Новости за 01.06.2021

პარტია „საქართველოსთვის" ლიდერის გიორგი გახარიას შეფასებას თბილისის მერის კახა კალაძის მიმართ, თავად კალაძე გამოეხმაურა „პირველ არხთან" ინტერვიუში.  „იგივე თუნდაც გახარიას გუშინდელი განცხადება ჩემთან მიმართებით ბევრმა გაიკვირვა, რადგან ეს არ არის ერთგვარი პრაქტიკა, ვინაიდან თუ ოპონენტია, აუცილებლად მას უნდა გადაუარო, რაც არ უნდა კარგი ჰქონდეს გაკეთებული, შეურაცხყოფა მიაყენო და ა.შ. მე ზოგადად გამიხარდება, რაც უფრო ბევრი ახალი სახე შემოვა პოლიტიკაში. არ არსებობს ნორმალური პოლემიკა პარტიებს შორის... Читать дальше...

რუსეთის ოპოზიციონერი პოლიტიკოსი დმიტრი გუდკოვი ჩხრეკის შემდეგ დააკავეს. ის ეჭვმიტანილია სისხლის სამართლის დანაშაულში მუხლით „ქონებრივი ზიანის მიყენება მოტყუების ან ნდობის ბოროტად გამოყენების გზით.“ ის წინასწარი დაკავების საკანში დარჩება, სანამ სასამართლო გადაწყვეტს სასჯელის ზომას. სისხლის სამართლის კოდექსის ამ მუხლით გუდკოვს ხუთ წლამდე თავისუფლების აღკვეთა ემუქრება. ამავე დანაშაულის ეჭვის გამო დააკავეს პოლიტიკოსის დეიდა, ირინა ერმილოვაც. მედიის ინფორმაციით, საქმე აღძრეს ვალის გადაუხდელობის გამო... Читать дальше...

ეპიდემიოლოგიური მდგომარეობა და ვაქცინაციის პროცესი საქართველოში „სინოფარმის შემდეგ“ ჯანდაცვის მსოფლიო ორგანიზაციამ ახლა უკვე „სინოფარმის“ ვაქცინასაც მისცა ავტორიზაცია საგანგებო მოხმარებისთვის. ჯანდაცვის მსოფლიო ორგანიზაციის სტრატეგიული საკონსულტაციო ექსპერტთა ჯგუფმა (SAGE) „სინოვაკის“ მწარმოებლისგან გამოთხოვილი დამატებითი დოკუმენტაციის ნიადაგზე დაასკვნა, რომ ვაქცინას საკმარისი ეფექტიანობა აქვს ადამიანის ვირუსისგან დასაცავად. გუშინ ქვეყანაში კიდევ ერთხელ შეიცვალა ეპიდემიოლოგიური სურათი. საქართველოში... Читать дальше...

სამხრეთ ოსეთის დე ფაქტო პარლამენტი განიხილავს, სირიაში სახალხო საბჭოსთან თანამშრომლობის კომისიის შექმნას. ამასთან დამასკოში  ოკუპირებული რეგიონის საელჩოს გახსნა იგეგმება. ამის შესახებ სააგენტო „რესს“ დე ფაქტო პარლამენტის თავმჯდომარემ ალან ტადტაევმა განუცხადა. ოკუპირებული რეგიონის ე.წ საპარლამენტო დელეგაცია სპიკერის ხელმძღვანელობით ოფიციალური ვიზიტით 24 მაისს დამასკოში ჩავიდა, სადაც მონაწილეობა მიიღო 26 მაისს ჩატარებულ საპრეზიდენტო არჩევნებში, როგორც საერთაშორისო დამკვირვებლებმა. როგორც ტადტაევმა განაცხადა... Читать дальше...

თურქეთში ოფიციალური ვიზიტით მყოფმა საქართველოს პრემიერ-მინისტრმა ირაკლი ღარიბაშვილმა ანკარაში თურქეთის პრეზიდენტ რეჯეპ ტაიპ ერდოანთან ერთად პრესკონფერენცია გამართა. ღარიბაშვილმა ერდოანი საქართველოში მოიწვია. „ჩვენ ვართ მზად, რომ ძალიან აქტიურად ვიმუშაოთ, ვითანამშრომლოთ და ძალიან ბევრი პროექტი განვახორციელოთ ერთად,  - ამის თქვა პრემიერმა. როგორც ის აღნშნავს, საუბრის ერთ-ერთი თემა იყო ოკუპაცია. „რა თქმა უნა, მშვიდობას ალტერნატივა არ აქვს. ყველა კონფლიქტი უნდა გადაწყდეს მშვიდობიანი გზით. ამ ოპტიმიზმით... Читать дальше...

მმართველი პარტიის ცენტრალურ ოფისში საპარლამენტო უმრავლესობის სხდომა გაიმართა. „ქართული ოცნების" პრესსამსახურის ცნობით, მათ განიხილეს მიმდინარე პოლიტიკურ თემები, მომდევნო სასესიო კვირის და ადგილობრივი თვითმმართველობის არჩევნებთან დაკავშირებული საკითხები. ფრაქცია „ქართული ოცნების" თავმჯდომარემ მამუკა მდინარაძემ სხდომის შემდეგ თქვა, რომ „ქართული ოცნება" მონაწილეობას მიიღებს „მთავარი არხისა" და „TV პირველის" კონკრეტული ფორმატის გადაცემებში.  „წინა დღეების განმავლობაში ორი ტელეკომპანიის მხრიდან იყო გამოთქმული ინიციატივა იმის შესახებ... Читать дальше...

აშშ-ის პრეზიდენტი ჯო ბაიდენი სამშაბათს მოინახულებს ასობით შავკანიანი ამერიკელის სიკვდილის ადგილს გრინვუდში, ოკლაჰომის შტატის ქალაქ ტალსის რაიონში. დღეს, სისხლისღვრის მეასე წლისთავზე, აქ რასობრივი უთანასწორობის მსხვერპლთ იხსენებენ. ბაიდენი აშშ-ის პირველი მოქმედი პრეზიდენტია, რომელიც ოფიციალურად ჩავიდა ტალსაში, რათა პატივი მიაგოს დაღუპულ აფრიკელ ამერიკელებს. როგორც თეთრი სახლი იტყობინება, ვიზიტის მსვლელობისას პრეზიდენტი გამოაცხადებს უთანასწორობის წინააღმდეგ ბრძოლის თაობაზე ახალი ინიციატივის შესახებ. Читать дальше...

რადიო თავისუფლება ნამახვანჰესის გარშემო დაგროვილ საკითხებზე  ესაუბრა საქართველოს განახლებადი ენერგიების განვითარების ასოციაციის აღმასრულებელ დირექტორს გიორგი აბრამიშვილს - ის ნამახვანჰესის აშენების მომხრეთა რიცხვშია.

ბათუმში, აჭარის ა/რ მთავრობის შენობასთან შეკრებილმა მოქალაქეებმა ავტონომიური რესპუბლიკის მთავრობის წინაშე სხვადასხვა მოთხოვნები დააყენეს. ნაწილი აცხადებდა, რომ მაღალმთიან აჭარაში „კირნათი ჰესის" გამო დაზარალდა და კომპენსაციას ეკუთვნის, ნაწილის თქმით, ავტობანის მშენებლობისას დაზარალდა, ნაწილი კი აღნიშნავს, რომ ჩელტაში ჩაის ფაბრიკაში უკანონოდ შესახლებული უსახლკაროები არიან და სჭირდება საცხოვრისით დაკმაყოფილება. აქციის მონაწილეების თქმით, მათ არაერთხელ მიმართეს წერილობით აჭარის ავტონომიური რესპუბლიკის ხელისუფლებას... Читать дальше...

„ერთიანი ნაციონალური მოძრაობისა" და საქართველოს მესამე პრეზიდენტის მიხეილ სააკაშვილის შესახებ ილაპარაკა ბოდბელმა მთავარეპისკოპოსმა იაკობმა. ის წინააღმდეგია მიხეილ სააკაშვილის დაბრუნების.  მიხეილ სააკაშვილმა მთავარეპისკოპოს იაკობს შემდეგი სიტყვებით მიმართა: „ემანდ ფრთხილად ეგ იარაღი რომლის აღებისკენ მოუწოდებ მთლად იქ არ აღმოგაჩნდეს სადაც მოგეწონებოდა „მეუფე". იმედია ყველა პატრიოტი სასულიერო პირი გაემიჯნება ამ უპრეცედენტოდ სამარცხვინო განცხადებას! მე როგორც საქართველოს ეკლესიის რიგითი შვილი შეურაცხყოფილი... Читать дальше...

პრეზიდენტ ჯო ბაიდენის ადმინისტრაცია აშშ-ის სახელმწიფო დეპარტამენტისა და საერთაშორისო განვითარების სააგენტოსთვის (USAID) 2022 წლის ბიუჯეტიდან მოთხოვნილი თანხიდან საქართველოსთვის სხვადასხვა პროგრამის მეშვეობით სულ მცირე 120 მლნ აშშ დოლარის დახმარების გამოყოფას ითხოვს. სხვა მიმართულებების გარდა, ბიუჯეტის დასაბუთების დოკუმენტის თანახმად, რომელიც 28 მაისს გამოქვეყნდა, საქართველო უცხოური სამხედრო დაფინანსების პროგრამების ერთ-ერთ პრიორიტეტულ მიმღებადაც დასახელდა, როგორც რუსული გავლენების წინააღმდეგ მებრძოლი „ფრონტისპირა ქვეყანა“. Читать дальше...

მეორე განცხადება გაავრცელა შინაგან საქმეთა სამინისტრომ სოფელ საყულიეში ნამახვაანჰესის საწინააღმდეგო აქციების მონაწილის, ირაკლი მუკბანიანის დაკავების დროს განვითარებული მოვლენების შესახებ. შსს-ს განცხადებაში არ არის დადასტურებული ორი მოქალაქის დაჭრის შესახებ გავრცელებული ინფორმაცია. განცხადებაში მხოლოდ გამაფრთხილებელ გასროლაზეა ლაპარაკი. განცხადებაში ვკითხულობთ, რომ „დაკავების დროს პოლიციის თანამშრომლებს წინააღმდეგობა გაუწიეს ადგილობრივმა მცხოვრებლებმა, მოხდა თავდასხმა სამართალდამცველებზე. ადგილობრივებმა... Читать дальше...

ქუთაისის ჭომის დასახლებიდნ რიონის ხეობისკენ სოფელ ჯიმასტაროს გავლის შემდეგ გუმათჰესის დასახლებასთან გზა ორად იყოფა - ერთი მდინარე რიონის მარჯვენა სანაპიროს გასწვრივ მიდის, მეორე საავტომობილო გზა კი მდინარის ჭალას მარცხნიდან მიუყვება. გუმათჰესის დასახლებასთან, რომელიც რამდენიმე წლის წინ შემოუერთდა ქუთაისს, ორ გზასშუა დგას კარავი, მისგან მარჯვნივ კი განთავსებულია „ნამახვანჰესის“ მშენებარე კომპანია „ენკა რინიუებლზის“ პირველი ობიექტი, სასაწყობე ბაზა. მაღალი მესერის მიღმა თუ გადაიხედავთ, დაინახავთ... Читать дальше...

საფრანგეთის პრეზიდენტმა ემანუელ მაკრონმა აზერბაიჯანს მოუწოდა, გაიყვანოს ჯარები „სომხეთის სუვერენული ტერიტორიებიდან“ მას შემდეგ, რაც ახლახან მომხდარი სასაზღვრო ინციდენტების სერიის შემდეგ ერევანსა და ბაქოს შორის კვლავ დაიძაბა ვითარება. 1 ივნისს პარიზში, სომხეთის პრემიერ-მინისტრის მოვალეობის შემსრულებელ ნიკოლ ფაშინიანთან შეხვედრაზე, მაკრონმა ასევე მოუწოდა ორ ქვეყანას, მოლაპარაკებების საფუძველზე მოახდინონ საზღვრების დემარკაცია. რეგიონში დაძაბულობა გაიზარდა მას შემდეგ, რაც გასულ თვეში ერევანმა აზერბაიჯანის... Читать дальше...

საქართველოში ამერიკის საელჩოს წარმომადგენელი, ადამიანის უფლებათა ოფიცერი, საელჩოსთან მოშიმშილე შუქრუთელებს შეხვდა. ერთ-ერთი მოშიმშილე გიორგი ნეფარიძე, რადიო თავისუფლებას ეუბნება, რომ საელჩოს წარმომადგენელმა მათ პროცესში ელჩის, კელი დეგნანის ჩართულობა დაუდასტურა: „ცოტა ხნის წინ გამოვიდა ელჩის წარმომადგენელი ჩვენთან. გვითხრა, რომ ქალბატონი დეგნანი ჩვენს წერილსა და ჩვენს პრობლემას გაეცნო. მან ასევე გვითხრა, რომ ელჩი დაუკავშირდა რამდენიმე უწყებას, მათ შორის, სახალხო დამცველსაც და დაგვიდასტურა, რომ ამ პროცესში ელჩი ჩაერთვება“. Читать дальше...

მინსკელმა სციაპან ლატიპაუმ სასამართლოს სხდომაზე ყელში კალმისტარი შეირჭო. მანამდე მან თქვა, რომ სამართალდამცავი ორგანოები მისი ნათესავების წინააღმდეგ საქმეების აღძვრას დაჰპირდნენ, თუკი ის არ აღიარებს დანაშაულს. ამის შესახებ იტყობინება უფლებადამცველი ცენტრი „ვიასნა“. ლატიპაუს ბრალი ედება განსაკუთრებით მსხვილი მასშტაბის თაღლითობაში, წესრიგის უხეშად დარღვევასა და მილიციისთვის წინააღმდეგობის გაწევაში. ის აქტივისტი იყო ე.წ. „ცვლილებების მოედანზე“ - მინსკის ერთ-ერთ ეზოში, რომელიც 2020 წლის საპრეზიდენტო... Читать дальше...

სოფელ ხურვალეთის სასაფლაოს გვერდით, სამოქალაქო დრონი იმდენად ახლოს მივიდა საოკუპაციო ძალების ორი სამხედროსთან, რომ ცხადად გამოჩნდა მათი ტექნიკაც და საქმიანობაც.

ჯანდაცვის მსოფლიო ორგანიზაციამ ჩინური წარმოშობის „სინოვაკი“ საგანგებო მოხმარებისთვის განათავსა (Emergency Use Listing). ჯანდაცვის მსოფლიო ორგანიზაციის სტრატეგიული საკონსულტაციო ექსპერტთა ჯგუფმა (SAGE) „სინოვაკის“ მწარმოებლისგან გამოთხოვილი დამატებითი დოკუმენტაციის ნიადაგზე დაასკვნა, რომ ვაქცინას საკმარისი ეფექტიანობა აქვს ადამიანის ვირუსისგან დასაცავად. ჯანდაცვის მსოფლიო ორგანიზაციის მიერ ვაქცინის საგანგებო მოხმარებისთვის განთავსება ნიშნავს, რომ ვაქცინის იმპორტის პროცესი მსოფლიოში უფრო სწრაფი იქნება. Читать дальше...

"რა ხდება ნინოწმინდის პანსიონში?" - ამ სახელწოდების აქციას მთავრობის ადმინისტრაციასთან სამოქალაქო აქტივისტები და მოქალაქეები მართავენ. აქციის მონაწილეები მოითხოვენ მთავრობის რეაგირებას, რომ მიეცეს სახალხო დამცველს ამ პანსიონში შესვლის საშუალება. "სახელმწიფომ დაუყოვნებლივ უნდა უზრუნველყოს სახალხო დამცველის ნინოწმინდის ბავშვთა სახლში შესვლა და მონიტორინგის განხორციელება. პარლამენტმა მნიშვნელოვანი როლი უნდა შეასრულოს ამ პრობლემის გადაჭრაში, დააყენოს ეს ამბავი დღის წესრიგში, მოუწოდოს მთავრობას მოქმედებებისკენ... Читать дальше...

თბილისში, ამერიკის საელჩოსთან დაბანაკებულმა შუქრუთელებმა, ელჩ კელი დეგნანს დახმარების თხოვნის წერილი 31 მაისს, საღამოს გაუგზავნეს. მადნის მოპოვებით დაზარალებული შუქრუთელები აშშ-ის ელჩს მათი პრობლემით დაინტერესებას და ხელისუფლებასთან შუამდგომლობას სთხოვენ. როგორც რადიო თავისუფლებისთვის გახდა ცნობილი, ელჩი დეგნანი შუქრუთის მკვიდრთა წერილს, სავარაუდოდ, 2 ივნისს გამოეხმაურება. შუქრუთელების წერილი აშშ-ის ელჩს „ჩვენ, სოფელ შუქრუთის მცხოვრებნი, გწერთ, რათა მოგიყვეთ ჩვენი პრობლემის შესახებ და გთხოვოთ დახმარება. Читать дальше...

შინაგან საქმეთა სამინისტრო „ნამახვანჰესის" მშენებლობის საწინააღმდეგო აქციის მონაწილის დაკავების შესახებ იუწყება. შსს-ს ცნობით, მოსამართლის განჩინების საფუძველზე წყალტუბოს რაიონის სოფელ საყულიაში ბრალდებულის სახით დააკავეს 1992 წელს დაბადებული ი. მ. გამოძიების ვერსიით, „ბრალდებული 29 მაისს წყალტუბოს მუნიციპალიტეტის სოფელ გუმათში, „ნამახვანჰესის“ მოწინააღმდეგეთა საპროტესტო აქციაზე, თავს დაესხა და ფიზიკური შეურაცხყოფა მიაყენა სამსახურებრივი მოვალეობის შესრულების პროცესში მყოფ პოლიციის თანამშრომელს. Читать дальше...

გერმანია და აშშ ვაშინგტონში მოლაპარაკებებს მართავენ გაზსადენ „ჩრდილოეთის ნაკადი 2“-ის თაობაზე, განაცხადა გერმანიის საგარეო საქმეთა მინისტრმა ჰაიკო მაასმა 1 ივნისს. მას დეტალებზე არ ულაპარაკია. „იმედი მაქვს, რომ გამოვნახავთ გზას, თუმცა ეს ნამდვილად არ იქნება იოლი და, შესაძლოა, უცებ არ მოხდეს“, თქვა მან. გაზსადენი, რომლის თითქმის 95% გაყვანილია და შეიძლება სექტემბერში დასრულდეს, ბერლინსა და ვაშინგტონს შორის პოლიტიკური დაპირისპირების საგანი იყო პრეზიდენტ დონალდ ტრამპის მმართველობის პერიოდში. მას შემდეგ... Читать дальше...

მხოლოდ წელს, ოფიციალური მონაცემებით, ათასობით ლიტრი სადეზინფექციო ხსნარია ფალსიფიცირებული. რადგან სადეზინფექციო ხსნარის პირველადი ნიმუშის შესწავლის შემდეგ ხსნარების ხარისხი აღარ მოწმდება, ძნელია ან თითქმის შეუძლებელი იმის თქმა, საქართველოში წარმოებული ხსნარები გვიცავს თუ არა ბაქტერიებისგან. მხოლოდ წელს სამედიცინო ხსნარის ფალსიფიცირებაზე ოთხი სისხლის სამართლის საქმე აღიძრა. ჯამში, ფალსიფიცირებულია „ათასობით ლიტრი“ სადეზინფექციო ხსნარი, უთხრა ფინანსთა სამინისტროს საგამოძიებო სამსახურმა რადიო თავისუფლებას. Читать дальше...

მინსკში დაკავებული რამან პრატასევიჩისა და რუსეთის მოქალაქე სოფია საპეგას საქმის გამოძიება ბელარუსში ჩატარდება, განაცხადა 1 ივნისს ბელარუსის ავტორიტარმა ლიდერმა ალიაქსანდრ ლუკაშენკამ რუსეთთან თანამშრომლობის საკითხების უწყებაში თათბირზე. ლუკაშენკას თქმით, იმის შესახებ, თუ სად გაიმართება გამოძიება, ის სოჭში ელაპარაკა რუსეთის პრეზიდენტ ვლადიმირ პუტინს. მან დასძინა, რომ მან და პუტინმა ისაუბრეს „ავიაკომპანია Ryanair-ის თვითმფრინავის დაკავებული მგზავრების“ შესახებ, მაგრამ მხოლოდ ცოტა დრო დაუთმეს ამ საკითხს. Читать дальше...

სამაუწყებლო კომპანია „რუსთავი 2“-ზე ბრუნდება ტელეწამყვანი დავით კიკალიშვილი. ინფორმაცია რადიო თავისუფლებას დაუდასტურა თაკო ფხაკაძემ, „რუსთავი 2“-ის მენეჯმენტის წარმომადგენელმა. როგორც ის ამბობს, რომ კიკალიშვილი იქნება „პოსტსკრიპტუმის“ ევროპის კორესპონდენტი და თანაწამყვანი ევროპიდან. გადაცემის ძირითადი წამყვანი იქნება გურამ როგავა. განახლებული პროექტი ეთერში დაახლოებით ორ კვირაში გავა. კიკალიშვილი „რუსთავი 2“-ზე 20 წლის განმავლობაში (2016 წლამდე) იყო კვირის შემაჯამებელი გადაცემის წამყვანი. შემდეგ ის ავსტრიაში გადავიდა საცხოვრებლად.