Новости за 21.02.2016

ამ დრომდე უცნობია თუ სად იმყოფება 17 წლის სამირა ბაირამოვა. ის უკვე მეოთხე დღეა ოჯახის წევრებს არ უნახავთ.

დღევანდელ ბიუროს სხდომაზე სავარაუდოდ მარიხუანის დეკრმინალიზაციის შესახებაც იმსჯელებენ. ახალი პოლიტიკური ცენტრის გირჩის მიერ მომზადებული კანონის პროექტი ცვლილებებს სისხლის სამართლის კოდექსში ითვალისწინებს.

იუსტიციის უმაღლესი საბჭოს მორიგი სხდომაა ჩანიშნული დღეს 10 საათზე. დღის წესრიგით გათვალისწინებული საკითხების შემდეგ სხდომა დისციპლინური საჩივრების განხილვის გამო დაიხურება.

"უპასუხისმგებლო და ქვეყნისათვის ზიანის მომტანი" - დიპლომატთა კლუბი მინისტრ პაატა ზაქარეიშვილის თანამდებობიდან გათავისუფლებას ითხოვს.

დღეიდან ჩეხეთში საქართველოს პრემიერმინისტრის ორდღიანი ოფიციალური ვიზიტი იწყება. მთავრობის სასახლეში დახვედრის ოფიციალური ცერემონიის შემდეგ, გიორგი კვირიკაშვილი მის ჩეხ კოლეგას პირისპირ შეხვდება, შემდეგ კი დელეგაციები გაფართოებული შემადგენლობით გამართავენ მოლაპარაკებებს.

"სპეცრაზმს დარბევის ბრძანება ჰქონდა და მან უარი თქვა შესრულებაზე," - ამ განცხადებას საქართველოს ექს-პრეზიდენტი, ოდესის გუბერნატორი, მიხეილ სააკაშვილი, გადაცემა განსხვავებულ აქცენტებში რუსთავი2-ის ირგვლივ განვითარებულ მოვლენებზე აკეთებს.

"აზერბაიჯანის გადაკიდება შეიძლებოდა? ასეთი მოკლე მახსოვრობა როგორ გვაქვს, მართლა სილქნეტი ხო არა ვართ," - ეს განცხადება საქართველოს ექს-პრეზიდენტმა, ოდესის გუბერნატორმა, მიხეილ სააკაშვილმა გადაცემა განსხვავებული აქცენტებისთვის მიცემულ ინტერვიუში გააკეთა.

"ხო გატყუებდათ, რომ გაზპრომის აქციები აღარ მაქვსო. აი, შვეიცარული ბანკის მოხსენება გამოქვეყნდა და აქ წერია, რომ ჩვეულებრივად აგრძელებს გაზპრომის აქციონერობას. გაზპრომის აქციონერი პირდაპირ იღებს დავალებებს კრემლიდან. მთავარი პრორუსი გიზით ივანიშვილი და რა მნიშვნელობა აქვს, მის განშტოებებს რა ერქმევა," - ეს განცხადება საქართველოს ექს-პრეზიდენტმა, მიხეილ სააკაშვილმა გადაცემა  განსხვავებულ აქცენტებში  საქართველოში არსებულ პრორუსულ ძალებზე საუბრისას გააკეთა. 

ინციდენტი თბილისში - მსუბუქ ავტომობილს ელექტროგადამცემი ბოძი დაეცა, რომელსაც 17 წლის ბიჭი მართავდა. ახალგაზრდას შემთხვევის შედეგად დაზიანებები არ მიუღია.

"მე დაკავშირებული ვარ ჩემს ხალხთან და ჩემს პარტიასთან," - ეს განცხადება საქართველოს ექს-პრეზიდენტმა, ოდესის გუბერნატორმა, მიხეილ სააკაშვილმა გადაცემა განსხვავებულ აქცენტებთან იმ კითხვაზე საპასუხოდ, რომელიც მის ნაციონალურ მოძრაობასთან კავშირს ეხებოდა.

საქართველოს ექს-პრეზიდენტი მიხეილ სააკაშვილი არ იზიარებს საქართველოს ხელისუფლების იმ არგუმენტს, რომ ეკონომიკური პრობლემები გარეფაქტორებით არის განპირობებული.  

"ეკონომიკისთვის ორი დიდი პროექტი მოკლეს -  ანაკლიის პორტი და თავისუფალი ინდუსტრიული ზონა, რომელსაც თურქეთთან ერთად ხელვაჩაურთან ვაკეთებდით," - ეს განცხადება საქართველოს ექსპრეზიდენტმა გადაცემა განსხვავებულ აქცენტებთან საუბრისას გააკეთა და დასძინა, რომ მხოლოდ ამ პროექტების განხორციელება ქვეყნის ეკონომიკას 3-4 წელში გააორმაგებდა.    

"სათხილამურო კურორტი მხოლოდ სათხილამურო ტრასა არ არის, აქ ინფრასტრუქტურაა ყველაზე მნიშვნელოვანი," - ამბობს სააკაშვილი და იმ პროექტებს იხსენებს, რომლის განხორციელება ჰქონდა დაგეგმილი და ქართულმა ოცნებამ ხელისუფლებაში მოსვლის შემდეგ უარი თქვა.  

სააკაშვილი ამბობს, რომ ეს ხელისუფლება ლაზიკის და ანაკლიის პორტის პროექტს ვერ განახორციელებს.

საქართველოს ექს-პრეზიდენტი, მიხეილ სააკაშვილი, ამბობს, რომ საქართველოს მოქმედ ხელისუფლებას არანაირი პროექტის განხორციელება არ შეუძლია და მათ შორის არც იმის, რაც ჯერ კიდევ წინა ხელისუფლების მიერ იყო დაწყებული, მერე ქართულმა ოცნებამ უარი თქვა და ახლა ისევ დაუბრუნდა.   

"მე ინტუიციურად არასოდეს არ შემშლია. 2012 წელს ჩვენ ყველა გამოკითხვით ვიგებდით, მაგრამ ზუსტად ვიცოდი, რომ წავაგებდით და ახლა რასაც არ უნდა გვეუბნებოდნენ გამოკითხვები, ზუსტად ვიცი, რომ მოვიგებთ," - ეს განცხადება საქართველოს ექს-პრეზიდენტმა, მიხეილ სააკაშვილმა, გადაცემა განსხვავბულ აქცენტებში საუბრისას გააკეთა. 

"საქართველოში ჩემი მიზნები არის ძალიან კონკრეტული. საქართველოში ჩვენ დავიწყეთ დიდი მოძრაობა, რომელსაც გაგრძელება სჭირდება და მისი უკან დაბრუნება არ უნდა დავუშვათ," - აცხადებს საქართველოს ექსპრეზიდენტი, ოდესის მოქმედი გუბერნატორი, მიხეილ სააკაშვილი, გადაცემა განსხვავებულ აქცენტებთან საუბრისას.  

"პოროშენკო არის ძალიან მაღალი დონის პოლიტიკოსი, აქვს მინუსებიც და ძალიან დიდი პლიუსებიც. ახლა ვიყავით მიუნხენის კონფერენციაზე და ბრწყინვალე გამოსვლა ჰქონდა. დარბაზი ხელში აიყვანა და სიტუაცია მთლიანად ამოაყირავა," - ეს განცხადება ოდესის გუბერნატორმა, მიხეილ სააკაშვილმა გადაცემა განსხვავებულ აცენტებთან საუბრისას გააკეთა.

ძველი თბილისის ისტორიული აბანოები შესაძლოა, დაიხუროს.  მიზეზი ჯორჯიან ვოთერ ენდ ფაუერის ახალი სატარიფო სისტემაა, რომელიც კომპანიამ 2015 წლიდან დააწესა.

დედაქალაქში მომხდარი სტიქიური უბედურების შემდეგ დაზარალებულთა მდგომარეობა კვლავ დავის საგანია.

ცოტა ნის წინ პ.ს.-ს 84 წლის მარტოხელა მოხუცის, ირინა ბაბაევას, მეზობლები დაუკავშირდნენ. მათ ჟურნალისტებთან დაკავშირება მას შემდეგ გადაწყვიტეს, რაც უმძიმეს მდგომარეობაში ჩავარდნილი მოხუცის დახმარების ყველა გზა ამოეწურათ.

აჭარა საკრუიზო მეგალაინერებისა და მათ მიერ ჩამოყვანილი ათასობით ტურისტის გარეშე. პროექტი, რომელიც საკრუიზო პორტის მშენებლობას ითვალისწინებდა და, რომელიც წელს უნდა დასრულებულიყო, გაუქმებულია და მოლაპარაკებები ჩაშლილია.

საპარლამენტო უმრავლესობის ლიდერი, ზვიად კვაჭანტირაძე, თანაგუნდელებს მიმართავს. განცხადებას კვაჭანტირაძე ფეისბუკის საკუთარ გვერდზე ავრცელებს.

მოკლა თუ არა მაგდა პაპიძემ ქმარ-შვილი, ამ საქმეზე საზოგადოება  თავიდანვე მაღალი ინტერესის ქვეშ მოექცა. გასულ კვირას პროკურატურის მიერ გამოქვეყნებულმა მტკიცებულებებმა ბევრი დააფიქრა, თუმცა მოწოდების ფორმამ კვლავ გამოიწვია დავა იმის შესახებ, ხომ არ ხდება საზოგადოებრივი აზრით მანიპულაცია.

ნაციონალურმა მოძრაობამ გაასაჯაროვა დოკუმენტი, რის მიხედვითაც, მერიის სარეზერვო ფონდიდან ისანი-სამგორის რაიონის პროკურორის, ლეონიდ გერგედავას, ქალიშვილის, თამარ გერგედავას, პარიზში საცხოვრებელი ხარჯები გამოიყო.