Новости за 06.07.2021

ბელარუსის უზენაესმა სასამართლომ კორუფციაში დამნაშავედ ცნო და 14 წლით პატიმრობა მიუსაჯა პრეზიდენტობის ყოფილ პრეტენდენტს, ვიქტარ ბაბარიკას, რომელიც თავის ვაჟ ედუარდთან ერთად შარშან ივნისში დააპატიმრეს მას მერე, რაც ქვეყნის ერთ-ერთი უმსხვილესი „ბელგაზპრომბანკის“ ყოფილმა ხელმძღვანელმა საპრეზიდენტო არჩევნებში მონაწილეობის მიღება გადაწყვიტა. ბელარუსში მალე დაიწყება სასამართლო პროცესი ოპოზიციის საკოორდინაციო საბჭოს წევრ მარია კალესნიკავას წინააღმდეგ, რომელსაც სახელმწიფო ხელისუფლების ხელში ჩაგდების მცდელობისთვის... Читать дальше...

პარლამენტში დაიწყო პროცესი, რომელიც, საერთაშორისო პარტნიორების შეფასებით, პირდაპირ ეწინააღმდეგება ხელისუფლებისა და ოპოზიციის ნაწილის  მიერ 19 აპრილს ხელმოწერილ „შარლ მიშელის შეთანხმებას“.

50-ზე მეტი ჟურნალისტი დაშავდა 5 ივლისს განვითარებული მოვლენების შედეგად.

შევეცდები აღვწერო, თუ რა ვნახე და რა მოვისმინე 5 ივლისს, ძალადობრივი ჯგუფების მიერ მოწყობილი ბაკქანალიის გაშუქებისას. ტექსტი სავსეა ფრაზებით, რომლებსაც, როგორც წესი, საიტზე არ ვაქვეყნებთ ხოლმე. მათ შორისაა შეურაცხმყოფელი და დამამცირებელი გამონათქვამები სექსუალური უმცირესობების მიმართ, მოწოდებები ძალადობისკენ და, ზოგადად უხამსი ლექსიკა. ალბათ ზედმეტია იმის აღნიშვნა, რომ ავტორისთვისაც და, ზოგადად, ყველა წესიერი ადამიანისთვის გულისამრევია ამ ფრაზების მოსმენაც და გამეორებაც. უსიამოვნო წასაკითხია და, თუ მსგავს რამეებს ერიდებით... Читать дальше...

მესაქონლეობის ფერმა, რომელიც 9 წლის წინ შეიქმნა და  მერძეული მიმართულებით მუშაობდა, იხურება. ლაპარაკია, დაახლოებით, 8-მილიონიან ინვესტიციაზე, სადაც სახელმწიფო დაფინანსებაც არის ჩადებული.  კონკრეტულად რამ შექმნა პრობლემა და რა მოთხოვნა აქვთ სახელმწიფოს მიმართ? საქართველოში რძის პროდუქტების მწარმოებელი ერთ-ერთი დიდი კომპანია „შირაქის“ მესაქონლეობის ფერმა იხურება.  ფერმის მფლობელი ნიკოლოზ ბენიაიძე რადიო თავისუფლებასთან იმ მიზეზებზე ლაპარაკობს, რის გამოც იძულებული გახდა მაღალპროდუქტიული მერძეული  ფერმის დახურვის გადაწყვეტილება მიეღო. Читать дальше...

პარლამენტის წევრი, თამარ კორძაია ქართველ პოლიტიკოსებს მიმართავს: "მე მაქვს ერთი ძალიან მკაფიო გზავნილი ჩემი კოლეგების მიმართ - სანამ ნებისმიერ უმცირესობაზე ენის მოჩლექით ვილაპარაკებთ და სიტყვებს „გეი“ ან „ლესბოსელი“ თამამად ვერ ვიტყვით პოლიტიკოსები, უარესი შედეგები გვექნება".

"ლელო საქართველოსთვის" პოლიტსაბჭოს წევრი, თაზო დათუნაშვილი თვლის, რომ "ხელისუფლებამ ლეგიტიმური გახადა ჟურნალისტებზე თავდასხმა, ადამიანების მიმართ აგრესია". მისი შეფასებით, "გუშინ ღარიბაშვილმა "ქართული ოცნება" და ხელისუფლება დააპოზიციონირა მოძალადეების მხარეს, როგორც გამარჯვებული".

"სტრატეგია აღმაშენებლის" პოლიტსაბჭოს წევრი, სერგო ჩიხლაძე 5 ივლისის მოვლენებს ეხმაურება - "რეალურად პრაიდის საწინააღმდეგოდ კი არ შეიკრიბა ეს ხალხი, ეს იყო დაორგანიზებული ჯგუფი და საბოლოოდ ყველაფერი ანტიდასავლურ ისტერიაში გადავიდა". ის თვლის, რომ "ერთადერთი გამოსავალი არის ოქტომბრის არჩევნები".

ალიაქსანდრ ლუკაშენკამ ბელარუსის მთავრობას დაავალა, შეზღუდოს გერმანიიდან რუსეთსა და ჩინეთში მიმავალი საქონლის ტრანზიტი. ამის შესახებ მან განაცხადა თათბირზე, რომელიც სანქციებით გათვალისწინებული ზომების წინაღმდეგ მოქმედებას ეხებოდა, იტყობინება სააგენტო BelTA. ბელარუსის ლიდერი ამგვარად ცდილობს აჩვენოს ევროპის ქვეყნებს, „რა არის ბელარუსი“ და აიძულოს ისინი, დაფიქრდნენ „მანამდე, სანამ ეკონომიკურ იარაღს მოჰკიდებდნენ ხელს“. „ჩვენ ვიცნობთ მათ. ჩვენ გამოცდილება გვაქვს. გახსოვთ Skoda, Nivea და ა.შ.? ჩვენ მათ ვუთხარით: ბიჭებო, გმადლობთ, ნახვამდის. Читать дальше...

ჯანდაცვის მინისტრის მოადგილის თამარ გაბუნიას განცხადებით, კორონავირუსის „დელტა შტამის“ 5 საეჭვო შემთხვევაზე ამჟამად კვლევა მიმდინარეობს. მისი სიტყვებით, არის ალბათობა, რომ საქართველოში ეს შტამი 10-დან 20 %-მდეა გავრცელებული. ეს განცხადება თამარ გაბუნიამ მთავრობის ადმინისტრაციაში გამართული საკოორდინაციო საბჭოს სხდომის დასრულების შემდეგ მედიასთან საუბარში გააკეთა. „დელტა შტამი“, ე.წ ინდური შტამი, როგორც ეს ცნობილია საზოგადოებაში, ქვეყანაში ჯამურად არის 52 დადასტურებული სულ, მთელი პერიოდის განმავლობაში. Читать дальше...

5 ივლისს, რუსთაველის გამზირზე, ძალადობრივი ჯგუფების ჟურნალისტებზე თავდასხმის ერთ-ერთი ყველაზე მძაფრი კადრი ე.წ. მინი მოპედზე შემომჯდარი კაცია, რომელიც მიზანმიმართულად ცდილობს მოპედი ჟურნალისტებს და ოპერატორებს დააჯახოს. ის რამდენჯერმე მიემართება იმ ადგილისკენ, სადაც ჟურნალისტები დგანან. რომ არა კოლეგის სისწრაფე, რომელმაც ტელეკომპანია რუსთავი 2-ის ჟურნალისტი თამარ თათარაშვილი მოძალადეს მოარიდა, თამარს მოპედი ზურგიდან შეეჯახებოდა. შსს-ს განცხადების თანახმად, 6 ივლისს დაკავებული სამი პირიდან ერთ-ერთი, სწორედ მინი მოპედის მძღოლია. Читать дальше...

კამჩატკაში დაბა პალანიდან ოთხ კილომეტრზე აღმოაჩინეს სამშაბათს გაუჩინარებული სამგზავრო თვითმფრინავის, ან-26-ის ნამსხვრევები. თვითმფრინავი პეტროპავლოვსკ-კამჩატსკიდან მოფრინავდა პალანში.   წინასწარი მონაცემებით, თვითმფრინავი დაჯდომისთვის მზადებისას მიწაყრილს შეეჯახა ცუდი ხილვადობის პირობებში. კატასტროფაში არავინ გადარჩენილა. მასში იმყოფებოდა 22 მგზავრი, მათ შორის ერთი ბავშვი და ეკიპაჟის 6 წევრი. 6 ივლისს დილით თვითმფრინავმა შეწყვიტა კავშირზე გამოსვლა და დაჯდომის მანევრისას გაქრა რადარებიდან. ... Читать дальше...

ისრაელის პარლამენტმა 2003 წლის შემდეგ პირველად ვერ შეძლო გაეგრძელებინა მოქალაქეობის შესახებ სადავო კანონის მოქმედება. კანონი ნებას არ აძლევს პალესტინელებს, რომლებიც მდინარე იორდანეს დასავლეთ ნაპირზე და ღაზის სექტორში ცხოვრობენ და ქორწინებაში არიან ისრაელის მოქალაქეებთან, ავტომატურად ჰქონდეთ პრეტენზია ისრაელის პასპორტის მიღებაზე. დებატების შემდეგ, რომელიც წუხელ გვიან ღამემდე გაგრძელდა, დოკუმენტმა მომხრეთა და მოწინააღმდეგეთა თანაბარი რაოდენობის ხმები მიიღო. თავი შეიკავა ორმა დეპუტატმა „გაერთიანებული არაბული სიიდან“... Читать дальше...

გუშინ დაკავებულ პირს სასამართლომ 3-დღიანი პატიმრობა შეუფარდა. ჯერ სასამართლომ ადმინისტრაციული წესით დაკავებული 8 პირიდან მხოლოდ ერთის საქმეზე იმსჯელა. პაატა გურჩიანის პატიმრობის განჩინება მოსამართლემ რამდენიმე წუთის წინ გამოაცხადა. მას პოლიცია დაუმორჩილებლობას და ხულიგნობას ედავებოდა. შსს-ს ცნობით, ძალადობის მსხვერპლი გახდა 55 ადამიანი, მათგან 53 მედიის წარმომადგენელია. პოლიციამ ძალადობის ფაქტებში მონაწილე 8 პირი დააკავა ადმინისტრაციული წესით. არ კონკრეტდება, რომელ ინციდენტებში მონაწილეობდნენ დაკავებული პირები. Читать дальше...

ჯანდაცვის მინისტრის მოადგილის, თამარ გაბუნიას თქმით, თუ მოქალაქე ვერ ახერხებს ვაქცინაციაზე რეგისტრაციას სპეციალურ ვებგვერდზე, მას შეუძლია ამცრელ კლინიკაში მივიდეს და ისე დარეგისტრირდეს. სიახლეების შესახებ გაბუნიამ საკოორდინაციო საბჭოს სხდომის შემდეგ ისაუბრა. "ეს გზა რიგების თავიდან აცილების მიზნით ნაკლებად სასურველია, მაგრამ თუ მოქალაქე სხვაგვარად ვერ ხვდება ვაქცინაციის პროგრამაში და მას სჭირდება დახმარება, ესეც შესაძლებელია", - განაცხადა გაბუნიამ. მან კიდევ ერთი სიახლის შესახებ ისაუბრა. ხანდაზმულ ან ქრონიკული დაავადებების მქონე პირებს... Читать дальше...

წუხელ რუსეთში კორონავირუსისგან გარდაიცვალა 737 ადამიანი, რაც პანდემიის განმავლობაში ერთ დღე-ღამეში სიკვდილიანობის ყველაზე მაღალი მაჩვენებელია. რუსეთის ფედერალური ოპერატიული შტაბის თანახმად, ყველაზე მეტი ადამიანი გარდაიცვალა მოსკოვში, შემდეგ - სანქტ-პეტერბურგში. მაგრამ სხვა დიდ ქალაქებში კორონავირუსით გარდაცვალების მაჩვენებელი საგრძნობლად მცირეა. პანდემიის განმავლობაში, COVID-19-ის დიაგნოზით 140 000 ადამიანი გარდაიცვალა. ამასთან, რუსეთის ფედერალური ოპერატიული შტაბის დათვლის მეთოდიკა განსხვავდება რუსეთის სტატისტიკის სამსახურისგან... Читать дальше...

საქართველოს პარლამენტის თავმჯდომარე, კახა კუჭავა მიიჩნევს, რომ არ შეიძლება იმ ძალადობრივი ქმედებების გამართლება, რომლებიც 5 ივლისს განვითარდა თბილისში. „არანაირი მაგრამ“, - განაცხადა კახა კუჭავამ, რომლის თქმითაც, მით უმეტეს მიუღებელია რელიგიის სახელით განხორციელებული ძალადობა: „ჩვენ ისტორიულად, ქვეყანას გვაერთიანებს სიყვარული და ჩვენი რელიგია, რომელიც მოგვიწოდებს მხოლოდ ერთმანეთის პატივისცემას. ის, რაც ჩვენ გუშინ ვიხილეთ, მით უმეტეს, რელიგიის სახელით განხორციელებული ქმედებები, უბრალოდ მიუღებელია. Читать дальше...

კორუფციის საქმეზე ბრალდებული ავსტრიის ყოფილი ვიცე-კანცლერი და ულტრამემარჯვენე პარტია თავისუფლების ლიდერი, ჰაინც-ქრისტიან შტრახე, 6 ივლისს სასამართლოს წინაშე წარდგება. ამ საქმის გარშემო აგორებულ სკანდალს 2019 წელს სამთავრობო კოალიციის დაშლა მოჰყვა. პოლიტიკური კრიზისი ავსტრიაში დაიწყო მას შემდეგ, როცა გამოქვეყნდა 2017 წელს გადაღებული ვიდეო, რომელზეც სავარაუდოდ ჩანს როგორ სთავაზობს ჰაინც-ქრისტიან შტრახე პოტენციურ რუს ქველმოქმედს სამთავრობო კონტრაქტებს პოლიტიკური შეწირულებების სანაცვლოდ. შხვედრა... Читать дальше...

საქართველოს რამდენიმე რეგიონში მედიის წარმომადგენლების სოლიდარობის აქცია გაიმართა, 5 ივლისს თბილისში განვითარებული მოვლენების დროს ძალადობის მსხვერპლი ჟურნალისტების, ოპერატორებისა და ფოტოგრაფების მხარდასაჭერად. „არა ძალადობას, მოგვეცით მუშაობის საშუალება!“ - ამ ლოზუნგით, ქუთაისში, იმერეთის რეგიონში მომუშავე მედიასაშუალებების, არასამთავრობო ორგანიზაციებისა და ოპოზიციური პარტიების ნაწილი შეიკრიბნენ. გორში სამხარეო პოლიციის დეპარტამენტთან ჟურნალისტებმა და სამოქალაქო აქტივისტებმა მოძალადეების... Читать дальше...

კამჩატკაში აღმოაჩინეს გაუჩინარებული სამგზავრო თვითმფრინავის სავარაუდო ჩამოვარდნის ადგილი. სააგენტო რია ნოვოსტის თანახმად, თვითმფრინავი ზღვაში ჩავარდა. „დაფიქსირდა ძალიან სუსტი რადიოსიგნალი. სავარაუდოდ, ეს უნდა იყოს გაუჩინარებული ან-26-ის საბორტო ჩამწერის რადიოსიგნალი, რომლის გააქტიურება თვითმფრინავის კატასტროფის დროს ხდება“, - ამის შესახებ საგანგებო სამსახურის წარმომადგენელმა სააგენტოს განუცხადა. გაუჩინარებული სამგზავრო თვითმფრინავი პეტროპავლოვსკ-კამჩატკიდან დაბა პალანისკენ მიფრინავდა. თვითმფრინავში 22 მგზავრი... Читать дальше...

მთავრობა გეგმავს, რომ ბიუჯეტის ფულით იმ ოჯახებს, რომლებსაც ახალშობილები ეყოლებათ, სესხის პროცენტი დაუფაროს. რამდენიმე დღის წინ პრემიერ ირაკლი ღარიბაშვილის გაჟღერებული პროგრამის დეტალებზე ეკონომიკის მინისტრმა ნათია თურნავამ "ეკონომიკის 10-წლიანი გეგმის" წარდგენის დროს ისაუბრა. თურნავას თქმით, სახელმწიფო გეგმავს, ოჯახებს პირველი ან მეორე შვილის გაჩენის შემთხვევაში სესხის სრული პროცენტიდან 6 პროცენტი დაუფინანსოს, მესამე ან ყოველი შემდეგი შვილის შემთხვევაში კი - 8 პროცენტი. "პროგრამა „აწარმოე საქართველოში“... Читать дальше...

გერმანიამ ვიზები მისცა იმ 2400 ადგილობრივ ავღანელ თანამშრომელსა და მათი ოჯახის წევრებს, რომლებიც ავღანეთში დისლოცირებულ გერმანულ ქვედანაყოფს დახმარებას უწევდნენ და ეძებენ დაცვას მას შემდეგ, რაც კოალიციური ძალების გასვლის შემდეგ დაჯგუფება თალიბანი კონტროლს ქვეყნის სულ უფრო მეტ ტერიტორიაზე ამყარებს. გერმანიის თავდაცვის მინისტრმა, ანეგრეტ კრამპ-კარენბაუერმა, ჯერ კიდევ აპრილში განაცხადა, რომ გერმანია „ძალიან არის ვალდებული“, არ დატოვოს ღვთის ანაბარად ის ადგილობრივი მცხოვრებლები, რომლებიც გერმანელ სამხედროებს საკუთარი რისკის ფასად ეხმარებოდნენ. Читать дальше...

საქართველოს პრემიერ-მინისტრი, ირაკლი ღარიბაშვილი ამბობს, რომ მისთვის კატეგორიულად მიუღებელია ძალადობა, რომელიც 5 ივლისს განხორციელდა ჟურნალისტებზე. მედიასთან კომენტარში ირაკლი ღარიბაშვილმა თქვა, რომ დაისჯება ყველა პირი, ვინც ჟურნალისტებზე იძალადა: „მინდა პირველ რიგში, გითხრათ, რომ ჩემთვის, რა თქმა უნდა, ყოვლად მიუღებელია ის ძალადობა, რაც ჩვენ გუშინ ვიხილეთ და მე მინდა საჯაროდ ეს ფაქტი დავგმო. კატეგორიულად მიუღებელია ის, რაც მოხდა გუშინ. ჟურნალისტებზე, თქვენზე ძალადობა არის მიუღებელი და, რა თქმა უნდა, ეს არის დასაგმობი. Читать дальше...

ბელარუსის სასამართლომ კორუფციაში დამნაშავედ მიიჩნია და 14 წლით პატიმრობა მიუსაჯა პრეზიდენტობის ყოფილ პრეტენდენტს, Belgazprombank-ის ყოფილი ხელმძღვანელს, ვიქტარ ბაბარიკას, რომელიც განაჩენს პოლიტიკურად მოტივირებულ ფაბრიკაციას უწოდებს. ბაბარიკამ შარშან დაპატიმრების გამო ვერ მოახერხა პრეზიდენტობის კანდიდატად დარეგისტრირება და არჩევნებში მონაწილეობა. ვიქტარ ბაბარიკასთან ერთად კიდევ ექვს პირს ედება ბრალი ფინანსურ მაქინაციებში. პროკურორმა ბაბარიკასთვის 15 წლით, დანარჩენებისთვის კი 3-დან 5 წლამდე პატიმრობა მითხოვა. Читать дальше...

პარლამენტის უმრავლესობის წევრი და იურიდიული კომიტეტის თავმჯდომარე, ანრი ოხანაშვილი პოლიციას 5 ივლისს მოქმედებისთვის მადლობას უხდის. ოხანაშვილის კომენტარს პარლამენტის პრესსამსახური ავრცელებს. "იმ ყველაფერს, რაც ჩვენ გუშინ ვიხილეთ არაფერი ჰქონდა საერთო არც ეკლესიასთან და არც ქართულ ტრადიციებთან. რა თქმა უნდა, დიდი მადლობა პოლიციას იმ შრომისთვის, რომელიც მათ გასწიეს იმისთვის, რომ დაეცვათ თითოეული ჟურნალისტი, თუ თითოეული მოქალაქე", - განაცხადა ანრი ოხანაშვილმა. გუშინ "ღირსების მარშის" გასაპროტესტებლად... Читать дальше...