Новости за 06.02.2016

მოხუცებს რამდენიმე თვის პენსიასთან ერთად, მათივე მტკიცებით, პარლამენტარის სტატუსით გაცნობილმა ქალმა ავნასის სახით რამდენიმე ასეული ლარი სოციალური დახმარებიდანაც გამოატანინა.

სახელმწიფოს კონკურნციის პირობების დარღვევაში კომპანია psp-ს დამფუძნებელი და პარლამენტარი, კახა ოქრიაშვილი, ადანაშაულებს. ოქრიაშვილი ბაზარზე უცხოური პარმაცევტული კომპანიის ჰუმანითი ჯორჯიას შემოყვანას აპროტესტებს და მიიჩნევს, რომ ფარმაცევტულ კომპანიას სახელმწიფოს დახმარება არ სჭირდებოდა.

ნაციონალური მოძრაობის წევრმა, სერგო რატიანმა, სოსო ჯაჭვლიანის კანონპროექტი რეგლიგირუი გრძნობების გამოხატვის შესახებ შეაფსა და განაცხადა, რომ „ეს კანონი შემაშფოთებელია“. 

იუსტიციის უმაღლესმა საბჭომ შესაძლოა, თბილისის საქალაქო სასამართლოს თავმჯდომარე თანამდებობიდან გადააყენოს. საბჭომ მამუკა ახვლედიანის მიმართ ეთიკის ნორმების დარღვევის გამო დისციპლინარული დევნა დაიწყო.

თავისუფალი დემოკრატების ლიდერმა, ირაკლი ალასანიამ, კურიერის პირდაპირ ეთერში საქართველოს პრეზიდენტის პარლამენტში გამოსვლის შესახებ ისაუბრა.

ნაციონალური მოძრაობის აღმასრულებელი მდივანი, სერგო რატიანი, მაესტროს გარშემო მიმდინარე პროცესებს აფასებს და ამბობს, რომ ამ ვითარების უკან ხელისუფლების ინტერესი არსებობს.

თავისუფალი დემოკრატების ლიდერის, ირაკლი ალასანიას, მტკიცებით, სტრატეგიული ოპტიკურ-ბოჭკოვანი არხი შესაძლოა, რუსეთის ხელში აღმოჩნდეს.

თავისუფალი დემოკრატების ლიდერი, ირაკლი ალასანია, მაესტროს გარშემო მიმდინარე პროცესებს ბოლო პერიოდში მედიასფეროში განხორციელებულ პროცესებთან აკავშირებს და ამბობს, რომ ხელისუფლება საარჩევნოდ ცდილობს, დაიქვემდებაროს საზოგადოებრივი აზრი და საკუთარი კონტროლის ქვეშ მოაქციოს მედიასაშუალება.

ილიას უნივერსიტეტის პროფესორი, ნინო დანელია, მედიაში ორპოლუსიანი სივრცის შექმნაზე საუბრობს. მისი განცხადებით, საზოგადოებრივი მაუწყებელი, იმედი, ჯი-დი-ესი და ახლა უკვე მაესტრო ერთ მხარეს არიან, მეორე მხარეს კი რუსთავი2-ია.

მედიაექსპერტი ნინო დანელია მაესტროს ირგვლივ მიდიანრე მოვლებს აფასებს და აცხადებს, რომ „მთელ ამ პროცესებში ჩანს ხელისუფლების კვალი“.

სოსო ჯაჭვლიანის კანონპროექტს რელიგიური გრძნობების შეურაცხყოფის შესახებ ერთ-ერთი პირველი კრიტიკოსები შემოქმედებით სფეროში გამოუჩნდნენ. მწერალი ლაშა ბუღაძე ამბობს, რომ ახალი საკანონმდებლო ინიციატივა ლიტერატორებს და ხელოვანებს პროფესიულ საქმიანობაში შეზღუდავს.

ტელეკომპანია მაესტრო სატელევიზიო რეიტინგების დამთვლელ კომპანია კანტართან თანამშრომლობს, თუმცა დღეს ტელევიზიის ხელმძღვანელები ღიად საუბრობენ, რომ მათ სერიოზული კითხვები აქვთ.

რუსთავი2 სატელევიზიო რეიტინგების დამთვლელ კომპანია კანტართან არ თანამშრომლობს და არც მომავალში აპირებს თანამშრომლობას.

ტელეკომპანიების რეიტინგების ახალი მთვლელის, კანტარის, საქმიანობასთან მაესტროს გენერალურ დირექტორ ბაია გადაბაძეს პრეტენზიები აქვს.

„ეს არის კარგად დაგეგმილი სქემა მაესტროს წინააღმდეგ,“ - ტელეკომპანია მაესტროს გენერალური დირექტორის, ბაია გადაბაძის, განცხადებით, ტელეკომპანიის შემსყიდველ ირაკლი რუხაძის უკან სამთავრობო წრეები დგას.

"გადმორთონ ადამიანებმა რუსთავი2-დან", - ეს განცხადება მაესტროს უკვე ახალმა მფლობელებმა, ძმებმა გაჩეჩილაძეებმა, გააკეთეს.

ორშაბათიდან ტელეკომპანია მაესტროს სახელი და ლოგო აღარ ექნება. როგორც არხის ხელმძღვანელობისგან გახდა ცნობილი, მაესტრო ორშაბათიდან ძველი ბრენდის ქვეშ მაუწყებლობას ვეღარ შეძლებს.

გზების ცალკეულ მონაკვეთებზე შეზღუდვები მოქმედებს, - ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი აქვეყნებს. 

გუდაურში საჩხერის სამთო მომზადების კურსის მეორე ეტაპი სრულდება.

ქართველ ჯარისკაცებთან ერთად თურქეთიდან, ლატვიიდან, სომხეთიდან და უკრაინიდან მოვლენილმა სამხედროებმა სწავლება თოვლიან რელიეფზე დაბრკოლებათა ზოლის გადალახვაში გაიარეს.

სწავლების წარმატებით დასრულების შემთხვევაში სამხედროები სერტიფიკატებს მიიღებენ.

თეთნულდის ინფრასტრუქტურული სამუშაოების პირველი ფაზა დასრულდა. დღეს საბაგირო სატესტო რეჟიმში გაუშვეს.

მაშველებმა ტაივანში ნანგრევებიდან კიდევ ერთი ცხედარი ამოიტანეს. შედეგად, ძლიერი მიწისძვრის დროს დაღუპულთა რიცხვი 12–მდე გაიზარდა, გარდაცვლილთა შორის რამდენიმე მცირეწლოვანი ბავშვია.

საქართველოს განვითარების ფონდის დამფუძნებელი ქუთაისს ეწვია. პაატა ბურჭულაძემ ქუთაისის ბოტანიკურ ბაღში სიმბოლურად ხე დარგო. შემდეგ კი თამარ მეფის 21 ნომერში ფონდის რეგიონული ოფისი გახსნა.

მაკა ასათიანი ხვალ თბილისში ჩამოვა. ამის შესახებ ჟურნალისტებს მისმა ადვოკატმა, გიორგი გვენეტაძემ, განუცხადა.

ციხისძირში მიქელაძეების ათსულიან ოჯახს სახლი დაეწვა. შემთხვევის შედეგად არავინ დაშავებულა, ხანძრის გამომწვევი მიზეზები კი უცნობია.

ბორჯომში, სოფელ ტიმოთესუბანში ტელერადიოკომპანია საქართველოს ხმის დამფუძნებლის ბიძინა კუჭავას კუთვნილ აგარაკზე ჩხრეკა მიმდინარეობს. ჩხრეკის სამუშაოებს ლევან სამხარაულის სახელობის ექსპერტიზის ბიუროს წარმომადგენელბი ატარებენ.