Новости за 14.02.2016

”განათლების სამინისტრო ევროკავშირის დავალებით სექტემბრიდან ჩვენ შვილებზე მასირებული შეტევის განხორციელებას აპირებს,” - ასე იწყება პეტიცია სახელად განგაშის ზარები, რომელსაც ხელოვნების და საზოგადოების ცნობილი წევრები აწერენ ხელს. ამ პეტიციის ავტორი ფილოლოგი გურამ ფალავანდიშვილია. საქმე ეხება ახალ საგანს, სახელად ”მე და საზოგადოება”, რომელიც სკოლებში 2017 წლიდან უნდა დაინერგოს. სახელმძღვანელო ჯერ არ შექმნილა და მასზე სამინისტროში მუშაობა მიდის.

სახელმწიფო აუდიტის დასკვნით, საქართველოში შემოსული საკვები პროდუქტის სრულყოფილი გამოკვლევა შეუძლებელია. ერთ-ერთი მთავარი მიზეზი არსებული ლაბორატორიების მწირი შესაძლებლობებია.

2015 წლის 16 დეკემბერს საქართველოს პარლამენტში განსახილველად მთავრობის მორიგი ინიციატივა დარეგისტრირდა, რომლის მიხედვითაც საჯარო რეესტრის კანონს კიდევ ერთი, მეთერთმეტე პრიმა მუხლი უნდა დაემატოს. მუხლში ვკითხულობთ, რომ უძრავ ნივთზე, რომელზეც საჯარო რეესტრში დაცული მონაცემებით არ დასტურდება სხვა პირის საკუთრება მართლზომიერი მფლობელობის უფლების არსებობა, სახლმწიფო ქონების ეროვნული სააგენტოს მიმართვის საფუძველზე რეგისტრირდება სახელმწიფო საკუთრების უფლება.
კანონით უძრავ ნივთად მიწის ნაკვეთი, მასზე... Читать дальше...

საქართველოს მთავარმა პროკურატურამ მოქალაქე გელა ღურწკაია დააკავა. წინასწარი ინფრომაციით ღურწკაიას ბრალი სისხლის სამართლის კოდექსის 19-ე და 157-ე მუხლებით წაუყენეს, რაც პირადი ან ოჯახური საიდუმლოს უკანონოდ გამოყენება-გავრცელებას გულისხმობს.

სომხეთი საქართველო-სომხეთის დამაკავშირებელი მილსადენის დამოკლებას ითხოვს. სომხურ პრესაში გავრცელებული ინფორმაციით საუბარია  საქართველოს ტერიტორიაზე გამავალი მილსადენის დამოკლებაზე, სხვადასხვა წყაროების მიხედვით 3-დან 17 კილომეტრამდე. გაზპრომ არმენიამ ამ ეტაპზე თავი შეიკავა ახალი მარშრუტის დაკონკრეტებისგან, თუმცა პოსტსკრიპტუმს წერილობით დაგვიდასტურა, რომ საკითხზე ქართულ მხარესთან ერთად აქტიურად მუშაობენ.

ამერიკის დაზვერვის სამსახურის დასკვნა, რომელიც საქართველოში რუსული გავლენების გაზრდას ეხება-დოკუმენტი ამ თემაზე ამერიკულმა დაზვერვამ მიმდინარე კვირის დასაწყისში გამოაქვეყნა, სპეციალურად P.S-ისთვის თენგიზ გოგოტიშვილმა გაარკვია რამდენად არსებობს საქართველოში რუსლი გავლენების ზრდის საფრთხე და აუცილებელია თუ არა ქვეყანაში ახალი რუსულენოვანი ტელევიზიის შექმნა, რომლის იდეაც სამთვარობო წრეების წარმომადგენლებმა გასულ კვირას გააჟღერეს. P.S.-მა გაარკვია, რომ რუსულიენოვანი ქართული არხის შექმნის იდეა სახლემწიფო მინისტრს პაატა ზაქარეიშვილს ეკუთვნის. Читать дальше...

მიუნხენის 2016 წლის უსაფრთხოების კონფერენციაზე უკრაინის ტერიტორიაზე რუსეთის მიერ განხორციელებული ძალადობა მთავარი თემა იყო. როგორ შეაფასეს, რუსეთის პრემიერისა და უკრაინის პრეზიდენტის გამოსვლები ანალიტიკოსებმა და მთავრობის წარმომადგენლებმა მათ სპეციალურად გადაცემა P.S.-სთვის თამარ ნუცუბიძე ესაუბრა. 

12 დღიან შუალედში ფემიციდის სამი შემთხვევა მოხდა, რამაც გასული წლების ფემიციდის სტატისტიკა კიდევ უფრო დაამძიმა. შინაგან საქმეთა სამინისტროში აცხადებენ, რომ ოჯახურ ძალადობასთან ბრძოლა მათთვის პრიორიტეტულია და დასტურად ოჯახში ძალადობის საწინააღმდეგო კამპანიის ფარგლებში მოსახლეობასთან ჩატარებული 2 182 შეხვედრა და შემაკავებელი ორდერებისა და დევნის დაწყების გაზრდილი მონაცემები მოჰყავთ.

თურქეთმა სირიაში ქურთების პოზიციებს ცეცხლი გაუხსნა. ადგილობრივი დამკვირვებლების განცხადებით დაღუპულია 2 მებრძოლი. ანკარამ სირიელი ქურთებს ქალაქ ალეპოს ჩრდილოეთით დაკავებული ტერიტორიების, მათ შორის მენაჰის საჰაერო ბაზის დატოვება არაერთხელ მოსთხოვა და საჭიროების შემთხვევაში მათ წინააღმდეგ სამხედრო ოპერაციის ჩატარება არ გამორიცხა.

მიუნჰენის უსაფრთხოების 52-ე კონფერენცია დასრულდა. კოფერენციაზე და ორმხრივ შეხვედრებზე კომენტარები გააკეთეს მინისტრებმა. საქართველოს საგარეო საქმეთა მინისტრის მიხეილ ჯანელიძის თქმით, ევროპელ კოლეგებთან საუბრის თემა  ევროპული და ევროატლანტიკური ინტეგრაცია იყო.

საქართვველოს პრემიერმინიტრსი გიორგი კვირიკაშვილი მიუნჰენის უსაფრთხოების კონფერენციას აფასებს და აცხადებს, რომ ქართულმა დელეგაციამ გააკეთა ყველაფერი იმისათვის რათა მიუნჰენის უსაფრთხოების კონფერენციაზე გახმოვანებულიყო ყველა საჭირო  გზავნილი.

რუსეთის პოლიტიკა მიუნჰენის კონფერენციაზე ჯონ მაკკეინმაც გააკრიტიკა. ამერიკელი სენატორი აცხადებს, რომ ვლადიმერ პუტინს არ სურს დასავლეთთან პარტნიორობა და სირიაში ომის დასრულება.

ბარაკ ობამამ ვლადიმერ პუტინთან სირიასა და უკრაინაში არსებული ვითარება განიხილა. კრემლის ინფორმაციით, სატელეფონო საუბარი თეთრი სახლის ინიციატივით შედგა, თუმცა ობამას ადმინისტრაციას საუბრის შესახებ ინფორმაცია არ გაუვრცელებია.

საქართველოს თავდაცვის მინისტრისა და ნატო-ს ტრანსფორმაციის გაერთიანებული სარდლობის ხელმძღვანელს შორის გამართული შეხვედრა ნატო-საქართველოს თანამშრომლობაზე მსჯელობას დაეთმო. მიუნხენის უსაფრთხოების კონფერენციის ფარგლებში თინა ხიდაშელმა და ფრანგმა გენერალმა დენის მერსიემ სხვა თემებთან ერთად უელსის სამიტზე საქართველოსთვის მინიჭებული არსებითი პაკეტის იმპლემენტაციის პროცესი და ამ ეტაპზე მიღწეული შედეგები განიხილეს.

თინა ხიდაშელი შეხვდა ავღანეთში მიმდინარე მტკიცე მხარდაჭერის მისიის მომავალი მეთაურსაც... Читать дальше...

ბათუმის ბულვარის მიმდებარე ტერიტორიაზე 60 წლამდე მამაკაცის ცხედარი იპოვეს. გარდაცვლილის ახლობლებმა ის უკვე ამოიცნეს. 

GWP ქართველიშვილის ქუჩაზე მცხოვრებ მოსახლეობას პასუხობს და აცხადებს, რომ კომპანია მზად არის გზის საფარი პირვანდელი სახით აღადგინოს, თუმცა მოსახლეობის სხვა მოთხოვნას ვერ დააკმაყოფილებს.

თელავში გაზის ტარიფის ზრდის შეჩერების მოთხოვნით ნაციონალურმა მოძრაობამ ხელმოწერების შეგროვება სოფელ აკურადან დაიწყო. პარტიის კახეთის რეგიონული ორგანიზაციის ხელმძღვანელი პირები ადგილობრივებს შეხვდნენ. მოსახლეობის ნაწილი ხელისუფლებას დანაპირების შეუსრულებლობაში ადანაშაულებს და აცხადებს, რომ გაზრდილი გადასახადის გადახდას ვერ შეძლებს. დაახლოებით 7 ათასამდე აბონენტს აპირილიდან ტარიფი 11 თეთრით უძვირდება.

რამდენიმე წუთის წინ ქართული დელეგაციის ხელმძღვანელმა გიორგი კვირიკაშვილმა მიუნჰენში გამართული შეხვედრები და სიტყვით გამოსვლები შეაფასა. საქართველოს პრემიერმინისტრის ინფორმაციით, ცნობილი ხდება ჰააგის პროკურორის - ფატუ ბენსუდას ჯგუფს თბილისში ჩამოსვლის თარიღიც-ევროპიდან გამომძიებლებს საქართველოში 27 თებერვალს ელოდებიან. 

მიუნხენში მყოფი საქართველოს ყოფილი პრეზინდეტი საქართველოსთან მიმართებაში შეფასებებს აკეთებს. მიხეილ სააკაშვილის თქმით, საერთშორისო პოზიციების თვალსაზრისით ქვეყანა ახლა "თავისუფალ ვარდნაშია," რასაც სერიოზული შედეგები შეიძლება მოჰყვეს. ოდესის გუნერნატორი ჰააგის სასამართლოს მიერ მიმდინარე გამოძიებაზეც საუბრობს და აცხადებს, რომ საქართველომ საკუთარი პოზიციების დაცვა უნდა შეძლოს.

ძლიერი მიწისძვრა ახალ ზელანდიაში. 5.7 მაგნიტუდის სიძლიერის მიწისძვრა ქვეყნის სამხრეთ–აღმოსავლეთ რეგიონში დაფიქსირდა. ეპიცენტრი ქალაქ ქრაისტ–ჩერჩიდან 15 კილომეტრის დაშორებით მდებარეობდა.

მსხვერპლი მოჰყვა ჯაჭვურ ავარიას პენსილვანიის შტატში. ამინდის გაუარესების შედეგად ერთმანეთს 50–მდე ავტომანქანა შეეჯახა, რასაც ჩქაროსნული მაგისტრალის ბლოკირება მოჰყვა.

უკრაინელმა აქტივისტებმა რუსულ სატვირთო მანქანებს გზა ჩაუკეტეს. ისინი ბელარუსისკენ მიმავალ მანქანებს, რომლებსაც რუსული სანომრე ნიშნები აქვთ, გზაზე არ ატარებენ. გავრცელებული ინფრომაციით, როვნეს ოლქში ათობით ტრაილერია ბლოკირებული. აქცია მემარჯვენე სექტორის მიერაა დაგეგმილი, რომელიც უკრაინის ხელისუფლებისგან რუსეთთან ვაჭრობის შეწყვეტას მოითხვს.

გერმანიაში ქალაქ ბილეფელდთან ახლოს მდებარე თავშესაფარში 70-მდე ქართველი დეპორტაციის მოლოდინშია, მათ შორის არიან ბავშვებიც, რომელთაგაც ერთ-ერთი 2 თვის ჩვილია.

ნაციონალური მოძრაობის ლიდერები დღეს ციხისძირში ისევ შეიკრიბნენ, სადაც ხეების გადატანის სამუშაოები ბიძინა ივანიშვილის მისვლის შემდეგ შეჩერებულია. ნაციონალური მოძრაობის ერთ-ერთი ლიდერის ნუგზარ წიკლაურის თქმით, ციხისძირის სამუშაოები შეჩერებულია ნაციონალური მოძრაობის აქტივისტების მიერ.

"საქართველოში დაურეგისტრირებელი მიწა არ ნიშნავს უპატრონო მიწას" - ეს განცხადება დღეს გამართულ ბრიფინგზე თავისუფალმა დემოკრატებმა გააკეთეს. ისინი მთავრობის მიერ პარლამენტში წარდგენილ "საჯარო რეესტრის შესახებ" კანონპროექტს ეწინააღმდეგებიან და აცხადებენ, რომ კანონის მიღების შემხვევაში საქართველოს 400 ათასზე მეტ მოქალაქეს ხელუსუფლება მიწას ჩამოართმევს. თავისუფალი დემოკრატები მოუწოდებენ ხელისუფლებას განახორციელოს მიწის რეფორმა, რომელშიც პრიორიტეტი მოქალაქე და მისი საკუთრების უფლება იქნება.