Новости за 20.01.2017

ე.წ. მოსმენებს გასაღები შესაძლოა ისევ სახელმწიფო უსაფრთხოებს სამსახურში დარჩეს, თუმცა ხელისუფლების მხრიდან კონტროლის მექანიზმი გაიზარდოს. მმართველი გუნდი გეგმავს, ჩამოაყალიბოს საჯარო სამართლის იურიდიული პირი, რომელსაც ექნება წვდომა თვალთვალის და მიყურადების მექანიზმზე. მის ხელმძღვანელს კი პრემიერ-მინისტრი დანიშნავს. ამის შესახებ დღეს, სამუშაო ჯგუფის შეხვედრის შემდეგ გახდა ცნობილი.

თედო კობახიძე იურიდიული კომისიის თავმჯდომარის პოსტს შეინარჩუნებს. დღეს გამართულ შეხვედრაზე სარევიზიო კომისიის თავმჯდომარემ ოპონენტები კობახიძის წინააღმდეგ გაკეთებული განცხადებების გამო ჯერ სიცრუეში, შემდეგ კი პოლიტიკური აჟიოტაჟის შექმნაში დაადანაშაულა.

საკონსტიტუციო კომისიის პირველ შეკრებამდე თბილისში ვენეციის კომისიის დელეგაცია ჩამოვიდა. ჯანო ბუკიკიო შეხვედრებს მთელი დღის განმავლობაში მართავდა. ოფიციალური პირების გარდა დელეგაცია ოპოზიციას, ექსპერტებსა და არასამთავრობო სექტორს შეხვდა. ქართულმა მხარემ რეკომენდაციებთან ერთად მიიღო დაპირება, რომ ქვეყნის მთავარ დოკუმენტზე მუშაობისას ვენეციის კომისია სამუშაო ჯგუფს დაეხმარება.

დავოსში მსოფლიო ეკონომიკური ფორუმი დასრულებულია. ამ ფორმატში ოფიციალური შეხვედრები საქართველოს დელეგაციამაც დაასრულა, რომელიც მოლაპარაკებებს ბიზნეს წრეების გარდა პოლიტიკურ ლიდერებთანაც მართავდა.

ცესკოს თავმჯდომარემ თამარ ჟვანიამ ხელფასთან ერთად გასულ წელს პრემიისა და დანამატის სახით 100 ათასი ლარი მიიღო. უწყების ხელმძღვანელთან ერთად თანამშრომლებზეც სოლიდური პრემიები გაიცა. ფინანსურ წახალისებებზე საარჩევნო ადმინისტრაციაში დღეს კომენტარს არ აკეთებენ, თუმცა რატომ იწერება მაღალი პრემიები ცესკოში - ამ თემაზე ოპოზიციას საკუთარი არგუმენტები აქვს.

ყოფილი მთავარი პროკურორის ოთარ ფარცხალაძის ქონება თანამდებობიდან წასვლის შემდეგ მილიონ ას ოცდაათი ათასი დოლარით გაიზარდა. მილიონზე მეტი ღირებულების უძრავი ქონება, მათ შორის საცხოვრებელი სახლები თბილისსა და საკურორტო ზონებში, მიწის ნაკვეთები და კომერციული ფართები. ეს არის ყოფილი მთავარი პროკურორისა და მისი მეუღლის დეკლარირებული ქონება ბოლო 2 წლის განმავლობაში. ანუ მას შემდეგ რაც ოთარ ფარცხალაძემ თანამდებობა დატოვა.

პირველი განცხადება გაზპრომთან ხელშეკრულების შეცვლის შემდეგ გიორგი კვირიკაშვილმა დავოსში გააკეთა. პრემიერმინისტრმა არ დამალა, რომ კონტრაქტის პირობებით კმაყოფილი არ არის, თუმცა არ დაუკონკრეტებია, რა გახდა რუსული ენერგოგიგანტის ულტიმატუმზე დათანხმების მიზეზი. 

The member of the European Georgia for a better future, Otar Kakhidze made a statement regarding Vano Merabishvili and said that he had sent a letter from prison, in which he requested to hold a meeting of the political council.

ფრაქციის ევროპული საქართველო - უკეთესი მომავლისთვის წევრი, ოთარ კახიძე ვანო მერაბიშვილთან დაკავშირებით განცხადებას აკეთებს და აღნიშნავს, რომ მან ციხიდან წერილი გამოაგზავნა, რომლითაც ითხოვდა, რომ პოლიტიკური საბჭო გამართულიყო. 

"დღევანდელი ყრილობის დღის წესრიგში გენერალური მდივნის არჩევის ან გადარჩევის საკითხი არ დამდგარა,“- ეს კომენტარი ნაციონალური მოძრაობის წევრმა, თინათინ ბოკუჩავამ ვანო მერაბიშვილის მიერ გავრცელებულ განცხადებასთან დაკავშირებით გააკეთა, სადაც ნათქვამი იყო, რომ პარტიის გენერალურ მდივნად არჩევაზე მას თანხმობა არ განუცხადებია. 

ნაციონალური მოძრაობის ყრილობაზე დელეგატებმა პარტიის პოლიტსაბჭოს ახალი შემადგენლობა აირჩიეს. ენმ-ს მმართველ ორგანოს ნიკა მელია უხელმძღვანელებს. ყრილობამ დაამტკიცა დღეს მისი ორი მოადგილეც.

პრეზიდენტის ინაუგურაციისთვის ვაშინგტონში უსაფრთხოების უპრეცენდენტო ზომებია მიღებული, რაზეც 100 მილიონი დაიხარჯა, თუმცა არეულობები ამერიკის დედაქალაქმა მაინც ვერ აიცილა თავიდან. ტრამპის საწინააღმდეგო დემონსტრაციები ქალაქში ამ წუთებშიც მიმდინარეობს. 

ვაშინგტონი კიდევ ერთ ისტორიულ ცერემონიას მასპინძლობს. შეერთებული შტატების 45-ე პრეზიდენტმა ფიცი დადო.  

საპარლამენტო უმრავლესობაში რამდენიმეთვიანი მოლოდინის შემდეგ დაადასტურეს, რომ მანანა კობახიძე საკონსტიტუციო სასამართლოს მოსამართლის კანდიდატურად განიხილება.

ფარული მიყურადება-თვალთვალის მექანიზმთან დაკავშირებით მესამე სექტორი დამოუკიდებელი სააგენტოს შექმნას ითხოვს, თუმცა ქართული ოცნებისთვის აღნიშნული იდეა მიუღებელია.

საკრებულოს თავმჯდომარის გუშინდელი განცხადების მიუხედავად, თედო კობახიძის თანამდებობრივი პასუხისგებლობის საკითხი საკრებულომ მაინც განიხილა. გადაწყვეტილება მიიღეს და იურიდიული კომისიის თავმჯდომარე პოზიციაზე რჩება. 

პარლამენტში მსჯელობა მოსმენების კანონის შესახებ დახურულ კარს მიღმა მიმდინარეობს. მმართველი გუნდი, ოპოზიცია და მესამე სექტორი პოზიციების შეჯერებას ცდილობენ, თუმცა მთავარ საკითხთან დაკავშირებით აზრთა სხვადასხვაობაა. საკონსტიტუციო სასამართლოს გადაწყვეტილების შესაბამისად, ჯგუფმა ფარული მიყურადება - თვალთვალის მექანიზმი უნდა შეიმუშაოს, რომლის დროსაც გასაღები საგამოძიებო უწყებას აღარ ექნება. მესამე სექტორი დამოუკიდებელი სააგენტოს შექმნას ითხოვს. იდეა მიუღებელია ქართული ოცნებისთვის.

ვენეციის კომისიის თავმჯდომარის განცხადებას იმის შესახებ, რომ პრეზიდენტის არჩევის წესისა და უფლებამოსილებების დაგეგმილ ცვლილებას მხარს არ უჭერს, პარლამენტის თავმჯდომარის პირველი მოადგილე, თამარ ჩუგოშვილი კურიერის პირდაპირ ეთერში გამოეხმაურა.

ვენეციის კომისიის პრეზიდენტი დაგეგმილ საკონსტიტუციო რეფორმებთან დაკავშირებით თბილისში შეხვედრებს მართავს. საქართველოს მთავრობასა და ოპოზიციასთან შეხვედრის გარდა, ჯანი ბუკიკიო ექსპერტებისა და მესამე სექტორის მოსაზრებებს გაეცნო.   

Venice Commission President is holding meetings in Tbilisi in connection with planned constitutional reforms . Besides the meeting with the Georgian government and the opposition, Gianni Buquicchio met with experts and the representatives of the third sector.

ნაციონლური მოძრაობის პოლიტსაბჭოს თავმჯდომარე ნიკა მელია ვანო მერაბიშვილის მიერ გავრცელებულ განცხადებას ეხმაურება, სადაც ყოფილი პრემიერ-მინისტრი განმარტავს, რომ მას თანხმობა არ აგნუცხადებია პარტიის გენერალურ მდივნად არჩევაზე. მელია აღნიშნავს, რომ მათ მისი თანამდებობიდან გადაყენება არც უცდიათ.

რამდენიმე წუთის წინ ვანო მერაბიშვილმა სოციალური ქსელით განცხადება გაავრცელა, სადაც ნაციონალური მოძრაობის დღევანდელ ყრილობაზე და პარტიაში მის სტატუსზე საუბრობს. 

ნაციონალურმა მოძრაობამ დაგეგმილი წარმომადგენლობითი ყრილობა ჩაატარა. პარტიის მმართველ ორგანოებს დღეიდან ახალი შემადგენლობა ჰყავს, პოლიტსაბჭოს თავმჯდომარედ ნიკა მელია აირჩიეს. პარტიის სამომავლო გეგმებზე და სტრატეგიაზე კურიერის პირდაპირ ეთერში ნიკა მელიამ ისაუბრა.

The National Movement has held the planned party congress. The party now has new governing bodies. Nika Melia was elected the chairman of the political council . Melia spoke about future plans and strategy in the Courier live .

4,3 მაგნიტუდის სიმძლავრის მიწისძვრა მოხდა ახალციხიდან 11 კილომეტრში, ბიძგები რამდენიმე წამის განმავლობაში გაგრძელდა, მიწისძვრამ დროისთვის არსებული მონაცემებით ნგრევა არ გამოუწვევია.