Новости за 22.01.2017

ვარძიის სამონასტრო კომპლექსის ერთ-ერთ მთავარ ტაძარში, ღვთისმშობლის მიძინების ეკლესიაში ხანძრის გაჩენიდან 2 თვეზე მეტი გავიდა და ქართული კულტურული მემკვიდრეობის ერთ-ერთი მნიშვნელოვანი ძეგლი მძიმედ დაზიანდა.

ქართველი ჯარისკაცი, რომელიც აფხაზეთისა და 2008 წლის ომებში რუსეთის წინააღმდეგ იბრძოდა, დღეს რუსეთის მოთხოვნით დაკავებულია და ციხეში ზის. გია ცერცვაძე ერთი კვირის წინ უკრაინაში აიყვანეს.

მთავრობამ ლარიზაციის პროგრამა უკვე დაიწყო. რა შეღავათს მისცემს ეს პროგრამა ლარსა და საქართველოს მოსახლეობას, ამ თემაზე პოსტსკრიპტუმში ისაუბრეს.

საქართველოს გაზპრომისგან ტრანსფერის საფასურს ნატურით აღარ მიიღებს. როგორც ცნობილია, რუსული მხარე საქართველოს ირანული მილსადენის გამოყენებით იმუქრებოდა, თუმცა, როგორც ჩანს და როგორც ირანისა თუ აზერბაიჯანის ექსპერტები იუწყებიან, ეს ნამდვილი ბლეფი იყო, რომელზეც ქართული მხარე წამოეგო.

ურეკში, ქუთაისი-ბათუმის მიმართულებით მოძრავი მატარებელი შუახნის მამაკაცს დაეჯახა. მომხდარი შსს-მ რუსთავი 2-ს დაუდასტურა. მამაკაცი ადგილზევე გარდაიცვალა.

ბაგებში ერთსართულიანი საცხოვრებელი სახლის მანსარდას ცეცხლი გაუჩნდა. ფაქტი რუსთავი 2-ს საგანგებო სიტუაციების სამსახურში დაუდასტურეს.

მრავალი სახის პროტესტისა და ბრალდების მიუხედავად, დონალტ ტრამპი პრეზიდენტი გახდა.

დონალდ ტრამპის წინაამდეგ ერთ-ერთი ყველაზე მასშტაბური საპროტესტო დემონსტრაცია გაიმართა. აშშ-ის დედაქალაქში დემონსტრაციაზე დაახლოებით ნახევარი მილიონი ადამიანი იყო გამოსული.

2016 წლის საპარლამენტო არჩევნებზე მოსახლეობა ნაციონალური მოძრაობის ერთ გუნდს აძლევდა ხმას, მაგრამ აღმოჩნდა, რომ ეს გუნდი ფორმალურად ორი პარტიისგან შედგებოდა. ახლა კი ეს ფორმალობა რეალობად იქცა, ამიერიდან პარლამენტში გვერდი-გვერდ ისხდებიან ნაციონალური მოძრაობა და ევროპული საქართველო.

5 მილიონ ნახევარი Aerosmith-ის კონცერტში - ამერიკული როკ-ჯგუფი საქართველოს 20 მაისს ეწვევა და კონცერტს გურიაში, ახლადაშენებულ Black Sea Arena-ზე გამართავს. 

ხელოვნური სუნთქვა - ჯერჯერობით უცნობია, გაგრძელდება თუ არა სატელევიზიო დრამა, თუმცა ერთი რამ ცხადია, რომ შინაარსობრივად სერიალი არ დასრულებულა.

უკიდურეს სიღარიბეში მყოფი მრავალშვილიანი ოჯახი გორის რაიონის სოფელ კარბში- კაპანაძეების ერთადერთი შემოსავალი სოციალური დახმარებაა. სახლი ინგრევა, თუმცა სხვა თავშესაფრის არ ქონის გამო ოჯახი 4 მცირეწლოვან ბავშვთან ერთად ცხოვრებას მაინც აქ აგრძელებს.

პრეზიდენტის რანგში მეორე სამუშაო დღე დონალდ ტრამპმა ეკლესიაში ვიზიტით დაიწყო. შეერთებული შტატების ლიდერი მეუღლესთან და ვიცე-პრეზიდენტთან ერთად ვაშინგტონის საკათედრო ტაძარში ტრადიციულ საინაუგურაციო წირვას დაესწრო და სხვადასხვა კონფესიების წარმომადგენლებს მოუსმინა.

გერმანიის საგარეო საქმეთა მინისტრი წუხს ნატო-ზე დონალდ ტრამპის მიერ გამოთქმული შეხედულებების გამო. ვალტერ შტაინმაიერი ახალი პრეზიდენტის მიერ BILD-სა და Times of London-თვის მიცემულ ინტერვიუებს გამოეხმაურა. ლაპარაკია ტრამპის მიერ ალიანსის მოძველებულად მოხსენებაზე, რამაც, გერმანელი დიპლომატის თქმით, შეშფოთება გამოიწვია ნატოს 28-ვე წევრ ქვეყანას შორის.

განათლების სისტემაში ცვლილებები მინისტრთა კაბინეტმა მთავრობის სხდომაზე 2 დღეში უნდა დაამტკიცოს. სავარაუდოდ სქემის დამტკიცების შემთხვევაში, მაისში მასწავლებლები პირველ გამოცდას ჩააბარებენ, გამსვლელი კრედიტის მოსაპოვებლად ახალი სასწავლო წლიდან პედაგოგებს დამატებითი აქტივობების შესრულება მოუწევთ.

ლანჩხუთის კულტურის ცენტრი პროკურატურის ყურადღების ცენტრში მოექცა. გავრცელებული ინფორმაციით, ადგილობრივი აუდიტის სამსახურმა უწყებაში რამდენიმე სახის სერიოზული დარღვევა აღმოაჩინა. საქმე ცენტრიდან 2014-15 წლებში გაფლანგულ თანხას ეხება. გავრცელებული ინფორმაციით, ფინანსური განყოფილების ერთ-ერთი თანამშრომელი საბიუჯეტო თანხას პირად ანგარიშზე სისტემატიურად რიცხავდა. გავრცელებული ინფორმაციით, თანხის რაოდენობამ სულ 15 ათასი ლარი შეადგინა. გამოძიება საქმეზე აუდიტის სამსახურის დასკვნის დადების შემდეგ დაიწყო. Читать дальше...

პარლამენტის საპროცედურო საკითხთა და წესების კომიტეტი ხვალ ფრაქცია ნაციონალური მოძრაობის რეგისტრაციის საკითხს განიხილავს. ფრაქცია 6 კაციანი იქნება და მის შემადგენლობაში რომან გოცირიძის ხელმძღვანელობით სალომე სამადაშვილი, ნიკა მელია, თინა ბოკუჩავა, კობა ნაყოფია და აზერ სულეიმანოვი ერთიანდებიან. ერთ-ერთი მთავარი თემა, რასაც ახალი ფრაქცია განიხილავს, პარლამენტში გაზპრომის თემაზე კახი კალაძის დაბარება და ახალი ხელშეკრულების გასაჯაროების მოთხოვნა იქნება.

ქობულეთში 12 დღის წინ დაკარგულ ჯემალ მორჩილაძეს ამ დრომდე ეძებენ. ოჯახის ინფორმაციით, 53 წლის მამაკაცი სანადიროდ გავიდა და მას შემდეგ მისი კვალი გაქრა.

ავტოსაგზაო შემთხვევა მოხდა ლანჩხუთში. მერსედესის მარკის მსუბუქი ავტომობილის მძღოლს გზაზე ძაღლმა გადაურბინა, მამაკაცმა მისთვის გვერდის ავლა სცადა, თუმცა ვერ მოასწრო და შედეგად საჭე ვერ დაიმორჩილა. მერსედესს უკნიდან კიდევ ერთი მსუბუქი მანქანა დაეჯახა, რის შემდეგაც ორივე ავტომობილი მდინარეში გადავარდა.

ბათუმი-თბილისის ავტომაგისტრალის ურეკის მონაკვეთზე მსუბუქი ავტომობილი გზიდან გადავიდა და ამოტრიალდა.

დღეს გარდაცვლილი 3 თვის ახალშობილი მეხუთე მსხვერპლია იმ თავდასხმის, რომელიც მელბურნში მსუბუქი მანქანით განხორციელდა, ამის შესახებ Sky News წერს.

ჩილეს ხელისუფლებამ ქვეყნის ცენტრალურ რეგიონებში საგანგებო მდგომარეობა გამოაცხადა. მიზეზი მასშტაბური ტყის ხანძარია, რომელსაც უკვე ერთი კვირაა ვერ აქრობენ.

The authors of a new scheme of starting teacher`s caeer, professional development and career advancement positively assess the changes and respond to criticism of the non-governmental organizations. In their view, system will be better developed and more objective.

მასწავლებლის საქმიანობის დაწყების, პროფესიული განვითარებისა და კარიერული წინსვლის ახალ სქემას, ცვლილებების ავტორები თავად დადებითად აფასებენ და არასამთავრობო სექტორის კრიტიკას პასუხობენ. მათი აზრით, სისტემა ბევრად გამართული და ობიექტური იქნება.

The second working group of the Constitutional Commission will assemble tomorrow. The group will work on Administrative-territorial division and local self-government. As for human rights and judicial reform thematic groups, their first meeting was held yesterday.