელისუფლებაც აღიარებს. მისი აზრით, მთავრობამ ახალი და ძველი ხელშეკრულებები აუცილებლად უნდა გაასაჯაროოს, რათა ყველამ დაინახოს, რამდენად რეალური იყო რუსეთის მხარის შანტაჟი.

მართლმსაჯულების სისტემის რეფორმირების მესამე ტალღის შესახებ და პარლამენტის მიერ მიღებულ ცვლილებებს არასამთავრობო ორგანიზაციის წევრები აკრიტიკებენ. 

მართლმადიდებელი ეკლესია დღეს ნათლისღების დღესასწაულს აღნიშნავს. კათოლიკოს პატრიარქმა ილია მეორემ, სინოდის წევრებთან ერთად, დღეს, სამების ტაძარში სადღესასწაულო ლიტურგია აღავლინა. წყლის კურთხევასთან ერთად, დღესვე პატრიარქი კიდევ რამდენიმე ასეული ბავშვის ნათლია გახდება.

A Chairman of New Political Center- Girchi states that an economic plan, proposed by them is very important, , including the point on legalization of marijuana, which will cause a rapid development of economy in 2017.

ახალი პოლიტიკური ცენტრი - გირჩის თავმჯდომარე, ზურაბ ჯაფარიძე აცხადებს, რომ მათ მიერ მთავრობისთვის შეთავაზებული ეკონომიკური გეგმა ძალიან მნიშნელოვანია და მათ შორის, მარიხუანას ლეგალიზაციის პუნქტი, რომელიც საქართველოს ეკონომიკას სწრაფ განვითარებას 2017 წელსვე მოუტანს.

ცოტა ხნის წინ გიორგი კვირიკაშვილი BP-ის აღმასრულებელ დირექტორს შეხვდა. რობერტ დადლიმ იმედი გამოთქვა, რომ შაჰდენიზის მეორე ფაზის პროექტი 2018 წლიდან ამოქმედდება.

ოპოზიციასთან ერთად, გაზპრომთან გაფორმებული ხელშეკრულების გასაჯაროებას მოითხოვენ არასამთავრობო ორგანიზაციებიც. სამოქალაქო სექტორისთვის კახა კალაძის გუშინდელი განმარტებები ხელშეკრულებასთან დაკავშირებით მიუღებელია, ისევე როგორც ბრალდებები მარგინალიზებისა და აჟიოტაჟის შესახებ.

Members of a parliamentary faction- European Georgia- For Better Future comment on an agreement with Russia"s Gazprom. Irakli Abesadze states that this is Georgian government"s "adapting, indifferent attitude."

რუსულ ენერგოგიგანტთან გაფორმებულ ხელშეკრულებას პარლამენტის ფრაქციის ევროპული საქართველო - უკეთესი მომავლისთვის წევრი აფასებს და ამბობს, რომ ეს არის „ქართული ხელისუფლების შემგუებლური, გულგრილი დამოკიდებულება, რუსეთის ეკონომიკური და პოლიტიკური აგრესიის აქტზე, რაც გაზპრომთან მიმართებაში განხორციელდა.“ ირაკლი აბესაძემ ამის შესახებ განცხადება კურიერის პირდაპირ ეთერში გააკეთა.

Communication with the Russian company was on of the main topics, on which members of Georgian government have commented in Davos, during the World Economic Forum . A Minister of Economy believes that this contract is not harmful for Georgia.

ურთიერთობა რუსეთის ენერგოგიგანტთან იყო ერთ-ერთი თემა, რომელზეც, დავოსში, მსოფლიო ეკონომიკურ ფორუმზე საქართველოს მთავრობის წევრებმა კომენტარი გააკეთეს. ეკონომიკის მინისტრს არ მიაჩნია, რომ ეს კონტრაქტი დამაზიანებელია საქართველოსთვის.